花園餐廳 (東廣場) (已結業)

以前嘅花園餐廳食扒嘅質素都算OK平嘅價錢黎講，但最近我覺得冇以前咁好差咗好多。今日朋友同我講去食花園餐廳下午茶抵食，我就抱住冇所謂嘅心態好啦～估唔到有驚喜😋 下午茶都要40幾蚊一個餐，唔係茶餐廳嗰啲20 幾30 😂 凍飲仲要加兩蚊套餐加湯同餐包加$10 我個人覺得花園餐廳嘅湯一般所以冇加 Tea menu 仲有好多頁我無影~🍷紅酒焗牛脷意粉 🍝上到黎時我都懷疑係咪上錯😂 因為勁厚勁大塊，成塊牛扒咁，一開始我仲以為係嗰啲薄切牛脷，而且意粉都好多，完全唔覺得係下午茶份量成個lunch份量感！味道都唔錯，又真係幾抵食嘅🍛芝士焗海鮮飯 焗飯要等因為要時間做，但都好快大概10分鐘左右，有帶子、青口、墨魚仔、蟹柳、蝦同埋蜆肉鳴門卷，好多海鮮，份量好足，芝士都好多😍 而且飯底係炒飯有蛋嘅 👍🏻

"花園"算係本地"有朵"的西餐名號。雖然未至於梗有一間係左梗，但旺區唔難見到佢嘅身影。隔離team 同事們推介，又跟一轉來睇下佢乜頭乜路。同事話會多人，lunch 要排隊，所以早D落樓，12點2已經坐定定。地方唔多大，記得以前在北角和太子的花園餐廳大一截(全層或者全個地庫)，鋪租貴，地方細，都可以理解。Set lunch menu 有成10個可揀，扒類飯類，豐儉由人，要跟歺湯同包既，平均七十蚊一個set。好，上菜，先來白湯(忌廉湯)，味道一般，算濃味。餐包夠熱，溶到牛油都ok。同事們今日做晒"牛魔王"，叫晒A餐西冷牛扒。上檯份量十足，甚有睇頭。個個食得津津有味，應該唔錯。我見隔離檯個焗飯都ok，我唔好牛，就叫個J餐，鴛鴦焗猪扒飯。味道唔錯，不過雖然個碟幾大，但我覺得飯底比較少，有D汁多飯少的感覺。仲有杯餐茶跟尾添。星期五放縱下都算係一個選擇。

花園餐廳午餐行過路過不是太多人，都可以首選。晚餐的話餐牌如是。一紅一白湯。餐包夠軟，不過羅宋湯好似味道不夠，好少肉。肉眼扒，鐵板上我地都係叫左七成。肉質夠嫩，還可以。西冷扒，切開還有血肉絲，咬落去都有咬勁。餐廳環境還算。服務員都足夠有禮，好似經理的阿叔比較有禮貌，笑容滿面。人情味夠濃，熟客黎到同傳菜阿姐，都有講有笑。雖然不是成日黎，但同朋友親戚間中黎呢度用餐，都會覺得開心。撐台腳的地方，人不算多。

今日開會關係，遲了食午餐。貪方便選擇了較易搵位的花園餐廳。點了芝士焗鮮蟹肉拼立魚柳飯加羅宋湯及凍奶茶午餐。羅宋湯味道頗淡，餐包相對比較軟熟，算合格。焗飯賣相可以，但標榜的蟹肉份量少得可憐。立魚柳份量勉強OK，但帶點腥味，味道非常淡，相信完全沒有調味，整體來說，水準以下。值得一提，侍應應該聽錯order，原先來了個不是自己叫的午餐，我於是糾正，但是她堅持自己沒有聽錯，結果擾攘了數分鐘，她才幫我更換，心裏感到不是味兒。雖然此餐廳價錢相對便宜，但應該自己不會再光臨。

早幾日放假 , 約左朋友仔聚一聚 。又去返老地方花園餐廳 。對此餐廳特別有親切感 。今天叫咗魚柳沙律同豬扒沙律魚柳沙律上方放了兩片青瓜同番茄賣相幾好,碟沙律用咗好多罐頭水果，薯仔，紅蘿蔔！沙律醬味道調教得不錯，口味酸酸甜甜。紅蘿蔔同薯仔咬落都好爽口。而魚柳炸至金黃色，炸得鬆脆。肉質雪白嫩滑十分可口！點少許旁邊的沙律醬！酸酸的濃郁味道更開胃醒神 。吉列豬扒沙律，豬扒大塊到蓋過哂沙律。沙律同魚柳沙律一樣...豬扒咬下都好爽脆, 炸得好亁身好香脆。肉質軟腍。食落毫不覺得油膩吃過了沙律一時間覺得很飽。熱咖啡不是即磨，不過挺香濃⋯⋯食完放鬆休息，喝杯咖啡就這樣又渡過了一個 悠閒的下午！

服務態度好，份量非常大，好像巨人吃的，肚子餓的非常合適在這裡用餐，點了紐西蘭A級肉眼扒鐵板餐，大滿足感，卡位座位舒適，另外的一個combo set，大蝦很美味，下次會再來。

侍應態度差講起觀塘呢間花園餐廳真係一肚火，侍應態度差到爆，十問九唔應咁。我叫個扒5成熟，佢就煎到過左7成熟添，塊扒又鞋又韌，完全浪費左塊扒。雖然價錢唔貴，但咁嘅質素唔值囉。

其實自從觀塘區越來越多甲級寫字樓進註之後, 高級餐廳多了, 連帶酒店也多了, e.g. 最近有一間新的 Holiday Inn, 下次要試下 Walter Bistro 的 lunch buffet 了。今日與同事走進東廣場, 見地下眾多食店都無乜心水, 同事提議上 1 樓的花園餐廳。當時時間尚早, 但所有卡位已經 full 了, 只能坐 2 人枱, 有 D 迫, 好似跟隔離枱搭枱似的。我們不約而同揀左 lunch set A, 紅湯跟餐包。餐包夠熱, 好食。湯夠濃味可是稀左少少。我的西冷扒跟意粉上枱了。西冷夠厚身也大塊。這次吃感覺沒有用上太多鬆肉粉, 將肉弄得太淋而沒有肉味。雖然有少少筋, 有些部份有少少鞋, 但可以接受。同事也說薯菜跟西冷好吃。餐茶點了熱檸茶及熱奶茶。埋單每人 $57, 不用加一, 感覺 lunch set 是抵食的。

花園餐廳既牛扒幅細食到大，但真係食極唔厭！點解？因為價值唔貴，又有一定質素囉！簡單講就係性價比高！今日同朋友行街行到攰，經過花園餐廳，索性來個西冷晚餐，兩個人一人鋸一塊西冷！呢重舊式扒房，提供既牛扒未必有法式既咁矜貴，但廚師仍然用心料理，利用火候將表皮煎香，仍然造到外皮香脆，入口即溶的口感。黑椒汁是這種餐廳的拿手好戲，味道濃郁，黑椒粒燃點味覺，點綴了牛肉的香。意粉份量多，軟硬剛剛好，一啖肉一咪意粉，佳餚也！

幾拾年牛扒餐廳都煑成咁～無話可說，肉質又老又鞋衹可以這样形容，今人驚訝的是我是投訴第一件不夠5成熟再換一次给我又是7～8成熟，普通一件牛扒吹到甚麽甚麽安格斯級数,口感一点油花也沒有，連加一2佰元，史上最不值的牛扒在觀塘花園餐～

今日同姊妹行東廣場！正值下午茶時間！碰巧遇上花園餐廳！這餐廳可算傳統的港式牛扒餐廳！它下午茶的定價都十分經濟實惠！不論是牛扒、豬扒、湯粉麵飯！一律賣四十多元一份，不加一以今時今日的香港物價指數！是叫做超低價啦⋯⋯來到當然要据下扒啦！但是日又想吃飯！要了個西冷牛扒飯配黑椒汁！餐飲熱好立克！這裡的效率也真高！好立克及飯也差不多時候上檯！其實食過幾次！呢度牛扒無用粉醃過牛扒唔算好靱，有些肉味！唔蘸汁都很入味！黑椒汁香，少少微辣撈飯惹味...飯除了夠熱沒有什麼可以寫！餐的好立克一般水準埋單每人$47午市包餐湯要$78下午茶就算加個湯都係$10咁計都比午餐便宜$21元

說起來, 原來已經有差不多大半年沒有去鋸扒了。今日難得約了很久沒見的中學同學, 就一起去以前常去的花園餐廳, 去鋸扒, 感受回憶的味道。到了餐廳, 可能我們來的時候較早, 所以可以直接坐下, 不用等位。坐下不久, 就已經想到要吃什麼, 啖啖肉就當然點肉眼扒啦。這個肉眼扒我是要五成熟, 我個人很喜歡低於五成的那種, 因為太熟又不會好吃。侍應上菜時, 問要什麼汁。我立刻答了黑椒汁, 侍應隨即下了, 我當然也用紙巾擋下會飛出來的醬汁。淋上去的時候, "炸炸"聲實在太好聽了, 就是要這種感覺, 這樣才叫鋸扒嘛!切下去那時, 肉汁已經"咇"出來, 很棒。而且其中一塊肉扒是搭在另一塊的上面, 即是說它沒有直接經過鐵板去再加熱。這一塊就很棒, 因為感覺它接近三成, 切下去看到亮麗的紅色。這個五成真的很可以。餐包, 忌廉湯或者羅宋湯都是點扒餐會有的, 缺一不可。這次扒餐的體驗真的很滿足, 下次也要過來吃!

聖誕節快到了，近年的聖誕氣氛，一年比一年減少! 不寒冷的天氣令聖誕節氣份又減了一分。今日天文台竟然預測今年的平安夜最高氣温為22度，將會是一個暖笠笠的聖誕節🎄，真可惜。☃️雖然聖誕氣份氛不濃，但舊朋友聚一聚，一起慶祝聖誕節是少不了的!! 今年提早到花園餐廳吃聖誕大餐，叫扒餐!!我叫了一份鐵板羊仔扒(紐西蘭) ($116)!! 先來的是餐湯，我選擇了白湯。白湯很creamy，不錯。餐包是烘過的，熱辣辣，加上牛油的餐包配白湯，正!主角到了!! 鐵板羊仔扒(紐西蘭)是六成熟的，有三件羊仔扒，份量正常。我選擇了黑椒汁，黑椒味不過濃，不會蓋過羊仔扒的味道! 不過，有點可惜的是其中一件羊仔扒八成都是肥膏和筋，只有很好肉。但整體來說很美味! 而薯條則過淋，如果更脆身會更好🤤餐飲則叫了凍檸茶少冰少甜，很正常~

前兩個月去觀塘吃花園餐廳，牛排很大塊，跟臉一樣大塊，真的會吃得很撐！飽的要死我吃完，醬料可以隨意加，味道適中，我吃完瘋狂打嗝，舒服呀馬飛！肉質很不錯，很實惠下次回來再吃

今日辛苦左一整日，所以決定要食好d!!!!去左花園餐廳鋸扒，因為7點前黎到，唔算太多人，要左一個5成熟既黑椒牛柳晚餐。先到既係忌廉湯，裏面有好豐富嘅材料，有唔同嘅蔬菜粒，個湯唔太稀，唔錯~~之後有白汁忌廉青口，個汁應該同之前嘅白汁忌廉湯差唔多，青口算大隻，幾厚身。主角終於出場，成塊扒有我塊面咁大，相信兩個人食都足夠，切落嚟啱啱好係五成熟，唔算太多血汁湧出嚟。下面嘅薯條索晒啲黑椒汁，食完塊牛扒同薯條真係覺得好滿足。