芽莊越式料理 (海港城)

營業中

休息中

星期日晚市去食，好多人，要等叫飛，不過海港城黎講，呢間係算係抵食又好食，普遍食物價唔算貴(最貴係條倉魚啫)。若好彩有位嘅話，仲會被安排坐望海嘅窗邊(雖然今次坐唔到窗邊位，但遠望住夜景食，都ok爽~)食物/環境/服務/整體感覺都不錯，下次黎海港城一定會再光顧。

去尖沙咀shopping，無意中見到呢間芽莊，因為舖頭不是在最熱鬧的位置，所以都好容易就有位。原本侍應只安排二人位，但係因為我哋剛剛在隔離玩具反斗城買左一件較大的玩具，問侍應可唔可以安排大啲嘅座位，於是就安排了四人為給我地，好感恩，所以決定叫多啲嘢食。雖然價錢屬於中上，但是座位舒適，食物品質取勝。叫咗一個牛柳，起初擔心牛柳會煮得過熟，結果好驚喜，好嫩滑，店員教我地再點椒鹽檸檬汁，真係完全將味道提升晒。撈檬方面，豬扒大大件，滿足。炒米粉就中規中矩，再加兩個椰青，二個人加埋$492。服務唔錯，環境乾淨，有機會再來海港城會再來芽莊。日

一向都好鍾意呢間餐廳，佢嘅質素一向都keep到，今次叫咗香茅牛肉撈檬 ，河內熟牛肉粉，魚餅，燒乳豬。我鍾意香茅牛肉撈檬因為鍾意有菠蘿。今次大約有五粒左右。 鍾意呢間餐廳對於香料一啲都唔吝嗇，佢畀好多香料，而且都係好新鮮。熟牛肉粉有好多香料，鍾意佢個湯好正，唔咸。一直都食開佢個魚餅，好彈牙，呢個fish cake 係冇汁配嘅，如果鍾意可以加啲魚露。今次叫咗個燒乳豬四分一，都二百蚊。 皮係非常脆，但係呢個乳豬真係好肥，有兩嚿直情係皮接著肥膏 。 肥膏比例太多 ，根本唔會食曬成嚿。手工蜆港青檸beer, 唔好飲。

相信大家住喺香港咁耐都會見過芽莊😛但係我經過咁多次都冇試過入去食今次難得有海港城coupon 所以去左一試☺️今次張coupon可以$200減$100每次總共可以用五張🥰由於我哋好早去到 大約五點幾左右就入咗去食嘢入咗去大概三個字出面已經排咗長龍😄😄😄西貢牙車快 （沙津）HK$98 呢個沙律佢本身有啲手撕雞 椰菜絲 魚露汁 花生相對傳統嘅沙律黎講係比較特別 有少少似泰國菜感覺 牛油雞翼 HK$78 一碟4隻 都大隻 不過好普通 無乜味 無牛油味 另外配左一碟辣椒醬 辣椒醬加埋隻雞翼好奇怪🤣🤣香茅串燒雞肉 HK$80 一碟有6串左右 佢嘅醬汁好濃 咬落去啲肉都好嫩滑👍🏻👍🏻👍🏻濱河豬肉米紙卷 HK$80 呢個我見好多人推介 但我就一般 落去已經散晒🤣🤣入邊陪左豬肉我就覺得冇乜特別如果係我會比較欣賞酒樓嘅春卷越式香蔥燒雞 (半隻) HK$188 份量太少價錢好貴 剩係得層皮好食啲肉一啲都唔嫩 😅😅食左一啖 已經唔想食芥蘭苗 HK$68 諗住帶碟菜係最穩陣 但係食落去啲菜係有啲苦開頭以為係我問題 但係我啲朋友都話啲菜好苦河內番茄蟹檬 HK$88 呢個蟹檬份量都幾多😄味道都幾特別 酸酸甜甜幾開胃

想食勻海港城可使用Coupon嘅餐廳今次來到芽莊4人order左10款菜式+4杯飲品有coupon嘅情況下真係好抵推介1.芝麻蝦多士：感覺唔算超級熱氣，配上千島醬同大大蝦肉真係好好好味雖然唔知道蝦多士係唔係越南名物。2.牛柳湯河粉：牛肉同河粉都好滑，而且重點湯底飲完唔會覺得重味精。3.生蝦🦐：價錢超抵，未試過一碟有咁多隻生蝦，雖然相對size比較細。4.通菜：正常綠色食物，味道適中。5.軟殼蟹：炸到金黃酥脆。6.軟殼蟹木瓜沙律：想有酸酸甜甜嘅感覺，軟殼蟹份量足夠，美中不足係落左九層塔搶曬木瓜嘅味道，要揀曬出來先得。（以上排名分先後⋯）可以skip嘅1.紙米卷：冇味😂2.牛油雞翼：炸衣太硬3.沙爹豬肉串燒：可能係五花腩嘅關係，但係全部都係白雪雪嘅肥豬肉⋯吞唔到落口4.三文魚撈檬：檬粉正常，可惜三文魚太乾太結實。好似拆肉會變成三文魚鬆咁🙃飲品：椰青+薄荷soda+鹹檸檬soda+越南啤酒（全部正常發揮）整體來講，價錢同味道都係值得再encore嘅餐廳。

好耐冇食越南河粉😂今日行完街，不如就食越南嘢啦！因為超多人，6:04pm拎飛都要等咗成粒鐘先入座😅 好快手叫咗碗三拼越南河粉（自選-牛丸，牛肉，牛裙邊）好驚喜牛裙邊好好食，超有牛肉味😍完全唔韌。牛油雞翼，必食！香口嘢，脆卜卜！正！軟殼蟹紙米卷，呢個就真係好一般，因為一咬落去覺得個軟殼蟹炸咗好耐，似放咗好耐咁😅最後加咗個串燒豬腩肉，都好香口，咬落Juice😍想講杯青檸檸檬茶 好好飲！勁fresh呀😆😍

仲有勁多海港城coupon 唔知食咩好，隨便揀左間唔係咁多人排隊的餐廳等位，行下企下等左成粒中先有位，只有70分鐘用餐時間☹️真係食完就走因為唔係好餓所以主打小食，牛油雞翼同軟殼蟹米紙卷，再叫左碗生牛肉湯河（加埋牛丸同牛展）雞翼熱辣辣炸得好脆，幾好味😋可惜個米紙卷既軟殼蟹勁腥....有點伏，牛河湯底都好食既，但對比係k11 既bep都係差少少最後再加3串豬肉串燒，偏肥但都幾惹味👍🏻加埋兩杯野飲埋單500幾蚊，用coupon減左$200，平均每人$150就抵食，如果正價就未必再食佢了

晚市恢復，一定要出去走走！最緊要一定係要download 安心出行才可以入餐廳進食希望疫情快啲過去！一切恢復正常💪🏻第一次光顧芽荘，今晚沒有窗口位，人不多，唔錯！方便傾計二人同行叫左以下食物：1）燒雞翼撈檬- 雞翼夠味肉質不錯2)濱海伴豬扒- 伴菜新鮮👏🏻香葉非常新鮮豬扒肉質夠淋，好味😋3）會安軟殼蟹米紙卷-軟殼蟹脆，新鮮炸出來4）門神手工峴港青檸啤-呢個真係有驚喜,手工啤酒嚟講算非常好味，清新，青檸味夠fresh ! 下次一定再帶多兩個朋友一齊，可以再食多啲食物，再比多啲意見😋😋😋

Food is pretty good and fresh, however, service is far below standard, except one staff member who is friendly and attentive, others are aloof.It is a bit difficult to understand that a restaurant which situated in a great location with unbeatable view/scenery, above standard food but being sabotaged by underperformed staff members.

未食午飯就黎海港城一個下午茶set, 估唔到平日晏晝都人山人海, 於是就去呢間食開既芽莊, 呢到食物水準穏定, 價錢向海港城黎講算合理, 下午茶 set$78有主食+野飲, 或者主食+小食, 要晒三樣主食+飲野+小食$96. 我地叫左3及4號餐, 香茅難翼撈檬,同溏心蛋香茅燒豬扒飯. 香茅燒豬扒系即叫即整, 好香脆同JUICY, 唔會一口油. 再叫左一個STARTER, 西貢牙車快, 系雞肉沙律, 蔬菜幾新鮮仲有唔鞋嘅雞肉. 坐位濶落唔會話夾硬要人坐埋一堆, 可以慢慢坐傾下計👯

星期六, 同囡在尖沙咀, 有二人時間, 要好好地享受下,  行下行下來到「芽莊越式料理」,  問下有無window seat, 竟然有, 真係唔洗再搵其他地方, 即入,  全間餐廳只得三張window seat tables, 難能可貴, 我們order 越式河粉及檬, 我的牛肉檬, 很好味, 主要是牛肉很軟, 有牛肉味, 又夠 juicy, 雞絲河粉份量都好足, 見囡囡都吃得很開心,  相信食環境, 已經超滿足,  而且有位男服務員雖然很忙工作, 也很nice 幫我們影相,  真的謝謝他呢。

📍香港📍尖沙咀📍芽莊越式料理 Nha Trang Vietnamese Cuisine📍尖沙咀廣東道3-27號海港城海運大廈地下G51號舖📍星期一至日 11:30 - 17:00 & 18:00 - 22:30🦄 燒大蝦袖子沙律 $98🦄 評分: 7/10两隻燒大蝦🍤好彈牙😸😸今次柚子幾靚唔會過酸🍊配埋青瓜好fresh開胃😋 佢都有唔少既腰果所以都幾飽肚架😹 🦄 河內生牛肉粉 $78🦄 評分: 6.5/10 湯底好濃郁，重牛骨湯味食完唔會口渴無咩味精👍🏻 河粉夠滑但唔易斷👏🏻 可惜生牛肉唔夠薄切，食两啖啲牛好快浸到熟哂仲有啲韌🥺 🌸希望下次坐到窗口位可以望住個海景食晏🙌🏻

尖沙咀海港城有海景，性價比高之選，食物選擇多。我地兩個人嗌左5款：生蝦、柚子大蝦沙律、雞柳檬粉、春卷、豬肉紙米卷。生蝦份量十足，有啲辣，味道唔會好鹹，值得一試。反而柚子大蝦沙律既蝦肉燒得太乾，不過柚子開胃，配炸春卷唔錯。春卷仲要好正，脆身，有汁，即整小心熱。雞檬粉就冇特別。豬肉紙米唔會再叫，好乾，肉好鞋。配個花生醬食，個醬好食過紙米卷。整體黎講，四百幾埋單，有景，環境安靜，店員禮貌，枱與枱次間唔會好近，太嘈。下次都會再幫襯👍🏻

6月曾到新都會分店叫榴槤沙冰，榴槤味超重，溫度亦吾係超凍，相信落左好少冰，真材實料，令我一直回味。今次黎呢間分店再飲，一飲已經覺得落左好多冰，榴槤成分好少，而且仲不斷咬到一粒粒冰，完全吾smooth，飲到最尾仍然有好大粒冰，完全吾掂；相反個燒牛肉法包就熱辣辣好脆，好味。

芽莊唔係第一次幫襯..但海港城呢間真係第一次去..一個人的午餐，竟然咁岩被安排都坐呢個無敵海景枱真係睇景都抵..叫左碗生牛肉湯河..鐘意呢度既湯底唔係死咸..牛肉唔會太厚再加埋最愛既辣椒..係越南既味道阿