芽莊城越南牛肉粉 (已結業)

深水埗大採購後,放棄每次必到的合益泰,只因這家街市上的越南菜實在想試,要是其他食友想到此熟食中心,在桂林街入口會較另一邊方便,只因這邊有電梯有升降機,不然像我這笨人般在街市走了一圈還要跑回樓下往另一邊入口才到達,這就浪費了時間及腳骨力了。街市裡的熟食市場樓底夠高,裡面衛生尚可,當不能跟跑馬地街市的熟食市場相題並論,畢竟這裡是深水埗。市場前端是一眾茶記粥店,每家也客似雲來,這家越南菜則在市場最深處,不過一樣座無虛席呀;除了熟食市場本身的大圓桌,店主另加不少桌子,可讓更多食客光顧,這裡似乎各食肆也壁壘分明,也許不能如其他熟食市場般互相點菜嚕。一張四人桌坐著三個互不認識的單身客人,貌似主理人的阿姐見我一包二包的即時拿來凳子給我放手袋,太細心了吧!坐下後好不容易才找到阿姐點菜,這反而有時間更能研究菜單,可以從種類繁多的餐牌中選擇自己的心水越南食品。我所選的春卷湯檬包括飲品才$30,在這些萬物皆貴的日子已算超值!小店客人客多廚房小出菜較慢,時間不多的食客要三思。等了又等的終於見阿姐送來一碗湯檬,一碟春卷及另一碟越南粉必有的香葉、青檸及辣椒,總算有東西可吃了。不用多說先來口湯,顏色蠻清徹的湯底沒有

睇到樓上好多POST都話芽莊城環境惡劣，來到前已經做足心理準備就是大排檔的衛生水平吧，幸好不用吸二手煙~看一看餐牌價錢是很OK的，一般都是$30以內~我們二人點了招牌湯河粉 $28 和越式三寶飯 $30 配滴滴咖啡 (不用加$喔)賣相，實在是平凡，攝影功力不夠，不能把它拍得好吃~招牌湯河粉內的是雞肉和牛肉，湯底頗清甜，是地度的越式湯底味越式三寶飯是豬扒，扎肉和雞翼，味道不過不失但沒甚麼驚喜值得一讚的是它細心的將青檸和香葉(其實我不知道那塊葉叫咩名) 另上，讓你可按個人喜好放在湯內可惜的是飯和粉的份量都不多，細佬說吃完也不夠飽呢~滴滴咖啡，對於我來說太苦了，細佬卻說嘗到咖啡的酸味整體來說~ 性價比高，這個價錢可以買到這個質素的食物算係幾抵食但是吃畢後沒有那一種真係好好味呀!!!和下次一定要再來呀!!!的感覺呢~

年廿八在家工作，終於可以在午飯時間一試這家店奉勸大家出發前調整一下對環境的期望。現場比一般街巿熟食中心殘舊，地面間唔中有少少積水，燈光煥散。一個字，差 嚮個場行左一陣見唔對路其實有少少想笠水，不過呢個時候俾我見到⋯滴滴咖啡。一行二人好不容易搵到一張坐得嘅枱。阿姨同前文描述一樣咁友善，介紹食物種類同埋不同份量，我們點了套餐豬扒湯河（細），雞翼春卷凍檬，滴滴咖啡同埋青檸梳打。套餐香茅豬扒湯河（細）份量頗細，適合女生。豬扒薄就薄左d不過炸得鬆化，頗有香茅味道，金不換及青檸等標準配料齊備，味道尚佳雞翼春卷凍檬 隨便點的春卷意外地美味，粗幼適中，脆皮有少許韌性不至於碎成一片片，可謂係天神同大家分享嘅春卷，不過得果兩件真係食唔出是什麼餡料下次可要單點試清楚⋯凍檬的魚露似乎是店家自製，很有特色。滴滴咖啡，青檸梳打咖啡味道尚可，最開心係枱面有鍊奶任加。青檸梳打倒是中規中矩。食物味道相當不當，不過現場環境真係⋯熟食中心內有貓隻周圍行，不建議有潔癖食客光顧。價錢嗎，相當實惠，二人加起來50多元出門，幾乎比茶餐廳的早餐便宜。

今晚同女友要去深水埗買電腦野之前睇過D食評 今晚就試下呢間芽莊地方環境冇咩特別期望, 因為係街市嘅食市今晚唔咪太多人, 可能大多最人做節關係坐低後老闆娘叫問我地係咪第一次黎 , 我話係佢就叫我地睇睇餐牌我想 order 時, 老闆娘竟然坐低左喺我旁邊我揀左幾樣野, 佢竟然 band 我話唔抵食, 我呆一呆, 之後佢好似睇醫生咁慢慢 consult 我, 教我點叫佢又冇老點我叫咩貴夾唔抵嘅野(其實menu冇呢D野), 令我感到好貼心!! 見到老闆係大廚, 一內一外蕃茄湯蝦膠扎肉米線, 湯底唔太濃, 因為冇好似有 D 食市落重茄膏同味精, 味道自然香茅豬扒檬 , 豬扒可以再入味 D 更好什錦拼盤, 老闆娘好耐心咁解每樣點食法 ~雞亦好脆, 春卷唔錯滴滴咖啡 , 好濃 , 枱面有煉奶俾客任加 , 好有越南風味飲飲下老闆娘提我地有 WIFI 可上網, 叫我地 enjoy,超貼心!!!青檸梳打, 老闆娘不停問夠唔夠酸, 唔夠可隨時加, 超大方(其實杯嘢只係加左 $3....)

看到這杯咖啡賣相已經很加分了..朋友還以為我去那裡喝高級咖啡吶這回找吃找到街市來了..也許環境未如理想..但我個人蠻能接受這種環境的..好東西通常都會在這裡的只要有冷氣..沒老鼠..什麼都OK啦..一來到就認住10號馬上直衝過去就是了一坐下來老闆娘就好熱情的介紹全日供應嘅迷你餐(其實也不算迷你)我點了香茅豬扒配風沙雞翼撈檬連越式滴滴咖啡(滴滴咖啡不用加錢!)越式滴滴咖啡看著它慢慢一滴滴的跌進杯內..只嗅到濃濃的很咖啡豆香加煉奶後喝一口香、濃、甘及甜味先後散發於口腔內我深深的愛上這杯滴滴咖啡(難怪這麼多人特地上來喝)香茅豬扒配風沙雞翼撈檬香茅豬扒鬆軟多汁，雞翼嫩滑..配料也給超多的最重要這邊的魚露很香，甜酸味適中越式拼盤拼盤有雞翼、扎肉、蝦餅、春卷連生菜蝦餅食得出來是自家制..跟外面的很不同..很好食!北鼻點了越式札肉蝦炒河粉+越式滴滴咖啡料得多..很夠味..就是干炒牛河的味道呀最後當然給掃盤了很親切的街坊食店，看得出店主的用心這種店在香港越來越少見了..雖然不是什麼高級的環境跟高級的食材..但我們兩個都食得很高興想必我們很快又會去拜訪~~

21-1-2013(一)今天，與同事 jason 來到北河街熟食中心的「芽莊城越南牛肉粉」午膳。我們沿著扶手電梯登上二樓，向熟食中心的最後位置邁進。「芽莊城越南牛肉粉」的門面，看起來非常不起眼，甚至可以用「殘舊不堪」四字來形容。。。坐下來時，發現椅子有點搖晃不定，讓人有坐不穩的擔憂；也發現地板是濕滑無比，讓人有想盡快逃走的意慾。。。我，究竟，要留下還是要離開？「 美食的真諦不應在其外表，而是內涵。。。 」心中不禁作出自我調適！我，最後，還是...... 選擇留下！總覺得在巿政大廈的熟食中心內，有著不少臥虎藏龍的小店。。。你相信嗎？好！來一個越式蝦膠扎肉番茄湯米粉，賣相真的看似平平無奇；然而，吃後卻感到震撼非常 ！ 用蕃茄製成的湯底，溫度夠熱且入口不燙，味道濃郁且帶有新鮮蕃茄的清香。 在家的時候，縱然我已經用上新鮮的花竹蝦，卻從未成功打出爽口的靚蝦膠來；然而這裹的蝦膠，厚厚的，肉質則恰到好處，非常彈牙兼爽口，不知箇中的秘訣是怎樣，真教我佩服！ 在每張桌子均放有一樽魚露，是自家的製品，誠意已盡見。當我把樽子打開，一陣濃郁的香味頓時撲出來，魚露酸中帶有點甜，味道的確清新。把它放入湯裡

上到去深水埗北河街市政大樓2樓熟食中心環境昏暗都是密麻麻的食店好彩有前評提供的路線由中間一直行到尾 地下濕滑 又好彩有位招牌湯河粉 細餐連滴滴咖啡 $23 生牛湯河粉 細餐連滴滴咖啡 $23春卷$5 一條 兩條雞亦$5 一件 兩件 兩人共:$66招牌湯河粉: 好味 料多生牛湯河粉: 好味春卷: 好味 細條咗D雞亦: 好味 有汁唔干滴滴咖啡: 幾好 用煉奶沖環境差但價錢食品補番

寫了同區的金城苑，不得不寫芽莊城來比較。同是星期日下午茶時段，沒上碰上其他的食客要等很耐位情況。位於北河街市政大廈內的越南餐廳。坐下不久，點了菜在等食，有位穿著有點殘舊越南裝推著外賣單車的女士打招呼，我猜她是老闆娘，更意外的是她說這裡有免費WIFI，O了咀。我例牌到任何一家越南餐廳都一定是茄汁牛腩河，我老婆又係雞絲河。感覺好似向越南河內街邊食，好地道，茄汁不太濃像羅宋湯底，牛腩夠稔。雞絲河湯底夠香夠味可以知道肴左好耐煲成。樣樣都好好味，而且最讚係滴滴越南咖啡，不另加錢，其他越南餐廳一定話之你，加$15-20。咁好味的越南餐廳我老婆居然話唔會再黎食，再O多次咀，佢話環境好唔店。咁我點帶佢去越南玩呀！

現今的香港人去食東西的地方除了在地鋪和樓上鋪之外，很多人都懂得去市政局的熟食中心，但這些地方在很多人的心目中都是一些食廉價食物和一些快餐類的東西，也是這個原因就會覺得比較少有好食的東西出現，當然幾年前有一些外國雜誌介紹過北角渣華道街市熟食中心之後很多人對這一類食店都點改觀，變成是一些抵食添好食的選擇，令更多的人重視這一類的食店，今次要介紹的是在北河街市政大樓2樓熟食中心的芽莊城越南牛肉粉。其實我不是第一次來這一個熟食中心食東西，但上一次來到的經歷都有點兒嚇人，除了環境比其他的熟食中心差之外，食物方面也覺得處理得比較污穢，試完一次已經有了一次不好的經驗，另外一個原因是這一個熟食中心好像沒有其他的熟食中心會有一間出名的店子，好像在花園街熟食中心會有妹記食粥和旺角熟食中心會有澳門翠苑茶餐廳食農夫包，以前問起在北河街熟食中心有什麼好野食時都是想不到，但看見近來有一間食肆在深水埗區有很多人讚賞，所以就抱著嘗試的心態再來到這裡”闖關”。北河街熟食中心在北河街市政大廈的2樓，附近差不多都是一些街市和類近的商店包圍住，衛生程度有時都不甚理想，在近桂林街的這一邊有一組電梯可以上到去，來之前雖然還有一些不

打從第一次得悉深水埗也靠近義工的工作地點後，將在 Open Rice 搜出位於北河街街市大樓的芽莊城珍藏手機中。12月3日是首次到訪日，出發前有所忐忑！芽莊城的總評分不錯，宏觀大部份食評家對食物均予以好評，但心裡卻是信心不足，雖然越式食物不存在高難度的烹調方法，大致都是煎、炒、炸、炆、肴等，但背後那獨有的風韻卻不是三言兩語能輕易地掌握。而另一動搖就是食家們提到的衛生問題。猶疑不決，蹉跎歲月比任何事情更可怕，為食的我還是 "腳踏實地" 步進了街市大樓的2樓。 2樓的熟食中心燈光較暗淡，食檔面貌陳舊，很容易將眼前環璄聯繫到衛生情況上，但還未到6時半已聚集不少食客，一定有過人之處！一直行便找到了編號10 的芽莊城。選了店前的一張桌子，可借用芽莊城的燈光拍照。桌上的調味品不怎麼特別，膠瓶的炸蒜與酸魚露最為搶眼。過了膠的餐牌確是有點黏手，不過這情況在不少大排檔、甚至是餐廳都會常常碰到，不足為奇！在猶疑選擇之際，一位身形廋細小、瘦削的嬸嬸走過來，嬸嬸觸覺敏銳，知我是第一次到來，於是給我一點提議。下了單，又給我送來了薄荷葉、紅辣椒及青檸。嬸嬸推介是越式蝦膠扎肉蕃茄湯檬粉，也是食評中有不少食家的喜愛。

而家四週圍食飯都加晒價，度度都貴，係鬧巿中竟然仲有平、靚、正嘅越南美食！23/11同同事去搵地方食晏，其中一個話有間正宗越南餐聽，係北河街街巿熟食中心，一行三人就去試下；一去到唔難搵位，有位就坐得，跟手睇個餐牌，飯一啲都唔貴，都係$26-$30，諗住最貴都係 $30 一碟越式三寶飯，價錢好合理。其實我哋一心都係想試下正宗越南滴滴咖啡，所以三個一致，一人一杯餐牌標價 $10 嘅越南滴滴咖啡。所謂三寶即係香芧豬扒、扎肉、雞翼，豬扒醃得好香好好味，雞翼新鮮炸起，熱辣辣、好好味！正宗越南滴滴咖啡，原來 $30 係餐，已包一杯熱飲，所以杯咖啡唔使另計，每人埋單都係 $30，抵呀！咖啡好香濃，正！碟飯好夠食，姐姐禮貌好好，仲同我哋講：「夠唔夠食呀？唔記得同你哋講，唔夠可以叫多飯」　我哋都唔係大食，食完碟飯已經好飽，我同事仲話已經飽了，唔係叫多個生牛河食，不過睇睇餐牌，生牛河都係 $22，下次來真係要試一試！

記得少時在利舞台旁的越南食店品嘗, 以為這叫好味, 直到在加拿大升學, 才真正認識越南美食是甚麼.當年很多難民移居到加拿大, 所以在溫哥華及多倫多開了不少越南食店, 特別係吃越南粉的.別了加拿大多年, 回到香港卻一直吃不回那種味道, 早前睇了介紹這地方, 盡管知道環境真的令人打退堂鼓, 還是要去試一試.選了在最少人的時候前往, 目的係要睇下店子做得有多好, 叫了一碗招牌湯粉, 上檯的湯不算太熱, 先試一口湯, 味道還不錯, 不似有味精, 最少打後四小時都不會覺得口渴.招牌粉有札肉牛腩碎牛肉牛肉丸等, 可惜料不是十分多,芽菜亦已先行加入碗內, 而不是正宗的讓食客自行加上.粉是一樣的滑, 整體來說是不錯, 但又未去到很好那個程度.唯一失望的係店子沒有提供甜醬的.另要了一杯滴漏咖啡, 我唔係咖啡專家, 但陣陣咖啡香而濃的確令我對店子加分, 再加埋兩樣野只係$30, CP值超高,我也樂意俾個笑臉.如果個場的環境改善一下, 地下乾爽一點, 燈光猛一點, 相信生意一定會更好的.

唔係睇有篇介紹都唔知道北河街街市內有個熟食中心亦唔知道裡面有間越南野食市咁受喜歡.1時多來熟食中心環境算係我去過多個熟食中心最唔清潔既一個, 而且地面又滑真係要行得步步為營.這店就係熟食中心最尾部, 只得9張枱, 而此店亦係場內最爆滿.點左迷你生牛肉湯河配青檸梳打; 而友人就要左個香茅豬扒+風沙雞翼凍檬配凍檸茶此店既亞姐服務非常好, 見到我地2個人明知SHARE來食就給予我地2個小碗, 又知道客人多怕有漏單又會幫客人對單怕D數目錯等係熟食中心有咁既服務真係令人覺得好意外.講番食物, 我地點左既生牛肉湯河, 此店既湯底係我試過覺得最清甜而帶牛肉味道, 而且河粉好滑牛肉岩熟再加上佢地提供既新鮮薄荷葉令到成碗粉味道更清新.再來既凍檬同樣出色, 此店除左提供自行調配既泰式魚露外還額外提供炸香蒜, 這2樣調味加入凍檬內增加風味而且佢地既豬扒醃得入味肉質鬆軟,雞翼外皮脆.最值得一提係佢地既青檸梳打除左有濃郁既青檸鮮甜外還加上香茅.此店除左價錢平外, 服務好食物佳唯一就係環境真係算差, 坐位亦相當唔舒服

看完了某刊物介紹之後，今日一心去午飯試試。1:45到達北河街熟食中心，比起其他熟食中心感覺大不乾淨，地下好跣好滑。冷氣ok。芽莊城越南牛肉粉就在入口盡頭的左邊。不知道是否剛剛報導過，有很多人等位，但桌子只有6/7張。我們兩個光等位就用了20分鐘。坐下點菜，點了一個法式茄汁牛腩飯，一個蝦膠札肉米粉，一個併盆和兩杯熱滴漏咖啡。等等等等，等了30分鐘，什麽都沒有。沒有崔，耐心等候了45分鐘（2:30)，併盆出來，外觀有點亂。味道還好，還熱。50分鐘，法式茄汁牛腩飯出來，味道一般。再20分鐘，東西快吃完了，遲我們10分鐘坐下的同臺夫婦的東西全都來了，我們咖啡也沒有來，他們叫了一杯咖啡卻比我們先來。我就催她們還有兩杯咖啡和一個蝦膠札肉米粉沒有到。15分鐘后咖啡來了（3:10)。味道很濃不錯，很有越南咖啡的味道。到現在，已經80分鐘，我開始催她我的蝦膠札肉米粉還沒有來。咖啡喝完，一催在催，時間已經是3:30。SORRY，我的耐性已經到了盡頭了。拿賬單到柜面埋單。講到底，東西無我想象那麽好吃。相對我等候的時間，需然便宜，我是肯定不會再去了。

尋日同女友一行兩人路經深水埗時想食下午茶 , 就去左北河街搵食 , 去左一間越南食店 , 老闆娘好熱情及熱誠 , 一坐低就問我地係咪第一次幫襯佢地 !我地話係呀 , 佢就介紹左佢地熱賣食品比我地 , 又會同我地講唔駛叫咁多野食 , 咁我地就睇 MENU 啦 , 我叫左一個正常 SIZE 嘅香茅豬扒配風沙雞亦撈檬 , $28蚊 , 跟飲品 , 女友就叫左一個迷你餐嘅越式蝦膠扎肉番茄湯米 , $23蚊 , 跟飲品 ,跟手老闆娘問我地試唔試吓 D 小食 , 春卷 $15 有三條 , 可以叫兩條都得 , 價錢照除 , 再推介埋蝦餅比我地 , $27 三件 , 不過佢驚我地食唔到咁多 , 所以幫我地寫左一件 , 價錢又係照除 , 等左一陣 , 食物開始陸續黎 , 我本應一開始食撈檬先 , 老闆娘先狀就同我講 , 食左 D 熱野先 , 凍左唔好食 , 咁樣我地就聽佢講食左熱食先 , 春卷跟生菜 , 自己包黎食 ,春卷好脆 , 用米紙包好薄 , 但都好脆 , 蝦餅食到有蝦味 , 但又唔似泰式果種上好厚粉黎炸 , 食完呢 D 我就開始佢嘅撈檬了 , 配料及份量好足 , 豬扒醃得好入味 , 風沙雞亦似牛