茶大椰 (將軍澳廣場)

營業中

休息中

2025年6月16日晚上約7點15分，我喺將軍澳廣場茶大椰買咗一杯芒芒椰奶茶，服務質素極差。當時店內冇其他客人，兩名年輕男職員卻全程背住出面，唔理門口有客。我要主動開口先有人「用眼神」回應，期間無任何說話，連基本禮貌如「收唔收八達通」、「要等一陣」都無。付款後亦無一句通知，只係默默整嘢。最後連交杯都唔出聲，我完全唔知係咪我做錯咗嘢。即使員工唔善辭令，起碼基本溝通應該做到。收錢賣嘢唔代表可以無禮貌，呢種態度令人非常反感，完全無誠意做顧客服務。

本人好鍾意食椰子產品，見到以椰子為主題嘅手搖飲品舖點可以可以試吓呢！💕第一次係飲生椰拿鐵，好重椰子味同奶味！我偏向鍾意重椰子奶味多過拿鐵味所以呢杯我都好中意飲！第二次飲試過佢嘅玄米椰子茶！一試就不得了❤️佢即刻成為咗我最愛嘅飲品!飲落去重椰子味同埋有淡淡嘅玄米茶味！成個口感好smooth😝呢杯我比好高分！幾乎每次都係飲呢個玄米椰子茶～另外有試過海鹽椰子朱古力，都好濃椰子味，質感好滑，同朱古力都幾夾～不過可能有少少甜，但整體嚟講係好飲嘅！仲有優惠+$8試埋椰凍，就比較普通，如果出椰子布甸會比較好啲～