芝樂坊餐廳

聞名已久....朋友生日人多試就最好機會喇人多又可以試唔同款式.仲唔驚食唔哂仲要個個都好芝得！大好機會！但由於冇得訂台要去排隊..等到9點30先有位個個都餓到癲..食慾大增首先被安排坐間小房內！有自己空間！傾計大聲都唔怕嘈到人侍應妹妹仲好nice 會介紹野食！讚好沙律-LUAU 夏威夷盛宴沙律大大份..好好食...帶酸好開胃！小食-牛油果蛋脆卷牛油果迷必點..但份量好大...多人先好點炸芝士通心粉球流心芝士..好芝..正水牛城雞翼不錯主菜-瑪格麗特pizza Pizza就普通...比較普通芝士4重奏長通粉呢個長通粉好食..芝士味夠濃最後飽到連出名既cake都食唔落..有點可惜有機會再黎啦！

以前喺美國嗰陣一個禮拜一定要幫襯一次cheesecake factory見到佢嚟咗香港當然一定要去朝拜下啦6:00一放工就即刻衝過黎 拎到第一輪籌但係都要等成個幾鐘佢嘅份量同美國係一樣嘅都幾意料之外首推係佢嘅蝦配薯條 必食另外推介你地兩個人食一個cake好啦

相約一班老表happy friday，當然要搵一間好坐既餐廳，最後揀了每次經過都大排長龍的「The Cheesecake Factory」。由於餐廳不設訂位，兼且限時用餐，於是早放工的先到餐廳。晚上六點半到達餐廳，門外已有十數人排隊，取票時侍應指需等候約90分鐘，既然未齊人，兼且星期五晚到處都是覓食的人，最後決定等下去，取票後，就到附近逛逛消磨時間。一個多小時後，接到餐廳有枱的通知。餐牌的選擇很多，但因為要留肚食甜品，故每人選一款食物。🔶 餐前麵包三款麵包中，以黑糖麵包最好味，不用搽牛油都可以。🔶 凱撒沙律沙律菜頗新鮮，喜歡上面的芝士。🔶 炸芝士通心粉球老表推介的頭盤，上枱時，大家都被佢大大件既外表嚇怕😆 每人吃半件已覺得飽，宜襯熱食，否則凍咗會覺得好膩。🔶 德州墨西哥脆卷原以為是一般的墨西哥脆片，到食物上枱才知道是釀有餡料的春卷，不用沾醬都很夠味，食物微辣。🔶 水牛城香辣雞翼這道炸雞翼其實幾香口，但真係幾辣，結果食剩。🔶 雞肉蒜香檸檬忌廉意大利幼麵食意粉最怕冇乜汁，乾巴巴的，這碟意粉就冇呢個問題，個醬汁幾好味，不會很鹹。終於到咗甜品時間，望着餐牌上接近30款芝士蛋糕，覺得很困惑唔識揀

同朋友以前慶祝生日好中意黎呢到發現佢係美心集團旗下餐廳當然更加之有質素保證啦!呢到d水好好飲 員工又nice 最重要係環境好舒服 但最好就係海港城 入面好多閉路電視 一定好安全所以大家多多支持就得啦！..............................

約了朋友觀看kenny演唱會 所以打算在尖沙咀先吃點東西才到紅磡看演唱會 其實已經光臨此餐廳幾次之多 但每次都會品嚐不同的菜色 因為選擇太多了吧等了15分鐘侍應只給我bar台沒有卡坐 不過也好 方便我下單叫了雞尾酒🍸 之後又叫了一些下酒的餐點 nachos和炸蕃薯條 nachos份量很大 吃極也吃不完 除了鋪了芝士外 讓有蕃茄沙沙 酸忌廉 和我最喜歡的牛油果🥑 另外 也叫了檸檬忌廉雞肉意粉 很爽口 吃多了也不會覺得膩 最後3個人吃得很飽 甜品也沒有點了～Kenny演唱會真的很感動 成晚都好開心

先講個環境，一入到去已經有令人放鬆既感覺。叫完野食，好快就上餐包啦！再過一陣，o的主菜就到啦！叫左everything pizza同埋buffulo wings！兩樣嘢都好好食！由於既好食而且食物份量亦好大份，絕對可以稱得上係抵食！大份到我食唔落蛋糕🍰啦！🙈🙈🙈🙈

人氣長龍店，晚飯時間一定要等一段時間。。今次特意weekday下午過黎吃，人少之餘又可以hea足一個下午，今次點左必吃的炸芝士通心粉球！濃濃的芝士！真係好好味！其實食左一個已經開始滯，但好貪心再點埋nachos 同漢堡包，全部份量都十足！

今晚一行13人同朋友慶祝食飯，因為人數太多，所以就瞓咗兩張完枱。今晚呢間餐廳係叫cheesecake Factory所以好多食物都係以芝士為主雖然全部都係有芝士，但係唔會覺得好膩，仲覺得樣樣都好好食當中嘅芝士意粉炸波波真係好出色，睇佢外型好似一個大嘅炸蝦球咁樣，但係原來一邊係意粉嚟㗎，好特別另外仲叫左Pizza啦，意粉，沙律啦，仲有雞翼意粉個汁好creamy好好味食到唔停口，雞翼都係味道好特別又好嫩滑講到明同朋友慶祝食飯，當然唔少得蛋糕啦，我哋帶咗一份海鹽焦糖蛋糕，提拉米蘇蛋糕，同埋青檸紅莓蛋糕。個海鹽焦糖蛋糕真係無得輸，甜得來但係絕對唔會好樓雖然好似好大件但係都冇淨

本身以為自己係芝士狂，但係去到呢到真係食芝士食到嘔。叫左個好多人都叫既呢個cheesecake ，甜到over左，份量係多但係真係2個人都食唔哂，原因係太甜!甜到有d左多少少，呢個唔推薦。另外個cheese ball幾好食，外層好脆好夠熱，食面芝士味亦好香濃，十分推薦大家一試!總結今次我地為試而試，全部叫哂小食同甜點，咁樣叫法真係自己玩自建議大家下次去真係叫返d主食平衡下，唔係既話會比好似我咁，果晚訓教成個腦都係芝士。

開左咁耐終於等到少人啲啦！仲要特登星期六嘅中午去都等左大約10分鐘先有位！一入到去有種去左迪迪尼餐廳嘅感覺, 好得意！落完單後就送左一客麵包, 分別有2種味道, 黑麥同普通麵包, 我自己就比較鐘意食黑麥麵包, 味道無普通麵飽咁單一, 有少少甜味都幾好食！麵包仲可以refill的, 啱晒鐘意麵包的朋友！黎前都有聽過呢度嘅食物好有美國feel, 即係好大份呀！我地叫左一個4種唔同chesse一隻嘅pasta再加雞肉, 一上嘅時候發現又無想像中咁大份喎。雖然係有4種唔同嘅cheese, 但我覺得一啲都唔heavy, 唔會食幾啖就好快飽嘅感覺。意粉都煮得剛剛好, 唔錯呀！除左主食外, 仲叫左一個前菜, 就係nacho！一上黎嘅時候, 我終於覺得自己係食緊美國餐啦！平時其他餐廳都只會係好細細碟嘅醬, 但呢啲一啲都唔姑寒, 個個醬都係一個雪糕球嘅份量呀！仲有層層深不見底嘅脆片！脆皮上淋左芝士汁再加埋辣椒同埋sour cream味道好好食, 不過就好飽最後我地2個人食極都食唔晒就只好放棄～我覺得呢度好適合一家大細一大班人去, 可以試更多唔同野！

一直好想試Cheesecake Factory既Cheesecake，雖然聽講一件要五個人先食得完，但人都係要試過先死心既🙈我地兩個人嗌咗一個小食、一個意粉同一件cheesecake，結果就緊係食唔晒😅建議大家要組個5-6人小隊先好去，嗌野食都方便啲～一嗌完嘢食就有麵包籃，有兩款麵包，都係熱辣辣又鬆軟既。呢度既嘢食有超多選擇，有選擇困難症既我地搞咗好耐先揀定呢個deep-fried zucchini。本住試伏既心態嗌呢個炸青瓜，但其實味道唔錯，外層麵包糠好脆，個芝士醬好香，咬開入面條青瓜仲係爽脆juicy既。今次最錯既就係小食揀炸野意粉都仲要繼續炸🙈🙈🙈夾夾埋埋就好漏；個雞扒比想像中薄同乾身，啲蝴蝶粉al dente，但個汁就一般。份量係真係好多，成個海咁。甜品揀咗花生醬朱古力cheesecake，又係滯到喊既😂😂😂 頭幾啖真心好好食，但之後就投降喇🏳️

之前在尖沙咀行到想休息一下就同朋友食個下午茶可能因為下午茶時段 所以雖然是假日 而且門口有人在等位但意外地等了15分鐘左右就入得本來為了想食水牛雞翼才去但聽說最出名是芝士蛋糕 所以都點了一件試試🍗水牛城香辣雞翼🍰30周年朱古力芝士蛋糕水牛雞翼酸酸辣辣好正但對我黎講辣了少少本身沒有特別喜歡芝士蛋糕但這個蛋糕又不太甜都值得試下~.The Cheesecake Factory📍尖沙咀廣東道25號海港城港威商場地下G102號舖

Last Friday was my friend’s birthday and I planned to treat her a dinner in Tsim Sha Tsui. Having heard of the popularity of the Cheesecake Factory, I decided to grab a dinner there.We were there at around 6pm. Luckily we didn’t have to wait and soon be seated by the waitress. What a surprise that we didn’t have to queue up haha!We then ordered a Pasta with chicken and lemon garlic sauce. This combination was pretty new to us but it was a bit sour. My friend said the chicken was tasteless and I

首先拎飛果時話要等40分鐘都算, 周圍行下都可以等到既好辛苦咁等到入座, 一黎就安排我地入bar枱位Reception 有問排我地前面果對情侶坐唔坐bar枱位佢地唔坐所以安排我地問都唔問就直接入但真係坐得好唔舒服所以都好客氣咁問可唔可以調枱個reception話如果要調要等多一個鐘我地入座果時都9點而且見到好多情侶埋單走人我地問另一個waiter即刻調到比我地重要比我地見到好多吉枱，咁既服務態度真係好差雖然服務差但食物係幾好既雞肉墨西哥烤餅個味道比較正宗同埋個牛油果醬值得一讚巨無霸卷真係冇改錯名，又大份而且入面有飯好飽肚我地重有叫到一杯lemonade, 飲左一啖就冇飲到, 極難飲好似飲緊洗潔精而且係極甜最後埋單都埋左成15分鐘, 係因為d waiter差d唔見左我地張信用卡成間餐廳既waiter一齊出動搵張信用卡, 搵到之後比我地簽名一句sorry/ thank you都冇下次唔會再幫襯

美國著名連鎖店都登陸左香港年幾啦 但因為一直喺外國嘅關係 所以都冇機會試😂 如果佢哋唔單只係香港係外國都十分受歡迎🤔 你係職業球員 因為佢哋份量夠多 而且位置夠大 啱晒大大隻隻嘅精英運動員😂 而且全國嘅分店都好多 所以佢哋去到邊比賽就有得食😂而香港嗰間最過癮嘅地方係 佢久唔久就會搞特價 芝士蛋糕全部半價😂 所以就吸引左我去食 🤫我哋嗰日叫咗三件嚟食 全部都好大件 真係美國人嘅份量 食落十分之 creamy 應該落咗好多芝士落去😂😂 而且係芝士餅仲加咗一大舊cream 真係十分之邪惡😂 而第二鍾意食係朱古力味 佢嘅朱古力味好重 適合晒呢啲咁鍾意食朱古力嘅人🙋🏻‍♂️總結來說 大家可以喺佢有特價嘅時候去食