芭堤雅泰國餐館

營業中

休息中

原本打算幫襯隔離，點知行過又有位，於是即管入去試試，叫了一個午餐泰式沙爹牛肉炒河餐飲熱龍眼蜜，佢加了菠蘿炒，食落有種清新感覺，因為菠蘿有少少酸又清新，可以解咗沙爹牛肉嘅肥膩，而味道啱啱好亦不會太咸，由於係即叫即炒，所以上到枱係熱辣辣，值得一讚，唯一係份量不是太多，如大食嘅朋友感覺唔夠食，但係以這個價錢基本上係仲平過茶餐廳，已經係超值，重點係質素一定好食過茶餐飲，絕對可以一試，至於杯餐飲熱龍眼蜜冇乜特別，但都合格，整體嚟講抵食，可推介比朋友 ^ ^ 😋😀👍👍

同女朋友暢遊元朗, 記得之前朋友介紹近西鐵站有間幾唔錯既泰國菜,所以都想試下......去到既時候係岩岩開門(下午係落埸時間), 所以唔洗點等位。叫左3樣野, 豬頸肉生菜包、金邊粉同埋鐵板泰式煎蠔餅好少食到生菜包有一條條既豬頸肉， 幾特別，有少少辣，幾惹味。最重要係佢生菜同肉既比例岩岩好。唔好食餘哂D生菜或者肉，唔錯唔錯個金邊粉就中規中舉，我唔鐘意佢太過淋，不過抵讚既係佢D蝦好好食，睇到連腸都起埋，幾細心。而我最鐘意既係佢個鐵板泰式煎蠔餅，好好味。D蠔好多又肥美，加埋鐵板真係超香，正!泰國菜香港通常都有品質保證，呢間都唔例外，而且抵食夾大件，又離西鐵站唔算太遠，都算方便，下次黎會再食

今次要為各位中意食好西既西人們帶泥位於元朗區既泰國菜，呢間野係女小編帶我食既，上次食午餐今次食晚餐。首先叫左個泰式酸辣鳳爪，呢個送既酸味真係十足，用泥開胃一流。初頭食都係以為得酸味，但食多幾隻就會有小辣。之後就到泰式奶茶，呢個奶茶做得好既地方係佢既香料味好出，第一次食又中意飲奶茶既必試。由於女小編中意食菠蘿，所以叫左個菠蘿梳打，菠蘿好甜好鮮，加埋冰凍既梳打水係夏天真係熱人恩物。我同女小編都決定會翻點。而呢個香辣雞肉炒河，我同女小編就覺得佢太多送，冇左一種主力既味道。但對於蔬菜控泥講可以一試，因為佢蔬菜方面十分足料。我地繼續貪心，叫左個大拼盤。香茅卷既香茅好足，再點埋酸辣醬，味道好豐富，好有層次。而米卷亦都唔錯，咬落去時散發出淡淡既椰香味，恰到好處，皮亦都十分脆，真係好滿足。蝦餅就覺得係正常水平。雞翼有小小失望，冇我想像中既香料味，有小小淡。最後就係青咖哩羊腩嘞，我地點左蒜蓉包泥食，都覺得咖哩雖香，但有點兒過咸，羊腩就令我覺得幾滿意，佢唔會瘦到一咬就一條條散左咁zip入牙la，而旁邊都有薄薄既一層脂肪，幾香口。環境方面，雖然鋪頭細，但位置多，大而舒服，而且仲有樓上。價錢就大約人均$100

係到住左差唔多兩年，第一次黎呢到食野，男朋友之前食過推介唔錯。咁就入黎試下啦，二人叫左三個小菜，一個湯，兩個白飯，一個椰青。開飯啦生蝦-應該冇味道可言啦，睇下邊間供應商入貨，夠唔夠新鮮姐，呢間供應商係ok既，好味串燒（雞牛豬各2串）-味道唔錯，燒得岩岩好，唔會有d焦馬拉盞通菜-我地本來叫馬拉盞椰菜苗，結果黎左通菜，不過好香好好食冬陰公-本人唔食莞茜，落單個位明明叫左廚房走莞茜，之後應該係有落到，聽到侍應上菜見到冇走莞茜話左廚房，夾走左就上台比我地，但應該清唔晒，最後我飲唔到，味道唔清楚，好可惜，男朋友一個飲晒椰青好清甜最後送甜品男朋友對呢間野平價唔錯，但今日有兩大過失，一係冇走莞茜既冬陰公，二係椰菜苗變通菜。二人今餐共$502，本人覺得比較貴

一家人去屋企附近食泰菜， 大家都係點啲最基本嘅泰菜食，上菜速度快，服務亦不錯，味道几好，价錢抵食 蒜蓉包-正常野，夠蒜蓉，夠熱就好食 生蝦-非常彈牙,好好食 小食拼盤-有春卷、蝦餅、雞翼、魚餅，每款都好好食 泰式炒河、雞絲炒貴刁- 兩款都好好食 炒雜菜、鹹魚炒芥蘭 - 兩碟都好正常 海鮮冬陰功- 多材料，味道好 海南雞- 肉質还可以 炸皮蛋蝦餅- 幾好食 串燒豬、雞- 燒得幾好唔會太乾總括來說, 大部分食物都唔錯, 服務態度好, 價錢好合理, 下次再会幫襯

平時食小茄子個邊見加價加到好貴就同朋友轉下地方食，呢間餐廳都開咗一排咪去試下啦！送咗個前菜鳳爪，得幾舊。咁我明送嘅就唔好咁多要求啦。嗌咗幾個菜，咖哩豬加埋包，包係另嗌的。炒雜菜，馬拉盞炒通菜，帶子乜乜炒飯，炒銀針粉，生菜肉碎，冬蔭功烏頭，冬蔭功湯味道方面本人覺得最好食嘅係:個多士，好鬆化，食過返尋味其次係馬拉盞通菜。其實唔係話有咩特別出眾，而係算係炒得入味。最後，係個生菜肉碎。都係表現普通，入得口。仲有個魚同冬蔭湯都係無乜話特別好飲，可以唔洗嗌。嚟到最伏嘅就係帶子炒飯，同埋個炒銀針粉。難食到唔知自己食緊咩，帶子淋patpat，咬一淡已經食唔落，啲飯最主要係唔夠味。而個粉又係好濕，又係無落鹽咁仲知就唔想食。

今日去開元朗返工，由元朗同事帶我去食飯🤤海南雞飯性價比高雞肉嫩但不夠滑，勝在大份，出面通常只有一層雞，呢度有兩層，而且仲有雞味油飯算多亦夠香醬汁有辣味泰式奶茶，飲落覺得似有少少朱古力味嘅奶茶，值得一試

之前食過一次， 印象係好好味。昨晚睇完劇就去再試， 水準大不如前 。叫咗個青咖哩雞同炸蝦餅，串燒個咖哩太重椰汁味， 完全食唔到個咖哩味炸蝦餅粉太厚串燒太乾， 應該係番燒無曬鮮肉汁加埋一埋單要 600蚊 😔😔😔😔😔😔仲有杯特飲， 真係不知所謂。淡 淡 淡， 要收我 30蚊黎飲杯完全無味既青檸梳打， 真係搞錯 ！我唸應該係用濃縮果汁加冰沖出黎， 一 D 檸檬味都無。食完回家後， 好口渴。 係咁飲水， 我唸用咗好多味道。 所以應該不會再幫親 lu.

其實好少去元朗㗎，不過媽咪心血來潮想去行街，就陪佢去元朗啦呢間餐廳係朋友介紹嘅，佢話唔算貴，又好食，地方闊落又舒服，咁帶同媽咪一齊嚟咗呢間餐廳食晏我地叫咗個炒河同豬頸肉飯，等咗冇幾耐就有得食，好快手吓首先講吓個炒河先，好夠鑊氣同惹味，好好食 啲河粉唔會太油同埋炒得好，冇一pat pat咁，正不過裏面啲一齊炒嘅肉就麻麻地，冇咩味至於個豬頸肉飯，不過不失嘅，不過啲豬頸肉嘅味都係差少少，唔知係咪餣唔切啲肉呢不過，呢間餐廳食物嘅份量算多，我同媽咪食飽都有剩，就打包拎返屋企

為左補祝某朱既生日，其實重點係慶祝我既idol生日，諗泥諗去都無咩好食，諗起未食過芭堤雅，就試下啦。我啲小同太有效率，下午先confirm呢間，瞬間就打左去book位，跟住另一個小同打埋去問食唔食得蛋糕，好好呀，唔收切餅費，又勁好人準備碟比我地，總幫我地收走個盒同垃圾我地叫左芒果糯米飯，泰式肉碎辣炒隻，半隻燒雞，熱香茅茶同泰式凍奶茶。好可愛呀個糯米飯，佢係紫米同白米撈埋，都ok,芒果好食夠甜個飯就～完全無辣味，偏咸，但溝埋啲香葉都算可以燒雞我地都讚不絕口，唔多油，外皮金黃，份量都多，配埋個醬一流。另外最出色係蜂蜜香茅茶，無影低，但香茅陣味加埋甜甜地既蜜糖味，超夾，一定要試呀！至於泰式奶茶好岩我口味，因為唔會好甜～

今天和老公心血來潮想食泰國菜，但不知去那裡吃，後來決定去芭提雅試看看，我們點了(1)冬陰公爐烏頭(2)馬拉盞通菜(3)拼盆(4)咖喱牛腩(5)蒜茸包(6)串燒。由其蒜茸包外脆內軟，非常好吃，沒點真的會後悔。這裡真的不錯，食物美味，服務態度非常好。有一位帥哥(可能是老闆)當我們結帳時還會問我滿對食物滿意嗎？真是一位體貼顧客得好老闆。是一間值得推介的一家餐廳。老公說下次再去試別的菜色，希望下次也有驚喜。

經過昨夜可佈的泰菜經歷，今日老公問我吃什麼過平安夜，我肯定的說，泰菜！今次揀了這間外表平實的店試！因為是平安夜所以我選擇九點才到達，去到也不用等位，點了我的泰菜例牌：柚子沙律、冬陰功、炸蝦餅，另外也點了黃咖哩牛腩跟pancake及明爐烏頭點餐時，擬似老闆的笑容滿面的解釋了不同咖哩的分別，令我心情愉快地等待食物。先上的是柚子沙律及炸蝦餅，一上枱我已很開心，心想這些才是我想要的！柚子沙律的柚子佔九成沒有芽菜😂，有幾隻蝦，重點的是有腰果😀！味道很濃很夠酸，唯一美中不足是撈好的沙律雪了太久，有點過凍而影響了柚子的味道，不過還是好吃的！炸蝦餅外表、味道、大小就是正常的那種，而且非常熱及外表非常脆，好吃！冬陰功湯很夠酸很夠味，想讚的是湯裏的菇很厚身而且完全沒有菇的霉味，連湯一起吃非常好吃，老公還叫我不要吃光留點給他😂咖哩牛腩味道中上，但是薯仔不夠淋。明爐烏頭也沒有特別，這兩道菜沒有令人驚喜的地方，味道中上，下次有機會再點！整體上這餐飯是好吃的，用餐時不斷有人加水，服務態度非常好，它，令我對元朗的泰菜有返信心，下次一定會再來！

這間係我食過的泰國菜都算唔錯，食物ok之餘，侍應服務態度算ok而特別果個靚仔疑似老闆服務更加好，價錢尚算合理，我特別喜歡炭燒豬頸肉，好好味，我地曾經都有試過隔離果間亞來嘜嘜，雖然價錢平幾蚊及地方比較寬敞，但味道始終都係芭堤雅好些。

難得同媽媽一起放假當然行街街我倆對泰國菜冇抵抗力🙈🙈😂二話不說去左呢度1點去不用等位座位不算多但比起許多泰菜店環境優雅簡潔坐下後客人不斷點了午市套餐跟餐附送餐飲一杯海南雞飯雞肉剛剛熟，沒有血絲，望上去好嫩滑但可以再熟少少飯有黃薑味，不會太油因只吃了少許飯故不多評黃咖喱牛肉飯店員體貼的提醒會辣，好窩心☺️辣度好好，對人我來說不太辣（因吃得辣）但好滋味😝😝好好送飯👍🏼咖喱不會太稠身，冇打'軒'我個人較不喜歡'軒'汁重的椰味較輕，辣味較椰香重本人喜歡辣味咖喱較多☺️肉片份量多有6片以上肉不肥，是瘦的，薄薄的不會韌還有青椒洋蔥薯仔作配菜薯仔不太入味（未試過，媽媽吿知） 熱菠蘿蜜 好特別，在其他地方從沒見過味道有驚喜😳微甜的帶有香香的菠蘿味好喜歡😍因好愛🍍 凍咸檸七咸味輕蓋汽水本身的甜味飲落好舒服味道好，份量好足抵食見炒飯份量很足足夠兩個女生吃午餐不設加一結賬時，店員詢問咖喱會否太辣很窩心的舉動☺️一定有下次😝

多次聽朋友讚好，不妨試試！時間：閒日6點半，晚市剛開始，不用等，正！服務：入門有禮招呼，自動波斟/添水，好彩樓上有service bell唔駛嗌到氣咳，疑似老闆好有禮貌細心咁介紹菜式，值得一讚！（聽聞廚師都是正宗泰國人）食物：本身少吃辣，菜式o岩o岩好～◆大蝦金柚沙律酸辣開胃，個salad dressing得◆冬陰公香鮮甜微辣，材料十足飲左三碗◆生蝦新鮮，但夾住d辣椒太辣◆拼盤，入味雞翼同彈牙蝦餅最好食◆串燒juicy唔會乾硬化（串燒醬好香）◆咖哩蟹個汁好香好正濃稠度剛好，點蒜蓉包超正（包再脆d更好）◆明爐烏頭，其實本身唔鍾意烏頭，朋友叫試一試，魚上清檸味又幾清新，魚湯又幾好味，愛魚朋友都讚好！◆馬拉盞炒椰菜苗，惹味爽脆◆椰青好鮮甜，椰肉嫩滑◆甜品，椰汁鴛鴦芒果糯米飯，正呀喂！下次可翻兜！！