艾卡邁

Fafafoodblog為食花太郎 Ekkamai (Official) 🍴招牌泰式蟹肉炒飯138 蚊蟹肉味好香 蛋炒得好乾身 飯粒分明 正🍴泰式雞肉炒河粉 98 蚊雞肉厚身彈牙 河粉好彈牙同帶d晶瑩狀 仲有粟米仔 蘿蔔 菜一齊炒 牆有口感 🍴泰式豬肉碎沙律 98 蚊就係泰式生菜包 洋葱 辣椒連埋juicy豬肉碎 用生菜包包住食 好有口感🍴泰式豬肉串 3 串 68 蚊豬肉串燒得熟得黎又夠肥美多汁唔會乾 配埋酸同有香草味既醬汁 好惹味🍴凍芒果沙冰 48 蚊芒果新鮮 凍冰冰 襯泰國熱野食🍴珍多冰 30 蚊有大樹菠蘿 同椰汁 好香甜見d野幾好食同整得同平時大排檔既風味唔似 係比較整靚d 甘 就問問 原來個廚做過好多酒店同埋喺le cordon bleu school學過野#泰國菜 #豬肉 #雞肉 #炒河 #炒飯 #生菜 #蟹肉Score 平均分<8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#ekkamai旺角通菜街36 號地下~~~~~~~~~~~~#fafafoodblog #為食花太郎 #fafafoodblog旺角====================…查看更多

雖話香港飲食市道唔太好，不時有餐廳結業嘅新聞，正所謂有人辭官歸故里，有人漏夜趕科場，亦有不少新開嘅餐廳。今晚同老婆嚟到「女人街」嘅「艾卡邁」，除新開無耐之外，因為睇到網上資訊，知道大廚喺法國藍帶廚藝學校學過藝，又晌唔同大酒店做過，自然多份興趣想試。走進餐廳，睇得出一派泰國街頭大排檔風，環境乾淨企理，牆上貼滿泰文海報、商品招紙……等等，氣氛輕鬆。而啲餐具、上菜用嘅碟……等等，同樣好街頭！由於餐櫈喺啲方形木櫈，唔方便擺袋、擺背囊，所以，每枱下面都有個竹籃，俾客人擺嘢。枱上放咗好些調味料，當然地道嘅泰國醬料就更加唔少得，而餐具放晌鐵盒之內，感覺會衛生好多。餐牌就一大張A3印晒所有菜式，仲有一張喺推介，另一張喺其他飲品，中英泰文，亦有晒「冧把」，最正喺無加一嘛！而侍應都喺泰國人，佢哋之間溝通講泰文，但廣東話亦講得好正，落單唔怕溝通唔到，而且，亦好好禮貌:)。泰式青木瓜魚沙律 $78除泰國青木瓜，仲有甘筍絲、車厘茄同有啲生菜墊底，青木瓜絲、甘筍絲口感爽脆，醬汁酸酸辣辣，頗為開胃，不過，辣度幾勁吓，至於魚晌邊度？細問之下原來喺醬汁加咗啲發酵過嘅魚嚟做，帶微微鹹香味。泰式豬肉沙嗲串 $68沙嗲串有3串、6串可揀，得兩公婆嗌3串就夠啦，燒得靚仔，焦香吸引，入口確喺做到外脆內嫩，油脂豐腴，沾上特調醬汁，味道更豐富。不過，部份肉就肥多瘦少，就唔太對老婆胃口，我就OK，膽固醇萬歲。青咖喱雞＄88泰式咖喱一向都非常有特色，今次就揀咗個青咖喱配雞肉（仲有牛肉、豬肉可揀），個青咖喱同樣辣度有番咁上下，幾香、幾惹味，有微微椰香，而雞肉軟腍嫩滑，裡面仲有唔少豆角同茄子。本應叫咖喱，最好就搭啲薄餅撈汁食，不過，我哋揀咗個炒飯，打算用嚟撈汁。招牌泰式蟹肉炒飯 $138好幾款泰式粉麵麵想試，不過，呢款炒飯標注為招牌菜，自不然秤高少少。份量十足，個炒飯本來已炒得好有一手，飯粒分明不油膩，而飯內嘅蟹肉亦唔少，頗為鮮甜，加埋唧上少少青檸汁去提味，有份清新感，更好食。龍眼冰 $28雖然有供應芒果沙冰，但今次揀番龍眼冰，貪其清潤，糖水有份蜜香，啲龍眼亦香甜好食，而一邊飲住凍飲，一邊食住啲辣嘢，除幫吓小弟解辣之外，有種冰火之感，特別過癮。越晏越多客人，估計有啲慕名而來，但有啲明顯喺鄉里嚟捧場，因為喺泰文交流，所以，唔望出女人街，真喺有少少錯覺嚟咗泰國喔！…查看更多

旺角通菜街向來多地道美食，今次黎左呢間新開無耐的泰國🇹🇭餐廳，裝修都好有泰國風情，於是入嚟試吓印度薄餅薄餅香口酥脆，吃下去亦不會太油，蘸咖喱醬一流！黃咖喱配牛肉 黃咖喱不會太辣，牛肉味亦很濃郁仲有少少配菜：爽脆青豆招牌泰式粉絲焗蝦煲粉絲屬於偏淋身，吃下去幾有彈性蝦🦐size都好大隻，蝦肉彈牙蝦頭仲有微微甘甜的蝦膏味～泰式雞肉沙嗲串雞肉嫩滑，表面沾上濃郁的沙嗲醬旁邊配上自家制的醬汁，但個人建議不用額外蘸任何醬汁都食得出其鮮味泰式炒通菜通菜新鮮翠綠，師傅炒得好有穫氣，吃下去尤其惹味凍椰子水即係椰青🥥喝下去新鮮清甜，在這個炎炎夏日尤其解渴泰式奶茶（熱）平時飲開凍嘅得，今次一於試吓熱飲好濃郁嘅茶膽香～很順滑…查看更多

之前喺隔離買巴斯克蛋糕個陣已經有留意到呢間泰國餐廳🙂‍↕️見佢地有做午市就決定試一試😋聽聞廚師係一位藍帶廚師，喺Le Cordon Bleu到畢業既，亦曾經做過好多間酒店既主廚🤩我相信佢嘅廚藝非常有保障😋入到去全部都係泰國人，聽到佢哋溝通都係用泰文，女店員非常有禮貌，仲好好笑容🥰食飯都食得開心D🤣所以就叫左好多野食🤣我一個人叫咗八樣，我都覺得好癲🫢見佢地夜晚好多人，中午就反而無咩人，想試可以中午去🤣👉🏻N1 泰式炒金邊粉(蝦) $78✨金邊粉炒得啱啱好，唔會太軟太硬。每一啖食落口都好入味，酸中帶甜，非常開胃。蝦食落口新鮮彈牙，仲食到佢既鮮甜味😋喺金邊粉上面吱少少青檸汁，令味道更加有層次感。成碟金邊粉食落唔會太油膩，味道濃郁，恰到好處，份量啱啱好，加埋小食同野飲都夠哂飽肚😋👉🏻N5 冬陰功湯金邊粉 $78✨本身以為唔係好大碗，點知其實都好夠飽🙂‍↕️冬陰功湯酸辣夠味，但唔係死酸，飲一啖已經感覺到口水開始分泌😋本身以為炸物係炸腐皮，點知原來係餃子來！好似炸皮餃子咁樣，肉少少，但係肉味好出，皮就算浸左湯都好食🤤本身其實唔好冬陰功，但都覺得好食。冬陰功唔係即食，湯已經比麵索左好多，但係D麵竟然仲可以食到濃湯嘅味道👅可想而知原本有湯個陣係幾好食😋 D辣味係條脷到有餘韻，魷魚鎅開晒花所以好入味，隻大蝦係索索聲，好鮮味👉🏻A1 泰式炒通菜 $38✨食落惹味爽口，好有鑊氣。通菜既調味令到我愈食愈想食，本身自己唔鐘意食通菜，但都可以自己一個食哂😋份量適中唔多唔少，如果自己一個都可以食得哂🙂‍↕️👉🏻A2 泰式酸辣鳳爪 $20✨其實鳳爪我都係唔食既🤣但一場來到就試下。鳳爪食落口酸辣開胃，辣得來唔會嗆喉，好有泰式特有既味道，層次分明，食落涼浸浸咁，好啱夏天無咩胃口個陣去食😋鳳爪入味，骨都去得好乾淨，食落軟嫩爽口，膠質豐富，咬落嗦嗦聲，都幾好食🙂‍↕️👉🏻A4 泰式炸蝦餅 $25✨外層望落金黃酥脆。雖然係炸，但食落口唔會好油仲好脆🙂‍↕️入面既蝦肉彈牙爽口，鮮味十足，咬落好紥實，唔會鬆散。點埋泰式甜辣醬來食，就更加襯托到蝦肉既鮮味，整體味道恰到好處同好夾，食完一啖想再食多啖😋👉🏻燒雞翼（2串) $48✨正所謂，燒雞翼～我鐘意食～呢份燒雞翼非常得我心。雞翼外層燒到金黃同微焦，雞全翼大大隻，聞落好香，賣相都非常吸引。雞肉食落口鮮嫩多汁，燒既火候啱啱好，唔會乾柴，每一啖都食到有肉汁，同埋唔會好油膩。點埋隔離既醬汁食就令到成個味昇華，酸辣得來仲有少少蒜香，完全吊起左雞肉既味道，中和油香之餘仲令人覺得食指大動🥰👉🏻芒果糯米飯 $68✨一上枱已經睇得岀係大份過外面賣既芒果糯米飯🙂‍↕️食落口好香既糯米味傳岀來，口感軟熟，唔係雪到硬個種，溫度微溫，芒果就偏凍，糯米飯同芒果一齊食就好似冰火兩重天咁🤣芒果大舊，唔酸，唔會係甜到爛個種，有口感，成份野都好好食👉🏻凍芒果沙冰 $48✨芒果沙冰大杯，飲落好smooth，唔會有碎冰既口感，芒果味都幾濃，唔會覺得有溝水同加糖漿😋…查看更多

🇹🇭旺角新開泰菜驚喜發現 廚師團隊來頭唔少 有係多家酒店入廚經驗仲要係藍帶畢業🎓 全店泰籍店員講緊純正泰文 未食已經感受到濃濃泰國風情🌴必點泰式脆皮豬肉炒金邊粉🐷 脆皮豬真係無得頂 咬落咔嚓聲 完全無油膩感💯 金邊粉炒得乾身又彈牙 灑上泰式辣椒粉🌶️ 酸酸甜甜帶微辣 味道層次豐富👑泰式青木瓜魚沙律清新之選🥗 青木瓜同甘筍絲爽脆到不得了 最特別係個「魚」原來係用魚露混合發酵魚整成🐟 咸香鮮味同清爽蔬菜形成完美對比✨泰式豬肉串燒肥瘦比例剛剛好🔥 肥肉部分燒到香脆流油 瘦肉保持嫩滑🍢黃咖喱炒軟殼蟹🦀 軟殼蟹炸到酥脆 連殼都可以食埋 黃咖喱溫和香濃🥘 椰奶味突出完全唔辣 送飯一流🍚飲品推薦青檸梳打🍋 酸甜清爽 完美中和濃味菜式 飲完成個人都refresh晒💚📍艾卡邁 (旺角通菜街36號地舖)#旺角泰國菜 #藍帶廚師 #泰國人主理 #脆皮豬金邊粉 #黃咖喱軟殼蟹 #青木瓜沙律 #泰式串燒 #地道風味 #香港美食 #泰菜控…查看更多

店舖地理位置方便。餐廳主打街頭風，裝修簡約舒適、舖面乾淨明亮，枱面放滿泰式調味。大廚藍帶學藝、有酒店經驗。店員友善、好態度。餐牌易讀，選擇豐富。 ✦ 招牌泰式蟹肉炒飯 特色菜之一。出菜快，鑊氣十足，份量多。炒飯炒得好乾身、粒粒分明。蟹肉量多、鮮甜。最得意係每啖會咬到一粒粒甜甜似糖嘅顆粒，更加吊出份咸香。 ✦ 海鮮冬陰功麵冬陰公酸辣開胃，偏酸。配搭大蝦，青口、魷魚、菇菌等，材料新鮮，特色大蝦同魷魚爽彈、鮮美。河粉爽滑、有口感。 ✦ 芒果糯米飯熱上，上枱仲出緊煙。糯米飯煙韌、芒果香甜多汁。 ✦ 芒果沙冰非常濃郁，感覺食緊鮮芒果。沙冰幼滑、冇冰粒。值得一試。 ✦ 龍眼冰龍眼香甜、糖水有蜜味，微甜解膩。…查看更多

餐廳裝修充滿泰國曼谷街頭風情，一入去就好似瞬間去咗旅行咁，氣氛滿分！最抵讚係餐廳唔收加一，價錢親民。🥗 泰式青木瓜蛋沙律酸酸甜甜，非常開胃，青木瓜絲爽脆，味道正宗！🍢 泰式雞肉沙嗲串燒得香口，雞肉嫩滑，沙嗲醬濃郁惹味，必點！🐟 泰式燒鯽魚呢個真心推介！鯽魚超級肥美大條，外皮燒到香脆，裡面肉質保持鮮嫩，點上特製醬汁，真係滋味無窮～🍜 泰式雞肉炒河粉鑊氣十足！而且雞肉量超多，大大嚿，絕對唔會孤寒，食到好滿足！🥤 泰式凍粉奶茶打卡必點！粉紅色好靚，唔止賣相吸引，味道亦都好正宗，甜度適中。🌟總結來說，呢間泰菜絕對係高質抵食，以後想食地道泰國菜，真係吾使飛去曼谷。…查看更多

最近喺元朗發現一間新開嘅泰國餐廳，一入去就好有feel！牆身係復古鐵皮＋霓虹燈，仲有泰文路牌做裝飾，好似置身曼谷街頭小巷🍜 泰式船麵（牛肉＋蛋麵） 湯底濃郁香料味重，微辣中帶少少甜，牛肉炆得好腍，入口即化；蛋麵煙韌彈牙，吸晒湯汁，食落好有層次感。🐷 泰式烤豬頸肉 外皮微焦，肉質爽口唔韌，油香十足，配埋酸辣醬一齊食，鹹香酸辣交錯，超開胃！🦐 泰式炸蝦餅 外層炸得酥脆，咬落去蝦味濃郁，唔係粉多蝦少嗰種，蝦肉扎實，配甜辣醬一齊食，簡直係小食界神級！🥭 芒果沙冰 芒果味超濃，唔假唔水，沙冰打得夠滑，入口清甜透心涼，係完美收尾！…查看更多

餐廳乾淨闊落有打卡特色牆藍色鐵閘打卡真泰國人主理泰國菜味道好過癮職員都係泰國人好有禮貌啊！🍚 黃咖哩炒軟殼蟹軟殼蟹炸過好香脆咖哩醬包住內軟外脆效果口感好豐富！讚！黃咖哩辣度最低的咖哩香料味好濃郁 帶甜味絕對要加飯/加薄餅配咖哩🍚 泰式大蝦炒金邊粉金邊粉甜甜地好開胃大蝦大隻 非常彈牙芽菜好粗好爽口有少少蝦米鹹香味道好夾🍚 泰式豬肉串醬汁酸酸甜甜豬肉醃過 鹹鹹地配醬汁中和味道剛剛好 有少少煙燻香肉汁好彈牙🍚 泰式雞肉沙嗲串沙爹醬汁好濃香口雞肉好嫩有微微香茅香味配合一起將雞肉味道昇華🥤泰式凍粉奶茶泰式奶茶味道偏甜粉紅飲品打卡好夢幻🥤泰式椰汁冰好香濃椰汁味飲品比較甜配咖哩濃味食物:)中和口腔重味剛剛好原本仲想試蟹肉奄列樣樣份量都好足唯有留返下次試下…查看更多

最近試咗呢間新開嘅Ekkamai❤️ 餐廳由泰國人主理，廚師曾任職多間酒店，仲接受過法國藍帶廚藝學校 Le Cordon Bleu Dusit School 培訓，將地道泰菜以更精緻方式呈現🥰🌶️ 泰式酸辣鳳爪沙律 鳳爪口感爽滑，微辣中帶酸香。🍜 泰式船麵配牛肉 湯底濃郁，帶有微微藥材香與牛骨鮮味，米粉煙韌吸湯力強🤤牛肉切片軟嫩入味，炸豬皮咬落卜卜脆。🦐 泰式海鮮冬蔭功麵 冬蔭湯底酸辣平衡；海鮮包括蝦、魷魚、青口等，非常足料👍🏻🦀 泰式蟹肉奄列 外型成個蛋糕咁厚😍 外層金黃酥香，內裡保留蛋漿，口感嫩滑；蟹肉份量足，配上特製甜辣醬，提升整體風味😌…查看更多

旺角通菜街最近有間好有Style嘅泰國菜「艾卡邁」，一入去就感受到濃濃嘅曼谷街頭風味，裝修好Chill，真係好似去咗泰國度假咁！☀️🍖 曼谷特色火山排骨：呢個係嚟艾卡邁嘅必點項目！排骨堆到成座火山咁，超有氣勢！排骨燉得好腍！最過癮係上面淋滿嘅辣汁，勁多青辣椒，酸、辣、鹹、鮮味勁有層次，食到你標晒汗，但又忍唔住食第二件！係真真正正泰北重口味！💥🐷 泰式豬肉碎沙律：好地道嘅泰國菜！豬肉碎炒得乾身，酸辣醒胃，口感豐富，撈埋生菜嚟食，係超級出色嘅開胃菜！🍞 椰子雪糕麵包（泰式茶味）：呢個甜品真係好有創意！將雪糕夾入麵包，麵包烘得脆脆地，雪糕揀咗少見嘅泰式茶味，茶味香濃，甜度啱啱好，夾埋一齊冰火交融，超正！食完辣嘢，食呢個即刻降溫！🥭 凍芒果沙冰 & 椰青水：飲品叫咗凍芒果沙冰同椰青水。沙冰夠晒冰凍，芒果味濃郁；椰青水就清甜解渴！…查看更多

喺旺角通菜街入面，有一間勁低調，唔講都唔知原來隱藏咗一個曾經喺法國藍帶廚藝學院訓練過，又喺多間酒店做過嘅廚師！價錢仲要唔貴，用親民價就可以食到頂級泰國菜🥹！仲要 唔收加一！！😨🫶🏻裝修都以靚靚乾淨版泰國街頭風為主，勁多泰式海報。1️⃣ 泰式蟹肉奄列 $178 （需時15-20分鐘）呢個蟹肉奄列絕對值得等，亦都明點解要等！厚厚嘅奄列 真係要有耐性同時間慢慢煮！奄列一層層好厚，熟度仲要岩岩好，無太生或者過熟🫶🏻。裡面仲有好多粒脆蒜卜卜脆，面頭仲有勁多蟹肉！2️⃣ 泰式雞肉炒河粉 $98同平時嘅中式炒河粉唔同，佢喺炒到一舊舊好得意，有啲似食緊 台式蚵仔煎嘅口感😍。味道都好好味😋！3️⃣ 泰式雞肉沙嗲串$68 及泰式豬肉串 $68嗌咗兩款串燒，兩款肉都外焦內嫩，好香串燒味！4️⃣ 芒果沙冰$48 及椰子水 $40叫咗兩杯嘢飲，芒果沙冰嘅芒果味超濃！椰子水亦都非常清新！…查看更多

呢間餐廳環境好似去左泰國甘，泰國特色街道同餐廳既環境，仲有泰國職員好有禮貌甘招呼客人，我地叫左一碟咖哩炒軟殼蟹，咖喱比平時食既甜少少，軟殼蟹細細隻配咖喱好濃郁。環境乾淨企理，我地叫左呢度比較出名既泰國金邊粉，呢度既廚師係來自多家酒店以及曾經接受過Le Cordon Bleu school培訓，炒金邊粉獲氣好夠，即叫即炒，香噴噴，入面仲有拆好肉既蝦肉，酸甜開胃既味道，炒粉嫩滑口感。另外一碟寬粉配左雞蛋炒香，粉條滑溜好味粗身易食。飲品推介泰奶茶，奶茶味香滑濃郁。炸蝦餅：香脆可口，外脆內軟。…查看更多

行到女人街腳軟，隨手闖入巷仔間泰國菜閒日細細間鋪頭坐滿晒 仲一直有好多人排隊無論師傅定侍應聽口音就知係泰籍海鮮冬蔭公湯  -酸辣度調得啱啱好，唔會過辣搶味湯底濃稠帶陣香茅同南姜嘅獨特香味裡面蝦同青口都夠新鮮，咬落彈牙多汁泰式炒寬粉（海鮮）   -粉條吸晒醬汁，不會太腍亦不會太硬咬落有嚼勁。醬汁鹹甜得宜，帶少少蛋香海鮮料好足，蝦、魷魚、青口都夠大件泰式豬肉碎沙律  -豬肉碎炒得香口，配上生菜酸咪咪辣辣地泰式烤豬頸肉  -外皮微脆，入面肉質嫩到出汁，完全唔會柴醃製得好入味，帶少少蜜糖香，點埋甜酸汁鹹甜夾雜，一口一塊停唔到口凍芒果沙冰  -芒果味濃到像咬緊新鮮芒果冰沙幼細唔會有冰粒，甜度岩岩好，解晒前面嘅辣凍泰式奶茶  日茶底夠濃郁，帶住紅茶獨有嘅焦香唔會被煉奶蓋過味，兩者比例啱到漏最後有陣茶香回甘，解晒冬蔭公同烤豬頸肉嘅辣…查看更多

女人街新開泰菜～廚師係喺Le Cordon Bleu school畢業，喺好多間酒店做過。推薦叫佢啲炒嘢，聽得出同食得出有鑊氣🤭。泰式雞肉炒河粉（$98）嘅河粉口感煙煙韌韌。蘸醬係辣醬+甜辣醬，成兜用嚟撈河粉就啱。仲有隻脆邊半熟蛋！泰式豬肉串（$68）本身嘅調味偏甜，加埋酸辣汁味道好豐富。豬油味好香好邪惡。招牌泰式粉絲焗蝦煲（$168）比起其他地方食嘅冇咁重胡椒辣味，反而甜甜地，同埋八角味好出！凍芒果沙冰（$48）味道好對板，不過隻杯矮得滯，飲得比較論盡🥲。…查看更多