茜廊餐廳 (上水匯)

營業中

休息中

放工想買個外賣返屋企同埋屋企人食，咁就去左lee間野，叫左個五成熟牛扒同豬手另外加焗田螺同沙嗲雞串，點知飲個餐湯飲著膠，牛扒叫五成熟，整左個3成都唔知有冇，重要韌到不得了，切到义都斷埋，之後用返鐵金屬刀鐵金屬义，全部野食剩係個焗田螺同個沙嗲雞串正常，其他都好差，真係難食都唔緊要，飲個湯有塊膠係到，間野真係膠到爆。。。。其實做唔到個客既要求不如唔好問個客要幾成熟，一間西餐廳煎塊牛扒都唔掂，不如轉做小食點吧啦。

✨茜廊✨上水平價早餐之選🥳🧆 歐陸風情 香煎豬扒 · 炒滑蛋 · 雜菌 · 牛油厚多士 $45 豬扒夠晒大塊 汁嘅量差小小 蛋夠晒滑 有小小牛油香 通粉就差d 有小小硬 煮得吾耐 上得太快 不過熟嘅┄ ♡ 評分區 ♡ ┄💰價錢：5/10😋 味道：6/10 🌆 舒適：6.5/10😚 返兜：6/10📍#茜廊 地址：上水石湖墟龍琛路48號上水匯5樓503號舖

第一次嚟呢間嘢，唔係防疫情周圍舖頭關門冇嘢好食都唔會去。衛生：一坐埋佢張枱仲有幾粒飯，你當佢係茶餐廳個心會好過啲。環境：坐卡位後面後面塊版太薄，後面個人一喐就影響到，調位坐過對面一樣，唯有成程伸直條腰唔靠背。食物：12安士牛扒明顯好細塊，牛扒全熟，換過一次都係一樣，廚房可能唔識煎牛扒或者根本玩嘢。服務：冇問題，冇再換塊牛扒因為唔想為難服務生。為免唔好浪費食物我都食曬佢，當買個教訓，下次上嚟睇咗食評先，應該呢一世都唔會再去。

如題一樣唔知係咪最近飲食業都好難既關係啦店員der服務真係唔太多得啊雖然我都明呢個時世可以點啊但應該有既服務都要做番好嫁嘛另外食物方面都冇以前咁好炸野好大陣油益味，麵包食落又好似放左幾日唔新鮮咁希望之後可以改變下啦

以前都有食開lunch set, 九十幾蚊兩個餐黎講質素都算過唔錯，個時最中意食牛扒餐，大塊得來又唔會好韌，之後都時不時keep住有食，就突然有一日同樣叫牛扒餐，牛扒明顯差左，冇左咁好食同韌左好多。到宜家越嚟越貴但質素就越嚟越差。

約左個朋友去上水食早餐諗住揾間好坐啲嘅餐廳方便傾下計慢慢坐嘆早餐除左茜廊，好似都無更好嘅選擇望左個餐牌好耐都唔係幾揀到一部分偏貴另一部分略嫌唔夠豐富最後叫左份“巨型”魚柳餐無記錯好似58蚊😐凍飲再加3蚊（早餐超過40對我黎講巳經屬於貴😂）賣相ok，但味道普通多士唔脆、唔暖炒蛋蛋味幾濃，但係就散、碎菇同沙律都無乜特別主角魚柳可以話係比較大塊同餐牌上嘅所謂“巨型”似乎有啲出入😓但係係炸得好食嘅雖然唔係熱辣辣但都脆口肉質尚算結實唔會散晒如果下次又要揾間餐廳傾計食早餐我諗未必會揀返茜廊一黎性價比低二黎環境太逼太暗今日坐到窗邊卡位先光猛啲餐廳中間部分真係好暗個人覺得唔係咁舒服

一直聽人講上水會有一間好抵食嘅西餐廳，今日去咗食lunch，感覺都唔錯叫咗個青口卡邦尼意粉，意粉份量好多，感覺好似係一般餐廳既兩人份，青口都好好味，但我略嫌唔係好多隻。另外佢嘅牛扒其實都幾抵食，大大件，我叫咗六成熟，鐵板上碟就差唔多七成，其實應該叫唔成熟差唔多，七成嘅感覺熟得滯。呢度環境都坐得好舒服，好啱傾偈

二人餐 ，B+B 配搭， $108 有 兩款：B+B套餐其實都係揀兩款， 何解 寫買一送一，看收據就清楚明白，原來這樣可以分開收服務費，實際為收20%服務！正常只會諗$108 乘10% 服務費，點會諗到$108 乘20% services charge ！🙄🙄

叫左個A餐。。豬手扒拼腸。。。個豬手扒好似白烚咁又靭又冇味，難食到震，自己煮都好食過佢10倍，腸仔係cheap cheap來貨，小食店賣$10條個d另外個黑松露蝦炒飯仲搞笑，完全係揚州炒飯嚟，黑松露極少極淡。d四季豆有浸草青味，又苦又澀咁嘅質素收我$190。。。完

-長評-首先我地落單 有個新黎嘅侍應黎落我地想要兩個G餐 香煎牛柳+大蝦+蒜香天使麵$148（怕佢聽唔清楚 特登講做Girl)之後再落左個龍蝦餐加塊扒 $228仲有一個因為父親節特別送嘅C餐 落單落到尾聲 個侍應問我地食G餐嘅幾成熟 要咩汁 我哋嗰時唔為意 所以答埋幾成熟同要咩汁當啲嘢食嚟到嘅時候 龍蝦餐同埋C餐係啱嘅點知G餐黎到 變咗舊西冷牛扒 （到最後我哋睇返個Menu先知係西冷牛扒）但因為我哋平時都唔係好識分扒類嘅樣 所以冇質疑佢 以為係牛柳 照食住先同埋冇嗰隻大蝦係個碟度 我哋仲特登問個侍應「請問嗰隻大蝦係咪會跟埋天使麵先上」佢答我地「係呀」到食咗大概半個鐘到個天使麵都仲未嚟 我哋就搵嗰個經理 問佢「我哋個餐有個天使麵好耐都未嚟可唔可以幫我哋check吓」個經理check完之後同我哋講「但係佢落咗係B餐喎」咁我哋梗係好愕然啦原來自己食緊另一個餐之後我哋就話「但我哋本身其實係想食蝦 先叫果個餐 你既然落錯單可唔可以送返隻蝦俾我哋？」個經理個樣係即刻黑晒面 從頭到尾一句sorry都冇仲要喺度發脾氣咁答「咁我都要問吓廚房整唔整得俾你㗎喎」咁我哋就等佢問啦 然後佢完全一個答覆都冇俾我哋

本身諗住呢間既價錢合理，service 同出品既質素都會相對拉，點知....真係只有一次，職員好似唔憂做咁，慢條斯理咁，出餐時間算合理，但你都見塊扒仲係好生，叫個職員換個佢啲態度衰到一個點，因為咁我無換到，驚佢加料🙄我朋友叫雞都仲好少少，味道一般，未去到話難食到完全放唔到入口，不過有得揀唔唔會再幫襯羅。野食唔算好今，service 差到一個點，如果想貼錢買難受既，我推介你去試下既。Blacklist!!!!!!

呢幾年黎間唔時都有幫襯呢間餐廳，開頭質素唔錯，環境風景優美，上一次lunch時段幫襯，野食質素差左好多，以為係忙得濟啦，今日晚餐時段再幫襯，諗住比多次機會佢，點知都係失望到極點。首先，我叫左杯凍檸茶，個茶底勁淡好難飲，茶記都不如。第二，我同男朋友都係叫左西冷牛扒，7成熟，但我果塊同我男朋友果塊差好遠，我果塊食左第一啖已經吐左出黎，韌到咬唔到要夾硬吞！根本全塊都係筋！食到最後我地同其中一個侍應反映，佢話一開始講既話可以換過塊比我地。其實我地有諗過，但驚比人加料所以最尾先講，廢時比人覺得我地想r多塊。第三，其他人服務態度都好好，但個經理比人漫不經心既感覺，落單冇覆單，我地同佢講唔該，佢都冇反應，我知道做餐飲業好攰，但都唔會咁掛？埋單時一句都冇講，幾錢又唔講，多謝又唔講，到底係咩事？仲要收我加一服務費？總之，呢間餐廳唔會再去！亦會叫身邊既人唔好去！

整體黎講，服務態度係唔錯，但野食真係好離譜，叫左個德國鹹豬手配白飯，等左半個鐘，又唔熟，然後叫左2個小食，結果單都無落，第二次幫襯仲衰過第一次，堅決唔會再食！！

返完夜更，返到上水。突然肚餓。平時好少返完夜去搵嘢食。因為返屋企爭取時間瞓教。既然今日個肚係咁叫，夜晚又唔洗返工。咁好啦。就四圍搵下嘢食啦。呢間餐廳唔算易搵到，要行到去上水匯然後再搭幾層電梯先到。幸好平日早上唔算太多人，直接搵到個窗口位就坐低。叫左一份早餐，早餐份量對我來講係啱啱好。魚柳炸得好好食。麵包烘得夠脆，但亦都非常之滑。再加多兩條腸。可以話相當之飽。整體嚟講，我覺得呢個早餐係好食嘅。好啦！食飽就返屋企瞓教喇😴

今日星期日，去左上水行街，在上水匯茜廊食午餐。餐廳好少人，平時都經常幫親，但都接近滿坐，今日到12:30pm 都只有大約小半客人。這個食飯環境對我當然很舒服，靜靜地找個卡位，享用午餐。見到服務員都在照顧外賣單，沒空安排坐位，就自己找個卡位坐，等了一刻，還沒人拿餐牌來，所以就自己去找餐牌。見到焗巴黎鐵塔千層麵，不過要成$88(個牌最貴的)，不過最近美股有點收穫，就豪一豪佢，另一個餐點了意式茄子吞拿魚燴煙斗粉 $56。等了20分鐘餐湯還未上，再多10分鐘，一黎就上左主菜(意式茄子吞拿魚燴煙斗粉)。原來人手踢晒腳，沒空洗碗了。最後都齊全部餐湯同主菜。蒜蓉包好好食，忌廉湯都好好飲。意式茄子吞拿魚燴煙斗粉，好食的，不過就好少吞拿魚，很難發現。終於要食最期待既，焗巴黎鐵塔千層麵。都好好吃，千層麵中間有滿滿的牛肉，每啖都好滿足，只是覺得有點少，很快就吃完。希望未來餐廳生意好，繼續有好野食。