茶星人 (安寧大廈) (已結業)

朋友成日都話呢間好好飲，今日出咗嚟土瓜灣探朋友，我又咁啱認得佢個外星人標誌，一於同老公一人一杯，一路行一路飲！睇飲品list都睇到眼花撩亂，水果茶、奶茶、梳打、朱古力飲品都有提供！！最後揀咗以下呢兩杯芝芝莓莓果香都幾重，第一啖入口都幾清新，酸酸甜甜，底部嘅混入左茶底，面頭嘅芝士奶蓋更加可以話係滋味萬分，芝士味都幾香濃。老公叫左杯黑糖波霸芝奶，波霸好煙靭，黑糖味道唔會話太甜，奶味濃郁，而且好鍾意佢杯身嘅設計，特別可愛！

叫蜜桃紅柚四季春，結果係菠蘿柚子蜜。糖漿溝茶水，冇茶味。唔知點解可以開到咁多間分店。買過三次，感覺都係一般般。唔抵。且店員態度惡劣，無啦啦黑面就算佢戴住口罩都feel到。黃店又點？唔會再幫襯。完。

行街行到攰攰地，又口渴，搵茶飲店買杯嘢飲解解渴是必須的，最鍾意不同茶飲店的出品，間間嘅配方都唔同，今日就行到去土瓜灣，路過茶星人，睇吓有啲咩新嘢飲先🧋好多唔同花款，本來沒有選擇困難症嘅我都突然變得有，左揀右揀，呢杯又想飲嗰杯又想飲，終於揀到都係佢最新推介嘅兩杯🍹▪️蜜桃紅柚四季春 $ 33點咗大杯裝半糖份量，中國茶四季春茶味好突出蜜桃同埋紅柚份量都幾多，成個杯底都係，撈埋一齊飲充滿柚子香，而且食到淡淡蜜桃肉，非常清甜解渴🧋▪️黑糖波霸炭燒奶茶 $35黑糖珍珠做得幾唔錯，軟軟糯糯，好有咬口，份量都好多，奶茶幾順滑，有淡淡培煎嘅香味，雖然加咗冰，但係飲到底奶茶仍然保持味道濃郁，呢樣嘢做得幾好

第一次飲係佢既黑洞朱古力已經揀左微甜，但甜到飛起之後飲佢既珍奶，個奶茶唔得，冇乜茶味今次諗住試下佢既果茶沙冰原來係用糖精加色素沖既非常失望，比成30蚊點知比假野

一路都想試因為係💛又多好評，叫咗兩杯嘢飲。一杯係紅柚乳酸梳打，一杯係蜜桃紅柚四季春加左珍珠。可惜珍珠係燶左，飲既時候仲飲到有燶左既黑色鑊燶沙。希望你地賣珍珠之前要先試下🥲

🤍茶星人嘅芝士奶蓋真係一直都係好出名地好飲， 所以每次飲茶星人我都一定係嗌芝士奶蓋系列嘅嘢。o(*///▽///*)q🤍今次就嗌咗芝士芒芒， 30蚊， 好明顯就係芝士奶蓋加芒果沙冰。✧٩(ˊωˋ*)و✧🤍因為學生就有得減五蚊，所以我埋單只係25蚊啫。(。’▽’。)♡🤍芝士奶蓋非常好飲，又鹹又甜，勁重味， 但係就可以再落多少少囉。(σ°∀°)σ..:*☆🤍芒果沙冰都好新鮮好鮮甜，好fresh， 少左甜都唔會話冇味或者酸。(ง'-̀'́)ง🤍最後個人都幾推介大家試下，加上又係黃店，真係要幫襯多啲！╰(*´︶`*)╯🐝🐝

茶星人是眾多茶飲店中頗喜歡的一間💛大大杯既足料又好喝😉自從土瓜灣開分店後，便常常不自覺地買來喝‼️👅▫️❥菠蘿乳酸梳打🍍🧊 好清爽，非常適合炎熱的夏天‼️👏🏻👏🏻❥芝芝桃桃🍑🧀 芝士奶蓋咸香，邪惡之選‼️👏🏻👏🏻

茶星人既飲品真係好足料，飲過幾次都好滿意‼️😙▫️❥$38手工芋泥烏龍奶茶＋$5黑糖珍珠🧃 好鐘意芋頭類既產品，所以見到呢款飲品時即刻決定要試下😍 (仲有另一個原因，呢款飲品係限定發售架) 😜▫️小店既芋泥並非芋蓉，所以飲落食到細細粒既芋頭果肉😍 而且非常足料，要不定時攪一攪，否則啲芋泥沉晒底後就好難用飲筒吸到了‼️🤭▫️烏龍茶既清香＋芋泥既芋香，再加埋煙煙韌韌既黑糖珍，整杯飲品味道層次好豐富，好好飲‼️🤩

連續三間小店，隔離 2 間 ZEPPELIN 熱狗 及 1986 越南粉都試過，呢間一定要來啦 ！不想煮飯，去竹地館買了2 個飯盒，跟住來買 2 杯飲品。E TEA，香港人熟悉的臺式飲品店。幫 hubby 叫了一杯 matcha，他習慣少冰、少糖, 我就一杯芒果朱古力脆皮。Hubby 說 matcha 真係少糖少冰，所以又香又滑；我的一杯朱古力味稍嫌不夠香濃，欠了一點點吧！我是朱古力控，對朱古力飲品有要求，希望下次可以多加純味朱古力粉就好了 ！