茶夢 (已結業)

食完LUNCH 後陪FD 行返公司之際, 口痕既人類食飽飯都係想隊多杯珍奶既~好似中哂毒咁~朋友揀黎揀去, 間間都揀唔到, 行到黎呢度最後一間喇.冇得揀喇..焗買啦, 雖然黎到呢度冇人排隊, 都驚奶野, 但我地都想試下未買過既店.所以都係試下啦~伏極都係一次. 死就死.價錢唔會太離地, 我地本住呢個精神下, 朋友揀左金鳳茶王加芝士 $27~我就最普通既金磚烤珍珠奶茶. $23朋友杯茶係現泡, 我見到姐姐羅左D 茶葉去一個類似離心機既熱水壺加快泡出茶味~重可揀放埋個茶包落去, 飲哂後自己加熱水都重有茶味.正呀!而我呢杯珍奶, 都唔差, 大大杯, 呢個價錢好抵飲喇~呢杯冇珍珠既係另一次去試既, 我地試完兩次後, 都真係覺得呢間滄海遺珠啊~絕對可以一試再試既抵飲之選~

冇時間上大陸飲喜茶，紅磡食完飯咁啱經過見到呢間茶夢，見到裝修都幾好就幫襯下，一心諗住支持小店去到見到兩個阿叔有一個仲喺鋪頭裡面食煙，已經即時打左折扣，叫左杯芝士莓莓，因為無客就即時沖俾我。見呀叔拿左一大桶化學紅色嘅果jam已經心知不妙，心諗佢肯定唔會放好足料... 😞果然，佢仲忽左好多匙羹果jam 已經無晒期望，然後見到叔佢切左三粒士多啤梨，拿左兩粒去攪，無錯係2粒！(最後一料佢切粒放入去裝置下，叫做俾人覺得有生果）杯野出到黎化學紅色、半透明，明顯主要成杯水溝果jam，心諗如果只係求其到用果 jam 沖水我自己沖都得啦，駛乜出街花錢飲😭打開試兩啖完全化學人工甜味，如果試過喜茶既都知每啖都係充滿果肉，芝士香滑鮮甜，但呢間 "茶夢" 零誠意，芝士唔香滑不特止，入口只係一堆泡同 cream, 連交行貨既責任心都無, 勁失望，唔信試下就知我有冇吹水😫😖💔💔

落街買宵夜見到新開咗間舖，諗住試下。店員推薦咗金磚烤珍珠奶茶，幾好飲，珍珠軟硬度都適中。仲試咗下原味珍珠奶茶，隻味有種似曾相識嘅感覺，都幾少喺香港飲到呢隻味會再幫襯

係附近返工經過就買左黎飲，原本以為同普通台式飲品店一樣無咩特別，不過味道比想像中好。叫左一杯紅柚鮮橙，係新鮮水果整成既，有好多果肉但咬落一d都唔苦，而且甜度岩岩好。