茶木‧台式休閒餐廳 (形點 II)

營業中

休息中

與家人一起吃午餐，我們二人都是叫牛肉麵，只上來一碗，隔了一陣問個女職員，佢好hae好不情願地答"d麵一碗碗煮"。我心諗咁出餐唔怪之得出面排隊要咁耐。樓面好多職員，但都唔知做緊乜。出餐處放咗幾份餐，行過到唔去出餐，只係度游來游去，好似夢遊咁。忍唔住催佢，唔駛1分鐘就嚟到。碗雖大但麵的份量少，連埋杯珍珠奶茶，加埋一每人要$102，CP值極低，加埋咁嘅服務質素唔會回頭。本來唔打算上嚟comment(所以無影相)，心血來潮上嚟望下，结果原來好多人都話服務態度差。無下次。

好耐冇食茶木，所以就諗住放假嗌吓茶木外賣啦，懷緬一下學生時代嘅午飯滋味。咁就揀咗我最鍾意食嘅鹽酥雞扒肉燥飯，正當我充滿期待打開個飯盒嘅時候，竟然係發現一粒肉燥都冇，係一粒肉燥都冇呀！但呢個飯要$102。你以為佢淨係冇比到肉燥你咁簡單？講笑咩，佢就喺白飯入邊送咗一條又短又攣嘅毛俾我啦，大家睇清楚，紅色圈住呢條就係一條攣嘅毛。見到呢條毛，我知道廚房師傅應該想話俾我聽佢煮嘢食有幾辛苦，但係我真係再也食唔落呢個飯盒。莫講話食唔落呢個飯盒，我全日都冇乜胃口。

今日去咗茶木嗰度食late lunch，因為已經兩點嘅關係可以揀茶餐廳可以揀午餐。😆我哋三個人食等位，大概15分鐘，叫咗兩份午餐一份茶餐。午餐叫左古早牛面頰肉麵、香煎沙朗肉燥飯，茶餐就揀咗紅燒牛肉麵，三個餐都係牛🤣跟餐包普通飲品，我哋當中兩杯奶茶要加$14，芋圓奶茶同埋珍珠奶茶，凍豆漿就唔使加錢嘅🤭上菜大概需要15分鐘，牛面頰肉呢，本身諗住會好軟熟，佢好似有四嚿肉，但佢一半都唔稔🤔 香煎沙朗好好食😆 牛肉麵就一貫發揮啦😙 埋單$310，算係都好坐，不過食物就還好🤣 茶餐嚟講，佢就太貴🤔 午餐可以接受🫣

叫開外賣，今日第一次堂食，依舊好味😋我叫左豬軟骨米粉套裝，配娃娃菜，黑糖薑母茶；老公叫左牛肉麵，台灣香腸，蜂蜜柚子茶.牛肉麵、豬軟骨米粉都好好食，好入味，不過老公略嫌配牛肉麵嘅紅蘿蔔、白蘿蔔唔夠林同入味，蜂蜜柚子茶都比較淡，其餘都好味道😊豬軟骨👆🏻超林超入味，林到啲軟骨、筋位都好林不過食到最尾已經好膩😬.配地瓜米粉👆🏻原本以為係用地瓜做嘅米粉，原來係地瓜加米粉🤣米粉係銀絲米粉咁，唔錯嘅.套餐跟櫻花蝦娃娃菜👆🏻櫻花蝦幾香.牛肉麵👆🏻牛肉好林好入味，湯底都幾濃，不過係啲蘿蔔唔夠林.老公套餐跟台灣腸，不過不失~.飲品方面，蜂蜜柚子茶好淡，黑糖薑母茶幾夠味~.整體評價好食嘅台灣野，印象以前係食甜品出名，依家反而台灣主菜做得出色，值得一試~

今日茶餐嚟食茶木，都幾多人要排隊，喺門口已經感覺到員工服務好好，喺排隊期間，因為覺得好攰，員工主動攞張凳出嚟俾我坐，所以我覺得好開心，之後都好快可以入去食啦，一入餐廳，員工好好禮貌同我解釋要用手機落單，亦都唔收現金，我坐低落咗個甜品，食物出品時間好快，甜品個樣好靚，士多啤梨超甜，個麵包好鬆軟，員工自動自覺幫我斟水，同埋員工笑容好好，非常親切，我一定會再嚟食，茶餐價錢幾抵食，買單嗰陣時，員工高10分親切同我講再見，令我一定會介紹朋友一齊再嚟食。👍🏻👍🏻

食物超級一般 沙嗲牛話係濃湯仲限量 但無味服務又差 本來覺得試新嘢有時係會食到唔好食既野 但個staff 西聲西態度 食到好失落 個包又超一般 唔算平唔算貴 不過唔好黎食 食麥當勞仲開心

環境不好，沒冷氣，太悶。等位時沒人問，四，五個服務生，不知在忙什麼。飲品完全沒味道，也沒甜味，加了好多水充量。服務跟沒服務，還收服務費，非常不理解。送餐三人的餐，分二次送，時間相差太久。食物越做越差，肉沒熟。要糖漿，不是好願意給，送餐用丟的，也不理會不會倒出來。

~Tea time~抵食下午茶～～～Tea set~由$38起～～～記住仲會有+1服務費～～～我今日叫咗～台式醬牛肉湯米粉 拼310溏心蛋～$38~~~牛肉唔韌又入味～～ ～糖心蛋都又靚又好味～～～仲可以送埋凍豆漿～～～算係幾抵食～值得一試～～～

難得放假試一試午餐，試過就知咩係差。一杯最簡單最普通既凍檸茶都可以做到咁難飲，飲左一啖就放棄唔再飲，食多幾啖飯，d苦味仲係喉嚨…難受極了。排骨紅色唔多熟，直接趕客不會再光顧👎🏻

茶木重新在元朗YOHO MALL開分店，剛剛開業是去過試堂食，食物都算有水準，在商場內四圍沒有窗景可言，不過坐得算舒服。今日試叫外賣，睇下係味一樣水準。鹽酥排骨肉燥飯，排骨鬆軟度普通，伴菜青瓜無味，肉燥太鹹，好在有半粒糖心蛋同白飯食得下但飯份量少了點。紅蔥醬燒豬軟骨麵點解湯底可以咁鹹？！太重味真係要不停飲水，豬軟骨啲骨煮到淋軟化，咬到軟腍腍，不過肉部份就過了火比較鞋，麵就軟硬適中。金黃鹽酥雞，細粒了少少，但好味黑糖珍珠奶茶，搽底有啲苦澀，不過加了黑糖中和了苦澀味，珍珠算軟身，煙靭有口感。總括來講，味道比較鹹，應該要改善。

已經第3次嚟茶木食早餐，之前質素唔錯，今次星期日早餐時段比較多人，排隊大約1 5分鐘可以入座，隨即點了香煎雞扒湯米粉$4️⃣8️⃣刈包可以自選兩餸但職員就話煎蛋已經賣晒，得番餐肉同腸仔，或者揀一份炒蛋，最終我揀咗餐肉同腸仔配刈包，但食物都遲遲未送到，催完又催，餐肉腸仔刈包送上，但刈包唔夠熱，其餐肉腸仔廚房應該係一早預備好，唔知點解要等咁耐，食完又隔咗15分鐘，雞脾扒麵先到，塊雞脾扒比較細同薄🥲今次食完早餐差唔多中午12點

早排帶小兒子一齊過嚟食晚餐大概等咗15分鐘就有得入座店員見到我抱住小朋友有禮貌地問我需唔需要坐大小小嘅枱亦都問我哋需唔需要BB凳？兒童餐具等等我覺得佢哋嘅服務真係好好呀我哋當日叫咗一個二人餐有兩款小食、兩款主食、兩款飲品都係$268 最後追加咗一個甜品我覺得兩大一細一齊食，都好豐富小兒子更加好喜歡吃這裏的滷肉飯足足食咗兩碗！

88蚊一個牛肉麵原則上嚟講 商場裏面嘅餐廳因為租金人工各種原因價錢無可厚非但係嗰面出到嚟得嗰兩三嚿牛肉個麵仲少個公仔麵個麵賣88蚊最基本有80蚊去咗個營運成本嗰度食落冇厘味道 簡直就係垃圾員工完全冇服務態度簡單啲講畀80蚊買佢嘅冇服務態度天時地利人和加埋根本全部就係垃圾88蚊食啲咁嘅垃圾 真係正宗傻仔做一次

本人今天下午大約12:30到此餐廳品嘗午餐，但未品嘗到食物已經感受到餐廳某一位女侍應服務態度非常惡劣，坐低前另一位男侍應已經提及手機落單和電子支付不收現金，由於手機落單時有些問題需要諮詢服務員，揮手多次和呼叫，這位女待應乍看不見和聽不到，最後她無奈地黑面和態度惡劣詢問事情，既然得到這個服務態度唯有離開，離開前後面有一位女食客也即時反同一位女侍應態度非常惡劣，離開前也有同經理反映，雖然環境舒適，但因為服務態度而令到整體負評非常可惜，本人亦不會再去此店

於元朗形點的茶木餐廳，從新再進駐入商場，但作為一所連鎖間來講，服務就真係九流，今日和太太中午去午餐，有點人排隊，也好快安排入了卡座，服務員只係冷冷的話，不收現金，Q R點餐，咁就行咗去。那邊地方唔算大，估計可以坐30人左右，當時樓面員工若4-5個，正常應該係足夠的，之後我們按手機點餐，但發覺和給餐牌上不對，有點疑惑，我太太就舉手叫服務員協助，當時前方有一個服務員望過來，但立即扮睇唔到，轉身走過，我太太過了一會，再向那位服務員面向我們之後再舉手示意，已經留意到我們已經眼神接觸，但她再次扮看不到，又轉左去執枱，我太太有啲興，然後高聲叫服務員希望協助，結果因為她最近位置，見到她極不願意下行過來我們枱，我太太問剛才叫你為何冇應我既，佢話我好忙，以為你叫其他人喎，我們話對住你叫喎，佢冇反應，只問有咩想問，我們立即問為何餐牌和手機上的不同，咁如何叫餐，只是她冷冷淡淡的話，D餐可能買哂了，你點其他吧！她就轉身走了，嚇，唔係啩，咁既服務態度，怪不得D餐飲業被佢哋搞死了⋯⋯真係冇話，結果我們放棄食飯了，起身走人，真係冇下次⋯集團管理層唔改善⋯只有死路一條