影片
營業時間
今日營業
07:00 - 04:00
星期一至日
07:00 - 04:00
以上資料只供參考, 請與餐廳確認詳情
食家推介
招牌菜
食評 (53)
最近食左兩次昌運苑記覺得水準唔太穩定，於是去返大埔墟苑記試下。果然，一坐低就feel到個分別。 白灼黑柏葉：熟悉嘅擺盤同味道終於返返黎，豉油調味嘅比例，薑蔥嘅比例，係最近昌運分店帶唔到畀我嘅感覺，喺大埔墟分店搵返。加埋支啤酒就perfect 及等粥：好耐無食，自從搬左去粉嶺之後都仲未搵到替代品，所以都係返黎大埔食，豬雜新鮮洗得乾淨，唔會有太混濁嘅味道。不過唔知點解今次好多蔥，真係好多。 總結：我暫時應該轉會去大埔墟分店，隔一排先再畀機會昌運分店。
繼續閱讀
**食評投訴：大埔苑記的用餐體驗**我最近在大埔苑記的用餐經歷讓我感到非常失望，特此寫下這篇投訴。首先，雖然餐廳的環境相對舒適，但服務質素卻令人堪憂。當我點餐時，工作人員的態度不夠專業，對我的疑問反應冷淡，讓我感到被忽視。我點了幾道招牌菜，其中「蜜汁叉燒」的味道尚可，肉質鮮嫩，但「蒸魚」卻失去了新鮮感，魚肉乾柴，口感不佳。最令人失望的則是「炒麵」，味道平淡，完全沒有調味，實在讓人難以接受。此外，餐廳的點餐系統似乎有問題，我沒有點的菜品卻被送到我的桌上，工作人員卻強硬要求我付款，甚至還將訂單轉至另一間分店處理，最終導致我同時支付兩邊的費用，這樣的處理方式實在令人不可理喻。總結來說，大埔苑記的用餐體驗讓我感到非常不滿，無論是服務還是食物質素都需要大幅改善。希望他們能夠重視顧客的反饋，提升整體的用餐體驗。推薦指數：★☆☆☆☆
繼續閱讀
其實大埔係有兩間，唔知點解就係覺得呢間牛腩，係比另一間好食。記得上次食另一間嘅時候啲魚皮係硬到咬唔開，但係呢間就好鬆脆。而且啲牛腩望落去一絲絲好似好嚡咁，但係食落去又好淋滑。腩汁底都算濃郁，再加埋個辣椒油將成件事升華咗。同埋呢間又大啲，又闊落，坐得舒服好多。下午茶唔係繁忙時間一個人坐一張卡位都唔太過分。不過炸魚皮個份量就少咗啲，可能係因為跟碗粉加錢嗌。而唔係完整叫一份嘅關係。同埋呢間又近街市啲，食完下午茶行過去直接買埋餸超方便。
繼續閱讀
朋友介紹我來這家店，話說得我心癢癢，而家到咗就講正經事喇🍜🥢。牛腩撈麵嘅牛腩賣相夠哂吸引，每一塊都煮得啱啱好，腍滑得嚟唔會太爛。撈上去嘅時候，麵條帶住牛肉嘅鮮味，一陣陣香氣，真係融化咗我嘅心！再者嗰個脆朱仔包，又脆又香，趁住熱辣辣咬一口，啖啖都係幸福感呀！🥖食完呢碗撈麵，我信手拈來咗個炸兩腸粉。個腸粉滑溜溜，又香又彈牙，中間嘅油條雖然冇噉新鮮，但總算唔算損害到整體口感。炸得金黃香脆，呢樣嘢做小食真係一流。😋人哋話，茶餐廳係港式魅力嘅一部分，今次嚟到這間，我覺得有啲經典味道保留得宜，可以話係食到真香港。服務態度都算舒服，令人一食再食。食完之後，覺得個口腔裏面嘅味道依然留存緊，真係食飽食滿，心情都隨之愉快起來！
繼續閱讀
無飯腳打邊爐轉戰煲仔飯，煲仔飯外賣點會好食！茶記靜蠅蠅，沿途食肆都冷冷清清既？聖誕前的最後堂食，梗係新鮮出爐最緊要。椒鹽田雞，乾爭爭乾過辣子田雞，鞋烚烚咸咸的食到滿口麵粉。排骨滑雞煲仔飯，涼浸浸突然想食飯，來兜滾熱辣包仔飯吧！製作需長時間心裡有數，誇張地噴著煙放上枱面，識食一定將甜豉油淋係滾燙的蓋上，再慢慢變暖滲入煲仔中，氣味更香更誘惑！硬覺得少點東西少點味道，消失的紅椒豆豉薑絲蔥段！難怪味道單調，好彩我識得撈辣椒油啫！本來只得兩粒星，撈埋惹味辣椒渣升一粒！排骨滑雞碎上？排骨勁細粒，滑雞骨杉杉無肉食，雞飯原來有骨架？仲要全部雞背脊。飯粒迷你瘦瘦不飽滿，高溫熱到想飈眼水，食完全身果真會暖笠笠。爽爽大白菜吸盡燶味，不甜不美有生水味。白鱔黃鱔煲仔飯，白菜仔比大白菜好少少，雖然不甜但起碼無生水味。白鱔嬰兒細細碌，結實彈彈及滲著甘甜油脂是新鮮的證明。幼幼黃鱔條，有微弱甜味，有輕微彈牙。思前想後點多道小菜配煲仔飯好無呢？諗住都應該夠肉食掛，但最終結果係飯多肉少，清晒肉仲有半煲飯，都比下面試多兩啖豉油撈飯焦。不愛加紅椒薑蔥的茶記使得味道頗單調，幸好有有豆豉提味，比排骨滑雞煲仔飯略為香少少甜少少。梅菜肉餅煲仔飯，先將甜豉油淋在蓋上讓她加熱再慢慢滲入滾滾煲仔內，耐心等候直至白煙停止噴出，禮成可以預備起動！菜芯質高爽甜水潤，可遇不可求。梅菜只係零碎鋪面，並無跟肉餅剁埋一齊。厚厚肉餅半肥瘦，油脂甘香欲滴，滑溜鬆軟滑滑爆著肉汁，還有爽甜咸香梅菜粒點綴。多多肉少少飯塞入嘴，甜豉油飯焦搭熱騰騰飯粒，沒有挑剔的機會。豉椒蒸倉魚，意想不到大大條魚只需 $70 蚊，抵食夾大件！有誠意有豆豉有紅椒有蠔油有蔥花搽勻全身，不是求其一篤醬撻係魚身上。全條都係寶，啜得一絲不掛剩返柵碎骨！魚頭、魚眼、魚鰭、魚尾、魚骨、魚額頭、魚下巴、魚臉珠、魚背、魚肚。惹味豆豉混著鮮味蠔油，倉魚無骨啖啖肉，魚皮油潤膠黏滑滑，魚肉結實魚味強烈，僅只有一絲魚腥氣味。豉椒蒸倉魚撈梅菜肉餅煲仔飯，拆掉倉魚肉連魚汁豉椒躺在飯粒上，多多肉少少飯是我的原則，滿足無比！近日經常見到朋友們的梅菜肉餅、豉椒蒸倉魚照片，我都一齊湊湊熱鬧！幾次都唔夠肉送煲仔飯，今次醒目叫多條魚，終於將煲仔飯清得乾乾淨淨粒飯不剩。臘腸咸魚肉餅煲仔飯，甜豉油唔係打開蓋直接淋落飯面，識食一定係淋係蓋上面，讓豉油慢慢從蓋邊滲入，白煙即時狂噴，待蒸氣冷靜下來，可以打開蓋淋晒餘下的豉油，白煙並無停下而繼續噴射。耐心將肉餅將咸魚跟豉油撈得均勻，已預備妥當可以出擊！大大舊肉黏著霉腍咸魚肉添少許飯點綴，熱得燙嘴的飯粒，霉香無比的咸魚，肥美肉餅多汁滑嘟嘟，油脂甘甜臘腸片還有強烈酒香！蝦醬鮮魷炒通菜，標價 $70 大洋的炒通菜都好細碟。激濃蝦醬有點偏咸，爽甜通菜炒得偏老泛黃，鮮甜爽彈鮮魷最出色。咸魚飯咸蝦醬傷腎孖寶！幾乎食晒煲飯但炒菜都未登陸，留飯呆坐十分鐘，最後清晒煲仔飯清埋碟菜都唔夠飽。
繼續閱讀
您可能會有興趣的...