芽莊越式料理

營業中

休息中

牛柳沙律菜，居然冇沙律茶，只有芫荽，白洋蔥，紫洋蔥，甘荀，加幾粒青瓜和3-4半粒茄厘子，$128？？？餐牌燒豬頸肉有兩排，實際只有一半，配菜都係芫荽，圖文真的不乎。雞絲湯河水準還可以，只是基本要求的麵也煮得比較淋。

在東薈城購物後已經6時。便看看有什麼吃的。見到這間店舖的裝修不錯，又不多人因此便試試。點了三道菜。先來的是軟殼蟹粉卷。軟殼蟹夠趣，粉皮又薄。也有越式香草獨特的味道。作為頭盤不錯。再來便是碳燒豬肉棒濱海。燒豬棒燒得香口，也吃得出是燒出來的。雖有點多油，但拌上濱海入口像吃燒雞檬。好快便清掉。最後是法式包伴燒午肉。燒牛肉切成較小塊放入法包。法包較硬，雖慢慢咀嚼。但一樣好味。整體水準很好。價錢320元。合理。會再來光顧。

上次入嚟買嘢，賴去搵呢間，求其搵咗「P沙乞」真係踩晒⋯⋯今次再入嚟攞貨，行遠啲都揾佢～芽莊簡單叫三樣嘢～順化辣牛肉湯檬，Pho Combo, 會安軟殼蟹卷。軟殼蟹卷～啲蟹咬落去唔係鬆脆，係有啲硬同黐牙，卷與卷黐住筷子係夾唔開，要用手拉開至食到，沙律菜唔算新鮮，入口苦澀～小小失望。辣牛肉湯檸，幾片牛肉同扎肉正正常常，湯底好清楚三種味道～酸、辣同牛骨湯底～好味，我差唔多飲晒成碗湯。另外一碗揀咗生牛肉（其實都熟晒）、牛丸同牛肚，因為係女友食，我淨係食自己碗都好忙同飽，淨係抽小小水，一粒牛丸同幾啖湯，牛丸好正，最基本彈牙有牛味，唔差過海防道大排檔果啲地道牛丸😅，湯底亦好重牛味。所以其實嚟呢度，食返越式湯粉就夠。整體水準中等以上。回頭度: 7/10

朋友約在東涌shopping, 又想食越南粉，芽莊不二之選😋佢地午市套餐幾抵食👍香茅雞撈檬👍夏天食佢好開胃😋河內生牛肉粉👍芥蘭苗嫩嫩脆口👍炸蓮藕魚肉夾河內魚餅牛油雞翼小朋友至愛😋桃蜜熱柑桔越南有機花茶

我攞9號飛 叫完8號我行前 點知叫飛嗰個人跳過左9號嗌咗10號10號入咗去 我問係咪跳過咗9號？ 佢答我唔係係一齊嗌嘅，只係我聽唔到😡我話我一直企喺度跟住佢就西我面服務態度奇差唔會有下次

又到咗食飯時間，芽莊永遠係我嘅首選，大前提係如果唔使等位。經常性同細食嘅同事，3個人叫2個 lunch set，但餐廳姐姐們依然對我哋服務好好，值得一讚👍🏼❤️Lunch set 份量，一如以往嘅多，今次叫左蔥油豬扒配煎蛋飯 + 炒菜 & 香茅牛肉撈檬 + 牛油雞翼。份量超級大，3個人食都食唔晒。最鍾意食佢嘅牛肉撈檬，牛肉醃得好好，好入味，亦都好Juicy。豬扒都係高水準。呢間餐廳亦係難得唔放味精👍🏼每次食完都唔頸渴

呢間連鎖店，因為今日比較就腳，就入左去食。平日夜晚唔多人，坐後邊亦都有個大玻璃睇到出面嘅景色。燒嘢食亦都好快嚟啦。#1 生牛肉湯河食越南嘢，我點都會叫一個生牛肉湯河，因為呢款應該係最基本要做得好味，先算得上越南餐廳湯嘅味道唔錯，亦都唔係落咗味精嘅感覺河粉偏少牛肉不錯#2 燒五花腩撈檬兩件五花腩燒得非常之香份量食落，原來係好多個撈檬汁唔會太酸液，唔會太甜#3 越式春卷春卷一盒，有三條六件炸得剛剛好亦有生菜/香料俾你包住嚟食#4 鑊仔煎薄餅 呢個係用啲米粉做外層，簿簿一層有少少脆裏面包着一啲蝦/肥豬肉/洋蔥/芽菜，旁邊有好多香料香葉，有啲生菜俾你加埋一齊食不過裏便啲料冇乜鑊氣，仲要有少少濕，好似加咗少少加左粉嘅芡汁去炒成咁服務態度就真係好一般般

週末心情，一家四口食越南菜度假期，午餐時間，入座限時1小時15分鐘，座位闊落，舖靠窗邊，光線充足。服務態度很好👍🏽生牛肉粉，湯底夠味，牛肉香，但河粉稍為鬆散，一夾就斷🙁由於同小朋友分享，所以走了蔥和洋蔥。越式豬扒飯，配有玉子，玉子比較淡，豬扒有點乾，整個飯都沒有汁，很乾的感覺。越式炸春卷，餡料很多，粉絲蘿白絲雲耳絲。額外單點一杯青檸薄荷梳打，薄荷味淡，很甜，底部很多沙糖。多款菜式特色小食不同湯底的粉麵

同朋友去東涌血拼，血拼到咁上下頂唔順要搵個地方抖抖休息下，食下野😛因為好少食越南野，所以就入左呢間餐廳試下🫶河內蕃茄蟹湯檬 $92💮必點！💮裡面有半隻蟹身、扎肉、蟹肉丸、鮮蝦丸、蕃茄同芫荽💮湯頭滿滿鮮蟹味，蕃茄味都好突出💮配埋彈牙既檬粉一齊食，好惹味💮絕對足料😜鑊仔煎薄餅 $98💮裡面有鮮蝦、豬肉、綠豆、洋蔥、越南香葉菜💮薄餅煎得好香脆可口💮鮮蝦大大隻同好爽口，豬肉都大塊💮餡料滿滿💮咁大份可以當主食越南滴漏咖啡 $46💮滴漏式的慢煮咖啡法💮味道較為濃厚💮苦味亦好突出

芽莊越式料理｜東涌今日係東涌行街，行到有啲攰想搵餐廳食嘢好耐冇食越南粉麵，所以就入芽莊😋叫了雞肉串燒撈檬 $78雞肉燒得好嫩滑，醬汁也好香濃，係份量比較少，個人比較喜歡吃多醬🫣，當然要加越式甜酸醬，檬粉就正常無咩特別平時食越南菜多數食生牛肉可，今次試一試手切上等牛柳河粉 $98好香牛味，牛肉份量都好多好厚身！估唔到厚身的牛肉食落都咁好食，啖啖肉，我湯底好入味！每一啖河粉加埋牛肉加少計許湯食就最正！芽莊是一間集團式越南餐廳，今次第一次時感覺不錯，下次會再試其他菜式👍🏻

今日有事一個入了大嶼山東涌，不經不覺又到了傍晚時分，有點肚餓就到附近商場走走，順便吃過晚餐才回家。在東涌商場食肆的選擇並不很多，見了一間叫做芽莊的越式菜館，看到門面環境都還錯，可能時間尚早人客也不多，於是就進去試一吓。今天點了一個越式雞絲湯河粉和一杯青檸梳打特飲。雞絲河粉的賣相都錯，綠綠的葱花和金不換、深黃色的炸紅蔥頭，拌和著淡黄色的雞肉絲，雞肉質地還算嫩滑，咬入口亦不會有覺得老的感覺。而上湯的湯味亦很濃郁和鮮甜，不過就是夠熱，影響了整碗河粉的口感和扣了分數。青檸特飲就一般的水準，個人感覺冰的分量亦放得過多了點，過因為天氣仍是熱的關係，所以亦算是不錯消暑飲品。今晚的消費比較經濟，而食品的質素也都可以，下次還會來試一吓其他的食品。

第一個炸蓮藕魚肉夾：魚肉少得可憐，味道口感都差，仲有變壞的酸味，不過食到尾先有人講，跟住其他人先話同樣食到酸味，所以無退！第二道清浣蒸粉卷： 包的是肉碎，大部份係蘿蔔絲，伴碟係生菜和青瓜，cheap ! 無味！第三道河內蕃茄蟹檬，唔想形容，自己唔怕就試吓，包你後悔！服務：店員行屍走肉，面無表情，愛理不理，問多句咋聽唔到，越嗌越走，劣！至於環境，因為客唔多，所以還算舒適！整體評分：2/10 政府請，所以無咁激氣！

每年臨近新年，我都會見吓呢個朋友仔。每一次因為要就大家返工地點時間，唯有喺東薈城CityGate是但揀一間餐廳。 今日，我就揀咗食呢間越南菜，因為我覺得佢一個餐有一碗麵或者一個飯，再加個小食，都算幾抵。仲一定夠飽添(´▽｀) 為咗感覺瘦啲，結果我嗌咗個炸豆腐撈檬٩(˃̶͈̀௰˂̶͈́)و 小食就嗌咗個煎釀茄子🍆 個檬粉平平無奇，冇乜嘢可以挑剔。加上我叫嘅係炸豆腐，都冇乜可以失手嘅機會。個檬粉就非常非常之多，點勉強大食如我都食唔晒😅 反而我覺得個茄子好清甜，抵贊。 兩個餐，盛謂$218。會再encore( ´▽` )ﾉ

今天點了河內生牛肉粉香茅燒雞翼撈檬芝麻蝦多士飲品：青檸梳打生牛肉粉我是全走的, 走青、走蒽、走芽菜, 可見濃郁清甜的牛湯底, 牛肉份量很多, 粉夠爽滑雞翼撈檬燒得很香口, 外脆內嫩, 配菜很多, 有椰菜絲、紅蘿蔔絲、白蘿蔔絲、碎花生及炸蒜, 撈檬精髓在魚露甜酸汁, 味道不太酸, 非常開胃每塊都鋪滿了芝麻, 香氣十足, 底用了牛油煎香, 蝦肉很厚實彈牙, 多士也不油膩, 非常出色👍🏻食物選擇都比較多, 越式湯檬、撈檬、咖喱類、頭盤、小食、沙律、米紙卷等等餐廳環境寬敞舒適, 上菜快, 服務態度很好

Ordered a salad with squid cakes. The salad has a lot of shredded cauliflower, lettuce, cucumbers, sliced chicken as well as herbs and nuts. It tastes really refreshing and is on its own quite filling. The squid cakes are really nice. The salad is quite big and quite filling.