影片
透過公司同事的介紹for 我們一班school gathering, 在於山林道上樓西餐的cafSurprisingly the restaurant is quite big, 環境非常清雅and quite romantic with暗燈光. 我們booked 了其中一間party room for 14 people; 但two of them from England 帶了西人boyfriend 所以有16 人. The waiter was very nice they set us up for a party room 可以合併為一個可以for 28人的大party room. Menu 有個from $62-$88 price 很reasonable, plus 很多選擇pasta . 紅酒燴牛是most people ordered and it was delicious!! I particular like the 蒜蓉鴨胸, 只是汁少了!! Appetizer 有炸薯角很金看, 炸蝦, 雞翼多塊炸魚. 我們玩得很loud但有一個private空間. 我們走時問關於生日party 才知道no charge如果自已帶cake. To book 10-12 人party room 要消費$1,000就可以了,average each person $80-100 spending. I would highly recommend this place, 在香港西餐有兩間party room 真是很少!!
繼續閱讀
tue 約左個朋友出黎食飯, 見呢間評語唔錯, 就上黎試下..上到去環境昏暗, 仲以為佢\冇開tim~可能係weekday, 得個一張檯有人, 不過環境唔錯~~,幾靜.d卡位都好幾舒服我地兩個分別叫左黃薑汁雞肉意粉同埋雜菌天使麵, 餐\湯係西蘭花忌廉湯. 不過d野食真係麻麻, 個湯好明顯好幾味精,(可能只係我唔受得,因為我個fd飲哂)同埋幾cream, 飲左兩啖已經冇飲,d意粉都一樣,但又冇咩味,仲要好淋. 最好笑係個waitress 攞兩碟意粉過黎時,竟然連意粉同天使麵都分唔到,將兩碟倒轉左黎講, 我糾正佢\,點知佢\仲好唔信咁,要另一個waiter調停. 真係唔明點解連waitress都會唔知. 而係短短1個鐘既時間裹,個waitress至少走左過黎添左8次水,最終要出聲話唔使添,不過佢\都好好禮貌咁話唔好意思然後走開左.OVERALL氣氛好好,如果唔太在意食物質素既話,絕對係傾計同埋一大班人gathering既好地方.
繼續閱讀
今晚共有8個人去吃晚飯一入到去, 環境幾好. 燈光柔和, 坐得幾舒服我地坐左好耐先叫野食..d waiter 都冇催我地不時幫我地加水, 服務幾好叫左幾個意粉, 唔錯, 不過其中一款意粉有少少硬另外叫左個雞胸同羊鞍薯菜, 好好食呀特別係我好中意食羊, 就覺得好香, 好有羊味(我唔識分呢d係咪"蘇"味啦)另外佢個芝士炸薯仔都好好食, 剛炸起, 但又唔油..又有好多件...不過個洋蔥圈就稍為細左d...總括黎講, 食物都幾令人滿意, 價錢唔貴..d 主菜大約98-108 ..意粉都係48-58.. 有d starter 都係十幾二十蚊咁既環境算係咁．因為坐左好耐都冇人趕你走可能今晚又唔係咁多客每人都係唔使90蚊..仲有值得一讚係toilet 好乾淨
繼續閱讀
黎到山林道，見周街都係亂泊車，所以都只係求其將架車泊左0係大廈樓下，就上左黎芝麻6豆。呢度係3樓，坐近窗口位係可以睇到車，只不過要張塊面黐到埋塊玻璃度先睇到0個隻。兩個人，點左個鴨胸配風乾番茄炒飯同芝士火腿天使麵，side dish炸薯角。炸薯角先上，雖然只係$15，但份量好多，新鮮炸起，勁香口，所以主菜未上已經差唔多食晒﹗鴨胸配風乾番茄炒飯，鴨胸雖然話係用黑醋炆煮，但實質無乜味，反而有少少黑醋味先有少少味；而鋪底個炒飯有d意大利番茄乾炒香，酸酸地，反而幾得意﹗而個芝士火腿天使麵就非常之濃0既芝士味，幾香，唔錯﹗本來開開心心黎食飯，點知突然加料，其實我地一見到個黃腳鱲己經飛撲落去，可惜呢度係3樓，部lift又唔生性，截都截唔切﹗多左張牛肉乾，真係食乜都無味，餐飯即時變得又貴又無癮喇﹗不過個服務員又好好，見我地咁慘，請返我地食雪糕，仲話有隻日本返0既荔枝味俾我地試添﹗唉…好過無啦，試左個荔枝味同紅豆味，荔枝味真係幾清新，好味道﹗而個紅豆味色水好深，似士多啤梨味多d，但都有唔少紅豆，都好味﹗但點都得不償失架喇﹗原本$180埋單，加埋張牛肉乾$320，真係五舊水食芝麻6豆咋﹗﹗
繼續閱讀
一個人行經山林道發現太湖對面座商業大廈3/F，開間叫「芝麻6豆」甜品店。跟住行埋去睇個Menu先知中招，原來呢間西餐廳，所以就上去食番轉。上到去比我第一個feel係間Caf燈光好soft，唔會太光或太暗。坐後便有姐姐埋0黎serve我。因為第一次上0黎，所以就叫佢介紹有乜強項，終於就揀咖喱雞炒飯，咖喱辣味煮得好，不會太辣但咖喱味十足。最重要係夠熱，証明唔係預先煮定。薯仔同雞都煮得好有咖喱味，但又不失薯仔同雞肉味。不過potato就細粒！因為個飯係炒底，我覺得唔夠乾身，要留意啦！Caf個事頭婆見我差不多食完，便主動埋0黎同我傾偈，問我對食物有冇要改良。傾傾原來事頭婆叫Eva，佢為人好nice。最後重請我食甜品–雪糕，我以為只係一個簡單0既雪糕，點知放入口發覺紅豆大大粒，雪糕又有十足0既紅豆味，真係掛住食而冇理到Eva存在。好想食多杯，但真係too enough。最後叫杯Ice Cappuccino，咖啡味就一般啦！不過好誇張，面層泡有成吋半高呀！厲害，厲害……。
繼續閱讀