芊彩餐廳

營業中

休息中

身為奇妙處處通白金卡會員，每到生日月就非常忙碌 (笑)因為有不同的生日禮遇需要在生日月時使用。其中一個就是在酒店指定餐廳內享用下午茶套餐可享5折優惠。今年選擇去 芊彩餐廳，剛好下午茶套餐也轉了新款的。Duffy 與好友慶典茶聚 (HKD 488 / For two) 熱氣球造型茶架很可愛，承載著下午茶的的鹹食和甜點。甜點部分主要是Duffy 與好友造型款，還有個禮物盒🎁雖然角色不是全齊，不過有我喜歡的 Gelatoni 就滿足了🎨🐾整體的甜度還可以接受，個人覺得紅桑子朱古蛋糕的味道最好。鹹食方面，一共有五款，而且款式都有誠意。🍔煙燻牛肉菠蘿莎莎漢堡印有20周年的米奇圖案，味道也不錯。另外還有香草蛋黃醬炸蝦卷、炸水牛城雞肉配迷你窩夫、蒜香蛋黃醬牛肉串和煙三文魚蟹肉卷。因為有三個人的關係，我們還多點了一個小食。🦑導航者滋味拼盤 (HKD 248) 香草忌廉青口的醬汁香濃而不膩，配搭青口吃很惹味。帶子用火腿包著，另外還有爆谷蝦和炸魷魚圈。下午茶套餐的飲品都好有特色，漸層的顏色亦很美。整體很有誠意，再加上生日優惠真是好抵吃。

今日去咗探索家酒店間芊彩餐廳食午飯。點咗個西式午餐。泰式柚子蝦沙律，烤走地雞胸，甜品係歌劇院蛋糕。個午餐係 $288 加 10%。總價$317。泰式柚子蝦沙律，個柚子開胃，混入泰式微辣炸蝦。入口清新。蝦肉鮮甜。肉質美味。好味。烤走地雞胸，最主要係道食材。走地雞係放山雞。農夫用原始飼料放養。走地雞通山走。肉質比一般冰鮮雞肉更彈牙。走地雞胸配法式燉菜。有田園風味。原果有睇 Pixar 套五星級大廚。餐廳主廚 Remy 係煮出法式燉菜 Ratatouille，供食評家評分。運用平凡菜式煮出不平凡味道，先顯出大廚既功架。毫無疑問，最上等食材走地雞胸肉，配上不平凡法式燉菜，我食到田野間原味。無得頂。歌劇院蛋糕，其實係黑森林蛋糕。造型賣相滿分。個黑森林蛋糕係有層次。Dark Chocolate 配咖啡味芝士蛋糕。食到有點黑朱古力微苦但又帶點意式蛋糕 Tiramisu 奶油味。有些食客愛食黑朱古力，但部份食客會喜愛 Tiramisu。兩者混合得出既味道，就係李克勤既大會堂演奏廳既味道。首歌係講男主角係大會堂演奏廳既鋼琴家，觀眾席上有一對戀人，女的是該鋼琴家已分手既前女友，現今已嫁作人婦。男的只能當演

充滿異國風情既fusion餐廳，菜式融合多國特色！不過價錢就梗係迪士尼價啦～推介度排名：1️⃣經典米奇梳乎厘 $168👍雖然細細粒，但配埋雪糕超級正！全場最抵食！2️⃣導航者滋味拼盤 $248👍香口可口，爆谷蝦特別好食3️⃣烤走地雞 $268👍嫩滑入味，配菜夾配其他菜式：🔸西班牙海鮮飯 $358 - 帶子不錯，整體一般🔸大蝦帶子意大利粉 $228 - 麵偏硬，海鮮尚可🔸燴牛肋肉配烤牛柳 $358 - 偏熟，肉質普通🌟🌟🌟🌟🌟🌟整體評價：❤️環境寬敞但較嘈雜💚燈光偏暗易想瞓💛服務態度好💜CP值偏低（迪士尼價）Rating：懶惰鼠😻😻😻懶惰虎🤩🤩🤩📍芊彩餐廳大嶼山香港迪士尼樂園迪士尼探索家度假酒店2樓⏰營業時間：11:00-22:30💰人均消費：$300-400up

進入一間仿似深山森林設計既酒店大堂。先去樓下芊彩餐廳食午餐。點咗份 Set Lunch。雜菜湯 + 香煎盲鰽魚柳 + 意式雪糕配水果 + 熱奶茶。間餐廳橫裝極似歐洲式旅館餐室。雜菜湯 – 美味。放入新鮮焗爐出品既餐包。食到最新鮮雜菜湯味加餐包味。香煎盲鰽魚柳 – 賣相滿分。魚肉清新入口。入口即溶。食得出廚師先煎熟魚皮七成熟，再翻煎魚肉。魚皮入口香脆。魚肉鮮嫩。廚師用此手法去煎魚肉，用多咗時間。但食得出肯付出心機。大部份西廚用 Water Bath 去煮。但個魚皮就唔夠香脆。意式雪糕配水果 – 每粒水果我都檢查過。全部無雪壞或過期。全部頂級新鮮水果。意式雲呢拿雪糕英文名稱為 Gelato Vanilla Ice Cream。入口香滑。食唔到有人工香精及甜味劑。牛奶及忌廉含量比美式雪糕低。個賣點係食咗唔會肥。熱奶茶 – 杯熱奶茶味道唔係重點。重點係餐廳職員知道我習慣飲英式奶茶係唔會放糖。所以今次職員無附加糖給我。入餐廳前，前枱已有職詢問我個人電話號碼。查過後相信佢已知我個人飲食習慣。一間小小西餐廳，都可以有郵輪水準既CRM data base。佩服！職員Rex 及 Ken 眼明手快。我一舉

阿女生日去咗迪士尼慶祝 ,自助餐Ok好食, 而且佢係相對較平, 所以好抵食, 下次有機會會再來。雖然其他嘢食普通 ，但最最鍾意嘅就係甜品區呀，因為有米奇老鼠樣，真係好靚呀。其實環境咁靚，雖然嘢食普普通通 ，但係價錢係幾好，同埋成個體驗好開心。

芊彩餐廳 World of Color Restaurant 📍大嶼山香港迪士尼樂園迪士尼探索家度假酒店2樓中學同學有日喺IG send咗條reel比我，係介紹迪士尼樂園喺春日期間限定推出嘅食品，話好有興趣去試試。我見大家咁耐無見，而且食物又咁精緻可愛，我當然爽快應承。我哋一行三人book咗檯係星期日嘅下午，去迪士尼探索家酒店內享用下午茶。呢個主題叫Duffy and Friends春日茶聚嘅tea set主打遊各款Duffy and Friends角色造型嘅甜品，亦配有少量鹹點輕食，配有特色飲品，除咗好打卡able之外，估唔到食物都有返咁上下水準，做到好睇又好食，價錢亦算貼地，環境開揚舒適，適合同好友親朋歡聚一下。 💰$300/guest (minimum 2 guests)Duffy and friends春日茶聚 Taste of Sprint Tea Set帶子三文魚子配青豆醬 🐟細細一杯嘅帶子三文魚子配上青豆puree，咬開炸過嘅外殼後，見到粒粒青豆同帶子，味道鹹鹹鮮鮮，加上晶瑩剔透嘅三文魚子，一口咬落口感非常豐富，層次感滿滿。最重要係青豆味唔難接受，連平時討厭食青豆嘅朋友都

復活節假期去了迪士尼探索家度假區酒店，點左一個Duffy and friends tea set,食物我覺得中規中矩，tea set會附送當日特飲，特飲係哈密瓜味飲品，飲落唔係好甜嫌佢比較淡味。我覺得鹹點出色過甜點，特別係煙三文魚紅菜頭配芝士和迷你熱狗，甜點就mouse cake同埋杏仁撻好食。整體環境幾舒服，食完仲可以喺酒店入邊行吓，幾chill,去迪士尼樂園玩嘅朋友可以順便過嚟一試。溫馨提示：過嚟之前最好book定，會安排一啲比較開揚位置。

Cuteness Overload at World of Colour 🥰Presentation of the dessert items was adorable 🤩🍫EXPLORER'S CHOCOLATE FONDUE      🍦Assorted Ice Cream        🍬Explorer Macaroons         🍭Marshmallows          🍪Mickey Cookies          🍓Fresh Strawberries 💭Many of the items were ready to eat so not too many surprisesSAVOURY DISHES🐔Tandoori Chicken Pita Pocket・tomato, lettuce, red onion, cucumber, ranch dressing🐮Grilled Sirloin Steak Ciabatta ・portobello mushroom, caramelised onion, provolone cheese, arugula,

每個人身邊總有幾個廸士尼迷，得知探索家芊彩餐廳出左新野～朱古力火煱，就梗係要去試下啦。諗住個朱古力醬會好甜，但沒有，甜度適中。朱古力的濃郁口感搭配新鮮的士多啤梨帶來的酸甜味道，感覺好新鮮。將雪糕球點落熱辣辣既朱古力醬，迅間變成脆皮雪糕，加上為怕雪糕溶化，大家都搶著先食左雪糕先。五顏六色既探索家馬卡龍同棉花糖，絕對是迪士尼迷的最愛！馬卡龍的外觀色彩繽紛，口感香濃綿密。每一口都能品嚐到不同的口味，但我覺得不用點朱古力已經足夠甜。米奇造型既曲奇是另一個不能錯過的點心，曲奇的酥脆口感和甜味絕對能滿足你的甜點渴望。朱古力火鍋餐除左甜點，還提供了咸食，天多利雞口袋餅以新鮮的番茄、生菜、紅洋蔥、青瓜和田園沙律醬作為配料，搭配口感鬆軟的雞口袋餅，好惹味。另一款烤牛脊肉意大利麵包以烤牛脊肉、波特菇、焦糖洋蔥、布旺倫芝士、火箭菜和辣根蛋黃醬組合在一起，很有層次感。這種組合絕對能帶給你豐富的口味和飽足感。我們一行４人，點了４位，如果好似我們食過午飯，當下午茶食，這個餐份量太足夠了。最後，要將曲奇同馬卡龍打包回家享用。

早前生日正日被帶到迪士尼夢幻世界, 除了最初開幕時去過幾次外就一直沒去過 🤣 沒想到這晚會突然來慶生, 不過我們並沒有玩任何樂園設施。來到探索家渡假酒店, 門前左右有米奇和唐老鴨等探險家的肖像 🤗 酒店內十分宏偉, 樓底甚高, 以啡色為主, 探險味濃 ⚒️ 餐廳十分寬敞, 有足夠空間讓大家走路, 有兩排水晶燈, 地板有少量花磚階磚, 花花鏡子與開放式廚房, 雖然未至於非常夢幻, 但環境也很好 🫶🏻芊彩沙律 加配價$68用紅菜頭做配料, 沙律醬會沾上紅菜頭味道, 很清新, 除了菜還有合桃, 另外它的菜很特別, 從未吃過, 口感偏硬 🙃大蝦帶子意大利粉 $268意大利粉偏幼身, 但並非天使麵, 雖然未有註明手工麵, 但口感跟一般餐廳有出入, 大蝦和帶子新鮮, 口感爽彈, 還有西班牙辣肉腸, 口感像臘腸, 但比臘腸惹味得多 😬 意粉配煙燻蕃茄辣椒汁, 煙燻過的蕃茄味道與別不同, 朋友以為是甘筍汁 😆 相當特別!香煎盲鰽魚柳 $298魚柳質感不過不失, 可以再滑一點 😅 魚的味道較重, 外皮微脆, 配料有薏米, 藜麥, 墨西哥辣椒莎莎, 非一般會用的配料, 喜歡與否見仁見智, 但絕對新穎! 😬車

好耐無去迪士尼樂園探索家酒店。今日有空行入去，見到芊彩餐廳電子屏幕打出個探索家朱古力火鍋宣傳廣告。入座後才知這個朱古力火鍋，每日只限在下午3:00 至 5:00。打開餐牌後，可以一人食用。每位是$300加一。個火鍋包埋個輕食。可以揀印式烤雞肉薄餅或牛肉意式麵包。我個人唔食牛。所以選擇食印式烤雞肉薄餅加熱朱古力。杯熱朱古力，造型係 Linabell。好可愛。好香濃。天冷飲熱朱，好暖。個朱古力火鍋配料有馬卡龍餅、士多啤梨、餅乾及棉花糖。個雪糕杯係放係冰鎮杯上面。可以保持雪糕新鮮度。因最近剛看完樂高商業冒險之旅一書。明白樂高創辦人在設計玩具上留給後輩的名言。他説所有成人內心都是小孩子。切勿因長大後忘記最初的快樂。今日我將朱古力火鍋反轉傳統食法。由點朱古力醬到入口改成自行創作出精美雪糕杯。將全部配料當作樂高積木方塊。將浸過朱古力醬既餅乾，配搭成DIY創意雪糕杯。打完卡後，再食自家設計雪糕杯，好美味。個自選輕食係印式烤雞肉薄餅加炸薯條。個薯條金黃色，好脆。個印式烤雞肉薄餅好美味。烤雞肉混入沙律，入口爽口。烤雞肉質美味。埋單後發現單據上，有一項可以換取星航圖咖啡廳出售的朱古力火鍋套裝。只要消費滿$

哎吔，今次行過呢間餐廳，真係打開咗我嘅味蕾之門！俾我話你知啦，佢地嘅炸飯團🍙，外層炸到口感夠晒香脆，入面嘅飯又軟綿但仲保持住啲彈性，每一啖都有驚喜，真係食落過癮！而家講起嚟仲似夢一樣！啲漢堡🍔同薯條🍟都算素，得啖好食，但呢，個Afternoon Tea Set就真係頂級享受！已經有好幾回我夢返去食佢！打邊爐嘅蛋糕仔外面香滑，入口即化嘅口感，簡直係精緻得黎又平民，攪到你心思思想再去！而個慕絲蛋糕，望落好精緻，食落去鬆軟，味道溫和，真係服咗佢。喺呢到食嘢嘅經歷，真係足以喚醒一個食客所有嘅味覺細胞！搵食嘅路上，總會有意想不到嘅驚喜啵，而今次呢度就係其中之一！下次再過嚟，我肯定會再仲點一份飯團，多谢晒啦！👏🏻🍰🍽️

今年同平安夜寶寶細佬👶🏻去咗 芊彩餐廳 食聖誕大餐慶祝生日🎂🎉🔸龍蝦帶子芒果馬賽克沙律(黃金紅菜頭，田園沙律，石榴，熱情果)🔸曼哈頓周打蜆粟米湯主菜二選一🔸火雞卷，金門火腿酥烤新薯，時令蔬菜，火雞燒汁🔸牛肉二重奏炸牛小接丸子，烤牛柳椰菜花泡泡脆薯杯，時令菜，松露燒汁聖誕甜品精選🔸栗子蛋白，士多啤梨朱古力脆脆蛋糕，蜜餞雜莓環境靚就唔使多講，職員服務都好好，知道小朋友生日，為我地嗰甜品插上生日咭

食物精緻、味道良好，米奇特飲好得意。服務人員態度好好，細心介紹每款菜式，意粉、pizza味道好，甜品是米奇造型，好得意，環境又靚又舒服，餐廳氣氛濃厚，難忘的一餐生日飯。

難得去迪士尼探索家酒店staycation，決定去試一試酒店的西餐。我們叫了牛扒和豬扒，牛扒分別叫了三成熟，牛扒上面亦都有清晰嘅標誌，寫明這塊牛扒是三成熟，點不知牛扒切開是10成熟，而且牛排的肉本身非常硬身和粗糙，整塊牛扒都十分難吃，用了六百多元感覺像買了十幾元的cheap牛扒！令我們非常失望！豬扒質素亦很差！又硬又乾！切開一啲汁都冇，豬扒上面既汁亦好似普通平價扒房既蒜蓉汁，想像唔到一間迪士尼嘅餐廳質素會如此差！青口又凍又冇味，旁邊附送嘅炸蝦粒，想像唔到炸蝦粒竟然係由一隻普通size既蝦切開3-4粒！？有沒有這個必要？一間迪士尼酒店竟然如此節儉！最後南瓜湯亦是沒有味道！一點也不濃郁，感覺用了很多水去開稀！非常差！一定唔會再光顧迪士尼的餐廳！