花臣車仔麵 (已結業)

早幾天經過染布房街, 才感嘆之前兩間食店轉手了, 唔通餐廳真的敵不過加租? 今晚再返來試西餐廳變身的花臣車仔麵。晚飯時段7點半來到門口, 大約有六人在門口排隊, 餐廳行先點菜付款, 搵位, 再送上食物。做緊新張期優惠20蚊有套餐, 係3餸麵套餐!由點餐紙的ABCD組合, 連A麵底, 可以在BCD選配各一個餸。推介有豚角煮, 墨汁墨魚餅, 豬軟骨, 水餃。湯底有5款, 點左蝦湯和清湯加瑞士汁, 兩款在外面的車仔麵店比較少見, 有特色; 另外一定要加的係沙爹醬! 點餐紙還提供加蔥, 炸蒜, 炸菜, 芝麻等選擇, 適合唔同口味的客戶自己調配口味! 唯一美中不足, 整體較油膩, 上菜時湯底唔夠熱。其他方面環境, 服務等都非常超班! 樓上雅座舒適似cafe, 唔會趕住"番枱"趕客。 **點餐紙設計有心思, 食物水準高有心機, 要試下個沙爹醬, 整體好食過某拉麵名店!

近來發現唔少地方都開車仔麵店，呢間花臣車仔麵，除左正正喺麥花臣球場附近外，佢新開張仲有個「激抵一星期限定」，$20 三餸車仔麵，好抵！　新張大優惠！除左裝修有特色之外，門口有機械人迎接你呢！呢度嘅餸料有好幾十種選擇，湯底有清湯（仲可加腩汁或瑞士汁）、麻辣湯及蝦湯可以揀。街頭小食系列：魚肉燒賣（$12）留意返，檯面仲有辣椒油比你點燒賣食呢！腐乳通菜（$15）貪心的我，$20三餸麵點可以滿足我呀？我呢碗有：河粉，清湯加腩汁，柱候牛腩、牛孖筋、豬皮、豬大腸、豬紅，再加辣醬及炸蒜。樣樣都好入味，特別係牛孖筋！老婆果碗有：米粉，清湯加腩汁，瑞士雞翼、炸蝦餅、牛肚、蠔汁花菇，加炸蒜及XO醬（+$5）。好濃味，炸蝦餅比較特別，可以一吃。汽水跟餐+$11。

旺角麥花臣球場附近開了一家車仔麵店，小妹由細到大都好鐘意食車仔麵，見裝修都幾特別，就入去試下！佈置有懷舊和工業味道，有star war公仔，好特別！落單方法有兩種，可以在收銀前枱用平板，然後用八達通付錢，也可以圈紙仔！全部Mix & Match自己話事！湯底、調味醬料、配料、麵自行配搭！餸料選擇超級多，應該有50多種，幸好我沒有選擇困難，好快選好了！湯底有清湯、麻辣湯及蝦湯。配料有蔥花，炸蒜，榨菜，芝麻。這裡是不設最低消費的！特式餸料有日式叉燒，豚角煮，玉子蛋等！我這天十分肚餓，所以點了好多餸！清湯加腩汁，湯底沒有多餘味精，不錯！我選了米粉，朋友選了烏冬。我碗米粉有雲吞、墨汁墨魚餅、柱侯牛腩、炸蝦餅、炸枝竹和生菜！朋友的烏冬有手撕雞、牛孖根、腐皮墨魚條、紫菜、巨型蟹棒和菜心！我特別喜歡墨汁墨魚餅，有墨魚味之餘，還有墨魚粒，非常彈牙！炸蝦餅也同樣彈牙！柱侯牛腩好稔，雲吞的蝦肉好爽！朋友說牛孖根好入味，軟稔度剛好！手撕雞的麻油味好香！我還點了一杯熱檸水！

因為推廣$20有3餸，所以今日同同事嚟試。見到點餐紙好多款式餸菜選擇，睇落唔錯咁，但正價價錢有啲貴，正價3餸一麵大約近$40或以上，當然如果貴少少但質素唔錯既當然接受啦。今次$20推廣指定於$12、$10、$8 三項餸各選其一再配一款粉麵，我叫咗碗油麵+通菜+墨汁墨魚餅+雞翼尖跟麻辣湯，我同事叫咗南乳豬手+腐皮墨魚條+通菜，我倆互相請大家食沒有叫既餸。我個麻辣湯底唔太咸，亦冇乜味，只有麻辣既味道，佢真係麻到咀唇爆波既感覺，可是個湯冇味。利申先，我平時食嘢唔鍾意太咸同飲嘢盡量走甜。墨汁墨魚餅係ok好食既，雞翼尖醃得唔夠味，色就有啦，相比雲貴X米線個翼尖，佢只係醃得5成味道，南乳豬手...唔知啲南乳去在邊，隻豬手基本輕輕醃過既，大約2成到啦，食落去好有白烚既感覺，未食過咁差既豬手，腐皮墨魚條較實，以為食緊普通腐皮春卷實心版，唔覺自己食緊墨魚條，油麵份量...普通一個節食女仔會食得飽，我15:00食17:00好肚餓啦。環境一般地方唔大，地面嗰層3張圓枱x4個座位都少少迫，樓上有幾多張枱就唔知啦。如果以呢個食物質素，佢收呢個價錢差唔多既，如要收正價，食物味道應該搵多啲人嚟比意見改善下。

唔講唔知開左新車仔麵店，以後黎開呢邊有多個輕食嘅選擇啦入店，攞紙揀餸，比錢再揀位坐，之後就可以乖乖等食，有店員送麵的，就算坐樓上都唔怕。貪方便坐左樓下，四方枱幾濶落啦，枱上有四種調味醬，有辣油正喎維他奶(+$11)&棟柚子蜜(+$8)好耐無飲過樽裝維他奶，叫番支先，跟餐加11蚊都幾合理啦。朋友要左柚子蜜，甜甜地夠大杯，冰涼又解渴。魚肉燒賣($12)見枱面有辣椒油就叫番客燒賣食下，好耐無篤燒賣啦，呢度12蚊8粒，同街邊差唔多價。燒賣煙煙韌韌，加埋甜豉油同辣油勁正墨汁墨魚餅，泡菜餃，紫菜公仔麵加XO醬($45)自己叫左三餸麵加XO醬，賣相不錯，份量也算合理。公仔麵幾彈無過淋，混埋紫菜一齊食正呀。呢粒黑色嘅係墨汁墨魚丸，爽口，入面仲有唔少墨魚粒粒，彈牙又有口感。泡菜餃味道一般，入面粉絲居多，無乜泡菜味。XO醬夠香微辣好惹味，平日係屋企淥麵都好鍾意加XO醬㗎炸蝦餅，咖哩魚蛋，韮菜餃油麵($40)朋友叫左呢幾樣同下面個炸魚皮，所以應該係四餸麵湯底要左清湯加沙嗲醬，幾香味道唔錯。蝦餅彈牙好食，魚蛋有點過淋而且咖哩味不濃，韮菜餃飽滿ok，油麵同湯底幾夾，整體黎講係好食嘅。炸魚皮($10)分開上的炸魚

逛完波鞋街要醫下肚，去黑布街搵食之際比我發現呢間新開既車仔麵店，門面望落幾特別，有別一般車仔麵店既感覺。✨野食選擇都幾多，有d 平時少見既特別款式。好似日式叉燒，豚角煮，玉子蛋，墨汁墨魚餅等等。湯底仲有蝦湯底😍～～配料亦可以多蔥，多炸蒜，芝麻等等～果然係多花臣同埋彈性非常高👍🏻✨仲可以選擇自助落單，嘟八達通比錢～～不過我呢d 懶鬼都係鍾意劃紙仔，keke✨環境幾摩登，樓上有大量座位，咁啱過晒食飯時間無咩人，播住收音機，一個人面向窗邊自閉位真係幾舒服。✨嫌唔夠喉仲有調味料比你慢慢加，連潮洲辣椒油都有～～✨久違了的玻璃樽裝汽水，跟餐價$11, 而家真係好少地方飲到呢份懷舊味道，d 氣特別勁～～👍🏻✨咸蛋蟹肉（$15) : 味道唔會太咸，少少咸香咸香，仲有好多蟹肉～都幾特別👍🏻不過蟹味唔算太重✨😍湯底加腩汁再加沙嗲醬～好惹味～漏左唔記得加蔥加蒜～✨墨汁墨魚餅： 呢個墨魚餅真係超級彈牙，幾香墨魚味，入面仲有墨魚粒粒，有咬口👍🏻正✨日式叉燒： 肥瘦適中，食落夠腍身，調味似係港式叉燒既味道😆都幾好食✨蘿白入味夠腍，甜味天然，似係無浸糖水✨牛筋就半腍半爽，個人覺得可以再入味d~✨埋單80幾蚊真係超飽

今日一個人出旺角拎野，完成後就到處理我晚餐的去向，一個人真係唔知食咩好，多數食拉麵既我，今次選擇港式車仔麵，當然唔係普通車仔麵就滿足到我，呢間新開無耐既「花臣車仔麵」就有特別餸推介。足足有57款餸選擇，9款麵類，湯底仲有少見蝦湯，更提供調味料同配料。而玻璃樽可樂更加吸引我。至於點自助法，就係由點餐、取食物、搵位、食完回盤......都可以自己處理哂，好自由。先在落單區自己點餐拍八達通付款，也可用現金在櫃面付款。之後我就周圍影相，帶點懷舊風的裝飾，放滿可樂樽架的環境，有點懷念過去。亦可上二樓，地方更大更光鮮，仲好涼爽舒服，夏天都冇有怕。食物好快整好，等左5分鐘就有，到取餐區自取食物。我點左6款餸，的確幾多，所以超級飽，再加上難得有的大支裝玻璃樽可樂，夠哂gur!咸蛋蟹肉必點，有咸香黃蛋味配份量滿多的蟹肉，兩者不但沒搶味，原來仲好夾，就有食蟹粉的感覺，配埋麵食，好滿足好豐富。另一樣必叫的是墨汁墨魚餅，別看黑麻麻，用墨汁所以味道更重，內有墨魚肉粒，好彈好夠味，真材實料。黑柏葉也少見，超級爽口，而且大大塊易咬斷。豬軟骨啖啖肉，微微酸醋味，又可去掉肉的膩感，又令人更開胃，加上肉質鬆化，也是不錯的

同朋友係旺角打完波，走到黑布街搵野食，行下行下，就見到呢間充滿迷幻感既車仔麵店。餐廳用上夢幻感強烈既藍色，從外面看進去再有一點80年代老街坊既感覺。也正正係呢一種Vintage既感覺，吸引佐我同朋友入內幫襯。走進餐廳，會發現一隻 Star War 既白兵 站著迎接客人。這時候我和朋友只想到一句:「有Taste。」看來餐廳的老闆也是看 Star War 長大的80後？門外放了一個和80年代有點格格不入的平版電腦，讓客人可以自己落Order ，再用八達通付款。而不喜愛高科技的，也可以用傳統的方法 - 劃紙仔，餐廳同樣歡迎。也劃紙仔的方法更合我的心意，不竟我有選擇困難症，還是乖乖找個位置坐下慢慢揀吧。最後我就揀佐 黑椒汁牛粒($12)，牛孖根($12)，雲吞($10)，黑牛柏葉 ($10)，再加上油麵 ($10)既麵底。湯底既選擇都幾多，有比較特別既蝦湯，亦都係我既最後選擇。配料有蔥花，炸蒜，榨菜，芝麻，都係免費既。佢地既車仔麵都幾大碗，配料大約每款有3-4塊，特別要推介既係佢地既牛孖根，超入味，食落骨膠原超爆勁，有槳口既感覺，其次既黑牛柏葉都係必點之選，不竟在別家車仔麵店比較難有機會吃到。

本身諗住黎黑布街食PANCAKE跟住先食DINNER，點知就發現到呢間新開車仔麵，花臣車仔麵，我就睇下你搞咩花臣先餐廳有兩層，集懷舊同工業風於一身，一行入去就見到有隻白兵，雖然佢係1:1成個人咁，但係佢唔會識得埋黎落單的喔落單方式有兩種，可以行去收銀禁平板再用八達通俾錢，又或者用番傳統方式寫紙仔，寫完就出去收銀俾左錢先就可以番埋位等食物有多款調味料提供俾你整色整水麥精 ($11)、咖哩豬皮魚蛋蘿蔔 ($25)支裝麥精我諗我有超過5年無飲過，仲記得細個冬天的時候就最鐘意去便利店買番支熱支裝麥精飲暖下手又暖下胃，咖哩豬皮魚蛋蘿蔔唔辣，煮得入味，魚蛋都幾彈牙車仔麵 ($67)車仔麵黎講呢間都算多花臣，可以揀湯底、調味醬料、配料，湯底比較特別的就有蝦湯，調味醬料就有三款，分別係辣醬、沙嗲醬同XO醬，XO醬就有加$5，而呢$5係值得加的，因為XO醬係滿滿的放係大匙度另上，整碗麵的味道完全提升晒湯底我揀左蝦湯，唔算好濃但都有淡淡的蝦味，每次食車仔麵我都會好三心兩意地揀左好多配料，今次有墨汁墨魚餅、豬軟骨、蘿蔔、麻辣水魷、水餃，墨汁墨魚餅特別出色，口感十分彈牙，豬軟骨同麻辣水魷夠入味麵底份量都幾多，

The difference with this noodle joint is that you can order through the self ordering kiosk but the limitations is that you have to pay by octopus and the interface  does not seem to have English.There is an area to return your trays, dispose of food waste etc.Interesting decor or it could be fengshui:They had this really evilicious crab meat and salted egg yolk paste so I decided to try it.I drank the soup first so that I could mix the paste in the noodles.The best thing was that the paste was

以前去黑布街也是去酒吧，現在越開越多食肆，今晩便去了新開張的車仔麵店。門面已非常搶眼。裝修走懷舊風，坐的是小圓桌，還有大大個星球大戰的風暴兵，確是吸睛。餐廳有兩層，但要食客把熱湯麵捧往上層好像有點難度。只是晩上八時，生意超好喔！食物種類也很多，價錢非常貼地，而且還有支裝維他奶和麥精，很有本土味。我就要了油麵、炸豬扒、玉子蛋、蘿蔔、手撕雞、豆卜、豬軟骨、魚皮餃、蠔汁花菇、通菜。好像很誇張，但我也可把全部吃清光呢！甜甜的玉子蛋是必叫之選，還有炸豬扒也是推介。性價比真高～

車仔麵可説是香港地其中一樣平民美食，簡單的一個麵底，再自行配搭各款小食，每樣數量小小，即使一個人亦可以一次食幾款餸，多少隨意，豐儉由人。今日到黑布街影証件相，經過見到依家<花臣車仔麵>個名幾特別，選擇又幾多所以就入去一試！除了可以傳統地向店員下單外，亦可以自助形式用八達通點餸和付錢，想不到車仔麵小店都可以這樣，好方便喔小店沾地兩層，樓下還有大玻璃窗非常通風，現在雖然是夏天但不覺熱或侷促。樓上還有雅座，可以涼冷氣同靜靜地享受食物。介紹返食物先！我點了蠔汁花菇和墨汁墨魚餅，麵底選了薯粉。花菇雖然不算巨型，但勝在炆得夠淋夠入味墨魚餅墨味濃郁，口感彈牙而且還在真墨魚粒在內最後必食推介<咸蛋蟹肉>！！咸咸香香的咸蛋黃中粒粒的蟹肉，好邪惡但好好味用來撈Q彈的薯粉真係極正食左三餸加個凍檸茶，$55蚊有冬菇，墨魚餅同咸蛋蟹，好抵食喔！

I was walking around Mongkok area to see if there is any nice or new eateries for me to explore. While walking along Hak Po street, I chanced upon this noodle shop, which i believed was opened not long ago as i has never seen it previously. The decor was retro feel and it was located around the famous dessert area. The menu was pretty straight-forward. It was just a small piece of paper, and we just need to tick those items we wanted. Besides that, they offered light snacks as well. On every tab

餐牌好多特別餸選擇，鵝腸，蝦餅，黑柏葉等，另有燒賣，魚旦，雞翼小食。我叫左個牛腩，日本叉燒，豬紅 同埋咸旦蟹肉。湯底較重味，咸身少少。咸旦蟹肉好正，伴麵一流，份量都足夠，有d似米線既炸醬咁，牛腩夠淋夠入味，都有三件，日本义燒同豬紅無乜特別，味道可以。麵就真係無乜特別，都係普通野特別提一提有支裝維他奶飲，幾懷舊。整體味道可以，會再去，不過等食物時間較耐，覺得需要改善，同埋唔係睇住d餸去選擇，如果有得睇就好d。因為成間野裝修一d唔似食車仔麵價錢都合理，每樣餸都係$8 - $12

今日去開旺角黑布街見到新開左間車仔麵 係門口見到有好多餸選擇 加十五蚊可以將個湯底轉咗做蝦湯 開幾有新鮮感 兩條友就走咗入去試 點知蝦湯無蝦味 點聞都係油益味 餸係好多選擇 但係叫做得個魚片頭係正常啲 其他嘅都係中下嘅質素 唔知關唔關事 兩個人食完都肚柯