茜廊餐廳 (德福廣場1期)

營業中

休息中

白湯 感覺有d 似食粥蒜蓉包 係豬仔包係蒜蓉豬仔包 似乎係茜廊獨家 都幾好食的咖喱雞扒飯屬於比較多香料ge 咖喱雞扒正正常常多薯仔 我鍾意美國梅頭拼吉列蝦鹹到苦好失望呢個價位嘅話性價比一啲都唔高呀

真係愈做愈差，服務同食物質素大大下降，200元一個餐真係求其揀間都好過佢啲野食一味得個咸我唔會再幫親個羅宋湯係好多料啊 但係又係好咸 味精好重個龍蝦仲衰 俾芝士遮住哂其實就無肉ge龍脷柳又煎到濃哂

好多人諗起傳統既西餐就會諗起波士頓呀呢類既舊式西餐，但位於九龍灣德福既茜廊都係屬於舊式西餐之一！咁岩見到有Lunch set 就當然要去試下啦！今次試左佢個麻辣炒意粉！個麻辣感覺係得個辣字但唔夠麻！但個重點係佢食落口既時候都唔係覺得好辣，但愈食會愈辣🔥🔥🔥！！另外個炒意粉有小小豬肉，但料就比較小🤢🤢🤢。不過擺盤黎講都幾靚！除左主餐之外，成個Lunch 仲要包埋面包，飲品同埋湯，可謂非常豐富呀！

很多年前來吃過晚餐, 但食物與價錢不成正比。多年無嚟，想睇下有冇改善，結果一樣！是晚叫兩個晚餐，一個香煎豬扒拼吉列蝦，一個咖哩牛脷中東包。餐湯羅宋湯及一忌廉湯。羅宋超酸，真醒胃。忌廉湯正到一個點，係皮蛋瘦肉粥味，從未飲過咁既忌廉湯味！咖哩牛脷中東包，咖喱好勁苦味，難食。香煎豬扒拼吉列蝦，正常少少，但無驚喜，椰菜成舊上，連用1秒分開佢地都懶！無記錯$148，呢個價錢去附近SimplyXXXX 已食得唔錯。餐飲叫可力，華田，最正常！去茶餐廳食個扒餐都無佢咁唔抵。以後都唔會再嚟食晚餐！

星期日想食一個下午茶並不易周街都是人走到去九龍灣德福見到有間西式餐廳想食好西誰知入到去原來都是茶餐廳食下午茶沒關係儘管試試看朋友叫了一個脆豬扒豬仔包餐跟沙律我再叫佢了芝士肉醬焗意粉另外加了 忌廉湯及蒜蓉包先到的意粉味道不錯芝士在上面溶了 意粉唔算太硬夠味肉醬亦很好吃 食到肉碎的同時忌廉湯配上脆脆蒜蓉包包放在湯入面 一齊飲味道一流可惜豬仔包就令人失望包雖然脆 但豬排又硬又薄身好乾身 食完好口乾沙律薯仔好多 有點中伏埋單要加一 $120兩個餐但其實只是茶餐廳水平兩個餐送餐時間 仲要有時差友人食完 我個脆脆豬仔包先到真是有點無言希望遲點再食會有進步啦

話說尋日喺德福行完街就喺附近搵啲嘢食近近地二三期中間嘅茜廊餐廳就好就腳入面環境都整整齊齊 食飯時間唔使等位兩個人食 叫咗一個西冷扒同卡邦尼意粉跟餐都有餐湯同飲品送餐湯我哋嗌一個羅宋湯一個忌廉湯 （羅宋湯比較好飲， 幾足料仲有蒜蓉包送..個蒜蓉包不得了！！！係令我再返嚟食嘅主要原因 又脆又香 好好食！！！由點餐都上菜嘅時間都好快 未飲晒個湯就到齊晒西冷扒同意粉嘅份量都唔少 幾抵食不過個意粉就略嫌有啲漏（膩？！ 蛋味好重跟餐仲嗌左紅莓茶酸酸甜甜 凍熱都好飲

難得同仔仔去玩 ，要先食飽個肚，經過見到呢間有兒童餐就入咗去。 爸爸食咗個珍珠飯 ，味道不過不失。 媽媽食咗一個魚柳芝士薯蓉， 味道偏鹹 。 因為食滿188蚊 ，仲送咗個兒童餐，不過唔記得影相， 有肉醬意粉 漢堡扒 薯條 果汁，最鍾意就係兩個細細杯嘅雪糕甜筒 ！個仔好開心！

呢間餐廳都幫襯左幾次感覺上其實都叫做唔錯而我哋都食晚飯為主。平日其實都唔係好洗點等位而且餐廳有裝修都叫做舒適燈光溫和，枱亦都係夠大張。我哋叫咗三個晚餐都係飲羅宋湯而且會跟個蒜蓉包。羅宋湯上枱嘅時候熱辣辣配料十足非常好飲,如果蒜蓉包亦都非常之香口脆卜卜主菜就叫咗一個咖喱豬扒飯咖喱味好香椰汁味好重另一個主菜就係三文魚煎得非常之香口配合南瓜汁非常絕配最後亦都叫咗燒春雞略嫌佢笑得比較乾有啲鞋

相約左朋友係德福行街，然後再食晚餐第一次試呢間餐廳，聽講都已經開左好多年，但係仍未食過因為好想食牛既關係，我地二人叫左一份鐵板牛，白汁意粉同埋天婦羅蝦沙律一齊share食牛肉本身已好鮮味，再加埋個醬汁就更加入味意粉同沙律都幾好食都算係便宜得黎又可以食到西餐可以一試

位於九龍灣德福花園的西餐廳「茜廊」，是陪伴著我成長的一間餐廳。記得小時候大時大節，爸媽才會有著一家人這裡剧扒吃大餐。餐廳位於這屋苑超過30年，裝修過幾次，鋪位變小了，把一部分空間劃給其他租戶。從前西餐只賣純西式食品，但為了配合時代所需，迎合一眾港人的口味，公仔麵及米粉等港式食品都有提供。這天想吃一點帶湯粉類，看到餐牌上有煙斗粉，由於一般餐廳比較少見，所以決定點羅宋湯煙火腿煙斗粉吧！📍羅宋湯煙火腿煙斗粉羅宋湯有牛肉、紅蘿蔔、芹菜、椰菜等，味道十分濃郁，單喝湯會偏鹹，配煙斗粉同吃會較好，但仍然是較重口味的。煙斗粉其實就是大號的通心粉，空心的位置多了，可令更多湯汁藏入粉內。煙火腿有兩片，配合羅宋湯通粉來吃，味道頗夾。📍配餐煎太陽蛋及五谷多士多士附有一盒安佳金裝牛油及一盒士多啤梨果醬。太陽蛋煎得香脆，邊帶金黃。📍餐飲凍咖啡少冰糖水是可自行添加的，凍咖啡味淡，即使已點了少冰。建議大家可選擇點熱咖啡會較好。餐廳食品質素好像比從前稍有退步，希望下次再來會有所提升。

今日同好姊妹加佢囝囝到九龍灣食晚飯，見這間茜廊有推介晚餐滿$228就送兒童餐，又見幾多人食，就入去試試。環境都可以，算幾大；但服務就麻麻，見服務生常常放錯餐點單錯枱號，有點求其。我們點了2個晚餐（包餐湯+主菜及飲品）餐湯點了羅宋湯，好好飲，唔會太辣又濃郁又多菜多肉，餐包更是香脆又有牛油香味，幾正又大片黑松露雞肉飯唔知點解要有2條天地線插住（是裝飾嗎？但雞肉好軟腍、黑松露都幾香又唔會太濃、飯軟硬剛好，幾好食梅頭配吉列蠔薯菜好大一塊梅頭豬，雖然有點肥膏，但好腍好易咬；炸蠔好脆又濃蠔味；配菜的沙津菜都算新鮮，配上少少千島醬唔錯；可惜是薯仔有酸味，無食哂兒童餐有藍色黃色車車選擇，有不同意粉口味及配料不同男囝當然選了藍色，薯條都幾大條幾多薯條蓉在中間，豬柳都唔會太乾身，肉醬意大利粉可能凍咗有點硬了；另有一杯小橙汁送

今次嚟到九龍灣德福搵食, 同大肚朋友食晚飯經過見到唔錯就揀咗茜廊餐廳, 時間晚上7點多門口已經要攞號碼等位, 不過大約等咗十分鐘左右就有位了。 同行有位小朋友, 餐廳亦有供應高少少嘅兒童椅, 咁小朋友就可以輕鬆食到嘢啦~我哋叫咗三個晚餐, 我哋揀咗羅宋湯, 本身晚餐會跟蒜蓉包, 值得讚係個蒜蓉包勁脆, 成塊都焗得好脆, 我好鍾意食, 羅宋湯都ok 唔會太辣, 小朋友都飲到。另外加配咗椒鹽雞中翼四隻($26)同炸馬介休球($38), 雞翼小朋友食曬, 同炸馬介休球都唔算好鹹味道都ok啦~🔸日本南瓜湯帶子青口扁意粉 ($118)🔸帶子都好大隻, 南瓜湯係屬於偏甜日本口味, 好啱小朋友食。🔸香草烤燒春雞配薯條 ($113)🔸原隻切咗兩邊, 雞肉好嫩口, 皮都烤得脆口唔燶。🔸葡式烤bb豬配炒飯 ($192)🔸原本想叫薄餅但可惜今晚冇哂, 於是改叫左葡式烤bb豬, 個皮烤得好脆, 味道ok, 配炒飯就比較少。老實講, 就係港式西餐廳, 價錢貴唔貴就見仁見智, 不過同價錢同商場可以有好多選擇。

已經好耐冇食過呢一間餐廳又諗唔到食咩所以就入去試試佢有冇進步或者退步啦呢度嘅裝修幾好嘅，枱同枱之間唔會太窄，而且張枱都夠闊落嘅可以擺到唔少嘢食唔覺得好迫。我哋分別叫咗一個咖喱豬扒配白飯同埋南瓜汁煎三文魚扒，晚餐係有跟餐湯嘅就一個忌廉湯同埋一個羅宋湯。個蒜蓉包普普通通啦，蒜蓉味唔算好重但係芝麻味就好勁，變左食落好香。羅宋湯啲湯料十足，幾好飲嘅，唔會太酸都唔會太辣。但係略嫌卻比較油膩。個忌廉湯得好creamy，唔會水歸水流之後講講個主菜啦。個咖喱豬扒飯個醬汁幾好食嘅但係啲豬扒呢就有啲硬，食到牙都軟埋😂😂😂個三文魚煎得啱啱好，唔會過熟，而且佢嘅醬汁就一般無乜南瓜味。之後三文魚下面係有半條茄子，燒得啱啱好，個燒汁亦都唔會太鹹我幾欣賞。份量十足上菜都好快而且侍應態度都唔錯。整體上呢間餐廳係不過不失，但係未至於話好好食到短期內會再次返嚟。

住咗喺呢區都有一段時間，以前成日嚟食佢嘅蒜蓉牛油😂（好似outback係為咗食個麵包一樣），自從佢冇咗呢個蒜蓉牛油之後好耐冇黎食啦。約個朋友即興嚟食下午茶，見到門口水牌有個餐廳周年紀念懷舊餐好似好抵，我個朋友仔好肚餓無睇有乜食就吸左入去。下午茶menu有幾頁好多款睇到眼花撩亂。因為又有炸野又小食又有湯粉又有飯又有包又有啲据扒，真係係好多選擇。大部份下午茶最早六點半，唔怪得啲人六點先入嚟應該係當晚餐咁食。裝修係靚，想安安靜靜優雅咁嘆下午茶係冇乜可能，因為真係好多人好嘈。睇咗好耐終於揀咗生炸雞髀配薯條，另外一個係羅宋湯雞粒煙斗粉生炸雞比真係幾好，皮脆肉唔硬又夠大隻，加咗錢配薯條但唔多但有啲油，應該就一隻配紅豆冰仲平啲😅羅宋湯雞扒煙斗粉配蒜蓉豬仔包，個羅宋湯係真羅宋湯有牛粒既，唔似其他餐廳雜菜湯扮羅宋湯，雞粒就真係得兩粒喇仲話照燒都唔覺，粉好軟好味蒜蓉豬仔包雖然冇得自己塗牛油，蒜蓉味都仲係好味個包好脆。送既莓果茶都幾甜幾好飲埋單$100響德福黎講係抵食既

2人行食聖誕大餐～又唔想去油尖旺同人地迫～轉左嚟德福廣場食嘢～店裏面都好有聖誕氣氛座位都算舒服唔會太迫叫咗兩個set～跟餐有：湯、蒜蓉包、主菜、飲品蒜蓉包唔係用常用嘅法包～但都好軟熟～大大塊好香蒜蓉味～烘到熱辣辣配湯正呀忌廉湯又滑又creamy～羅宋湯夠酸夠濃～比起好多西餐佢地個羅宋湯好味好多～雜菜唔算多～話係牛肉煲嘅但一粒肉都冇香蒜黑毛豬豬肋意大利粉賣相吸引～黑毛豬豬肋得三小舊好孤寒囉～重重嘅蕃茄汁配以蒜蓉、紅椒、洋蔥都好夾烤原隻西班牙無激素走地黃油雞～雞皮烤到脆脆地～又好入味～肉質仲好嫩唔會‘鞋’配以沙律菜～份量適中即磨咖啡咖啡豆都幾香配淡奶～如果配新鮮牛奶重好D囉檸檬撻應該係買返嚟嘅～好香檸檬味～做飯後甜品一流