茶木‧台式休閒餐廳 (形點 II)

營業中

休息中

難得放假試一試午餐，試過就知咩係差。一杯最簡單最普通既凍檸茶都可以做到咁難飲，飲左一啖就放棄唔再飲，食多幾啖飯，d苦味仲係喉嚨…難受極了。排骨紅色唔多熟，直接趕客不會再光顧👎🏻

茶木重新在元朗YOHO MALL開分店，剛剛開業是去過試堂食，食物都算有水準，在商場內四圍沒有窗景可言，不過坐得算舒服。今日試叫外賣，睇下係味一樣水準。鹽酥排骨肉燥飯，排骨鬆軟度普通，伴菜青瓜無味，肉燥太鹹，好在有半粒糖心蛋同白飯食得下但飯份量少了點。紅蔥醬燒豬軟骨麵點解湯底可以咁鹹？！太重味真係要不停飲水，豬軟骨啲骨煮到淋軟化，咬到軟腍腍，不過肉部份就過了火比較鞋，麵就軟硬適中。金黃鹽酥雞，細粒了少少，但好味黑糖珍珠奶茶，搽底有啲苦澀，不過加了黑糖中和了苦澀味，珍珠算軟身，煙靭有口感。總括來講，味道比較鹹，應該要改善。

已經第3次嚟茶木食早餐，之前質素唔錯，今次星期日早餐時段比較多人，排隊大約1 5分鐘可以入座，隨即點了香煎雞扒湯米粉$4️⃣8️⃣刈包可以自選兩餸但職員就話煎蛋已經賣晒，得番餐肉同腸仔，或者揀一份炒蛋，最終我揀咗餐肉同腸仔配刈包，但食物都遲遲未送到，催完又催，餐肉腸仔刈包送上，但刈包唔夠熱，其餐肉腸仔廚房應該係一早預備好，唔知點解要等咁耐，食完又隔咗15分鐘，雞脾扒麵先到，塊雞脾扒比較細同薄🥲今次食完早餐差唔多中午12點

早排帶小兒子一齊過嚟食晚餐大概等咗15分鐘就有得入座店員見到我抱住小朋友有禮貌地問我需唔需要坐大小小嘅枱亦都問我哋需唔需要BB凳？兒童餐具等等我覺得佢哋嘅服務真係好好呀我哋當日叫咗一個二人餐有兩款小食、兩款主食、兩款飲品都係$268 最後追加咗一個甜品我覺得兩大一細一齊食，都好豐富小兒子更加好喜歡吃這裏的滷肉飯足足食咗兩碗！

88蚊一個牛肉麵原則上嚟講 商場裏面嘅餐廳因為租金人工各種原因價錢無可厚非但係嗰面出到嚟得嗰兩三嚿牛肉個麵仲少個公仔麵個麵賣88蚊最基本有80蚊去咗個營運成本嗰度食落冇厘味道 簡直就係垃圾員工完全冇服務態度簡單啲講畀80蚊買佢嘅冇服務態度天時地利人和加埋根本全部就係垃圾88蚊食啲咁嘅垃圾 真係正宗傻仔做一次

本人今天下午大約12:30到此餐廳品嘗午餐，但未品嘗到食物已經感受到餐廳某一位女侍應服務態度非常惡劣，坐低前另一位男侍應已經提及手機落單和電子支付不收現金，由於手機落單時有些問題需要諮詢服務員，揮手多次和呼叫，這位女待應乍看不見和聽不到，最後她無奈地黑面和態度惡劣詢問事情，既然得到這個服務態度唯有離開，離開前後面有一位女食客也即時反同一位女侍應態度非常惡劣，離開前也有同經理反映，雖然環境舒適，但因為服務態度而令到整體負評非常可惜，本人亦不會再去此店

於元朗形點的茶木餐廳，從新再進駐入商場，但作為一所連鎖間來講，服務就真係九流，今日和太太中午去午餐，有點人排隊，也好快安排入了卡座，服務員只係冷冷的話，不收現金，Q R點餐，咁就行咗去。那邊地方唔算大，估計可以坐30人左右，當時樓面員工若4-5個，正常應該係足夠的，之後我們按手機點餐，但發覺和給餐牌上不對，有點疑惑，我太太就舉手叫服務員協助，當時前方有一個服務員望過來，但立即扮睇唔到，轉身走過，我太太過了一會，再向那位服務員面向我們之後再舉手示意，已經留意到我們已經眼神接觸，但她再次扮看不到，又轉左去執枱，我太太有啲興，然後高聲叫服務員希望協助，結果因為她最近位置，見到她極不願意下行過來我們枱，我太太問剛才叫你為何冇應我既，佢話我好忙，以為你叫其他人喎，我們話對住你叫喎，佢冇反應，只問有咩想問，我們立即問為何餐牌和手機上的不同，咁如何叫餐，只是她冷冷淡淡的話，D餐可能買哂了，你點其他吧！她就轉身走了，嚇，唔係啩，咁既服務態度，怪不得D餐飲業被佢哋搞死了⋯⋯真係冇話，結果我們放棄食飯了，起身走人，真係冇下次⋯集團管理層唔改善⋯只有死路一條

💟$8芋圓奶茶堂食優惠價，超級勁抵呀，雖然芋圓硬左少少同無用糖水煮，但$8都無渣流攤，係正價味道。💟鹽酥雞呢間鹽酥雞一向好食，一口一粒，又脆又夠味。💟下午茶紅油抄手+福州紫色魚蛋湯好飲味精湯，可以再熱啲，抄手正常味，餐包一杯黑糖薑茶之類。

見新開在元朗形點的茶木，便試一試品嚐晚餐。當天點了二人餐（兩小食，兩主食，兩飲品和甜品🧇）小食是一小碗黃牙白和四粒紅油抄手。主食是鹽酥雞扒肉燥飯，份量少得可憐，三份一碗白飯，雞扒得三條，唔夠一塊，而飲品：柚子蜜，普通普通。二人餐甜品是細細份的芒果窩夫🧇一個甜品兩份分。老實說：埋單連加一$315元，整體味道一般，分量超級少，食完唔飽，完全唔值$315。以這樣的質素，完全不可以接受，價錢亦非常不合理，不會推介。

之前Yoho Mall都有茶木，不過後來執咗。估唔到上年尾終於係Yoho Mall唔同樓層開番茶木啦～而家茶木餐廳地方唔算大，裝修簡潔，位置開揚。入座後自己用QR code落單，不收現金，只收電子貨幣。台式下午茶$38🥢福州魚蛋紫菜湯米粉🍜福州魚蛋有兩粒，味道偏甜，個紫菜湯就淡茂茂🥲🥢金黃鹽酥雞🐔（細）雖然話細size, 但都有好多粒鹽酥雞，炸得脆卜卜，好香口👍🏻追加小食🥢紅油抄手半份$24有四粒雲吞撈埋個紅油汁，就十分惹味，少少辣，剩返個汁我就倒落個紫菜湯度撈個米粉一齊，即時好食左😆跟餐凍黑糖冬瓜茶少甜🥤話晒台式特飲，正常發揮茶木有多款下午茶餐，價錢唔貴，下次試其他款式，幾抵食有回頭😋💰是日消費$68💰

鹽酥雞扒肉燥飯鹽酥雞扒 一如以前夠脆口，但係雞扒比以前薄左d，細塊左少少，而肉燥 一如以往滋味甜品：鳳梨酥配雲尼拿雪糕鳳梨酥 嘅口感同味道都唔錯黑糖薑母茶：味道正常，稍為甜左d

以前中學嘅時候成日都約朋友食茶木呢日同中學同學仔約起來，又係揀返呢間😂😂♡ ⋆⁺₊⋆ ᙏ̤̫ ⋆⁺₊⋆ ♡ ⋆⁺₊⋆ ᙏ̤̫ ⋆⁺₊⋆ ♡1️⃣ Teawood®紅燒牛肉麵 ($88) ✦︎✦︎✦︎✦︎✧︎食台式嘢梗係要食紅燒牛肉麵！呢個有蔬菜版嘅牛肉麵好健康🥬牛肉夠嫩，唔錯唔錯🐮2️⃣ 鹽酥雞排肉燥飯 ($82) ✦︎✦︎✦︎✦︎✧︎呢個都正正常常，鹽酥雞排脆卜卜，分量睇落唔多，食落幾飽！😙😙3️⃣ 鳳梨香煎沙朗 配地瓜米粉 ($84) ✦︎✦︎✦︎✦︎✧︎我哋諗咗好耐咩叫地瓜米粉，最後決定試伏🥹其實幾好食？本身諗住係地瓜粉做嘅米粉🍠點知係米粉上面放幾塊地瓜，不過好食就得啦🤭知識點：沙朗＝牛胸脊肉部分，煮得幾好！4️⃣ 曲奇巧克力蜜糖磚塊 ($83) ✦︎✦︎✦︎✦︎✧︎又係經典嘅朱古力VS士多啤梨battle🍓🍫最後壽星決定食曲奇巧克力🍫🍫果然係一如既往嘅好食（＋大份）五個人啱啱好KO到！5️⃣ 草莓櫻姫 ($46)和 檸檬愛玉 ($38) ✦︎✦︎✦︎✦︎✦︎兩杯嘢飲都好清爽，草莓櫻姫會比較甜＋冇小料，檸檬愛玉就有好Q彈嘅愛玉，好飲！♡ ⋆⁺₊⋆ ᙏ̤̫ ⋆⁺₊⋆ ♡ ⋆⁺₊⋆ ᙏ̤̫ ⋆⁺₊⋆ ♡雖然感覺貴咗，但份量同質量絕對可接受！🫶🏼而家未必會成日食，但行過

呢間茶木係位於元朗形點商場Yoho mall二期。佢上年剛剛新開。之前yoho mall都有茶木，後來冇咗。而家終於都開番啦！👍佢前身係Oliver Sandwich. 而家就變咗茶木。餐廳裝修簡潔。貫徹茶木一向的台灣風格。今次我叫左午餐，紅蔥醬燒豬軟骨新竹米粉$84。同埋一杯熱黑糖薑母茶，是踉餐飲品來的。豬軟骨味道ok. 新竹米粉也不錯。茶木，台灣菜來說，一向都算是大衆化，而食物味道、甜品也是不錯。所以性價比都幾高的。

1.食物質素比以前樓上差咗，選擇少左，紅燒牛肉麵湯底超鹹，麵條同肉質又硬，主食好多都係鹹，但價格卻提升咗！2.服務不體貼，服務員態度欠佳，冷淡，睬你都傻咁嘅款，好多野要提先醒起，擺底就走開，唔想阻住佢地做下一轉生意3.環境又迫，冇空間感，整體用餐體驗很失望，管理不善，有待改進!建議:1.派籌-太多客人排隊等候，阻塞商場通道，增設網上電子取票系統2.提高食物質素-尤其麵類，湯底鹹到爆，甜品/飲品種類可增加，如有更特色嘅台式甜品，加入奶昔，沙冰系列，滿足唔同客人餐飲嘅需求3.改善服務質素-員工被動，冇熱情，落單都賴得幫客人，加強培訓，提高服務員專業知識

不會再食呢間1.排隊明明兩個或者三個或者四個人都係坐鋪入邊嘅卡位，而且每個卡位大小一樣，但明明我們兩個排先，但職員選擇要後邊三個入去坐，為什麼這樣安排？我都不知道2.叫餐佢哋係用QR code落單，佢哋的晚嚐可以叫餐，當我未叫嘢飲，都可以過版！到最後我問先知佢嘢飲，否則可能已經埋單3.超級不環保嘢飲係用紙杯裝，無論凍飲的熱熱飲都係紙杯，超級唔環保！4職員超級唔醒目問佢嘢，佢好似神遊太空定係第一日返工咁總結唔會再食！我相信試過嘅人都唔會再食ps. 以前耐唔耐都會食TeaWood