茜廊餐廳 (上水匯)

營業中

休息中

等左大概半小時才有意粉同焗飯，等餐湯等左20分鐘，而且果時餐廳好少人坐唔滿。真心好難食，第一次食咁難食既意粉同焗飯，😭街邊茶餐廳都好食過佢！真係唔會再黎呢間餐廳。

晚餐已經大约一年冇锯扒,今日經過上水滙茜廊,又唔使等位,就去試下,久違嘅味道,嘩..好多選擇,叫一份焗意粉,主角係西冷扒,好似縮水,細件咗,碟大過扒,又冇配薯蓉,差少少賣相,扒一定唔好太熟,因為鐵板上,熱力會令扒再熟一D.😋,加一份🦆鵝肝,一份牛油焗🐌蝸牛,最好加一杯🍊🍎🍐🍓水果冰😆

今日要去上水一遊，當然與政治無關啦個肚子咕咕叫了，要搵地方醫肚啦……茜廊?好，就佢，好耐冇幫襯過呢間店了系上水滙5樓，依然是咁舒適的環境，😱😱😱😱佢有個餐牌好吸🧐😳🥶🐘耳?大象的耳朵唔系嗎？賣象耳犯法嗎？食又犯法嗎？😂😅?好就叫佢試下，睇下佢的真面目，原來是超級巨型🐷扒，好似大象耳咁大的豬扒👏👏👏隻碟有張台咁大😱今日一個人對住咁大份的象耳有d驚慌，食啦🤭，切落又幾厚肉，炸得好金黃松脆，食落外脆內軟，有肉汁油脂香味，點埋茄汁或沙律汁即刻唔同感覺，我好努力都是只食到一半，另一半打包啦！呢件大象耳如果三五個人 share就十分好。估唔到今次幫襯有個意外驚喜物一試，都唔錯隔離台有6人，見到咁大份即刻點了份🤭

今日補食番上星期既母親節飯因為廢事媽咪出到咁遠咁攰  所以近近地係上水附近搵餐好少少既黎食聽聞上水匯茜廊就做到西餐之餘又好抵食   於是就黎試試三文魚意大利飯賣相同味道都係咁多樣之中最好既！黑松露闊條麵味道比較淡因為其他菜都比較濃味  所以好容易就蓋過左麵既味所以建議先食左先天使麵少少辣   不過麵身比較乾身 個人認為個味道就唔係好夾  羊扒太乾身同偏燶  不過比出面既餐廳好在陣羊so味佢辟得七七八八連我怕食羊既家姐食完都話ok！賣單400幾蚊仲有蒜容包送！抵食！

三個女仔，放工餓都爆，想大拆一餐，又想靜靜傾下計。結果去左『茜廊』食西餐🤤樣樣都想試，款款都想食。於是我地豬、牛、羊每人叫一樣，然後share食～『茜廊』環境都唔錯，係食飯傾計嘅好地方，以咁嘅價錢黎講，食物同服務質素都好好～我主要食「羊架」食物味道不俗，肉類都好好不過配個個汁就唔係幾夾，我都係覺得平時嘅薄苛汁同羊架襯啲！另外嘅豬、牛肉都好味，朋友同我講返，肉嘅口感好正！然後又有湯！又有飲品～咁嘅價錢算好化算了！

除左下午茶餐同（ a+b) 買一送一ok 好食同算抵食之外晚餐 pizza同天使麵都麻麻地。cuppuncino 更加唔建議飲Pizza 太干身 天使麵都好干 冇咩味而cuppuncino 既咖啡豆應該唔太靚所以出黎既味唔太好 冇左個香氣同餘韻

星期六起身又相去行下食早餐，心想不如試下茜廊d早餐。我一向覺得下午餐同晚餐茜廊幾抵食，當然呢個價位食客要有合理期望，不過都算有中上水準。早餐三十幾元有牛扒腸炒蛋同奶茶，加幾元有個五香肉丁米，食物質素一定比其他幾間連鎖快餐店好，最少成感覺個份量是合理。不過早餐我覺得要坐得舒服，而呢度坐位幾好坐，環境無一般茶記咁逼，而且窗大又光猛，慢慢嘆個早餐，上下網睇下野，令人好精神。如果大家住係附近，都是茶記外的另一選擇。

放假日，同老公去左上水西廊食早餐！揀左歐陸西式早餐，豬扒滑蛋剪火腿，牛油多士配熱好立克，加多$8配埋迷您雪菜肉絲米粉！哩個算抵食之選，迷您雪菜肉絲米粉唔算迷您，都算大碗，老公就揀香煎薄牛扒，滑蛋紐倫堡腸，加迷您肉丁米，飲奶茶，雖然味道不及茶餐廳早餐，但勝在環境坐得舒服⋯慢慢享受豐富既早餐！

- 自從上次食嗰咁經濟嘅午餐之後， 今次再返食， 食下其他set 🥢先...... 我地今次叫咗星期二系列嘅。包紅湯 or 白湯， 餐飲☕，仲有餐包 （蒜蓉包🥖） ：味道都ok 架。紅湯入面有仲好多菜， 邊飲湯邊食菜🥦， 夠哂健康。 黑椒豬扒蛋飯（$45）：塊豬扒夠哂大塊， 配上黑椒夠入味， 加埋太陽蛋🍳，簡單便最好。 蒜香帶子意粉（$48）：意粉🍝炒得得乾身， 食到應該係用牛油嚟炒， 加埋帶子、 菇🍄。 幾香口 ~~__________地址： 石湖墟龍琛路48號上水匯5樓503號舖

><咖喱雞肉pizza($48)跟餐湯 蒜蓉包 餐飲都係一般有紅湯白湯揀個包太脆 浸湯都唔腍lol個批比想像中大 一個人勉強食得哂批面塗滿尼泊爾?!個種咖喱可能平時食慣好多材料嘅pizza所以得雞肉餡料 顯得有d寡儲滿$600單(最多3張夾埋) 可以換會員證優惠券><><><><><><><><><><><><><><><><另收加一服務費茜廊餐廳 Sidewalk Cafe上水石湖墟龍琛路48號上水匯5樓503號舖

- Overall嚟講，呢度嘅午餐唔講得上係好食， 只可以話叫做坐得舒服又同一般快餐嘅價錢差唔多。 加埋一五十幾蚊有餐包、有湯、有主菜、有嘢飲（冷熱同價），今時今日lunch嚟講都算係平㗎喇。1. 限定優惠午餐 ~ 車厘茄肉碎燴意大利粉（$48）： 呢個意粉相當大碟，一個人真係食唔哂。2. Set Lunch ~ 茄子咸豬手會煙斗粉（$48）： 為求食飽嘅餐__________________________ 地址： 石湖墟龍琛路48號上水匯5樓503號舖

今日走到呢頭，未食飯又要等人，找間好坐的餐廳，邊食邊等，幸好預到茜廊！下午茶確係抵。標題係買一送一，梗係唔執輸。叫了牛扒及燒雞，跟餐有湯，包及餐飲。凍飲唔加錢，但最後要加一服務費。牛扒份量足，春雞半隻，竟然有半份煎魚。有雞又有魚。雞肉有點”鞋”,醬汁一般般。牛扒唔錯，但有點咸，反而蒜蓉醬味道很好。反而服務員很體貼，特別問我們是否需要汁另上。正合我意！下午茶價錢食到晚餐的份量。難怪咁多人爭取下午茶來放飯。

今晚晚餐同屋企人去到茜廊食晚餐，同屋企人食飯，首要都係坐得舒服，唔會太逼，乾乾淨淨，可以慢慢食，傾下計。加上價錢相宜，茜廊係上水區算係一個唔錯既西餐選擇。屋企人好飯，我地叫左一個黑松露野菌意大利飯同埋立魚配薯菜。上枱份量足，飯底好香黑松露味，而燒雞都唔會太乾，屋企人表示滿意。

午市套餐有牛腩飯選擇羅宋湯好濃味 夠曬熱 超好味跟湯有個法式牛油包 好硬好熱氣 因為個湯有小小濃味 就諗住配埋個牛腩 點知變左做西式燉牛腩🙃🙂🙃🙂牛腩有小小筋未話好冧 好入味餐飲可以簡凍朱古力 重要唔洗加錢

今晚晚餐同屋企人去到茜廊食晚餐，同屋企人食飯，首要都係坐得舒服，唔會太逼，乾乾淨淨，可以慢慢食，傾下計。加上價錢相宜，茜廊係上水區算係一個唔錯既西餐選擇。屋企人好飯，我地叫左一個黑松露野菌意大利飯同埋立魚配薯菜。上枱份量足，飯底好香黑松露味，而燒雞都唔會太乾，屋企人表示滿意。