茶木‧台式休閒餐廳 (康怡廣場北座)

營業中

休息中

今日早左少少收工，拿拿林喺六點前走咗入去『茶、木』坐低，我真係開心可以趕得切叫到下午茶餐。我叫左個最出名嘅台灣牛肉麵加熱黑糖珍珠奶茶。其實茶木係連鎖式餐廳，食物味道嘅質素無論去邊間食、係下午茶時段食、益話係正餐時段食，啲味道都係一樣，所以食下午茶真係好抵。$61 蚊就有碗牛肉麵加黑糖珍珠奶茶。雖然話食物嘅味道跟正價時段冇乜分別，牛肉依然係好林、好有牛肉味，湯底都係夠濃，都係可以當湯咁飲，但係分量就始終都係少咁啲嘅，牛肉只得兩舊，不過放心除此之外面嘅份量都冇乜點少到，都係夠食嘅。至於杯黑糖珍珠奶茶，用咗黑糖黎沖，味道特別香濃，但係，啲珍珠就……好似牛肉嘅份量咁，都係少咁一半！Anyway以咁嘅價錢，肉少咗啲啲、珍珠又少咗啲啲都係非常之抵食嘅

約左朋友係太古睇戲，睇戲之前食個飯廢事睇完出黎就已經差唔多要關門～我地6點幾去到茶木，唔洗排隊！爽～我地3個人叫左3個set，dinner佢有個promo，加30蚊就有白飯+ cake / salad+嘢飲，其實都幾抵既，所以我地都加左～（本身想叫藍莓芝士，點知佢話已經冇曬...sad！）1:酥炸蚵嗲姐係好似炸壕餅咁，上到黎估唔到個壕餅都幾大個炸到金黃色，真係好鬆脆！入面既壕仔都有隻手指公咁既size，配個蚵嗲醬好好吃！而圖中右邊個醬應該係魚露？唔係好清楚，覺得太過鹹了。2:鳳梨鮮果甜酸肉菠蘿好juicy，入面仲有d荔枝，個醬酸酸甜甜好開胃，個肉做得幾出色好嫩，外面炸過有d脆，好吃，但就係份量太小了..有d唔抵食3 ： 三杯雞味道好正宗，雞肉幾嫩，九層塔個味唔多又唔小，啱啱好！好食但都係個句，份量好小，雞肉加埋都冇10舊..每舊雞又唔係大件

今日森仔約咗女朋友仔放工去康怡睇戲，因為剩得一個鐘多少少嘅時間，唯有係康怡入面揀食咩。女朋友又鍾意食台灣嘢，茶木出名穩陣，有主食又有甜品，啱晒一個胃食主食仲有第二個胃食甜品嘅女仔。我哋嗌咗個沙茶大蔥牛小排嘅set，配埋白飯、甜品同嘢飲。牛小排是有骨的，但肉質鬆軟易咬，味道偏咸較濃，汁送飯一流。甜品我地揀咗紅桑子開心果蛋糕，上層係滑滑的mousse cake，一入口平平無奇，但配埋開心果餅底，又少少酸甜味又有口感，上軟下脆飲品就揀咗玫瑰紅茶，茶味較濃亦品嘗到啖啖的玫瑰味，同甜品一齊食簡直係絕配。牛肉麵:e個牛肉麵真係好好食，湯底夠濃牛味，面質俊刀削麵，夠咬口。而牛肉夠林，重牛味，配埋一齊食，令人食唔停口！森仔飲晒d湯添。芒果蜜糖磚:e個係茶木的重點甜品，黎到緊係要必叫。e個食落好鬼正，又有芒果雪糕係面，而麵面焗到好脆口，仲切到一粒粒放反係入面，滿有蜜糖味！nice👍🏼👍🏼👍🏼😆因為甜品係最後先食，所以我叫左後上😂員工就會比e個牌你。到你想上，就比員工。不過，森仔提提你，要早大約20分鐘比佢地準備丫。芒果熱情果梳打：味道一般，較淡淡，芒果味不濃。不過個呂宋芒果肉係真係好正的！額外講講，茶木

星期五約咗個朋友去康山食晏，平時成日都見到好多人排隊，而今次我哋好早就到，11點半開門就入去，所以唔使排隊，坐嘅位置都唔錯，因朋友食晏後要趕返工，所以我哋一坐低就睇餐牌，大家都揀咗食午餐自選套餐，每個套餐$66(另收加一)，有指定前菜(三小碟)，主食(任選一款)，我哋揀咗薑蔥油嫩雞及粟米魚柳，至於飯麵(任選一款)，我哋都揀咗肉燥手作麵，餐飲都揀咗柚子茶，上菜速度夠快，唔需要等好耐。而今次我哋都覺得前菜唔錯，手作湯麵都幾好味，柚子茶唔會太甜，而且又夠大杯，唯一係主食一般，雞肉唔夠嫩，店內環境都算乾淨，職員亦有禮貌，總算係一個食晏嘅好地方。

今日同女朋友岳母去食飯最黎揀左茶木 甘我就第一次黎食呢間 雖然我住附近🤷‍♂️我地叫左兩個午餐同單點左一塊大雞排第一個上茶既係午餐自選套餐豆乳肉排 同 紅燒牛肉手作麵甘因爲第一次叫黎食 所以都唔知岩唔岩甘食到一半 發現旁邊檯張單都同我地一樣叫左呢個餐 但係份野食就唔同既？當時我岳母先食到份『肉排』發現有骨既？再睇下旁邊張檯既餐 唔一樣？好啦 都食左一半 都唔想浪費所以無叫到服務員換餐 甘就繼續食落去第二份午市套餐都黎左 係炸雞排麵呢份餐就無錯啦 仲幾好味既最後等到兩點十分 我份雞排都味到甘我就同服務員反映番啦 佢亦同我去左追餐等到兩點二十分 我就直接叫服務員幫我取消左我自己都做飲食 我個邊都係主賣炸雞我唔明有咩炸雞要炸40幾分鐘？最後我地係套餐叫左兩杯芒果冰沙 係幾好飲既 我個杯飲到最後 發現左一隻蟲？茶木我第一次黎 都會係最後一次 甘既服務 差

今日陪女友出去灣仔拎完野，之後去左海山樓影相，影完就行去太古食野。茶木之前都食過，味道不俗，今次我叫了魯肉炸雞排飯，可能剛行完，好肚餓（所以覺得好似等食物的時間特別長）。魯肉飯真係好好味，只可惜無在台灣食咁平，而炸雞排剛熱騰騰，厚度適中，皮脆肉嫩，而且非常易入口，我個人超鍾意食（不過唔可以食太多，有點熱氣）。女友則叫左一個唔記得叫七色面定彩虹面的東西，我沒有食過，因為有點飽，佢話個面有少少辣，而且面太碎濕濕，唔係長長的面，不過唔同顏色都幾特別。

以連鎖店來講，這間都幾有特色，我最愛食嘅呢就係溫泉蛋牛肉吐司，下午茶餐，可揀杯酸梅冰，蛋汁流落個吐司非常之好味，黑糖珍珠奶茶，玫瑰花茶，但我喜愛酸梅冰夏天飲非常之好。

喺太古食野成日都好難搵位，尤其是茶木成日排長龍。今日見可以早啲食午餐，所以就揀咗呢間茶木試吓。之前去其他茶木分店食過夜晚餐價錢唔貴，但係晏晝呢個午餐就真係幾抵。佢嘅前菜都幾豐富，仲有半隻滷水蛋。主食方面，我揀咗個炆肉排，都算入味。朋友揀咗柳橙魚柳，佢果個好正，份量大又好食。除咗主食，我們仲可以任選一款飯麵，我揀咗茶木最出名嘅紅燒牛肉麵，好鍾意佢啲湯底夠濃，牛肉雖然份量唔多，但一啲都唔乾硬，口感似牛展，麵條亦有質感，好彈牙。我朋友揀咗估早肉操飯，味道都唔錯。最後埋單都係70幾蚊，真係抵食。

昨天因受病魔困擾，帶著疲倦的身體在此吃午飯。一杯充滿人情味的黑糖薑母茶，這個不必要但又充滿關懷的動作燃點了我的力量。特別感謝那細心的男員工，非常值得表揚。 謝謝~

晏就茶木都好好多人, 成日排長龍但真係好抵食!! 就去排下啦~~好彩都好快有位坐一個午餐, 包前菜, 主菜, 野飲, 都係66蚊! 呢邊嚟講真係抵架!!前菜有豆芽, 半隻蛋, 魚丸, 少量青瓜同魚乾仔味道梗係正! 魚丸魚乾仔果格有D甜汁, 好好味!!豆芽青瓜夠清新, 蛋都好食!!前菜就營養豐富又健康主菜叫左咖喱牛腹腩同肉燥飯咖喱牛腩, 餐牌就寫辣GE, 但一D都唔辣, 不過正好!! 如果有少少辣味會再好咖喱味都冇乜...其實唔可以叫咖喱牛腩...因為真係冇乜咖喱味...好食GE!! 但都幾油...黑糖薑茶, 唔太甜, 但都少薑味...可能因為易入口D...希望多返少少薑啦~

年初六未開工，便到茶木悠閒地歎午餐。沒有人排隊，可能較早，客人也不太多。主菜選了牛扒+牛肉面配紅豆薏米水；另一主菜選了手撕雞+牛肉面配玫瑰花茶。先說牛扒，三小塊薄片，味道無什麼特別，但牛扒配菜的醃蘿蔔，嘩！好好味！簡直喧賓奪主的感覺。牛肉麵，麵的份量很少，而牛𦟌只有一塊。手撕雞味道不過不失，份量比牛扒多。玫瑰花茶，玫瑰花的份量不少，所以第一啖便飲到玫瑰花的清香。如果比較肚餓，相信一個午餐未能填飽肚仔。但味道的確不錯。

食物不錯，但份量略少，顯得價錢稍貴。雞翼麵，份量不多，偏重味。沙朗肉燥飯，味道ok芒果芋圓仙草，足料，味道ok等了很久，雪糕又細，來到已溶了一半。服務態度不錯，勤快有禮。

沈日初四同屋企人去食，各方面OK，唯獨是黑糖薑母鴨湯，完全係滾水味，而且色澤淡色！好明顯係比人飲左頭淡湯，之後再加滾水落去魚目混珠！黑糖薑母鴨湯係每次去茶木都必食，所以一食就知有冇冇別，而且用黑糖用煮，色澤一定會較深色，但太古分店就非常淡同冇味！同之前去其他分店茶木食係唔同的！在場個個飲完一啖都話滾水黎wo，冇黑糖甜味，冇湯的味道，只有白開水味……最後成個放左系到，冇人去食去飲，而且新年期間，屋企人亦不想有什麼不愉快的事情，所以亦沒有即場反映……對太古很失望😞

在香港，茶木已經開了很多間分店，但是在星期五的晚上食，仍然都要排隊，雖然沒有以前咁誇張了，但是晚上6:45到太古分店，都等了20分鐘，今次和朋友來茶木吃個晚餐，目的是想食佢個草莓蜜糖磚塊。今次我哋就揀咗三樣嘢食，包括阿嫲手作蔥油麵（$69）、紅油抄手（$50）及草莓蜜糖磚塊（$74）。手作蔥油面的麵條很粗，粗度似台式的牛肉麵，每一條口感彈牙，蔥油撈的味道很香而不油，側面有很多花生點綴調味。紅油抄手辣味適中，皮不算太厚，賣相都不錯。草莓蜜糖磚的製作時間需要20分鐘，一層層的麵包磚塗上蜜糖後焗到熱辣辣，草莓雪糕加入了一粒粒的棉花糖再用來點蜜糖麵包磚簡直是絕配的味道，難怪一諗起想食甜品就好想食茶木。

全日未食嘢就落去呢間飯個lunch 啦，記得以前食過佢嘅牛肉麵真係好好味，今次就再翻兜，今次喺門口度等咗大概5分鐘就有位，之後落完order，1分鐘都唔洗之後就出咗碗麵，我果刻都有啲呆左，不過食落水準依舊keep到，雖然佢唔係好大碗，但湯夠濃係佢嘅大賣點，另外我再叫多杯ice mocha,一樣咁好味，唯一有啲覺得不足就係假日冇套餐，一碗麵加一杯野飲都要120幾蚊買單，不過味道OK，下次仲會再食嘅，不過覺得下午茶價錢來講有啲貴啦。