茶木‧台式休閒餐廳 (MegaBox) (已結業)

Megebox簡直係我家既後花園，出面落大雨，要出街，當然去megabox玩啦，到晚飯時間，見茶木仲未多人排（次次都好多人排隊，所以次次都放棄），我地大約等左5分鐘就有位了，帶位姐姐好醒目，見我有小朋友，一早幫我準備好兒童茶具及bb椅！好細心，值得一讚！我地分別叫了兩個飯，一個蝴蝶粉，三杯飲品，一個甜品，非常豐富！肉燥飯，啲肉燥用來撈飯真心正，小朋友大啖大啖食，個蝴蝶粉啲汁好特別，好香口，個味有啲似千島醬加芝士，我最鐘意係呢個！最係係一個乳酪汁豬扒食，啲飯係䔧麥飯，好健康，同個鮮乳酪汁出奇地夾！好好味！兩杯果茶，係兩個小子最愛，我當然鐘情薑母茶啦！兩個小子最期待就係個招牌甜品，雪糕芒果多士盒，阿仔話個包好食過個雪糕！

呢間茶木令人覺得好舒服，因為地方空間較大加上人不是太多，環境較安靜！ 我地叫咗2個套餐，套餐加$30就可以有甜品/沙律、飲料🥤沙律係落芝麻醬的，醬汁多到係浸住d沙律菜，好大方。飲品叫咗杯‘紅豆薏米水’我覺得好飲，甜度適中仲有薑汁味叫咗牛腩同炸蠔餅、牛腩肉質夠淋同入味；而蠔餅味道就差少少啦較油，食完會覺得好油膩

平日中午，邊到食飯都會多人，MegaBox 都唔例外，劻霖訓咗覺，我地又想食個悠閒午餐，就決定去食 Teawood 啦！平時食開嘅 Teawood 都有午餐，但入到去我地先發現，原來 MegaBox 分店係冇午餐餐牌㗎，所以我地只可以係餐牌單點啦！【古早後香腸肉操飯】我係飯桶，中午唔食飯，硬係覺得周身唔舒服㗎！呢款古早烤香腸真係好好食，芊嶠好鐘意食，每次食 Teawood，都必叫呢個飯，一次過滿足佢想食烤香腸 & 肉燥飯嘅願望！【紅燒半根半腩牛肚麵】爸爸就最鐘意食台灣麵，配埋紅燒湯，話 Perfect match 咁話喎！我就比較鐘意佢舊白蘿蔔，因為真係好入味㗎呢！【凍黑糖珍珠奶茶】平時食開午餐就會有嘢飲，但呢到冇午餐，我又想飲嘢，但唔洗怕單點貴喎！平時幫襯開，每次都會係 T-Factory App 到儲分，儲分有咩好？可以換免費飲品囉！咁今餐呢杯珍珠奶茶就免費囉。小丸子主題風仍然未過，芊嶠話要拎住小丸子紙牌影返張相喎！入到座位，仲有小玉 Cushion，同埋小丸子美食餐牌，又影下囉！總結：冇午餐係冇咁抵食，但平時師奶仔嘅我有儲開分，就可以換免費飲品，大家快啲 download app

去開九龍灣行家品鋪，買完嘢又係時候食飯。今日胃口唔係幾好，㨂返個開胃d既鳳梨鮮果甜酸肉$83。 呢個唔同出面食既菠蘿咕嚕肉，係有幾款鮮果，有菠蘿，火龍果同蜜桃，有鮮果感覺上會健康d。甜酸肉吸引晒鮮果既甜味，亦整得外脆内滑。份量方面都適中，鮮果同肉既比例剛好，肉唔會太多或太少。另一款點了地瓜燉牛坑腩$72,上菜時有個爐暖住，冬天食都唔會咁快凍咗。呢款牛坑腩都炆得夠入味同淋，用來送飯一流👍🏻兩個餸都各自加咗$30轉套餐，有一碗白飯，飲品，沙律/蛋糕/鳳梨酥，蛋糕落單已經沽清，唯有叫咗一個沙律同鳳梨酥。

印象中小丸子主題都last左好耐了，不過唔係間間分店都有既，欣賞茶木每個主題都會好有心思咁做，成本menu都重新製作。如常點了最常吃的豬軟骨麵，新年都keep到平時既水準，新年食埋佢個"撈起"，好足料，佢加左三文魚又有帶子，好岩年青人既口味，（可能我鍾意食刺身野啦），最驚喜既係杯飲品呀，新年加多左飲品款式，花輪茉莉花茶奶蓋，好清新，唔會好溜呀，可以成杯飲哂呀，（因為上次仲記得係花輪玫瑰拿鐵既），好飲值得一試^^不過最慘豬就係新年要加二，不過新年佢地都照常營業，都抵俾既，祝茶木豬年豬籠入水啦～

好耐無食過茶木, 因為之前係中環個間食完我口喝左成晚後. 已經對茶木有點驚驚. 因為深怕佢的味精.是日睇完戲. 唔知食咩好, 好多食店都人山人海. 朋友話不如食茶木. 係好有戒心下黎到. 先一望. 嘩... 好多小丸子呀. 好開心喎.. 呢度重有麵包賣添.戰戰兢兢下叫左呢個豬軟骨拉麵. 食落去好濃味. 豬軟骨好林兼入晒味. 好味道. 但真將係要睇下食完的反應..估佢唔到味道咁濃. 但食完都唔覺口渴, 出乎我意料之外, 對茶木又有新的睇法. 究竟係每間的用料不同. 定佢地減少左用味精呢?朋友叫呢個係魚柳沙律(?) 重有小丸子同爺爺. 同樣味道不錯. 而且好多生果. 岩晒d想食得健康的朋友. 食完今次後. 應該我會再比機會茶木. 希望下次唔好令我失望. 

叫左個杞子麻油雞煱，成個煱一粒杞子都見唔到，仲要係用岀前一丁湯粉！！！！！個啲味精味真係好難頂，真係好離譜。。。仲要賣成81蚊...........真係好揾笨。。。。咁至於啲面去左邊呢，我地投訴完之後，拎轉後面，後面個枱員工食宵夜餐，.......正正就係食反啲岀前一丁啦.......🙄🙄🙄🙄🙄🙄真係好環保呀，啲湯粉就比客食，啲麵就比員工食🤢🤢🤢🤢啲嘢真係好貴，又重未味精！！！！

Taiwanese food is always one of my favorite, although this place takes quite a long while to wait before being seated, I still think it worth a go.As this restaurant has been opened for years, I have quite a high expectation on the food quality, when I drank the soup of the Beef Noodles with tomatoe soup, it tastes quite salty and it is like kind of Chinese soup that you can find in local Cha Chaan tang, the raddish and carrot is too big, which makes it difficult to bite, especially when the sou

是日去見工，倒塔咁早就去到，唯有食返個豐富早餐，離遠見到個好可愛既小丸子！行埋去先知係茶木黎，而家先知茶木有早餐，而且好似幾特別（d名特別長，又直布羅陀腸又乜又物）又唔貴，裝修好靚，樓底好高，而且好開陽，好chill既感覺。好，咁我叫左個直布羅陀腸＋雞扒早餐 飲紅豆豆漿其實就無咩特別，一個咁普通既早餐就無咩技巧既，不過環境真心令人覺得好舒服，同埋杯紅豆豆漿其實幾好飲！可惜我見唔成份工，無咩事都唔會無啦啦入去九龍灣食茶木早餐了呢一餐我俾6.5／10 分

小丸子粉絲終於嚟到朝拜！之前成日行過都見到好多人，今日終於的起心肝排隊去食我同另外一位小丸子迷，每人叫咗一杯特飲，一杯係竹炭仙草奶茶，一杯係櫻桃西瓜柳丁汁。味道清新，亦都唔會太甜。食物質素我哋都非常滿意，通常啲卡通人物主題餐廳嘅食物質素都一般，所以我哋嚟之前都冇太大期望。但係都幾驚喜！我哋叫咗個蕃茄肉操鰻魚飯。如果10分滿分我會比9.5 ！鰻魚嘅份量好充足，一啲都冇偷工減料。而且番茄同肉操嘅比例都做得好好嚟到茶木，食吐司是必須的！今次呢個小丸子特別版令到成個甜品更加加分簡直係又有得睇又有得食

由細到大其實唔太鐘意睇卡通片， 唯獨小丸子係會坐定定睇， 因為小丸子可愛得嚟又好貼地， 有啲劇情真係好有共鳴!平時小丸子精品唔多， 知道茶木同佢有crossover， 出於好奇就去試下。 平時去茶木多數叫牛肉麵， 今次就叫咗小丸子蕃茄肉醬飯， 鰻魚好滑一啲都唔腥， 蕃茄肉醬配飯一流， 如果多啲白飯就好(或可追加白飯)。另外男友鍾意食牛， 所以叫咗個牛小排， 牛小排好淋身， 而且用左沙茶醬同大蔥炒， 好惹味， 又係送飯之作。當然唔少得茶木出名嘅邪惡雪糕多士盒， 今次叫咗個小丸子限定版， 蜜糖脆脆多士配上cookies and cream 雪糕， 今次真係豁出去唔你幾肥， 食完真係超滿足。飲品都有小丸子限定版， 叫咗個西瓜野柳汁， 本來以為係果汁， 點知原來係沙冰， 呢個天氣飲太凍! 反而仙草奶茶幾特別， 仙草好似涼粉咁， 配奶茶冇平時飲珍珠奶茶咁漏。望住小丸子食嘢真係好特別， 小丸子忠實fans一定要試下。

聖誕節唔想食西餐比人鋸，於是就黎左超耐無食過既茶木。Mega box 既茶木真係好大好多位，而且仲要唔限時。✨開頭仲怕全部野食都換晒做小丸子主題，因為主題既都係幾搵笨，好彩係分開的。主題食物款式唔算多，不過成個menu 都換晒做小丸子design都幾有heart~~仲有本小漫畫，真係幾搞鬼。✨✨一向都情有獨鍾水果茶，本身想試下其他野飲，最後都係走唔甩....又係叫同一樣🤣✨呢度既水果茶都好足料，不過味道偏酸，唔係好飲到茶味～～有d 失望。✨櫻花蝦培根芥末奶油手作麵（$82): 最鍾意食手作麵，煙煙韌韌。個奶油汁勁香，仲加左d 乾蔥碎。櫻花蝦比平時食既到大隻，食落微微脆好香口，撈埋落去成個麵就更加香，但個芥末味就唔係好明顯，不過都真係超好食👍🏻一碟都唔係好夠喉✨古早烤香腸肉燥飯（$71): 肉燥飯都好好食，台式香腸食落juicy 無得輸，配個生蒜片幾惹味。臨尾諗住叫件cake 食下，但好多款都無了😭叫左件千層cake, 等勁耐都未拎黎應該漏我單，最後無食閃人。

雖然我並不是小丸子的粉絲但是我都幾鍾意小丸子的好鍾意她那種樂天開朗的性格就是有一種令人會忘記煩惱的感染力知道茶木聯乘小丸子出了一系列小丸子造型食物即約粉絲朋友一起去吃小丸子食物一上桌睇見都開心啊我就最鍾意個「小丸子蕃茄肉燥鰻魚飯」剛好12月是鰻魚當造，都幾肥美肉厚配蕃茄肉躁，酸酸甜甜，特別開胃。另外個「小丸子吐司禮物盒」都好吸引吐司香脆，不會太乾配上吉士醬和雪糕吃爽甜又不會有膩的感覺「小丸子特飲」是西瓜沙冰杯身的小丸子圖案很得意西瓜冰甜度剛好。

今日發現”茶木”居然有早餐，店內的聖誕佈置很美，閒時氹下老婆開心，吃一頓浪漫的早餐享受一刻。店內的坐位很舒適，店員又親切，個人覺得價錢是合理範圍內。簡簡單單點了兩份早餐，賣相都相當好。雪菜米粉：我喜歡它的湯底不會太鹹，算大碗足料。牛角飽併滑蛋：老婆點這款抵食又好味，試了一口牛角飽很鬆化又大個，滑蛋又香又滑，身為麵包控的我，下次我要轉吃這款。這裡有點不一樣，始終是台式食肆沒有港式奶茶，今天特別些喝珍珠奶茶，但我郤忘記點少甜，這點是自己大意，熱奶茶真的太甜，但我很喜歡它的茶香，會停留在口中一會的。

最近相信小丸子迷聽到作者去世的消息都好難過，一個陪伴成長的卡通終於都要大結局了。自己也是生於小丸子的年代，也找個地方緬懷一下。知道最近茶木推出小丸子主題餐廳，而且Mega Box地點也算方便。餐廳放有可愛的小丸子裝飾，也有小丸子的精品售賣。餐廳除了本身的自家食物，也推出”小丸子”系列。小丸子蕃茄肉燥鰻魚飯鰻魚飯上有可愛的小丸子，觀感即時提升。蕃茄肉燥和鰻魚，我以為是兩個世界的東西，配合起來竟會有討好的味道。香腍的鰻魚入口即溶，蕃茄肉燥醬沒死咸，也沒有蓋過鰻魚的味道，比起鰻魚飯常配的鰻魚汁更有新鮮感。沙茶大蔥帶骨牛小排牛小排香腍，啖啖肉，配上沙茶醬炒大蔥惹味非常。小丸子吐司禮物盒吐司保持茶木一貫的好吃，而且非常香脆。配上香滑的忌廉和曲奇味雪糕，令整體口感更豐富。小丸子櫻桃西瓜柳丁汁小丸子的杯已經值回票價，小丸子迷絕對值得收藏。野口竹炭仙草奶茶奶茶甜度不過火，仙草口感順滑，入口舒服。小丸子的主題餐廳在香港寥寥可數，而且在這個時間出現，更是難得，小丸子粉絲絕對不容錯過。