苑記粉麵茶餐廳

營業中

休息中

去開大埔買餸 順便食個lunch~~因為唔敢去人多既餐廳 我地比較下幾間茶記 見苑記比較少人同埋闊落 所以就坐低食碗麵🍜見苑記出名食牛雜 所以我地分別嗌左👇🏽牛雜米線($37) 、牛肚米粉($37) 略嫌牛肺得兩舊有d少 但係相對罕有既牛膀有兩舊補番數牛腸唔錯 但有d粉~~牛肚爽口入味 份量都Ok!+$9配飲品 冷熱同價 咁當然要飲凍飲🥤啦~~杯檸茶🍋同奶茶味道都唔錯😋值得一提🌟苑記入面既電視📺有小告示解釋唔播tvb既原因✨✨ 係少數立場清晰既茶記值得加分！

今日去大埔，本來係想去大埔墟街市食嗰間好正嘅上海麵，點知佢哋原來裝修緊，要去到七月上旬先至攪掂。攪到完全失去預算╮(￣▽￣"")╭ 唯有再諗下食乜嘢，經過陳漢記，不過見到太多人所以放棄咗，於是乎諗住是是但但去一間茶餐廳食碗麵算數。見到呢間完全冇興趣入去食，因為見佢門面比較污糟，點知我朋友就話是但啦。餐牌完全就霉到不堪。好彩裏面嘅環境都仲可以，比門面好好多( ´▽` )ﾉ我朋友叫咗沙嗲牛肉公仔麵，併豬仔包同奄列。佢話啲沙嗲冇乜味，不過佢加咗啲胡椒粉，啲胡椒粉味好勁，同其他茶餐廳唔一樣，係用靚嘅胡椒粉。我就叫咗咖喱豬扒公仔麵，併豬仔包，我覺得個咖哩都幾好，唔太辣，豬扒分量亦算多。其實最驚喜嘅係個豬仔飽，因為係即刻整，好新鮮。可以再嚟

苑記啲粉麵飯不嬲都幾抵食下，大大份一碗雲吞河，入面有成五粒乒乓波咁大粒嘅雲吞，入面仲有一兩隻新鮮大蝦，唔係細細隻既蝦交貨就算，爽口彈牙😃👍🏼食苑記至愛將佢哋嘅辣椒油同醋撈埋，酸酸辣辣咁勁開胃，好味

大埔真係好多食物選擇 呢到每日試一間我諗一個月都試唔哂啊😄😄😄😄😄今日要食個快飯 同事推薦呢間苑記 話包我有驚喜 甘就梗係一定要試下啦令日擇左咖哩豬頸肉撈米線 配一件脆朱仔包 另外仲有熱飲 承惠三十六蚊脆朱仔包先上 焗得晤錯 感覺無翻熱好多次牛油同練奶既比例做得幾好 咖哩豬頸肉撈米線 有五件豬頸肉 都幾厚切煎得幾香口 咬落個皮脆脆地 幾好味咖哩汁係平時食碟頭飯個種 晤係特別香晤係特別辣 不過茶餐廳我無要求啦 晤難食就可麵係煮定 好淋下 夾都有機會爛 呢樣要扣小小分整體上晤錯 有機會會再黎

大埔墟比較難泊車，遇上苑記附近有咪錶或者門口有停車位，就會去呢間茶餐廳食飯。食物：淨雲吞 - 雲吞皮比較薄，蝦肉有彈牙口感，唔錯！芙蓉蛋飯 - 不過不失淨菜芯 - 啲菜都算新鮮服務💁🏻‍♀️：服務態度正常環境：餐廳內部有很多卡位，坐得比較舒服，餐廳還有電視機。泊車🅿️：附近有很多咪錶，不過都要睇運數，通常都無位。餐廳門口可以泊車。總結：茶餐廳款式多樣化，呢間質素唔錯。

今日去咗大埔踢波，去之前餓餓地去咗間餐廳諗住食少少野，點知叫咗個飯食，今次叫咗個味菜牛柳絲飯，佢可以係套餐跟一個例湯加一杯凍檸茶，都係$50我覺得抵到爛，仲要碟飯都幾大碟吓！味道夠晒牛柳絲又多，總結好味抵食值得嘗試！

以前返PT收比較夜, 返到大埔都會黎苑記食返碗粉~31號晚同另一半倒完數, 返到黎大埔有D餓, 所以黎左苑記喇~去到都幾多人呀, 好彩唔洗等位.天氣凍凍地, 食返個熱辣辣既煲仔飯就最岩!煲仔飯有好多選擇!仲有D小食tim~蒜香辣味雞翼尖極多蒜, 好夠味!  不過感覺都係B仔既雞翼尖好食D~魚片頭米粉由於餓餓地, 所以叫個米粉可以快D食得~呢度既魚片頭又幾好食wo, 唔會好油, 又冇魚腥味~三色臘味煲仔飯一打開蓋, 香噴噴呢~~臘味感覺唔會太油立立, 而個飯又索哂D香味~D飯粒粒分明, 底下又有飯焦! 唔錯唔錯~鮮蝦腸粉呢度既腸粉係即叫即整, 所以真係要耐心等下.腸粉好軟熟, 而且唔會好厚漿好黏口咁.每啖都食到有蝦肉, 好足料!滿足既帘宵夜, 開心迎接2019~

去大埔搵完朋友又覺得餓餓哋唯有搵下宵夜食，見苑記無乜人就走咗入去食，好在仲有卡位，朋友仔話呢間嘢喺佢有記憶時已經存在仲要無變過裝修。叫咗碗滑牛粥同炸兩，感覺叫不過不失，起碼碗粥唔似有好多味精同唔會得粥水，炸兩就即叫即整都爽口唔太硬。喺夜深時真得醫肚真係唔好太高要求。

夜晚10點幾返到大埔墟 宵夜時間決定食返下久違了的味道坐低食碗牛筋粗麵 加杯凍檸茶 味道還可以 但價錢越來越貴 係麵既份量就少左好多 大概得一個權頭左右不過始終呢度既人情味係冇變 感情分就係我唔會BLACK LIST佢既原因

正垃圾 等食物要超過50min 又唔好!!!!!!!! 店員又黑面態度超級無敵差頭其比件垃圾我一樣如果重要忍受希望大家思考一下呢間禁好的茶餐室超強。超級。不推薦大家到此店

今晚收工夜左，公司附近又冇乜好食，所以就決定番到大埔先食。十點幾番到黎都真係唔係得番好多選擇，最終揀左苑記，貪佢有卡位坐。牛腩粗嘩...D牛腩散到呢，唔知仲以為我叫左佢碎上，又韌wo，感覺似食緊香口膠，咬左勁耐先可以吞落肚，而且個麵底份量得好小。炸兩腸食第一舊又係硬到不得了，好明顯D貨係由今朝擺到而家，幸好佢個麻醬搭夠連杯凍檸茶都淡到不得之了我諗下次都係黎食番佢個碎牛粥好了，或者過隔離陳漢記應該冇咁激氣。

同朋友係大埔墟附近上完堂，餓餓地就去搵宵夜食下，簡簡單單食個粉，就入左苑記嗌左個魚蛋河加腩汁，個湯底味道好淡無嘜牛腩味，湯底味道認真麻麻，魚蛋都彈牙食到魚肉味都重既另外嗌左碟炸兩同叉燒腸，依兩碟就真係唔好味炸兩唔脆，配埋腸粉就係好林既一舊野咁，叉燒腸d叉燒細粒到青豆咁，味道就真係麻麻

身為大埔人 我幾中意黎呢度食野。先講服務 雖然係茶餐聽 但伙計好好招呼。專業程度拍得住高級餐廳。我中意呢度的🐮腩。老實講 我覺得好味過格離又出名又要排長龍個當。雲吞大粒又新鮮 好味過陳x記。環境都ok 又方便拍車

一個飯等了很久，問了店員一下，結果店員一臉不爽地回答。雖然你今天可能心情不好，但我始終是非常友好地問你的。菜品還行，但這個態度真讓人寒心。為什麼不能有好一點，大家都開心。

是日 Family Day係大埔踩單車，踩完係大埔周圍搵野食，突然好想食粥，見到呢間餐廳標明自己有粥食，咁就入去搵食啦！入到去想叫碗皮旦瘦肉粥，點知問完呢個問嗰個，最後答案:四點師傅未開爐，煲唔到粥..咁就唯有叫碗粉麵啦！我叫左碗雲吞米，首先我喜歡佢米粉同蔥分開上，好似我呢個唔喜歡食蔥，但又唔記得叫佢走蔥的人，最好個米粉都OK，份量都多，我都食唔晒！雲吞有4粒，粒粒大粒份量多，餡料起碼有兩隻蝦肉加豬肉！蝦肉幾脆，唔似一般淋身成舊肉。但其實我真係想食肉，好吧！找次機會再來啦！