芳滿庭 (已結業)

「紅日」的下午去飲茶，都是頭一趟聽見會有「因為幾日假期，點心賣晒」的情況出現，耳目一新。不知何解，看舖面硬是覺得這裡是一間京川滬店，望清楚才知，原來是一間晚間做粵菜，午市飲茶，還間唔中有焗意粉賣的食肆。輕易的拿了一張大檯，似乎都是不難搵位的一個地方。看過燒臘檔，幾款燒臘的賣相都麻麻，所以都只是叫點心及吃了小炒及湯飯。這裡的點心普遍都是水準以下，如叉燒包的皮是鬆鬆散散的，叉燒餡味道有點怪，吃了一半也速速放棄，近年也少吃這麼低水準的叉燒包了；奶皇包的奶皇餡是帶綠色的，不滑，不甜，唔知想點；鳳爪是細細隻的，皮及肉都實實的；陳村粉太實了一點，完全不滑溜，可幸上面的蒸排骨還算不錯；點心差勁，可幸其他東西也算不錯。炒銀針粉味道夠，亦有少少辣，幾易入口。但銀針粉太幼了一點，口感不夠；魚湯飯也不錯，雖然是淡淡的沒什魚味，但起碼沒有味精，要了個什菌的，點心不好吃，也有這個撐肚。侍應服務中規中距，算是「3分」的水準。埋單每人50元也不用，又真的是經濟的。不過如果要吃好一點，在這一區應還有不少的選擇。不過有見環境不錯，比個「笑面」啦。

在星期五晚返完港專後和好友一起去了一間好夠創意及有特色的中式食館。雖然個排頭有點似食上海菜的餐館，但這間鋪已粵菜為主。我和朋友叫了四道菜肴，他們的出品部很有心機做好每道菜。每道菜都有不同伴碟裝飾，很有創意只靠觀看表面已拿了80分。雞陳特別推介: 秘製椒鹽豬棒骨及竹籠荷香蒸羔蟹加珍珠米底。值得一試!服務都很好有禮，有很多菜還未試。短期內我會再到這店試食其他具有新鮮感的食品。

土瓜灣區來講,芳滿庭算係較”企理”的中菜館,菜色都幾多,味度唔錯,亦無咩味精,價錢合理,有很多特價套餐.佢地d點心幾好,但因成本問題,最近停止供應..由於老板都係度落手落腳幫手,所以全店服務態度都好好, 一家大細係土瓜灣食飯的話,呢度唔錯.

25 May 2006 (Thur) - 午飯同事話呢間嘢既點心好喎，但係我哋入到去又冇食到，而係食咗四人套餐！有湯，有一客點心，海哲叉燒，仲有兩個炒嘢，一個係菜，一個係咩蚌．．．　我鍾意個叉燒同咩蚌，OK好味！但係個白菜就唔係好得，苦苦地咁，可能少爛啦！點心係兩舊燒賣，兩舊蒸餃，都唔知點分．．．我食咗個蒸餃，ok，好熱，真係即叫即蒸！但係waitress動作好慢，我哋入去話四位，佢嗰度只係擺咗三套餐具，但係一路都好似冇打算比多set，等到我個同事出聲話佢，佢至攞黎！總之動作好慢．．．可能唔休做．．但係明明裏面係冇乜客人．．只有三枱連我哋！

本時lunch多d學生service會好d但now就黎放假...佢地對學生態度差左好多囉學生餐得番燒味男待應態度hea落單超慢重覆再重覆都錯我叫左x燒雞飯瘦x燒好食...但好似紅左d???點解會咁?!雞太油唔想食有個朋友叫左西瓜汁食到差唔多食完先黎我地吹佢...女manager咀mu mu咁差呀>_<

學生lunch$20 only叫左鳳城水餃麵听講d水餃係落單即包0既但d水餃一挾即好散料都ok多+幾好食麵冇簡水味湯清清地冇特別佢地d 叉燒好好食架半肥瘦多但上菜比較慢主要係因為佢要serve左大人先(街客)佢地將學生同其他客分開樓上係學生,樓下先普通客當然樓下環境好d喇有茶水,又坐得ok舒服但樓上就少人手,嘈d算喇,$20唔可以expect到好perfect~

服務依然好差，但D野好食又想去!!今次推薦桂花好豆糕，D味好match, 清香甘甜，值得一試，希望`次去服務有改善啦!!!

午市幫趁，都幾多人，裝修ok但似食希臘菜多d，well d野好食就得啦!!呢到d燒味唔錯，一定要試海皇珍珠炒飯同蜜汁燒風鱔，正正正!!小籠包個樣好醜，但d味唔太差，個金銀島同蝦米粉絲煲就一般，不吃也罷。但呢到d服務就相當唔得，d waiter 態度唔好兼且餐牌d野show 出黎，叫左又話無得吃。無得吃就唔該收起啦!!

上星期4個人係度食晚飯，d 位set得唔算密座得幾舒服，食左:1. 芝士龍蝦依麵底2. 炸乳甲3. 薑蔥焗蠔4. 魚湯浸時菜芝士味淡龍蝦肉都算多，魚湯浸時菜d菜好甜，整體都唔錯!

表面上係食京滬菜，實際上係廣東同京滬一半半，即係乜野中國菜都有得食。午市同同事一行5人，咁就樣樣都叫左d：白切雞唔肥，不過瘦得o黎都幾滑；蝦乾什菌煲d 蝦乾食得出唔係d平貨，係多油左d；唔知乜野煎豆腐，竟然煎到外層脆卜卜，但裏面仲係滑o都o都，好正；小籠包皮算薄，又有肉汁，唔錯；紅油抄手就一般啦！勝在個辣油唔算好辣，人人o岩食；燒乳鴒都燒得皮脆肉嫩，賣18蚊售真係夠晒抵；不過最好食都係個甜品豆沙窩餅，皮夠脆得黎又有蛋味，豆沙甜度o岩o岩好，飯後一人一件就真係無得頂。埋單300 幾蚊，以土瓜灣區來講當然唔算好平，不過勝在食物質素平均，招呼又好，所以都值得幫櫬o既！

星期日係度食晚飯，6點鬆d到唔駛等位，呢間野算係酒家但又有d上海野食，叫左小籠飽、麵、賽磅蟹、沙拉骨、乳甲、羅漢齋豆腐、沙爹牛肉煲，都幾好食，係呢區黎講算唔錯啦! 未夠8點走門口都有人等位。

同事推薦一間新開既食店, 午餐時五個人叫左一個四人用商務自選套餐再加叫小點, 套餐選擇包括:青紅蘿蔔豬展湯, 湯味濃唔錯!叉燒拼海蜇, 叉燒味道有點怪而且有點刃. 海蜇幾爽口, 味道一般.南翔小籠包: 有肉汁但皮厚.京式回鍋肉: 多油,肉質比較實, 唔討好.菠蘿咕嚕肉: 一般, 幾香口.另外再加小點煎鍋貼, 蒸銀絲卷, 但食落只係一般, 待應推薦新鮮熱豆漿, 比較甜略嫌豆味不足.