芭堤雅泰國餐館

營業中

休息中

有一段日子無黎～依家疫情平日夜晚黎，大約一半滿～兩個人食叫左三碟野，半打串燒，炒雜菜，同埋冬蔭公明爐烏頭兩個女人仔梗係食唔哂，最後一半打包走依度既串燒相對上水準唔係特別高，正常，但個汁係好食架～～炒雜菜份量比通菜多～唔辣有多款蔬菜～～味道岩岩好，夠味又唔鹹菜都新鮮～一上烏頭就唔記得左要影相冬蔭公烏頭個湯係精華，我地次次都係搶滾左既冬蔭公湯飲，因為同條魚一齊滾 所以味道同就甘叫冬蔭公湯有d 唔同架今次條魚阿媽就食到有d 梅梅地，所以我地都係專攻d 配菜同湯底三樣野大約食左三百五～價錢同份量係抵食而且味道真係唔錯，係今次條魚差左d~

今次一行四人嚟呢間食，食左n次都覺得保留到水準，朋友第一次嚟食都讚口不絕👍🏻👍🏻👍🏻👍🏻原諒我唔係影咗好多相，因為食物一嚟到就好想夾黎食😂酸辣鳳爪係我每次必點嘅食物，夠酸夠辣又夠多👍🏻另外叫咗冬陰功湯，分到四碗半，想飲多碗都唔得（實在太好味，酸辣適中）馬拉盞通菜就咁食就咸左少少，不過勝在夠大碟因為朋友唔食得辣所以叫咗青咖喱，好香好濃配埋熱辣辣嘅薄餅啱啱好👍🏻叫咗半打串燒，可以任你配搭要邊種肉，又唔會燒到太乾身最後叫咗個金邊粉，蝦夠多，粉又唔會太乾唔會太濕👍🏻最後服務員態度非常好，又好勤力幫我地加水，讚！

我们几个人都吃到捧着肚子出门，冬阴功汤很香很香，以前在别的地方吃的冬阴功汤，感觉就是水跟辣椒，第1次觉得冬阴功汤很好喝，盐烧乌头鱼被我们吃得清光才想起要照相，可惜没吃到咖喱蟹，只有软壳蟹，她家的菜改良过适合香港人口味

泰國地闊，與多國接壤，菜種大分中南北。按照地理位置，針對所產食材，配上不同之香料。北部近內陸重椰漿，南部多海鮮重魚露，下邊馬來邊境親回教重咖哩。香港的泰人多是港男所娶老婆移居，又或他們所生之下一代。第一代在港泰人女性為主，勤勞顧家，落居香港廿多年會說流利廣東話，但大部分不懂書寫中文字，英文亦不太懂，是故落單仍用泰文。第二代之在港泰人，半華半泰混血。香港讀書成長，已甚少選擇再做餐飲了。香港泰式餐廳甚本分為三個類型：全泰班、全華班、半泰半華班。泰國人群體性很強，喜歡聚居，工作上也喜歡一起幹。華人老闆要開泰國菜館，聘請第一位泰廚頗困難的。但第一個找到後，之後就很快組織到許多泰籍師傅。 另一個困難是泰國香料多元化，成長背景會影響他們的烹調味道，出身什麼府什麼府，精於什麼菜式。泰人鄉村成長，從小到大自已煮食，家家有獨門秘訣。工作時曾鬧一個笑話，說要聘一個泰式前菜師傅，但她成長在泰北，竟完全不懂生蝦、泰鳳爪怎煮。芭堤雅每次路過均大排長龍，今次肺炎事件。周六晚上竟有一半吉檯。無需考慮，直接入內光顧。簡單點了三個菜，馬拉盞通菜、生菜包、串燒。馬拉盞通菜，首先材料通菜要幼嫩是非常重要。買手掌握了。通菜太

上星期同兩個阿妹仲有d 姨甥仔女一齊係元朗食晚飯，無預約到求其入左呢間芭堤雅食泰國野。橫掂未食過就試下啦。通菜炒得唔錯，夠辣，小朋友係食唔到，等大人搞掂🤣椰青夠曬凍呢碟燒牛肉比姨甥女一個人ko 曬，都幾嫩滑嘅泰式羊腩煲，第一次聽到呢個菜式，食落又幾野味，都係點腐乳，羊肉可以再淋d鹽燒鳥頭，都幾入味，不過熟過頭，鞋左dd牛豬雞串燒，已經好飽，叫多左，食得好辛苦，都好食嘅。椰子雞湯，都係第一次飲，幾得意的味道

我一向都鍾意食馬拉盞炒通菜，又試下呢間整成點。等左五分鐘左右就有得食啦，環境都好，跟餐有柑桔蜜啊，鹹檸七果啲，都幾好飲。而佢個飯都煮得好好味！配馬拉盞炒通菜，個飯係好緊要。佢啲菜好嫩啊，冇渣，又爽，味道都好好！香而不太鹹，夠味！😋😋

星期日八點幾入座，地下果層差不多滿座，已經食過幾次，以前一般都要等好耐位，不過今次等左一兩分鐘就安排到入座.由於得兩個人食，所以好掙扎點咩菜，希望食到大家都想食又CP值最高既菜式. 經過一番掙扎，贏出菜色包括生蝦 (時價$128/8隻)、豬頸肉生菜包、青咖哩雞同薄餅。生蝦非常出色，大大隻，啖啖肉，配埋個汁真係無得輸。豬頸肉生菜包，生菜同肉碎都好多，自行配上生蝦個汁，直頭提升左去另一個層次下次有機會各位可以試下「自選新口味」青咖哩雞都非常正，仲有小茄子，YUMMY! . 食泰菜椰青係必配飲品，多汁，肉都易刮，非常鮮甜。臨走多點左個椰汁西米糕，西米內有煮得非常冧既芋頭，有驚喜！第一次食到有芋頭既椰汁西米糕芋頭控可以一試. 朋友第一次食呢間餐廳都話可以再encore

東南亞菜式中，我最喜歡的是泰國菜，因為泰國菜變化多，飲料更是一絕，這天的朋友聚會，我們就吃了大家都愛的泰國菜。這間餐館有上下兩層，上層主要是大檯，可以寄存蛋糕，樓底比較矮，長得高的人士要十分小心。圖片只拍了數張：但有數個菜想推薦一下蒜蓉包：是厚方包塗上厚厚的蒜蓉醬和牛油，味道很香，咬下去也脆口。鹽燒烏頭魚： 好大條！魚肉也很滑生菜包： 香料味挺重，少少辣串燒： 雞比較好吃生蝦刺身：蝦很新鮮，連埋蒜頭同辣椒吃好開胃馬拉盞炒通菜：少少辣，冇乜渣椰子冰：這個有點意外，佢上面有點椰子乾，飲落去有少少咬口，好飲

依間一年起碼食超過五次以上由開業食到依家，一黎地點近西鐵站，二黎d 野食水準甘多年都keep 得好好當晚三個人食，所以可以叫多少少送鳳爪算係當晚較遜色既一個送，口感仍然係爽，但個汁唔夠味，唔夠酸辣惹味，作為前菜差少少生蝦刺身擺盤賣相唔錯，而且都有配辣椒同蒜頭夾住食，生蝦夠爽彈牙，解凍做得唔錯至緊要係個汁好好味！ 夠辣，但好快散！通菜當晚算大碟，平時份量少d, 可能我地係第一台客既關係？ 通菜夠爽唔會好老好硬，而且唔算多油，味道夾得好！依度咖哩又係正，因為有落蛋炒架，花甲份量大約15隻度，仲好大隻， 因為我地叫左粉，所以無加簿餅蒜蓉包，沾咖哩食仲正！！ 但我偏好辣，覺得辣味重多少少就perfect!金邊粉券得乾身，味道偏甜左d, 同埋依碟既蝦唔係爽口彈牙，質素差d但整體都好滿意，我地食到七點走人，已經要等位啦，週末真係bk 定位呀

其實已經食過幾次質素依然有保證 而且好多都係新鮮即整超推薦蒜蓉包雖然等得比較耐但佢充滿牛油蒜香外薄脆 入邊係超鬆軟嘅面包點咖哩真係一流😋😋其他小食拼盤都係即炸蝦餅彈牙馬拉盞通菜有鹹香味少少辣椒蝦米超惹味絕對係有誠意嘅小店👍👍👍

一大班人同朋友慶生佢樓上有大大張圓台 好岩一大班人去👏🏽可以訂定位架星期六日晚餐時間好多人等位食物質素整體算高 服務態度唔錯 老闆好好人價格中等 新鮮既生蝦 好正 加埋醬汁同蒜食 一流金邊粉：好入味 大家都好中意食 每次來都會叫既一道菜泰式沙津：辣左少少 不過都好正 好開胃呀冬蔭公湯： 好多海鮮料 足料❤️串燒：個醬汁好好味呀！花甲：份量少左啲 雖然幾好食 但唔太抵啦肉鬆炒飯：正常吧如果來元朗食泰國菜 哩間會係一個唔錯既選擇呀！推薦！

如果係元朗行去西鐵站基本上都會經過呢間野，以往久唔久都留意到佢今次終於食到🤤一入到去個環境已經加左分，平時泰國餐廳一般都好簡陋好似茶記咁但佢個環境似係d中級餐廳咁幾舒服😚一黎到野食都未叫就送左個泰式鳳爪，對於一個食開譚仔酸辣既人黎講佢都算接受到，小小辣味幾開胃👍🏻首先叫左個細既冬陰公湯，一勺落去就見到一大堆香料月桂葉香茅等等，對於淨係想飲湯既我黎講未必係好事。湯味道都係唔太辣係酸酸地既冬陰公都算幾岩我口味，同埋份量真係幾多呢個細既起碼都有4-5碗同埋有兩隻蝦，係幾抵食🤪跟住就有個帶子青木瓜沙律，青木瓜表現麻麻地泰國食係會好爽口但佢就有淋左些少，味道都係唔太辣就番香港人口味，不過佢就有海量細帶子，我諗加埋起碼有廿粒，叫做回到本啦😌小食就叫左個皮蛋蝦餅，雖然係地道泰國野但唔係間間都搵到，呢到有得食即刻試試佢！味道拍得住係九龍城食過既皮蛋蝦餅，蝦部份依舊彈牙配埋泰式辣醬真係一人一碟都食得哂😍主菜就叫左個炒金邊粉，食過泰國野既人應該都唔會未食過不過我真係未食過咁平咁大個，炒出黎堅係乾身味道適中唔太咸太酸仲有三隻蝦，基本上就係一個你會想食既金邊粉👍🏻最後送左兩舊糕點，紅豆個舊就真係紅豆沙方塊食落

特登約個同事去晚餐，今次揀左芭提雅泰國餐廳，兩個人叫左4樣嘢。。。拼盤有蝦餅、魚餅、春卷同雞翼蝦餅外脆口內彈牙🦐，再配酸辣醬，更開胃味道更出色，不過雞翼就略為失色。而金邊粉料足，又乾身，都不錯👍🏻泰式生蝦新鮮彈牙，略嫌泰味唔夠，食完都想飛泰國一轉驚喜嘅係冬蔭功湯，好多蝦同香茅，辣味夠味道濃！有4個小碗嘅份量，夠幾個人分享！不得不提，服務係不錯，不斷有服務員為你添水，收錢哥哥會問今日嘅食物啱唔啱食，好想你俾意見咁不過我地兩條友叫4樣嘢，眼濶肚窄，浪費左好多嘢食

周末的時候，約埋一大班朋友入元朗玩，之後直落晚飯，一位住元朗的朋友帶了我們去食泰國菜，餐廳名叫芭提雅泰國餐館。由於人數多，點了不少的食物，有冬蔭公、飛天炒通菜、沙嗲串燒、泰式拼盤、木瓜沙律、泰式炒雜菜、炒金邊粉等。當中比較出色的有冬蔭公和炒金邊粉，冬蔭公用了一個金屬器皿盛載，下面有火慶住，保持湯的熱度，味道方面，酸辣的程度剛好，適合香港人口味，裡面的蝦和配料都很豐富。炒金邊粉炒得不油膩，調味惹味，配上幾隻彈牙大蝦，十分正斗。最重要的是，它的價值並不貴，個個都飽到行唔到。

我家姐介紹呢間泰菜俾我，話比隔離個間好食，就同啲中學同學去試下睇下係咪真係好好食，結果真係冇令我失望，仲好有驚喜！開頭叫左4樣餸，炒金邊粉、生菜包、燒豬頸肉同蝦醬炒飯。生菜包調味好掂，唔會話太辣，份量都幾夠。炒金邊粉真心好推介，炒得唔會好濕，又有好多蝦，配上花生碎好夾，調味酸酸甜甜咁，勁開胃。自己忍唔住夾左幾碗。之後我地三個發覺唔知點解自己咁刷得，仲叫多個紅咖喱雞，咖喱味香濃，入面勁足料好多雞，點個薄餅好夾。個咖喱係即使冇野拌住食都想清左個汁佢個隻。話說星期日既7點幾都唔算多人，對我地食客黎講係好事，但係真心呢間餐廳值得full house 架！