花斑茶社 (Smithfield Walk) (已結業)

💛 #黃色經濟圈 🎗告急黃店❗️❗️❗️食完lunch經過堅尼地城見呢間茶飲即刻買杯黎試吓~見左杯店舖推薦我又鍾意飲嘅白桃烏龍試吓❤️🤤🍴白桃烏龍($26)我叫左少甜少冰~飲落好清新嘅桃味~仲有粒粒嘅桃肉❤️食落比較似新鮮桃唔似罐頭桃肉好正😋烏龍茶味唔會太濃淡淡的襯托番個桃味💛超正~👍🏻大家記得要支持下黃色小店❗️💛🎗📍 花斑茶社 (西環)西環堅尼地城士美菲路45-51號Smithfield Walk地下5B號舖

今日嚟咗西環探朋友有點口渴，行入商場，跟住地下嘅老虎腳印，去咗花斑茶社 買嘢飲。西環店 人頭湧湧，大排長龍，面積不大，仍然設有佢嘅許願牆，供客人用報事貼上心意字句！自從上次試過佢用台南茶葉炮製嘅手搖茶後，茶味香濃，念念不忘。今次就點咗 四季春和鮮奶綠茶試下！芒果冰茶四季春芒果清甜多汁帶微酸，清新怡人混合四季春做冰茶，鮮甜爽口，茶體輕盈，配合得天衣無縫。珍珠奶綠珍珠 q彈有嚼口，鮮奶綠茶絲滑細緻，茶體醇厚稠口，綠茶味香濃，甜度適中！

食完飯就買番杯嘢飲。花斑茶社係香港好多分店，今日咁啱係堅尼地城又比我見到，梗係試試。第一次比我見到茶飲店有得揀脫脂奶！真係肥人福音啊！今日我就揀左宇治抹茶紅豆鮮奶（$34）。揀左脫脂奶，無糖，因為係鮮奶所以唔可以走冰，要保鮮。味道方面，走左甜之後，抹茶味更出，配合脫脂奶依然順滑，不過紅豆就容易沉底，需要不斷搞先吸到，紅豆本身帶甜，已經好足夠。朋友呢一杯就係烏龍鮮奶茶（$26），加左珍珠（+$3），都係揀左脫脂奶，朋友評價呢度啲珍珠都幾特別，係帶蜂蜜味道嘅！隻杯就好靚，海軍藍加上燙金，感覺超型！

之前係尖沙咀已經飲過，即刻愛上咗。啲飲品唔單只清甜，連個杯嘅設計都好靚。而家終於都開咗係西環啦 😁 好開心，可以成日去飲啦今日想飲啲清爽啲嘅嘢，所以2杯都叫咗水果茶 - 白桃烏龍同柳丁綠茶 😁 兩杯都好滿意 👍🏻 茶底係黎自台灣架，唔係大陸架，飲落都放心啲 白桃烏龍 (少甜少冰) 好清甜，一啲都唔膩，仲有好多桃粒，口感好正 🍑 果肉份量仲唔少添呀 柳丁綠茶 (少甜少冰) 好清新，特別岩呢排天氣又開始回暖返 🍊 啲橙一啲都唔酸，甜甜地，清清地，估唔到嘅係呢杯都有果粒，唔知佢係咪所有水果茶都有架呢

今次又再来花斑茶社便很想喝上次朋友赞不绝口的的黑糖珍珠奶茶，另外再叫了可可奶茶，因我很喜歡可可。黑糖珍珠在奶茶外表己很吸引，由纯奶茶色到融了的黑糖再到黑珍珠，看见已很想立刻喝一口。我特别叫了走冰，希望到最后一口也是浓浓的。结果这杯真是值得推荐，黑糖独特的甜味和黑糖在上膛的香味配上奶茶己经很好再加上有黑珍珠可吃，因没有配冰，珍珠还有点微暖。而可可奶茶，可可味浓但仍然可以寻找到奶茶的茶味。选择了少冰原因是希望喝一些冻的东西。可可奶茶用蓝色杯子更显得典雅。

花斑茶社—西環早兩日在北角喝了花斑茶社，覺得好好味，今日去西環探朋友，行過我又再去喝了。友人很喜歡飲檸檬茶（我覺得點解要係呢啲地方飲檸檬茶🙄），但他仍然是選擇檸檬紅茶，而且話在這些茶店飲跟快餐店不一樣，茶店紅茶特別濃。另外有一個飲可可奶茶☕️及珍珠奶茶，我覺得自己是不平凡的😅我再次飲我的最愛：鳳梨🍍冰茶，不過今次留意到可以加配料，我以$3的價錢加了寒天。寒天令整杯鳳梨🍍冰茶更「有趣」。為什麼說有趣呢？因為本身鳳梨🍍冰茶已經每一口可以吃到鳳梨粒，現在有寒天，而且比平常的更煙靭，所以每一口飲起來又有鳳梨🍍粒又有煙靭的感覺，好味好味。我怕我第三次光顧都繼續飲鳳梨🍍冰茶。😅😅

Local Brand💛💛💛 Our cup of tea☕️✨💫..呢日剛好黎到港島西環食飯🍴平時好少踏足堅尼地城，發現呢邊比中上環多一份寧靜悠閒，吃個晚飯都好relax。吃飽走走，想跟點飲料，搜尋附近既飲品外賣店發現呢間花斑🌸。Local店 當然要支黎下，仲要係黃架💛，好有心思 牆上貼滿支持加氣字句，相信對於香港人來說 特別窩心，多一份感動。呢間茶店，除左一般抹茶🍵、芋頭、黑糖珍珠外，想清爽點 仲有白桃烏龍、四季春、可可鮮奶🥛。所選用既茶葉🍃 都係由台中茶園直送，加上本地製作 迎合港人口味，值得一試。llMatcha Fresh Milk +Pearl Bubble抺茶鮮奶微甜 夾雜淡淡綠茶香🍃`鮮奶香🥛，加上黑糖珍珠增加口感，飯後飲 都完全沒負擔呢。llTaro Fresh Milk +Pearl Bubble選用大甲芋頭💜 芋香味較濃較重，還有芋頭粒粒 口感很豐富。芋頭加鮮奶 亦是很好配搭，滋味又飽肚，加上珍珠 真係飲完成杯太飽肚了。建議下次未吃飯時才加珍珠吧 哈哈。..Local 黃店💛 當然要支持一下吧💪🏻 黃色經濟圏。。你懂的。。💛..

我屋企人最鍾意嘅台式飲品，每次出街都係買黎飲，今次就黎到西環堅尼地成試左花斑茶社，呢間本地小店越來越多分店，好多地方都見到，但係試就真係第一次試。不過呢間西環店都幾隱蔽，因為佢地址寫地下原以為商場地面層，但原來佢係商場地牢層，等我見到水牌，但就揾唔到舖，最後好彩要去洗手間，先入商場見到茶社舖位，如果唔係就飲唔到喇。一樣叫左我近期大愛黑糖珍珠鮮奶，同埋宇治抺茶紅豆鮮奶。黑糖珍珠略嫌黑糖味唔夠重，不過都可以接受宇治抺茶紅豆鮮奶，好似飲緊抺茶紅豆冰咁，未飲已經覺得撞到色好靚。抺茶味道岩岩好，唔會太濃遮蓋晒紅豆味，而紅豆口感比起珍珠更特別。

白桃烏龍 26名間四季春18好鐘意飲佢地的茶飲, 口味岩岩好, 飲完不會口渴. 位於西環地鐵出來見到Aeon, 下去地庫直走, 就會見到一間特別多人排隊的台式茶飲.門口貼滿了小紙條, 黃豬豬店, 當然更加要幫襯. 白桃烏龍, 清潤的茶底, 果味濃郁又新鮮, 感覺一杯好像會不夠喝. 大大啖連果肉. 真心like. 名間四季春, 是一種特別的茶款, 淡香茱莉, 持久芳香, 飲完個口都香噴噴.特別一讚店員, 細心又熱心. 會提醒而且手腳快. (同場加映大隻靚仔店員沖茶!!)

西環要搵一個地方食brunch、飲咖啡一啲都唔難，呢度咖啡店林立，隨時隨地都可以輕鬆搵到休閒嘅咖啡店。但如果唔係太多時間慢慢享受，但係又想飲一杯有質素嘅take away飲品，西環嘅黃店之一 花斑茶社 就係你嘅不二之選。花斑茶社原來係全港都有幾間分店，最近都係非常熱鬧嘅荃灣donki donki附近開咗分店，越來越多人認識呢間黃店今次我喺西環店叫咗兩杯嘢飲，一熱一冷。凍飲係非常popular嘅黑糖珍珠厚鮮奶，係店方signature，杯上嘅大理石紋好靚，店員仲好細心提醒要攪勻先好飲。均勻混合之後，黑糖同埋鮮奶完美融合，味道甜美，珍珠有煙煙韌韌，粒粒都好有咬口，我幾鍾意！另一杯熱飲係original tea 名間四季春。四季春嘅甘香非常解渴解膩，茶餘飯後飲一杯感覺好舒服。下次都想試一試其他茶！

好耐冇去西環了~係商場入面發現本地小店野飲，飲野種類都幾多，見到有黑糖珍珠、抹茶、芋頭、茶類＆鮮奶等等。店舖入面有一面貼滿MEMO，充滿正能量☀而出面係大大的店舖LOGO，純白色為主，影相出黎相當文青🌱 💜大甲芋頭鮮奶($32)識飲一定飲大甲芋頭，芋頭香得黎唔會太甜，有少少芋頭粒增加口感，不過私心想芋頭比例再多啲🤪 🖤黑糖珍珠厚鮮奶($30)飲過黑糖珍珠就返唔到轉頭🤣 黑糖珍珠夠入味，煙煙韌韌✨

黑糖珍珠奶茶一時成為城中話題，但我從末真正試過。今時今日要以時並進，點都要追上潮流打一下卡先至潮。黑糖珍珠烏龍奶茶賣相好似雲石，好美，難怪咁受歡迎。輕輕的搖勻，珍珠，奶茶混為一體。大大啖的一口，茶味好顯著，清香不甜膩。珍珠粒粒煙煙韌韌，非常有嚼口。白桃烏龍隨了奶茶，蓋奶之外，還有清淡的水果茶。又試了一杯白桃烏龍。清淡的茶香好治癒，有粒粒的桃肉，增添美味。年輕人的潮流，我一定要追上，否則被社會淘汰喔！

今天在西環到處走走、散散心，順便拍些風景照片打下卡。我們一邊行，一邊找些懷舊小食，又去尋找一下古舊建築物和廟宇如魯班先師廟、堅尼地城石牆樹等，行程相當豐富。無意中在地鐵站外附近的商場找到很合口味的飲品，「花斑茶社」的凍草莓紅茶和 黑糖珍珠奶茶。有台灣進駐香港的手搖飲品店數之不盡。「花斑茶社」亦售賣台式手搖飲品，但原來是由香港人創辦，當然要支持一下！黑糖珍珠烏龍奶茶☕有很香的奶味，再嚐，有著烏龍茶特有的香，味道清新。黑糖珍珠煙煙韌韌，好有口感，而且甜度適中。我通常會叫普通甜度，看看最原始調配出來的口味，幸好這杯飲品是my cup of tea 。凍草莓紅茶🥤有著淡淡的果香，士多啤梨的甜味輕輕帶過，皆因茶的味道相對特出，顏色也比較深，很有解渴的感覺，吃完小食喝一杯就最matchy matchy啦。

位於西環堅尼地城士美菲路Smithfield Walk 地下5B號舖的花斑茶社，主打台式飲品。餐廳提供了一些學生優惠，穿著校服的學生買指定飲品有優惠。當天飲品店頗為熱鬧，點了黑糖珍珠厚鮮奶，約等了十分鐘左右。職員的態度也相當友善和客氣。黑糖珍珠厚鮮奶來到了，整體味道十分濃郁，而且黑糖珍珠還是微暖的，口感煙煙韌韌。厚鮮奶口感幼滑。順便一提，這款飲品是固定甜度和固定冰塊量的。朋友則點了一杯鳳梨紅茶，這款飲品的甜度和冰的份量也可以自由選擇。整體味道清新香甜，十分解渴，能嚐到頗濃的鳳梨味。飲品杯的設計頗為精緻典雅。

「走得過最絕望危難了，哪會怕考驗。」成與敗，得與失，往往只差一線，但只要抱住一線希望，前路總會見到曙光。就好似呢間由香港人主理既人氣原茶系列「花斑茶社」，堅持所有茶葉都係由台中茶園直送，分別以四種茶葉做招牌，夾雜香港既本土味同埋台灣既地道風味，難怪開業無耐，已經成為熱門話題啦！👇📌芝士奶蓋 · 名間四季春 - $26👉台灣出產既人氣四季春茶，係我最愛！，佢果份茶味清香輕身，入口唔會太重，飲得出沖泡既茶葉份量落足料。而加左佢地幾出名既芝士奶蓋，質感厚身唔會太稀薄，濃郁既芝士味甜中帶少少鹹香，同茶底非常夾。📌芝士奶蓋 · 白桃烏龍 - $32👉另外一都係揀左佢地招牌以烏龍茶做基底，入口唔會太甜，有明顯回甘茶香，底層仲食到一啖啖既白桃肉粒，有陣陣既桃香，食落幾有咬口。而面頭上照舊額外加左芝士奶蓋，質感綿密，鹹香味十足。