英利餐廳 (已結業)

差不多天天都来这个英利餐厅，不是羊腩煲就是鸡煲。多种小菜羊腩煲180份量足够两个人吃味道超正。真的好喜欢他们餐厅的服务，尤其是晚上老板娘在这里的时候。又热情又亲切。

大埔區內食肆好多，茶餐廳在區內也有數間很有人氣，在疫情期間，就算係平日下午茶時間都滿座。今日唔想等位，隨便揀咗一間大埔舊墟附近既茶餐廳，英利餐廳！餐廳係普通的茶餐廳，沒有什麼特別裝潢，很街坊很地道，店內環境也算乾淨，光明。如果想坐得舒服啲，可以揀卡位！下午茶都係茶餐廳常有的餐，西多士、雞翼、炒粉麵飯，我哋最後都係選擇最基本的西炒飯。因為下午茶關係，份量唔會好多，但作為下午茶呢個份量剛剛好。西炒飯，賣相唔錯有驚喜！呢度嘅西炒飯茄汁和蕃茄的酸味不會太嗆，飯粒炒到分明，唔會過份濕和稀爛。而蝦仁，就是茶餐廳一般用既雪藏蝦，雪白爽口缺乏鮮甜味。但整體黎講都唔錯，好耐冇食又想過下口癮都可以。推薦：4/5配返杯茶餐廳香滑奶茶，下午茶$38呢個價錢真係抵食！

下午茶大概$40左右，睇圖。上枱時覺得好好睇，因為麵包夠厚，係「厚西多士」，但食落其實係淋嘅，唔知點解啱啱整起都完全唔脆😂 唔係外脆內軟～花生醬味可以濃多少少，好彩係比小朋友食佢地無咁講究

Honey話，大埔舊墟那邊的餐廳，比大埔中心那邊平宜。今晚就試一間在舊墟的小菜餐廳｢英利｣。我想吃魚，Honey叫了枝竹炆盲鰽：盲鰽先炸，外脆肉嫩。盲鰽好大條，又新鮮，魚肉嫩滑。Honey説味道有點淡，我就覺得，｢減鹹｣很好，健康點。做法也正宗 - - 中國芹、炸原粒蒜頭、冬菇片、薑片……紅燒的做法，汁醬不多也不厚，剛好沾上炸過的魚皮。Honey又叫了西蘭花炒帶子：有鑊氣！帶子的份量也不少。還有中國芹、菇和韭王，正宗。兩個小菜都份量十足！附送例湯和白飯。價價$68-$88…真抵食！

星期六日放假嘆個下午茶是常識吧。今次就黎哩間多番改名轉手既茶記試下。上手下午茶同早餐都好抵食👍🏻，雖然最後捱唔住，但希望下手保持應有水準。一行三人分別叫左西多士、蒜香雞粒炒飯🐔同乾炒牛河🐮。等左唔係好耐就陸續上台，西多士整到一格格咁好的骰，炸得外脆內軟，味道不過不失。至於炒牛河雖然眼見色水唔係好深、唔上色咁，但食落都幾有穫氣🔥。睇見每條河粉都沾滿亮晶晶✨既油份，初初有啲怕好肥膩，但放入口又無平時有啲餐廳咁油咁痴口，食到底都見無咩油「瓊」左。整體都算唔錯，係牛肉有啲韌❌，但有牛香味。-最後嘅蒜香雞粒炒飯用咗乾蒜粒入去炒，但完全無咩蒜香，食落亦似普通生炒雞粒飯多啲，味道偏淡，對於重口味人士來講可能略嫌唔夠味，整體一般。

今日隨便行，行到呢間唔駛等位就走入去晚飯，叫咗 2 個餸，一個餸包例湯同一碗靚仔。餐廳光猛，但侍應就唔算 helpful，我哋見佢有私房菜，問吓佢係咪有大檯，2 個侍應掛住自己傾計就答話無，等佢哋傾完再問多次就話有 🙈另外有 3 位客話要等卡位，有檯客走佢哋無留比佢，反而另一檯客自己調咗過去，等位嗰 3 位後尾走咗。例湯應該係南瓜豬骨湯，湯渣淨係見到豬肉，味道可以，到主菜上檯，茄子班腩煲好油同偏咸，食完見到煲底層油都驚驚，另一個客家蚊腩肉就未蚊夠火喉，啲肉有啲靭，2 個餸都滯，所以 2 個人食咗一碗飯，啲餸都食唔晒!所以無人排隊係有原因嘅 🤣🤣