芝士冰室 (已結業)

深水埗有間冰室，菜式加入邪惡芝士，滋味相當獨特。餐廳位於深水埗福榮街。流心芝士蒜蓉包超邪惡。店內牆畫，是本地漫畫家的作品。芝士漢堡扒炒蛋芝士撈芝士醬非常講究，混合了多種芝士，牛乳香氣突出，芝士漢堡扒厚身，淡淡肉。焗鹹蛋芝士雞扒飯芝士帶焦香，有拉絲效果，加入鹹蛋味道更加獨特，雞扒肉嫩多汁。流心芝士脆薯餅口感香脆，內裏充滿芝士。脆炸雞翼雞翼外脆內軟。爆檸粒粒檸檬茶酸酸地，味道非常清新。意大利即磨咖啡咖啡味香濃。

早排無啦啦心血來潮想食芝士撈麵，無奈公司附近茶記嘅芝士撈丁質素麻麻，友人話我聽深水埗有間芝士做主題嘅冰室，一放假即刻沖過黎搵搵有冇好食嘅芝士撈麵二話不說點咗個招牌芝士撈配流心芝士雞扒（招牌芝士汁）：賣相同我之前試過嘅芝士撈丁都幾唔同，呢款明顯橙好多，而且質感都係傑身d，我好鍾意呢種質感，因為只有傑身嘅芝士汁先可以真正沾著每一條麵條，之前食過用罐頭忌廉湯煮出黎嘅芝士汁稀身又水汪汪。建議一開始就試咗個雞扒先，因為擺耐咗會凍同埋硬咗，襯熱食嘅話就feel到佢嘅外脆內嫩招牌芝士汁好正，夠曬味，呢度嘅芝士汁係用5種芝士炮製出黎，絕對唔係普通忌廉湯+包裝芝士煮出黎嘅汁可以媲美。朋友食嘅係鹹蛋芝士汁，相比之下，個人比較鍾意原味嘅，比較純粹招牌流心芝士包一切開入面爆曬芝士，兩人share啱啱好另外值得一提嘅係呢度嘅飲品都係超級大杯，咁就唔洗驚食完芝士撈麵太膩啦！總結：價錢親民，味道又正，如果有人問我深水埗有咩好食，我都會推薦呢間餐廳👍

芝士冰室顧名思義係一間用芝士做食材主題嘅餐廳，對於愛芝份子👉🏻我我我👈🏻當然不能錯過。雖然這兒也有不是芝的菜式，但最喜歡食芝士的我，當然點了全部都有芝士的食物啦。流心芝士雞扒芝士撈丁味道足本濃味，伴上大大件激厚酥炸肉嫩夾心芝士雞扒，加上一丁，整個口腔都洋溢著香濃芝士味，芬芳無比。芝士奶蓋紅豆冰好大杯呀～奶蓋部分不厚，芝味輕盈，紅豆幾綿，香甜解渴。流心芝士漢堡扒似芝士年糕般，內涵有濃厚芝士醬，甚有睇頭，漢堡扒味道也有驚喜。流心芝士包豬仔包掘走内涵放滿芝士去焗，眼見外脆內軟的流心芝士醬，根本是熔岩芝士包吧😍使我已經無法自拔，杰身的芝士完全不會膩，配著脆包吃兩者一硬一軟，味道平衡。點點扒芝士餐肉三文治朋友點的，芝士溶化吸睛，餐肉厚大件，陣容不少，加上大碟橙色芝醬，厚三文治烘過脆脆的， 看似也相當美味。免費讚好就送贈的芝士蒜蓉包1個細細個同樣爆芝，味道像上面的包包細版本，多了些許蒜味。食後感：便宜抵食又芝味的一頓，一定會再幫襯。

同事係芝士控，一發現邊度有芝士嘅嘢食就會立即去試吓，近日比佢知道深水埗有間叫芝士冰室，大部分食物都係芝士產品，急不及待今日就叫我陪佢去試吓！焗四重芝味鮮茄豬扒飯，鮮茄汁底吸收晒食材精華！豬扒已經切件方便食用，食落嫩滑juicy，飯香噴噴，人加埋4重芝士，「芝」味十足！瑞士雞髀芝士撈麵，餐廳自家調校的芝士醬用了5種芝士混合而成，包括橙車打芝士、莫薩里拉芝士、藍芝士、大窿芝士及寶伐朗芝士，芝味比較香濃，奶香也豐富。用來做芝士撈丁，特別有芝味，雞髀入味，味道香甜，肉質滑嫩。流心芝士包，芝士包外層香脆，入面仲要係有大量嘅芝士，一啖咬落成個口都係濃郁嘅芝士味，真係抗拒唔到！紅豆冰大大杯，紅豆林甜，奶味香濃。金牌奶茶味道香、滑、濃，甜度啱啱好！

嚟到一定要食招牌嘅芝士撈丁‼️個芝士醬竟然係用咗五款芝士嚟整 鹹香十足🧀公仔麵掛滿晒醬 真係勁惹味😍另外仲有大大塊流心芝士炸雞扒🐔炸皮勁脆身 咬開係爆餡芝士 成個麵真係超級邪惡 芝士人必食😈

狂野芝士話說早幾日放假同個friend出咗去深水埗，後來食咗個芝士撈麵，個芝士真係濃郁過不得了，食得出裏面有好多款芝士，所以唔單止聞落去又好重芝士味，食落去都有好濃郁嘅芝士香，而且顏色係金黃色嘅，真係色香味俱全。原來門口都有寫住係五種芝士整嘅，唔怪得知呢個咁濃郁，譬如係有橙車打芝士，瑞士大孔芝士，意大利藍芝士，莫薩里拉，同埋寶伐朗芝士。我就叫咗個蜜糖煎雞扒芝士撈，$48左右，雞扒煎到保留原本嘅雞扒汁，而且肉質好嫩，一啲都唔硬唔老。個芝士撈麵真係好好食，我就另外加咗$3轉做出前一丁，每一條面都有芝士，有彈性得來味道好香濃。唔記得咗我係叫咗蒜香味嘅芝士，佢個蒜香食完係個口裏面都不停咁散發蒜香嘅味道，哈哈。的確好惹味。我個friend就叫咗芝士薯餅餐肉芝士撈 ，一樣都係$48，佢同樣大贊個芝士不得了好味。薯餅炸到外邊脆卜卜，又肥又厚😂😂😂略略一提，我仲加咗錢叫咗杯特飲，就係芝士奶蓋芝士鮮奶，杯嘢真係好飲過平時出街買嗰啲，唔單止有濃郁嘅芝士同埋紫薯味，而且成杯野嘅份量仲好大杯，香濃又滑，好好飲。個friend就叫咗杯抹茶牛奶，佢話牛奶同埋抹茶都係分量十足，味道香濃，飲到見底乾乾淨淨。人均消費大

喺深水埗眾多有個性嘅餐廳之中發現呢一間可愛嘅芝士冰室。作為一個芝士愛好者，今晚就去試一試餐廳嘅招牌芝士。🍝芝士漢堡扒炒蛋芝士撈一個公仔麵撈丁入面滿足左三個願望：🧀 招牌芝士，差點就螢光嘅橙色，每條麵條都掛住濃濃嘅芝士香味，有如港版嘅卡邦尼意粉。🧀漢堡扒，煎得飽滿，但其實切開漢堡扒，內裏亦都係爆出另一種流沙芝士。🧀炒蛋，炒蛋非常鬆軟香甜，嫩滑得來亦唔容易散開，可以同芝士撈丁一啖食落肚。🧋抹茶牛奶紅豆冰抹茶牛奶紅豆冰以非常巨型嘅大啤酒杯盛載，雖然大大粒冰，但亦都冇沖淡綠茶牛奶味。紅豆份量多得令人有飽肚感。紅豆冰亦似飲品亦似甜品，配合餐廳可愛特色。

今日嚟到深水埗玩具街買玩具比小朋友，經過福榮街見到新開左間芝士冰室，咪入去試吓，我哋2大2細，地方都坐得都舒服，有幅大大塗鴉幾靚，再睇吓佢哋個餐牌都幾多選擇，最後揀咗芝士豬扒撈公仔麵（芝士味濃豬扒好鬼厚），瀑布薯條（粗薯條比m記好得多)，”點點“扒芝士滑蛋三文治(比兜芝士醬你點幾過癮)，芝士煙肉焗通心粉(幾好味但份量少左啲啲)，招牌流心芝士包（呢個包真係又愛又恨，好好味爆晒啲芝士汁出嚟，但係我冇注意流到成衫都係😅）两個大人飲凍檸檬茶（佢哋用台灣香水檸檬好清香唔會好酸）小朋友飲芝士奶蓋紫薯鮮奶和芝士奶蓋柚子特飲（睇相就知有幾好飲），總括嚟講非常唔錯，會再幫襯😊😊

昨日經過見到新開張，今日就黎試下啦。叫左呢個吉列魚柳芝士撈麵配熱奶茶$48可以有幾種芝士揀：招牌芝士/咸蛋芝士/南洋芝士/腐乳芝士/麻辣芝士。問左職員有咩分別，都幾好人咁講返，佢話南洋芝士就係芝士加咖哩，所以最後揀左南洋芝士試下。可能因為新開未上手所以等得耐左少少。講返野食：見到咁大塊魚柳其實個樣都幾吸引，不過差左啲菜，如果加返一兩舊西蘭花🥦紅蘿蔔🥕落去就完美喇！個芝士醬都幾好味，夠撈得晒個麵，個魚柳都炸得ok。奶茶個味都ok，唔會太苦。整體黎講都算唔錯既，希望之後會加返少少菜健康啲。