茶木‧台式休閒餐廳 (德福廣場1期)

營業中

休息中

都好耐冇食過茶木，今日係附近睇完戲見呢到仲有lunch set就入咗黎食，不過味道比以前差咗同求其咗。台式麻辣半筋半牛肉 • 麻辣鴨血拼素鴨 • 自家製椒麻拌麵 ($75)牛肉係肥牛，食落唔算辣，鴨血同素鴨就普普通通。椒麻拌麵既質地唔錯，食到手工製既煙韌感，不過椒麻味唔夠，食落覺得一啲都唔麻。鹽酥炸雞扒麵 ($78)雞扒炸得香脆，份量好足，而且都juicy，一啲都唔乾。麵方面都幾有咬口，唔錯，不過份量就比較少。紅油抄手 (追加$22)早知就唔加，一上枱就見到皮偏厚而且辣椒油好少，感覺唔係好紅油抄手feel，食落都真係麻麻地。熱柚子蜜茶 (跟餐)正常發揮。宇治抹茶奶蓋 (跟餐加$11)抺茶味香，而且奶蓋好滑好cheesy，好飲。總括黎講，炸雞扒同宇治抹茶奶蓋幾好，其他都一般，以呢個價錢黎食台灣菜一定仲有大把選擇。

lunch time 去多人排隊。服務態度都係趕做下輪咁，仲要兩個飛仔樣既intern定暑期工咁既年青人，長期行黎行去，因為坐走廊角位擁270視角，視覺上避唔開佢地，佢地巡視業務既頻率達致輕量級擾民情度。叫左個紅燒牛肉麵，唔值$84。有塊牛係好chewy~同事個set就中規中舉，冇咩特別。杯烏龍奶蓋自動走甜，仲要個烏龍茶色一d都唔烏龍。好似本身已經撈左d奶蓋入去咁，同我飲開既完全唔同。no next time~

之前去過呢間茶木食外賣晚餐 食物質素都算唔錯 加上外賣有折頭 性價比都幾高 點知今日再去食佢嘅下午茶餐竟然中大伏！！！叫咗個蚵仔煎套餐 Menu同實物有300%嘅分別🤢🤢🤢上菜嗰下直頭唔知碟野係咩嚟 個賣相勁似嘔吐物🤮🤮🤮成個構造就係一塊好似橡筋咁嘅皮+就快霉嘅生菜+唔知咩味嘅反胃醬！！！埋單仲要成$70一個下午茶餐 性價比低到負！！！服務員由帶位個刻到埋單 全程都好厭世 可能都係岩岩因為d野太難食比人投訴完🙄🙄以後絕對唔會再幫襯茶木！

又到週日 tea一tea的時間， 茶木下午茶時段概括一至日，心思思又想食我最愛士多啤梨蜜糖磚，去九龍灣店朝聖一下先。士多啤梨蜜糖多士磚配嘢飲優惠價63蚊仲未完，一份大大啲蜜糖磚，保持一貫水準。今次麵包烤到恰到好處又唔會太多蜜糖又唔會過燶， 一口雪糕加上一口多士，超級好味。鹽酥炸雞排刈包拼阿仔麵線呢款係我的新嘗試。鹽酥炸雞排細細件放在刈包內，雖然上台時還有微熱，但係感覺 油膩。 而阿仔麵線類似碗仔翅加幼麵， 我個人不太喜歡漿糊狀的物體。好彩仲有其他款式可以揀 。

星期六突然好想食台灣菜，所以咁岩搵附近之前試過嘅茶木再食😆咁岩果日有週末set lunch，所以就叫左個set lunch 再加d 小食3個人食溦辣手工拌麵（半筋半牛肉）拌麵唔算辣，食落去有啲麻辣感覺，好食，會停唔到口😋牛肉就一般，同普通肥牛一樣，牛筋有啲太"林"叫左小食鹽酥雞，外皮望落好乾，但食落去啲雞都幾juicy, 不過外觀就差啲套餐仲包一樣熱飲，我就叫左玫瑰茶，唔算話好特別最後叫左個招牌甜品，朱古力蜜糖磚，果然係招牌食落去好好味，熱嘅蜜糖多士配朱古力雪糕，好好味😋下次會再試其他味總括嚟講lunch set 價錢一般，不過後加果個甜品雖然5x 蚊，但都值得再試

好掛住台灣ar，唯有食台灣嘢頂住先， 一向我媽女子喜歡食蜜糖磚塊， 適逢茶木八週年紀念，草莓香草蜜糖磚塊除咗增量25 %外仲有個八週年回味價58蚊， 梗係要同佢一齊去啦。 因為下午茶關係63蚊已包一杯飲品。 三層厚厚吐司， 托著雪糕，有棉花糖點綴，果然份量多過之前， 吐司烤得很脆，經蜜糖烤過後甜甜脆脆，配上少少帶酸的草莓雪糕，真係幾好味， 難怪阿媽百食不厭。跟咗杯紅豆薏米水，唔係太甜紅豆煲得淋淋，都幾好味。 屋企可以跟住試下整。紅燒牛肉麵牛肉連筋炆得非常之淋同入味， 台式麵不過不失，煙煙靭靭， 湯底濃郁。配杯熱的黑糖薑母茶，好暖胃。

相信大家都知道茶木，而我最中意就係佢個微辣手工拌麵系列！真係我食過最好食嘅拌麵，次次去茶木都必叫。小小辣嘅拌麵加上一杯珍珠奶茶，簡直係人間享受！一個拌麵大概係70左右，有埋一啲小食連埋，食食下麵厭左都可以食下小食轉下口味，下次去茶木可以試下。

牛角主打日式燒肉 唔同韓式燒烤會有太大油煙，雖然冇太花巧嘅食法，只係單單咁食就食到牛帶出嚟嘅鮮味同嫩，搭配埋簡單但又夠曬飽啲牛角飯嚟食，流心蛋控一定要加埋雞蛋食咁先夠曬滿足🥰唔鍾意太重口味又想燒下牛嚟食嘅可以試吓，食完都仲可以飲啖日本茶解膩🤣，午市當中有幾個plans揀，可以針對唔同牛嘅部位揀嚟食，每個plan都有味噌湯、主食揀咗嘅牛、牛角飯、一款小食同飲品，食完啱啱好夠飽可以食翻杯雪糕添！Tips:因為都幾多人排隊食，所以食之前最好down 翻個app 遠距離攞位先仲可以行陣街先去食，又唔驚會嘥時間啦！

落單時職員應對態度已十分敷衍，點了菜也沒有一聲回應和覆單，送到時發現才對方落錯單，因不想浪費食物，沒有更換，但落錯單的職員繼續喺你身邊行行企企，目無表情，連走過來一句道一句歉也沒有。用餐時不小心倒瀉湯汁，趕緊先自行清潔，但周圍多名職員走來走去，卻沒有一個主動幫手。第一次來這間，對服務感到非常失望。以後不會再考慮來這間分店。勉強吃了原本不想點的菜感覺已不好，再加上這種服務態度，不了。同商場還有許多不錯的選擇，無謂為了普普通通的食物來買難受。

友人突然話好想食茶木，所以就直接入左去食佢個lunch set。今次點左佢個薑蔥油嫩鴨配地瓜新竹米粉，個鴨一啲都唔油，啲肉仲好軟好易咬，味道好出，米粉浸住啲湯，食到好香嘅牛肉味，會再點呢個餐

天氣凍，緊係想打個邊爐啦！今年茶木都加入戰團，做一人一火鍋！🤓🤓以我印象中好似未試過😅😅如有，請更正😆$88有得揀牛或者豬我就梗係揀牛啦🥳🥳🥳🥳濃郁嘅湯底👍🏻都係好似平時一般咁有啲菜啊，菇啊，丸甘～賣相尚叫新鮮🥰牛肉還可以啦甘嘅價錢～我加$15（有飲品及一碗白飯）白飯冇影😆😆😆另外加$叫咗鹽酥雞翼❤️❤️❤️超正～熱辣辣，夠唒脆～又大隻！成個餐來講，$88叫做ok啦，不過要加$15有飯同drink 先飽～好在我有叫雞翼，咁先飽啲😬😬😬😬大家有機會可以试下～🤓

今次試咗個牛肉麵挺不錯 牛肉味 個湯幾好飲好有養生feel不過個雞翼 係韓國嗰隻雞翼包飯入面有芝士 有蘑菇 個人覺得唔係好夾如果做緊燒雞翼應該好味好多入面嘅配料令到雞翼吾好食試咗個奶茶幾好

茶木，呢間港式台灣餐廳又有新野食，有些少驚喜。呢個系列好啱我，懶人系列，但我堅唔明點解佢係懶人菜。我地揀左花膠雞湯。因為我家寶唔食鴨血，所以要求另上。講左個手工麵先，驚喜係彈牙煙韌口感，加上少少辣辣地，呢個麵真係超惹味。至於個湯，唔好太期望係超濃嘅味精湯。雖然都係味精湯，但係清清淡淡富有雞味，我覺得啱啱好。芋圓控嘅我，都叫左呢款芋圓糖水。芋圓幾好味，有煙韌嘅口感，不過我就嫌加左士多啤梨好奇怪，但係成碗甜品都正常嘅。呢個懶人系列嘅手工麵我覺得值得一試，佢唔係好辣，唔食得辣嘅你都可以一試。

放假同老公去左九龍灣行唔夠一陣我有點肚餓行晒成個商場都無乜心水見茶木唔駛排隊一入去就有位老公話好耐無食咁我地就座底左💕鹽酥炸雞脾併沙律💕賣相都ok幾大隻雞脾食落都ok不過不失穩陣之選沙律就變左配菜咁😅💕四色吐司💕不過不失普通的吐司🍞💕珍珠奶茶💕令人失望的味道唔似飲緊珍珠奶茶💕紅豆薏米水💕味道普通沒乜特別總結：服務ok,甜品同飲品似乎失晒水準，比以前差左，有點可惜，希望下次幫襯會有番以前水準！

之前食過茶木另一款的手工麵，味道不錯，不過已經沒有再推出，雖然有點怕辣，但都想試一試這個半筋半牛肉套餐。手工麵不用說，是itchiban🥰有咬口，又不算太辣。拌菜鴨血味道好，不會有異味。這個肉有點失色，像火鍋的肥牛，感覺有點劣。另一個套餐是雞湯，更是失色，與圖落差太大，像是湯渣，說好的滋補呢。薏米紅豆水，一開始來的時候以為是污糟了，但想一想應是紅豆的痕跡😂味道是可以的。中午時間都多打工仔來吃，有時需等一會兒，而且上次去好像沒冷氣似的，多人時真的有點熱呢。整體來說只有手工麵值得加分～