英記麵家

營業中

休息中

第二次嚟英記,今次貪心地叫了雙拼--叉燒和炸雲吞英記出名叉燒, 聽聞是自家燒的... 但有點失望, 叉燒多色素,叉燒味亦不強烈,還有點韌...炸雲吞... 冇諗過炸雲吞會放在湯上, 令到佢淋晒,完全唔脆不過材料十足, 好多蝦. 雲吞都好大隻如果炸雲吞分開上會好好多...很喜歡在英記食麵, 特別鍾愛那個湯底,很清甜, 似乎沒有添加任何味精...麵上灑上蔥花,賣相吸引上次食牛腩河好食好多, 下次都係食番牛腩

款式唔算好多，不過今日我試左佢既叉燒河 and 雲吞麵佢既叉燒係自己浸既，比起３年前既進步左好多河粉唔太林，唔硬，正爆，岩岩好佢而到無就咁普通雲吞，得炸雲吞不過佢個皮唔係脆個ｄ皮黎，好特別浸左湯有另一番風味粒蝦好大好新鮮，肉係用新先肉碎整既佢個麵麵質岩岩好，無個陣麵粉味

知道有這間店舖很久了，但是光顧還是首趟。一場來到，當然叫了义燒和牛腩這類食物，味道就如下:1) 义燒雲吞河: 义燒是自家燒的，顏色染色得不自然，雖然肉淋，但是沒有應有的义燒味，只是靠甜甜的汁補上味道;至於炸雲吞的瘦肉比蝦肉多，味道麻麻地，而且外皮不脆‧河粉的味道則ok。2) 牛腩河: 牛腩的味道幾好，既淋又入味，唔錯。

住左西區就黎三十年, 由幼稚園到小學到中學都係喺高街附近, 不過英記都係由中一, 二先至開始食, 食到而家就黎三十歲, 一食都食左十五, 六年. 以前返學因為零用錢唔多, 所以黎到英記只會食單拼(以前係$16), 食得最多既係雲吞河, 因為佢地既雲吞係炸既, 咁小朋友就梗係鐘意食香口野啦. 不過佢地既炸魚同埋叉燒都唔錯. 到而家大個左, 就梗係要食雙拼(以前係$20)先至夠飽架啦....!!! 最鐘意食佢地既牛腩雲吞河, 次次一樣咁滯.....!!! 而家平均一個月都食到兩三次, 不過而家就加左價好多lu(單$20雙$26)希望佢地繼續keep會咁既質素啦.ps. 仲有就係之前有食友話佢地既牛雜麵入面冇牛膀, 經小弟早前試探, 證實牛雜麵入面真係冇膀喎, 聽講係話佢地話啲膀唔靚所以唔整出黎俾客食, 雖然係咁啫, 但係無理由次次啲膀都唔靚架麻, 希望下次黎食雜河會有膀食啦..........!!!

This place is very affordable.The noodles are fine. The BBQ pork is good, but the fish dumplings are horrible.

幫襯英記幾年，雖然這裏的價錢較同區食肆稍貴，要$20一碗單拼湯麵，但勝在足料好味。我和少奶一直愛他們的牛雜和牛腩，而牛雜之中，最愛就係牛膀。我地係牛膀痴，而這裏的膀也燜得很冧很入味。可以說，每次食牛雜，都只為那塊牛雜，少奶有時更會叫碗牛膀河。不過，唔知點解，最近半年光顧了幾次，每次都沒有牛膀，結果每次都失望地看著一碗沒有牛膀的牛雜河老實講，其他材料仍有水準，牛肚和牛肺又冧又入味，牛腸夠肥夠甘香，牛腩肥瘦適中，而且也很冧，湯底也很鮮甜，但牛雜點可以無牛膀呀？簡直就係沒有靈魂的軀殼。就係咁樣，攪到我地無晒心機幫襯佢地囉。

讀HKU 的人, 或多或少都會知道有這間店子, 返開去, 一心就想住去食那令人回味的炸雲吞,我諗都有六七年冇去過了, 唔知執咗未, 好彩上 openrice 一 search 仲喺度!店子換了少少的裝修, 下午兩點幾都仲好多人,以往係食開佢的叉燒炸雲吞麵, 因為佢的叉燒係好唔同出面的叉燒,唔知點解, 好爽口半肥瘦啱啱好, 一直都係鎮店之寶之一!不過今次睇食評有人都讚佢的牛腩, 所以就叫了牛腩炸雲吞麵,牛腩是清湯腩, 味道唔錯, 麵很彈牙, 很香蛋味!炸雲吞 - 好多年來都好想再食, 終於有機會食到了!!! 不過今天的似乎放得太耐, 林咗 D ....但我終於都發現咗點解佢的炸雲吞咁好食 - 原來外皮係腐皮而唔係一般的雲吞皮啊!或者全香港只有這家食到! 那種雲吞的味道, 實在令人回味~

今日悶悶地決定去西環附近行吓..而且順便去英記試吓佢地既麵食。去到店內已發覺幾乎爆滿，幸好今次只是一條冷..還可以搵到一個座位坐下，最後我向店員點了碗牛腩河。牛腩河：送到臺面時已發覺份量不小，而在牛腩同菜心面上灑上蔥花，賣相吸引...湯底看來是清湯底，飲落還算清甜，牛腩牛味唔錯，肉質唔會太un...ok。菜心爽口..河粉味道亦都幾好...整體黎講是一碗不錯的牛腩河，感覺滿意。

返工前當然要醫一醫肚，如果唔係會無氣力做野架，發現原來高街都真係幾多野食架喎，最後入左黎英記食返碗麵先。大概 12:30 去到，未係好多人，因為D學生哥未放LUNCH，所以可以靜靜地食個麵先。見佢單拼全部都係 $20 碗，真係唔貴喎，你知啦，而家出面D店鋪真係加得就加架啦。最後要左碗牛什牛腩米，眨下眼 3 分鐘唔駛就擺到你面前啦。碗米粉唔大，但佢個面頭已經俾D料佈滿哂啦，真係好多架，我食哂D米粉都仲有D牛肚牛腩未食哂。牛腩唔算肥，但好在都算淋，唔會UN到咬都咬唔到，偶然夾雜少少肥膏，食落有牛味。細個最鍾意食牛肚，因為覺得佢煙煙UNUN又唔似牛腩咁成舊肉擺入口，呢度既牛肚都唔錯，又係夠淋，唔會完全咬唔開。牛腸都好食呀，好多肥油，見到雖然好驚，但食落真係好香，所以都係懶理食左先算啦，成碗野味道絕對是足夠的，如果湯底再濃味少少就好啦。呢度只供應汽水，啱哂D中學生，我想飲咖啡就無啦，哈哈，食完既時候見到一大堆學生黎緊，都係快D走唔好阻住人做生意啦。

五月十一‧晴雨不定 多好的店子，也不會輕易再臨，如這裡的牛腩及牛雜俱不錯，但數數上次來，已是整整兩年多前的事。又經過附近，想起來這裡吃個撈麵也好，就來幫襯。 午市時間，學生加上在附近工作的白領，這裡是坐滿人的。就在收銀櫃隔離坐下，地方迫澀，不算舒適。不過一人吃飯，吃完便走，也沒有所謂，就要了一碟牛雜牛腩撈麵，走蠔油要腩汁。問過沒爽腩，就要稔一點的牛腩。 先來「上湯」，鹹鹹的，鹽下得重手，不過還好過重手下味精。牛腩是坑腩位，雖然廋肉位是比較韌一點，但筋位又真的是軟熟可口，比爽腩也不遑多讓，是來這裡必吃的一味。牛雜也不錯，鹵水夠味，浸出來的牛雜味道不會太差。有牛腸、牛肺及牛肚，最好吃的是牛腸，內裡肥油充盈，吃起來豐腴美味，不論是牛粉腸及牛大腸，皆百吃不厭。牛肺也稔身軟熟，牛肚也不韌，除了牛腩，牛雜也是來這裡值得一吃的；韌麵爽身彈牙，西環有不少的麵廠，在這邊開麵店，似乎都也會新鮮一點吧。麵是有點鹼水味，但加入了鮮濃的腩汁，又剛好蓋過了，吃起來是不差的。 風捲殘雲的吃完碟麵，滿意滿意。埋單30蚊，不是便宜的價錢，但仍然值得一試。

近來常在西環，英記亦是這一輪午膳最常來的地方，以前或會去枝記食牛腩，但近來它的湯底好像越來越咸，所以來英記多了。最出名的是叉燒面，蜜味較重，不脆淋淋的叉燒，和湯一起食最好，通常都肥瘦均勻的。最出名，但我覺得比不上牛腩牛雜。牛腩有時不特地叫都會給爽腩，筋位剛好是爽口而不韌，夠火候。牛腩通常都不太肥，但卻又不鞋口，牛味香味不特出，和湯食最好。牛雜想不到也不錯，牛腸是非常肥美，破戒也要食。全都沒異味，亦有咬口，絕對好食。雖只是二十元，但餸的分量頗多，抵食的。有這幾樣拿手食品，只做街坊生意也夠了，難得伙計老板娘都客氣有禮。看到炸雲吞應該也不錯，找天必定會試試。

提起英記最出名梗系叉燒^_^之前學校放lunch有時會行落黎買馳名叉燒面;不過而加少左~佢d叉燒真系幾好味細細舊, 而且吾會好似柴皮甘梗講吾出既好味不過講真佢有多色素之前食食下吾小心跌左落台面張紙巾上面已經印左少少色少吃多滋味, 多吃壞肚皮~

說起吃粉面, 我心中有幾間精選, 英記是其中一間, 更以牛腩為最美味另外, 小店自製的炸雲吞和叉燒, 相信街坊街里吃過之後, 無不讚不絕口, 因為真的太好味。 牛腩 + 濃味湯底 + 彈牙火粉排列得整整齊齊, 有少許肥膏在兩則, 吃落口, 其實當中的肥膩油膏早已被燜走半肥瘦, 正正配合得恰到好處, 又軟綿綿又入味, 絕不偷工減料~一啖米粉+湯, 然後再一口牛腩, 腩、米、腩、米相間地吃, 是這碗牛腩米的最佳食法 炸雲吞對此雲吞起初都抱著一試的心態, 總覺得粉面與炸物格格不入但試過之後, 就不同說法了雲吞因為需要炸的關係, 皮不及普通雲吞的薄, 而是有點皺皺韌韌咬開之後, 一大隻原隻蝦就出現眼前我相信一般女仔都需要3啖才能吃完, 真材實料!! GOOD GOOD GOOD 叉燒好少肥膏, 近乎啖啖肉。爽!! 甜!! 鮮!! 集於一舊叉燒之內, 但美中不足是可能燒叉的上色不好, 食到一半, 把米粉染得半紅, 有少少恐怖 =P但相信這只是雞蛋裡挑骨頭, 整體來說已有80分男朋仔差不多光顧了英記近十年了, 水準仍然十年如一日, 保持不變直至認識到我, 就經常帶同至愛到他至愛的牛腩粉每次每次光

我已經好耐無返去，但此終俾回憶中0既美味同滿足帶我返0黎呢度食，食牛什，我第一時間會諗起"英記"，因為以前0既英記，一上枱，就係一碗排列得整整齊齊的叉燒牛什麵。但現在的英記，和一年前比較，已經漲價$4至$26，(因為本人食開雙併)，實在有點那個，再加上份量還要比以前少，各器官都比以前少了一件，食得不夠暢快，既然已加了價，為何還要縮減份量呢? 0個日就係帶住好唔滿足0既心情離開... 如果英記老闆睇到，希望你諗諗點解以前英記咁多人食啦...

西環正街一條充滿著老婆仔足跡的街即使昨晚唱完通宵K今朝都專程過黎西環食呢個老婆仔中學時期成日食既英記我們選擇了避開高街的長斜路 走到西寶城搭電梯兜過大圈沿住HKU打橫行過去般咸道為的就是這間英記 無獨有偶 今天是和老婆仔的紀念日 哈哈進了英記後 老婆仔熟練地叫了叉燒河而我看過餐牌後叫了腩粗 加一個淨炸雲吞老婆仔的叉燒 令我想起澳洲牛奶公司的叉燒湯意外表和味道也不相伯仲 而且份量頗多而我的腩粗 份量都幾多 牛腩夠稔 但太肥 粗麵就普普通通貨式而一直期待的炸雲吞 和其他食評相同的是 凍!!!! D炸雲吞真係凍的但味道其實不錯的 咬開後可以清楚看到蝦和豬肉出門口結脹時 望入廚房先見到一大盤炸好的雲吞放係度攤凍唉 如果係即叫即炸 一定會更加好味PS: 吃飽後 眼見門外的太陽 本打算休息一下, 但阿姐突然過來問我地食飽未, 食飽就唔該...立即對呢間鋪有少少打左折扣囉..無理由趕客走架MA....