芝樂坊餐廳

我地5人，分兩張枱，限時2小時交枱，食物是大碟，但收費係比正常貴，所以本人不覺得好抵食。我地叫咗一份沙律、一份pizza、一份意粉、一份炸雞角、三杯沙冰、兩件芝士蛋糕。所有食物都好食😋(除芝士蛋糕外)，最讚是炸雞角，即做而饀料豐富，加上少少辣味，配合得很好，但pizza轉咗長方形，細件好多，最後我地點選兩件蛋糕，一落刀已經好似溶溶地，芝士蛋糕大忌，凍櫃唔夠凍，太失敗。而且两款都太甜，再加上唔夠凍淋淋地，真係食唔入口。再講下蛋糕size係lady M一半大小，價錢要$80還要加一，真係幾誇張。Lady M蛋糕起碼手工多幾倍難做。另外講下環境衛生，我們坐在入門口長梳化位四人枱，我和朋友腳下不停被蚊咬非常痕癢，最後要轉位置坐椅子位才好些。希望餐廳衛生做好些，注意凍櫃溫度。

今日一早係餐廳附近剪完頭髮，咁啱又到lunch time，見間餐廳門口又冇人，就膽粗粗咁入去問下有冇位！佢就同我講你一個人坐吧枱得唔得？咁有位就當然冇咩所謂啦！但。。原來吧枱張凳唔係幾好坐！一坐低個bar tender就幫你舖枱布同set位，望完個餐牌就叫咗個蒜香雞肉蝴蝶粉，同杯Lemonade！其實杯lemonade都係個bar tender整，望住佢兩三下手勢就倒完杯嘢飲送到面前，都係一番另類感受！杯lemonade酸酸甜甜，又有少少鹹味，好飲！之後個蝴蝶粉就出現啦，portion其實又唔係想像中咁大，心諗食完都仲有空間食佢個cheesecake掛？點知佢個蝴蝶粉個醬實在太creamy，食兩野就覺得好濟，食完半碟就已經投咗降！最後都係食唔到佢個cheesecake，本身仲諗好咗食邊隻㗎！

聽講啲cake好出名好好食，以前大排長龍兩個鐘起都未必入到去，試過排隊一個鐘後放棄下次再食，餐廳好大好有氣氛暗暗的燈光好有情調，好適合食飯拍拖傾偈嘅感覺，今次因為同姊妹吹水傾偈所以到時輕食，今次點了凱撒沙律-🥗細份都已經好大份好抵食，水牛城雞翼-入面有雞翼雞鎚味道還可以，焗芝士蘑菇-有驚喜口感好可愛好Juice一定要試，春卷牛肉芝士-感覺有驚喜食完有點飽，餐廳服務都好好店員好有禮貌，呢度嘅cake想試好耐好出名，今次試了紅絲絨cake，味道好有層次真心好味道💕

這家的選擇又多而且又大份量，很適合聚餐，所以過節聚餐選這裡不會有太大問題來美國餐廳必定會點Buffalo Wings，雞翼炸的很脆，但是沒有什麼味道，一定要點專門的醬汁吃，所以有點小失望因為我以為雞翼會用那個專屬醬汁事先醃過再去炸，但其它的菜都很好吃，而且一開始點salad的時候，侍應還告知salad除了正常portion，有小份量的可以選擇，怕我們吃不完，免得浪費點了salted caramel cheesecake還有另外一個hazelnut Nutella那款，都很好吃，但其實一個蛋糕五個人分都已經很夠了，不然會太甜太膩

首先呢間之前要排隊排好耐先可以食到，依家就快左好多，唔會好似之前好排到轉彎。1.蝴蝶粉蝴蝶粉我真係每一次黎都一定會點！真係好食，汁多而且粉嘅硬度都剛剛好，推薦2.紐約牛排🥩呢個紐約牛扒都好juicy，味道濃郁，熟度剛剛好，成個扒都不錯，我係一個唔太鍾意薯蓉嘅人，但係呢個扒配嘅真係好好食3.水牛城雞翼我個人真係不太喜歡呢個味道，我朋友都係咁話，但係呢樣係餐廳都算出名，獵奇心態可以試下4.紅絲絨蛋糕🍰真係好好食，甜而不膩，就算食飽都仲食得落，超級推介野飲方面，點左2杯都覺得一般般，

唔知點解次次去食Cheesecake Factory都要大排長龍, 閒閒地等一兩個鐘結果大食妹太肚餓, 同朋友去等二度食左啲野同反黎<黑糖麵包>黑糖麵包係其中一樣大食妹最鍾意Cheesecake Factory嘅地方, 唔單止免費任食, 仲可以揀全黑添上次大食妹黎食嘅時候, 佢嘅黑糖麵包認真驚為天人, 新鮮熱辣辣之餘仲外脆內軟, 黑糖味好突出可惜今次有少少失準, 無咁熱之餘亦少乾<牛油果脆卷>另外大食妹仲嘅左呢份上次話會再encore嘅牛油果脆卷呢份小食就真係即炸熱辣辣啦外皮好脆, 裏面嘅牛油果肉好足料, 就咁食嘅話味道酸酸地已經好好味配撘嘅醬料味道甜甜地, 帶有少許薑味, 偏中式, crossover玩味十足, 但依然好match<無敵紅絲絨芝士蛋糕>最後當然要食埋佢最人氣嘅無敵紅絲絨芝士蛋糕啦芝士蛋糕足料又綿滑配上cream同白朱古力, 係肥妹仔嘅快樂

// spicy chicken chipotle pasta // Got this delicious dish when I first ever tried Cheesecake Factory and I’m obsessed with it!!! I’m not joking when I say that there is literary en explosion of flavours which makes it hard to stop digging in for another bite. Not a huge fan of peas and asparagus but this dish has me nibbling on them both! The just barely cooked asparagus and peas make the dish feel fresh and barely noticeable sweet honey component takes the edge off those chili peppers. AMAZING

我一向都好鍾意食pasta，Cheesecake Factory係我間唔中就會突然好想食嘅餐廳之一。餐廳嘅黑糖麵包有微微嘅黑糖味，比較脆身，比起outback我鐘意呢個多啲。da Vinci pasta我喺外國食過覺得好好食，香港嘅版本都一樣好食，長通粉質地比較硬，蘑菇汁好濃味，質地比較杰身，同長通粉好夾。芝士四重奏長通粉有拉絲嘅芝士，配埋酸味味嘅蕃茄醬，食完都唔會覺得好漏。呢度主食嘅份量非常之大，pasta質素高，價錢合理，但如果兩個人食想食埋甜品嘅話就記得唔好嗌兩個pasta啦😆😆

Happy Friday hurray！！！打工仔捱足星期一至五咁多日，嚟到星期五，點可以唔對自己好啲，食返一餐好呢？✌🏻😆收工約咗朋友去講海港城食飯，好想試一啲超級Comfort food，就決定試一試傳說中嘅The Cheesecake Factory啦😌🍰呢度係星期五晚上7:00嘅狀況👭🏻👬🏻👬🏻👬🏻基本上冇餐廳冇得預先訂位，只可以去門口拎飛排隊👀目測當時都排咗大概有10枱人，見到咁嘅情況，我哋就決定takeaway上車食啦🤓🍽餐牌呢個餐牌啲字排到密密麻麻，行遠少少都幾乎睇唔到😅似攞嚟做裝飾多過實際用途，可能俾人感覺餐廳嘅菜式超級豐富咁啦！☝🏻🤣💜Carbonara Pasta超級多白汁🤭入口頭幾啖都仲覺得幾滋味🤗但係食落已經覺得非常膩😳😨食到最後幾乎食唔落咁滯😩😩😩😩配料只有青豆粒同少量煙肉，煙肉都唔係特別高質😐💜Buffalo Wings呢個我覺得係好食嘅👍🏻一碟大概有10隻雞翼連雞鎚，配埋芝士醬同西芹，惹味又有小清新🌿不過個食落都覺得幾膩同咸，最終都食唔晒，淨咗三隻雞翼😆😆💜Beet & Avocado Salad呢個都係好味嘅！由於其他煮食同雞翼都比較鹹，所以我就好需要食

路過2-3次存左間餐廳係個搵食list都有些日子都睇過佢幾次上星期終於入門點餐食物都ok份量對於我來講好實在價錢和食物水準成一致服務都算正正常常裝潢都比較懷舊feel士多啤梨蛋糕+咖啡，搭配都幾好意粉份量足夠，非常飽肚漢堡就比我想像中量多左dd雖然係迷你少少size

🍝芝士四重奏長通粉($168)非常creamy，芝士好香。🥗芝樂坊粟米片($158)半溶嘅芝士鋪滿粟米片上面，再dip醬食(有牛油果醬、墨西哥蕃茄醬同酸忌廉)，酸酸辣辣，成碟好快就食晒。🍕乜都有Pizza($148)真係乜都有，辣肉腸、洋蔥、蘑菇、芝士，好豐富，味道ok冇乜特別驚喜。🍰朱古力榛子脆脆芝士蛋糕($82)同餐廳講係朋友生日，上碟個陣寫埋字俾我哋，蛋糕入面有榛子脆粒同 Nutella醬，唔會好膩。

減肥嘅人基本上諗都唔使諗，絕對唔可以去cheesecake factory. 入到去，佢個氛圍下，基本上飲水都會肥😆😆😆餐廳入面，有兩大個雪櫃裝住唔同嘅蛋糕，淨係睇都夠晒開心。之前喺依度食嘅蛋糕， 全部都係甜到痴晒線，今次揀呢個香蕉忌廉芝士蛋糕，感覺好好多，唔會超級無敵甜，反而香蕉本身嘅清甜，同埋個cream淡淡地，幾夾，唔錯👍🏼炸芝士通粉波，一份有四件，最好都係四個人嚟食🤔🤔如果每人食兩件嘅話實在太油膩至於餐包，其實黑色白色都一樣咁好食。另外叫咗個類似五花腩小漢堡咁嘅嘢，麵包係甜甜地，啲五花腩又甜甜地，有塊脆卜卜嘅煙肉，口感都幾唔錯嘅，不過都係建議四人分享😅😅飲品方面，叫咗兩杯雞尾酒。除非你好鍾意飲小朋友粉紅色嗰啲咳藥水，如果唔係，千祈唔好叫Mai Thai 餐廳好多一家大細帶埋小朋友嚟食，要特別留意嘅地方係，地下有好多小朋友食嘢食到周圍都係嘅垃圾，但係侍應並冇清潔，下一枱客人就會踩到成腳都係，衛生認真麻麻。

黎到芝樂坊就緊係點招牌菜啦 鹹焦糖芝士蛋糕簡直係無得頂，芝士味重，帶點微甜，口感順滑，柔和，面頭個焦糖燒得岩岩好，有口感得黎唔會苦。微鹹味令味道更豐富，整體味道都match得幾好。不過淨食個芝士蛋糕唔夠飽，另外點左炸芝士通心粉球同 芝士四重奏長通粉，味道有點過重，偏咸，但都可接受，總括黎講無令人失望

Well, duh to the question of the title. Cheesecake of course. The biggest problem here is mainly which flavor to try as there is so many. The menu hereis only half the choices. My friend decided to order the Caramel Apple Cheesecake. Initially I was a a bit wary of this choice as I was worried it would be too sweet. Surprisingly, despite the richness of the cheesecake and the nice glaze of the caramel, it was not too sweet at all. The acidity of the apples balanced the dessert really well. I rea

難得有空在閒日終於去試左一直想試的cheesecake factory。餐廳好大，裝修昏黃有情調，雖禁晚市堂食，但都有食晚飯的感覺。餐牌選擇很多，點了一個烤蒜雞肉蝴蝶粉和一客車打芝士夾心漢堡。跟餐可選餐湯或沙律。餐包的黑糖包香膽厚實帶微甜，點少許豉油就好好食。沙律菜新鮮，份量頗多。值得一讚是服務很好，侍應不時主動加水。漢堡好大份，牛肉好厚，而且切開入面係流心到瀉晒出黎，麵包微甜鬆軟加埋牛肉，好juicy好好味！薯條厚大條又夠熱。個蝴蝶粉真係好食，好creamy，奶味夠重，係我鍾意的味道，入面的雞肉都幾多！蒜香味都夠，好好味！基本上食完兩個主菜，我哋已經好飽，可是一場來到，怎可以放過滿櫃的芝士蛋糕？但因為選擇太多，最後選了外型最靚的士多啤梨味芝士蛋糕！即場叫侍應寫上生日字眼佢地都好樂意！芝士蛋糕好軟綿綿，有好大堆忌廉在上面，扎實的一大件，好抵食，果然是質素之作！但因為這裏的份量都偏大，二人去食，食個主菜再加件蛋糕，大家已經投降了。如果一大班人去食會開心好多，等限聚令過咗，一定會再返去！