英發茶冰廳 (已結業)

心水來潮好想食多年沒接觸的鮮油多，想起在觀塘街市買餸時經常經過卻一直無緣光顧的一家老舊茶記 ，一於今日入去食鮮油多！聽講黎依度都要試埋招牌沙嗲牛麵！就叫左個特餐另上一個咖央鮮油多。凍奶茶先到 我飲咁多年凍奶茶 發現依家D茶記愈做愈差 已經唔知幾耐無飲過一杯我滿意既凍奶茶，英發杯凍奶茶竟然俾到我想要既味道 滿意！再黎沙嗲牛麵 嗯，真心無咩特別 麵亦唔係特別有彈牙 仲淋左D 終於到我既目標出場啦 咖央鮮油多 完全無令我失望 超薄又香脆既多士 厚切牛油 一口咬下帶有淡淡椰香、甜甜的咖央混合牛油的咸香，加上薄脆多士夾住厚牛油的口感很滿足！我決定之後每次經過都要入黎回味 膽固醇要爆標了～～

對上一次黎英發差唔多係六七年前既事！今日再度探訪！這間冰室保留老舊的裝潢和陳設！很典型港式老餐廳的樣子！估唔到七點半鐘入到去已經高朋滿座！唔洗排隊但就等左陣先有位！早餐節奏真的明快！甫坐下，已見到侍應埋身！看看牆面上有白色的招牌！早餐時間當然點抵食的早餐！叉燒湯意粉配火腿奄列牛油餐包！火腿奄列細份左，又好少火腿！雖然有蛋香不過比較偏鹹！這店家有自家製麵包！記得我小時候很喜歡同哥哥在這餐廳吃餐包！很享受那個餐前的餐包。剛剛在烘焙出來的餐包脹卜卜好靚仔！仲熱辣辣的送到你面前， 香噴噴！真的不得了！但是今天配送的牛油餐包遜色了一點！包面比較硬和乾！好在包身溫暖依舊鬆軟！意粉不太幼，軟韌度適中！但是這碗叉燒湯意味道都變了！以前是雞湯底！現在只是普通即食麵湯粉水！叉燒份量亦少了！慶幸的是那杯咖啡還算保持水準！入口夠甘香！這些老店經營數十年開始後勁不繼！出品質素下降，慢慢步向夕陽！

以前住官塘好少黎幫襯，今日路過有缘，於是試下網上有名的沙牛面，叫左沙牛面，面底用福面，少有，出奇地好，浸林少少重好味，再試埋出爐蛋鐽，曲奇皮，熱棘棘唔錯，奶茶都幾好，其他一般啦。會再黎，要支持下D小店，如果唔係就買少見少啦，

假日早上要去觀塘基智中學附近, 於是順道來嚐嚐買少見少的老冰室。餐包是自製的, 雖然是用罐頭馬芝蓮作為牛油, 然而包很鬆軟, 沒有很化學的感覺。門口也擺賣著各式各樣的麵包。新鮮出爐不欺人。炒蛋不過那些牛乳炒的/很滑的那種, 就是普通茶餐廳, 最家常便飯的那種, 我喜歡。奶茶當然無得彈, 色香味俱全, 又濃也滑。要是我有第二個胃的話, 我會同日再來吃多一餐, 新鮮出爐的蛋撻配熱奶茶, 諗起都正。(因真的不常來這裡)早餐32元, 配上連鎖店找不到的奶茶和自製包包, 無得輸。

觀塘係一個老區，有既都係好多老店。呢幾年裕民坊慢慢清拆，好多食市都慢慢執笠或者搬遷，好在街市附近既店舖暫時都無乜大影響。今日返工之前想食個豐富早餐，近年流行All day breakfast，但點都唔及去茶記食返個早餐A咁滋味。沙嗲牛肉麵，火腿煎蛋，牛油餐包，再加杯熱奶茶，絕對係不二選擇。沙嗲味濃，醬汁杰身。牛肉唔會韌，厚度適中。麵係褔字麵，傳統風味。奶茶都算香滑，唔會太苦澀。茶餐廳係香港傳統飲食文化，希望第時觀塘區重建完，對呢類小店唔係趕盡殺絕，而係得以融合，得以保留。

今朝收工 諗起係觀塘搵間茶記食下，咁同女友嗌左個常餐 沙嗲牛麵 同沙嗲牛出前一丁。兩個麵都淋到爆，唔講以為食緊糊仔不過佢杯凍鴛鴦係好飲既 但你話麵餐就唔掂 其實都係一間好普通既茶記

叫左蛋撻，波蘿包同腸仔包。麵包十分十分大個，很飽肚又夠味，X心個啲空氣包係無得比。味道是ok的可惜唔夠熱。枱面無menu所以出左鋪頭外面order啲包，俾一眾waiter阿叔取笑

今日又係官塘搵食, 工業區真係仲有好多食店可以發掘下...對於老式冰室有一份親切感, 就算宜家再開既冰室都無左以前既舊裝潢舊傢俱睇個門口都覺得正啦, 仲有D新鮮出爐麵包, 睇個樣就非常吸引..中午時份來, 唔算好多人有卡位坐下...自己一個人點個茶餐食啦...都叫抵食$32奄列加餐包, 叉燒湯意粉同熱奶茶講份量都算多架, 叉燒唔係薄如紙啦幾塊厚厚都叫公道啦...不過味道真非常一般意粉都煮到發脹麻麻呀, 奄列都叫OK 最正算係個餐包鬆軟美味既..不過整個餐最好最好就係杯奶茶呀..茶香奶又岩岩好...非常好飲..如果我要再來既理由都係為左佢地杯奶茶, 而不是食物!!地址: 觀塘輔仁街16號地下

It is always feeling good when you wake up at 09:00am in the morning during vacation.I am a lazy person and I hate sleeping late. That is why I always go to watch a movie early in the morning since this will leave you with plenty of time in the rest of the day, and you can have more than enough time to plan as much as you want to do.Before going to see "Mobfather" in Kowloon Bay, I still had plentiful time. Driving is convenient as you can go wherever you want. Being alone is another catalyst fo

同朋友行開呢度入嚟食過午餐是日可能十一點多人不算多有卡位坐我來到英發捧場,大多點平常不過的午餐組合午餐包括牛油餐包, 火腿奄列, 叉燒湯意粉, 奶茶餐麵包還算軟熟, 包內部塗不多牛油奄列則屬一般貨色, 雞蛋煎得不肥膩有點過熟沒有蛋香味,火腿C份量不算多, 沒甚特別叉燒雖然大塊但是少了點蜜味，仲少許鞋口湯底好似清淡了點,幸好意粉依舊彈牙奶茶有老式茶記味,也滑身，亦不錯 兼有奶味朋友叫豬扒麵加煎蛋同奶茶，佢亦係經常到此光顧對這間茶餐廳的印象是舊式茶冰室，還有用黑白淡奶既杯門口頗為殘舊，店內也是舊式冰室格局到此午膳多次, 不論外賣與堂食, 食物都可維持水準市區租金日益上漲, 要繼續經營此等食肆, 真是有點難道

今天早餐很想來個福麵，上OR見到這間老牌茶仔的麵很像樣，便向山上進發。坐下立馬點了老規餐，並著阿姐要福麵，豈料阿姐說只有出前一丁，出前一丁豈是那個賣相！？前人照片所見絕不可能是出前一丁，原來客人一般會轉麵的話是會選轉出前一丁的，而 default 的，就要那一隻很像福麵，但原來身旁侍應叔叔搭訕告知那其實並不是福麵的麵。default 的麵質果然跟福麵有八成像，滿足了，沙爹牛肉並沒有如坊間茶仔般進行過深度鬆肉，保持了一份嚼勁，好吃。中途兩次縮起雙腳好讓阿姐拖地，想起了兒時在祖母家中那一聲：衰仔，縮腳！很是親切..

常餐，有叉燒意粉，火腿蛋奄列，餐包，火腿奄列香氣十，煎得恰到好處，又不油膩，火腿片份量豐富，餐包綿密鬆軟。叉燒意粉是不過不失，熱度夠，意粉就麻麻地，叉燒不算太鞋。30有找，正！

沙爹牛肉麵，是英記的特徵。沙爹牛肉麵，福麵為煮，味道突出，也不辣，純香，帶有花生味，再加上牛肉，可惜有點鞋，老了。通粉尚算爽口。豬仔麵包軟綿綿，沾上了牛油，油香十足。煎蛋同火腿，普普通通，不太惹味。再加上杯奶茶，澀澀地，不錯。

同友人相約試下呢間茶餐廳，入面環境一般地逼，比嘈吵，　都係俾街坊閒話家常既地方同隔離枱吹水原來呢間茶記開左幾十年，　全部野都吾錯，　尤其要試個沙嗲牛肉包兩人叫左叫左兩個常餐，　一個菠蘿包同一個沙嗲牛肉包，　餐包冇特別，　炒蛋火腿幾好食，　未到好滑蛋既程度，　但都算不錯，　有點兒時味道既感覺叉燒意粉，　叉燒半肥瘦，　意粉林度剛剛好，　雖然一個甘普通既意粉，　但係我會食得出佢係日子有功先可以火喉剛剛好！菠蘿油，　呢個反而一般，　雖然包夠熱，　牛油夠凍，　但個包太林，　所以口感差少少再黎係主角吵嗲牛肉包，超級好食，　包皮剛剛烤到有Ｄ焦，上面充滿芝麻香而且面包鬆軟，沙嗲十起香，比平時既沙嗲仲多左陣甜味，　牛肉彈牙得黎有牛肉味，　就好似打邊爐嗰Ｄ滑牛甘！呢個一定要試

今日肯乖乖地坐底寫食評係因為呢間冰室~香港既風味, 係呢到冇豪華裝修, "不入流"既賣相中可以再見到~ 好簡單既食物, 黎黎去去唔係常餐就特餐,雖然選擇不多, 但個一種感情就係黎幫親冰室想要既野~我有時都想黎呢d小店, 支持一下我地既香港小餐廳, 離開一下集團式既味道。英發, 我黎左唔只一次, 每次都係比佢個杯奶茶走糖吸引住, 細滑但濃厚既奶茶, 每一啖都好享受! 呢重咁既口感, 同集團經營出黎既始終都有分別。我今次叫左個特餐, 先黎既, 你簡單餐包, 佢中間已經有牛油查左上去, 一塊普遍火腿, 一隻有少少焦脆既荷包蛋,好簡單利落~再黎就係我既沙嗲牛, 你可以投訴佢個麵好似未熟, 得幾塊牛, 但我想話,佢個麵對我黎講岩岩好, 因為我食得慢, 佢唔會太熟之後發漲哂~ 而得個幾塊牛既話, well $30蚊一個set, 呢個程度我接受到~ 雖然呢到伙記年齡都好似幾大, 不過唔好睇佢地好似好粗魯, 你對佢地有禮貌時. 佢地都超級好禮貌同埋helpful. 仲會同你談笑風生~ 冇錯, 對比我平時hang out 既cafe, 西餐廳, 呢到價錢同環境都好大對比, 但我覺得呢到好好, 佢既茶走真