花墟茶餐廳

營業中

休息中

Nice taste. Ordered extra PorkChop. Prices seems high side. But late night nice deal together.

食物味道非常一般，不是很油，湯粉麵的湯底偏甜，好奇怪。而且服務態度惡劣，正常落單情況下，早上10 點前，人流不多，侍應仍會搵位寸你，永不光顧，blacklisted

夜晚見moko執左food court咪揾飯食，見門面裝修唔差無睇食評就入左去坐低，本身想叫咩豬扒煎蛋飯，即刻㩒入黎睇下食評見到人地放相上去塊豬扒嘅樣，睇見都知醃到冧pat pat鬆肉粉多又薄會好難食，即刻改食有個類似叫咩鮮雞湯飯，反正叫小菜餐一定仲差。。。。頂。。。。送上黎嚇死，夠膽死用一隻肉質霉嘅雞全翼碎上，隻翼尖仲要斬成一開4忽，做生意唔係咁賺到盡當啲客傻，扮鮮雞用成本低嘅全翼以為斬碎無人知。。。。黑心店希望你地快啲拉閘。。。。仲聽到樓面喺度呷全日得8千數。。。。做到咁食一次都無客回頭。

呢間店不論老細同員工既態度傲慢，第一次寫食評，就係要寫俾呢間野，真係食個早餐都食到成肚氣！一定冇下次！話說一入去，冇人招呼就自己搵位坐啦，但因為泊左架車係門口，驚抄牌，所以想調去近門口位置先落單，點知調完位就叫落單，個貌似老闆娘既女人無視我地，連個員工都專登唔過嚟，一路口up up咁話我哋調位，繼續無視我哋，我哋已經趕時間要返工，如果唔係即刻走啦！食個早餐都食到成肚氣！一定冇下次，你唔俾人調位就貼係門口啦！完！

四點先喺花墟附近上堂，仲有成個鐘，諗住搵個地方坐陣先，一向去開間咖啡店滿晒，所以過咗對面馬路間花墟茶餐廳hea吓。之前食過下午茶都算幾okay，今日見到餐牌有沙嗲牛肉包，即刻問下伙記係唔係用軟包整。佢話係，我本來唔係好餓，都想試吓。個包攞到嚟，望落去都幾好、拎上手覺得好熱辣辣👍🏼，不過一入口就發覺個包好勒，我估喺叮返熱嗰陣耐咗啲，所以個包底好勒，啲牛肉又鹹咗啲😢，好彩杯咖啡都唔錯。不過成個餐先收34蚊，對面一杯咖啡都要咁嘅價啦！（咁樣諗會好過啲）😂如果唔係之前幫襯過，知道佢哋有啲嘢食都可以嘅，可能就冇下次。😅

長輩常常提醒進食時，選擇的食材要有補身效果，但現代城市人，常常怕脂肪、怕膽固醇 ，怕一又怕二。其實，有好能量才能有好體力。平民價錢就有平民食材，今日特別介紹豬潤和牛肉，兩種適量進食，可使身體強壯呀！豬潤厚薄適中， 剛剛熟透，一啖咬落去可以分開兩截，沒有渣宰，沒有苦澀味。牛肉相對就比較遜色，有被強行造成淋滑，使到牛肉味欠奉。普通即食麵，當經過特別處理，用豬潤牛肉上湯浸多兩分鐘，味道特別濃郁，面質都覺得可口多了。奶茶是附送的，最好餐前慢慢享受，避免與豬潤 牛肉上湯混和。溫馨提示： 牛肉豬潤湯就留到最後，要飲曬呀！

在香港，燒味飯一向係普羅大眾所喜愛的。而葱油更是燒味食品中不可或缺的調味料。它有加入薑蓉的，有的是全蔥粒，有的添加乾䓤提升香味，製作繁多也代表廚師的靈感。《 花墟茶餐廳 》推出了三款碟頭飯是加入類似廣東燒味所用的葱油，並稱作“蔥油系列”呀！重要有兩隻煎到條邊脆脆哋嘅雞蛋相伴㖭喔。而甜甜哋嘅豉油也就是最要好的朋友吧 ! 再附送一杯飲品。就是十分飽肚的晚餐了。溫馨提示：白飯加蔥油與豉油，分外好味易入口，如果有需要，請向職員要求添加吧

完咗聚會，照舊同朋友落返太子食晏，本來打算翻兜「Victoria Restaurant」，但多人排，過去隔離嘅「花墟茶餐廳」，純粹貪方便。一心諗住茶記，都唔會差得去邊，加上睇落佢門面又幾光鮮，食個晏啫，無再太多考量就入咗去。其實裡面裝修唔錯，摩登新潮，新簇光猛，整潔企理。大部份都喺卡位，但啲卡位有少少窄，大隻啲嘅客人可能感覺無咁舒服。埋單時晌收銀處見有外賣單張攞，所以，掃瞄貼埋出嚟俾大家參考。唔介多介紹，茶餐廳勝在乜都有，早餐、午餐、茶餐、特餐、常餐、麵餐、碟頭飯、小炒……等等，一應俱全。而午市套餐就另外一個餐牌，日日都有6款供選擇，定價都喺五十零蚊，太子區，差唔多啦。小弟就揀咗個常餐，轉通粉，慣例飲熱奶茶。常餐H $48常餐由A-I共9款，小分揀嘅H喺香煎豬扒麵（轉通粉）配火腿奄列及牛油厚多士，飲熱奶茶。先登場喺嚟咗個通粉，碗粉喺大碟，可惜煮得有少少過腍，而件豬扒好怪，豬扒唔豬扒，豬柳唔豬柳，好薄，炸得好油，亦有啲韌，就算未至於柴皮咁乾，口感絕對麻麻哋，算喺人生中食過最差嘅豬扒，可以講完美示範咗咩叫做「照片僅供參考」。火腿奄列及牛油厚多士又點？份量就好足架嘢，蛋內有唔少火腿，而多士明

至從上手澳門茶餐廳執左，開左呢間嘢，見佢裝修幾好幾乾淨咁，大家對佢滿懷希望，但點知⋯⋯我寧願要返無咁乾淨嘅澳門茶餐廳，起碼嘢食係正常茶記標準呢間嘢下午茶啲煎豬扒柴咁乾（膠叉都斷兩隻）薯條硬到打得死人出面茶記啲常餐難食都有個譜唔知點知佢常餐啲湯怪味，榨菜肉絲米啲湯可以橙橙地色（因為肚餓，所以都要照倒落肚）打電話叫外賣，佢話個餐無做，我叫佢等等即刻問同事再叫咩，聽電話嗰個語氣態度差叫我再打去然後即cut我線茶記啲伙記語氣差我接受，因為香港茶記文化係咁，我ok,但你咁cut線絕對係勁無禮貌呢下真係著左🔥引致我未評過任何餐廳都要幫佢評下之前呢間嘢難食，都比左幾次機會佢，因為佢肯送外賣先迫住叫佢（開工真係無時間落街拎其他外賣）堂食過兩次啲人又唔係個個咁差但經過今次，我發誓以後餓死都唔會再幫襯呢間嘢

今晚去食飯諗住叫個簡單嘅中式牛柳送飯啦！點知唔夠2分鐘個侍應就拎咗一碟橙色野出嚟，一睇就知中伏。個汁好明顯係咕嚕肉嘅汁，因為裏面有菠蘿果汁又死甜一啲酸味都冇，點會用配豬肉嘅汁嚟配牛肉！中式牛柳嘅汁應該有OK汁，冇就用HP汁，但連喼汁都冇，點叫做中式牛柳喎！直頭要攞碗水嚟洗咗啲汁先可以食到！嗰啲牛肉又冇肉味又靭！咁樣做法，個廚師真係好唔尊重自己廚師嘅身份喎！麻煩喺個菜單上面取消咗中式牛柳呢個選擇啦！

衣個係佢既其他餐牌💁🏽‍♀️💁🏽‍♀️ 。 佢個餐牌 D 圖係幾吸引既 😂🤣😹 。 不過平均黎講都好似要五十蚊一個餐既 。因為我係食中午嘅 , 因為見到佢場上有呢個餐牌 。 但又唔知自己想食咩喎 。 咁就是但叫左個F餐。衣個係越式蔥油雞翼煎蛋飯+凍檸茶 $50 。嘩 😅😅 原來係三隻旦加三隻雞翼呀 。個雞翼又廋又柴 🙄🙄 。 個檸檬茶係有兩片檸檬既 , 茶底仲要係苦既🥴🥴 。 成份餐我冇叫多飯既 , 但佢 d 飯都幾多🍚。岩哂做開體力勞動多嘅人 。

行花墟又熱又攰，諗住去咖啡店坐下，見到對面有間有叫花墟茶餐廳，就去試下新嘢啦。一入去感覺良好，因為冷氣夠曬凍😍叫咗個下午茶餐，乾炒肥牛河＋雪糕紅豆冰。用肥牛炒河幾特別，最緊要有鑊氣。雪糕紅豆冰有驚喜，紅豆超大粒，仲要有成半杯紅豆，啱曬我呢個甜品控。❤️我個friend就食公司三文治＋熱O茶。 麵包烘得啱啱好，入面D餡料全部熱辣辣，份量十足。不過我貪心D，如果加多塊生菜同酸瓜就好嘞。😜下次嚟行街，又多個選擇嘞👍👍

路過見到個餐牌蔥油雞髀飯好吸引就行進去食叫佐一個蝦仁飯同埋蔥油雞髀飯蝦仁飯其實冇預佢好食，但真係難食，得個芡汁蝦預咗少，但蛋又少唔知自己食緊咩😭蔥油雞髀飯，蔥油係幾香雞髀好細隻，唔夠香脆好彩有兩隻蛋溝埋啲飯食😟

假期路過花園街，到花園茶餐廳醫肚，看上去人面全非，點了一個椰香咖哩雞飯，只希望可以較快食完，點餐後三兩分鐘，侍應很快端來了一碟飯，很多咖哩汁，飯的份量亦很大，椰香就絕對沒有了，味道不算出色但未至於難食，由於非常肚餓，如是用咖哩汁拌飯吃，一路吃來，偶爾發現有一兩粒薯仔碎及洋蔥碎，花了三幾個字，終於吃完了，驚覺整碟飯只有三大件雞髀骨及兩件雞鎚軟骨，全是骨頭連皮的部份，沒有半點雞肉，實在是非常不知所謂。

太子有個好出名嘅花墟，咁去開行街咁梗係要去食埋嘢喇，咁有間餐廳嘅名不約而同也叫花墟喎，咁阿粗暴直接叫「花墟茶餐廳」咁地道嘅嘢當然要試下啦，疫情關係都係叫外賣😂叫咗個好傳統嘅炒飯太極鴛鴦炒飯😋呢度菜話簡單唔簡單，睇落去好簡單，但個中複雜程度，要做師傅就會知道，要做得好食一啲都唔容易👍🏻👍🏻還好都唔叫難食，而且大件夾抵食老字號店果然名不虛傳，茄汁同白汁比例剛剛好，炒飯底，基本嘢👍🏻佢仲有好多嘢揀嚟食嘅咁如果下次有人去嘅話可以試下其他嘢🤗🤗環境質素🏚：❤️❤️❤️❤️🤍衛生程度🧽：❤️❤️❤️❤️🤍美味程度😋：❤️❤️❤️❤️🤍抵食指數🤩：❤️❤️❤️❤️🤍回頭指數🤩：❤️❤️❤️❤️🤍