花園餐廳 (東廣場) (已結業)

星期日在APM看戲完畢，行番出官一帶吃下午茶。兜兜轉轉下，還是來了花園餐廳假日下午茶時段, 食客自然多, 等位也在所難免. 正當等到不耐煩想走的時候, 卻見到大班人在餐廳位置出來於是又回頭走入店內坐下. 年多無來餐牌都沒有甚麼驚喜。跟以前冇分別只是價錢貴了幾元！當時大家都肚餓....於是叫了些較飽肚的意粉。叫了肉醬魚柳意粉同海鮮焗意粉！兩個意粉都是正常港式口味, 可入口但說不上美味的水準, 普通水準. 芝士焗海鮮意粉~賣相不錯，芝士汁說味道也不錯~不過份量較少~而且那些海鮮大部份都係超市用的海鮮包貨色...雖然焗得好香好香啊！但意粉就完全唔得啦~一食就知煮得淋晒~軟身而淋晒既意粉,同上面d芝士唔係好夾~另外果個肉醬魚柳意粉.兩片龍脷柳焗得幾香但是肉醬非常淡味，完全唔夠濃，而且肉醬份量仲好少芝士味極少。完全失去左以往芝士焗野既水準意粉同海鮮意粉一樣咁淋今天好失望。估唔到焗野都會差左咁多，兩杯柯華田尚算濃..兩個人埋單下午茶免加一一百元有找。而家唯一好既就係下午茶價錢夠平！

花園餐廳有好多分店，但好似間間都唔同價錢，而且質素參差！食過咁多間， 觀塘東廣場呢間就最抵食！晚餐由70-100蚊鬆啲，有湯有餐包有飲品。而且上菜速度快，件件扒都大到碟都放唔曬！ 而且質素一啲都唔差，煎得夠香又唔會太乾！服務亦都好好，保證食到滿足！

中學時代同同學黎食花園係好享受嘅一件事，因為大家都好稚嫩，大家都初嘗鋸扒體驗，個種感覺真係猶如陶潛所寫嘅「盛年不重來」咁。望住同樣嘅牛扒，係鐵板上滋滋作響，彷彿仲聽到舊時同學的笑聲。轉眼過來，身影都全遠去了。懷舊的裝修，配上一班經驗老到的伙計，再加上一份不能壓碎的懷昔過去感。性價比長年以黎都係幾高，套餐份量好足，牛扒都係好大份，牛肉肉質口感一流，大大塊又厚身，絕對足料，但係已經無十年前咁好食喇~但依舊有好味的餐湯、餐包。

小秘書可能有五六年無嚟🐮幫襯「花園餐廳」喇！好記得中學畢業之後約同學仔嘅聚會揀咗喺銅鑼灣間「花園餐廳」😅 我諗當時我哋應該覺得唔錯先至會揀佢... 估唔到而家差咗咁多😪因為怕十一假期人多，我哋都唔敢出遊客區，反而過咗去apm行街🛍 咁啱比我哋喺街見到花園餐廳個招牌，就走上去懷舊吓。$77（+$2凍飲）一個set lunch唔算貴，不過如果講明係鋸扒嘅地方，肉質應該都要有返咁上下。大叔拎住兩pan醬汁問我要咩口味... 好懷舊我哋都揀咗黑椒汁，大叔示意我哋遮面（怕醬汁淺起彈到我哋），好搞笑🤣🤣 我叫五成熟嘅肉眼扒，肉心保持粉好色，心諗ok wow! 點知肉味都唔太可以，感覺係雪肉，不過叫咗就食啲啦，伴菜仲有上海白菜同浸到淋哂嘅薯條😅 呢檀嘢除咗可以比相機食先，我都諗唔到有咩理由再翻兜lu👉🏻👈🏻

食過幾次晚餐 第一次黎花園餐廳食午餐 估唔到都幾抵食 55蚊有餐湯 餐包 西冷牛扒 仲有杯野飲 牛扒既質素無話比晚餐差 賣相不錯星期日黎食午餐都唔算太多人 唔洗排隊就入得 裡面既空間都好適合兩個人傾計 舒適寬敞 過了一個美好的下午😍

Come to Sweetheart Garden Restaurant if you are looking for some good quality local-style western restaurant.I love to come here for lunch as they offer huge varieties of lunch set. I often order their chicken with garlic sauce and it came with fries and vegetable on the side. The chicken is very juicy and tender, and the food portion is big. The price is very reasonable as well.

今日同朋友嚟到花園餐廳食下午茶，唔使等位就可以直接入座，餐廳環境暗暗地幾有情調，卡位好闊落，兩個人坐好舒服。我哋order左一個豬頸肉煎蛋飯，同一個咖喱牛腩飯，下午茶嘅份量來講係十分之大碟，價錢合理。豬頸肉好彈牙，燒得好香，加上兩粒煎蛋從豉油，簡直係絕配，好好食。咖喱牛腩飯牛腩煮得非常軟腍，容易入口，牛筋也十分之入味，咖喱汁唔係好辣，好香椰子味，送飯一流。飲品方面，Order左兩杯凍檸茶，不過不失。

午餐食乜真係每一個打工仔嘅難題，好耐冇食過依間老牌餐廳，勝在唔使點等位午餐一般都係豬牛雞，今次就豬扒！餐包係常溫嘅，唔搽牛油會好啲，驚吾溶，餐湯就好水嘅感覺，主菜豬扒就韌左啲，無乜肉味，不過果汁尚可，酸酸地幾開胃。餐飲凍奶茶就唔掂啦，完全冇茶味冇乜特別嘅話都要一排先會再嚟啦⋯⋯

今日係觀塘呢邊工作，同事話好耐冇食個花園餐廳，所以特登黎試吓。呢間餐廳喺2樓，面積都算幾大同座位都尚算舒適。午餐選擇上船多，有七個隻可以選擇。二話不說就選擇了西冷牛扒。果然，沒有選擇錯誤。塊西冷不算太厚，也不太薄，味道尚算可以。個set仲包埋杯餐飲和湯。午餐來講已算不過不失！

晚餐時段牛扒餐都系$100左右夠大塊抵食， 薯條又夠熱同夠多豬手好煙韌， 連餐都系$100左右觀塘區要穩到甘上下價錢又有甘既質素既晚餐實在唔多餐湯飲品就一般般拉， 雖然滿座但等位大概5-10分鐘已經有得食， 唔洗餓住肚等太奈

公眾假期嘅觀塘，大部分嘅小店同食肆都冇開。諗住去排華嫂，不過二人檯下午茶時間都要等30幾張檯，都唔知要等到幾時，所以都係行返去東廣場睇下。東廣場地下一層都有好多細嘅餐廳，好似food court咁。行左一個圈都係唔知食咩好，加上小店又坐得唔係咁舒服，最後都係決定上返二樓嘅花園餐廳。差不多每次唔知食咩都會黎左花園餐廳，本來想食鐵板餐，不過記得上次塊牌有好大陣蘇打粉味。最終都係選擇穏陣啲嘅蝦醬牛河同豬頸肉飯。豬頸肉好厚，煎得好香。另外仲有兩隻會流汁嘅太陽蛋，加埋豉油汁，簡單又唔會錯嘅組合。牛河炒得好香，雖然唔係好濃嘅蝦醬味，但相對都比較易接受。但有部分河粉痴埋左一舊，唔係條條分明～牛肉有啲老，又冇砌開哂，有啲難搞。不過整體而言都可以接受，性價比高，而且環境舒服。

朋友行Apm商場下午茶時間來試試叫了兩份下午茶餐首先上枱係干炒牛河！河粉炒得非常好，條條河粉分開唔會黏埋一團！碟底又唔會好似油浸咁油膩，它裡面的牛肉片好多.每一片都蠻有厚度.吃起來軟嫩的很!為高水準之作牛肉炒烏冬~~~牛肉好味！炒得好有鑊氣！重點係夠味得來一點都唔油....GOOD呀店內空間頗大，裝潢樸實簡約高樓底的空間還有大量卡位環境會讓人覺得沒有壓迫感也有很多組四方抬提供十多二十人組合下午茶仲免加一服務費幾底咁

平時同同事下就都會簡黎而度食，覺得四十幾蚊份量多算抵食，點知今日叫咗個薑汁豬軟骨飯食咗三分之一見到舊豬軟骨黐住左一條毛，條毛仲要係好嘔心既，唔係胳肋底毛就一定係腳毛，見到真係食唔到落去，好心同員工反映呢個情況，個員工一開始都話換過其他野比我，之後我話已經冇胃口再食，佢就話係囉你都已經食咗啦你一開始就應該同我講，大佬吖！一開始如果見到我就唔會食啦，就係食食吓見到先嬲吖嘛，之後走咗去完全無打算解決，最後我算數埋單走人，但今時今日生意難做，係咪應該做返好啲服務，真心唔會再去食，本身都唔會寫食評，花園餐廳而件事令我好失望，我只係想同大家講食有汁既野要留意下，希望唔好再有類似嘅事發生，始終體毛都唔係太衛生，完

想平平地鋸下扒我有時會懷舊地去花園餐廳，觀塘呢個分店離地鐵站幾近幾方便。先黎忌廉湯同餐包，味道不過不失，夠熱。特色海陸空三拼 ($108)以為鐵板上，有少少失望。套餐有肉眼牛扒、香草燒乳鴿半隻同南中國大虎蝦，比較驚喜係乳鴿皮薄、嫩滑入味。 大虎蝦亦真係幾大，蝦肉爽口唔會梅。牛扒就好一般，普通薄切既雪藏牛扒。套餐另上天使麵，白烚意粉後淋上忌廉汁。 麵煮得太淋，但份量好多好飽肚。紐西蘭西冷牛扒 ($110)最期待就係用紙巾擋住、鐵板上淋上醬汁炸炸聲，熱氣騰騰，未食都夠開心。 西冷牛扒比想像中厚肉、有肉汁，但薯條放係底下淋哂。

又係花園餐廳又据扒 😂 但 今次大不同 因為 地區不同，時間不同。今次去咗觀塘食 lunch 据扒😎蘇格蘭肉眼牛扒 配薯菜☺ 羅宋湯 ☺ 熱華田 ☺$57 算抵啦 😜 有湯有飽有扒有野飲 😜羅宋湯味道同之前個間一樣，都係好足料。但個餐包就凍冰冰，硬咗啲🙈🙈🙈 唔知係因為人多定係呢間唔會整翻熱個飽呢? 唔肚餓其實可以選擇唔食個飽😅 一貫的份量大😏唔知蘇格蘭牛扒同我平時食個啲牛扒係咪真係牛質唔同. 點解我覺得呢件肉眼扒, 感覺似落咗好多鬆肉粉嘅牛扒? 佢唔係難食, 但總之就唔係肉眼扒啦~配菜個條菜就係好大條😏 薯條都夠飽! 好在員工夠主動同快手, 挽回啲好感覺  😂 整體OK.