花井 (已結業)

之前都食過佢地，今次見出咗拉麵所以試下，食材好新鮮， 揀咗地獄湯低好香辣，佢地品質都保持穩定，希望一直可以食到啲好食嘅野呢區嚟講比較小有呢啲質素好嘅小店，會續約支持

粉嶺南日本餐廳選擇不多，這是其中一間現時最好的選擇，同類餐廳要去到至少沙田，但這間質素至少等於沙田的，但價錢完全不是那麼貴，還不用離開粉嶺南。這是現時日常最好的粉嶺南選擇。

屋企唔開飯，試下呢間新店，4個大人2個小朋友約叫60件壽司。夠食，都唔細件。5點半電話落order，話半小時取，去到坐一陣，見到廚房整完既壽司都會先放雪櫃，等我所有order整完先一次過pack，感覺野食新鮮的。除了花之戀醬太澎湃，有D酸，其他都OK.

第一次試食呢間餐廳， 用whatsapp叫定外賣先， 去到拎番屋企d刺身都仲夠凍，刺身夠厚， 感覺良好。 算係附近比較好嘅壽司刺身店叫埋熱食試下， 有分袋裝，都幾細心都唔算貴 可以再試

住粉嶺南而又為食嘅大家，應該都知道區內有邊幾間🇯🇵日式餐廳。近哩兩個月就係花都廣場新開張咗一間日本野—— 🌸花井，就成為左大家食日本野其中一個好選擇喇。其實今日係小妹第2️⃣次幫襯喇！(代表係好食先翻兜啦！)佢晚市飯類價錢亦十分之怡人！價錢都係由$38-$58！最初仲以為係好細碗食唔飽嘅，但又令人喜出望外！🐟燒青花魚+🍡雞軟骨棒飯($38) ，青魚係原條分開兩件，有別於出面某d 日本餐廳只係得半條。青魚食落就知係新鮮燒出黎，因為一d 都唔係又硬又實，仲有魚嘅油入同汁💦！雞軟骨棒嘅樣係會令人立即黑人問號🥸❔咗，心目應該係一串🍡野嚟，但竟然係魚片頭嘅樣。食落都幾特別，最貼切嘅形容係麥樂雞味道但有一粒一粒雞軟骨，好味有咬口！🐔🔥照燒雞扒飯($38)，打開就睇到唔少雞扒件，以哩個價錢黎講係絕對抵食！雞扒同青魚都係一樣，新鮮煮好，火侯亦控制得好好👍🏻唔會燒到變柴皮😋另外都叫左幾件壽司🍣(初頭以為個飯好細碗先咁叫法😅) ，分別有花之戀、三文魚、炙燒三文魚、螺肉軍腩、牛油帶子、黑松露及吞拿魚腩蓉壽司，價錢由$5至$14一件，價錢屬於抵，因為講緊大小同用料新鮮度都係好過嬲嬲壽司。吞拿魚腩蓉壽司更媲美☺️壽司