良順興美食 (已搬遷) 新店位置

食咗呢間"飯堂"兩年，先至的起心肝上openrice讚。鋪仔細細，居然有每日精選、每星期推廣同每月精選 3 份餐牌，款款都想食，成日覺得好難揀。今次係讚「紅蔥牛肉意粉」($43) 勁香。炒意粉個汁甜甜地，牛肉本身又偏鹹，夾埋就有火花，配菜d椰菜同紅蘿蔔絲又增加爽脆口感，一句講晒：好味！而且街坊良心價，午餐平均$50以內，最近仲有中湯飲。另外再私人推薦多兩款心水，唔係時時見到，一見我就實會叫：蜜椒薯仔牛仔骨飯，韓式泡菜炒飯。

蜜椒薯仔肉排😍.熱辣辣嘅小菜晚飯呀 很想吃吧😜 細細個最中意食蜜椒雞翼 甜甜地又有香口黑椒味嘅醬汁 好掛住但一直好少喺茶餐廳食得返😆 呢間餐廳menu有每月精選 視乎食材按月轉換 唔會好似一般茶餐成十年都唔轉下😂.食物方面 肉排醃得入味質感鬆化👍 薯仔更係出色 唔會太硬太淋 但仍有咬口 最緊要係每啖都佈滿蜜椒汁 配薯仔實為天作之合😋 支持用心製作嘅小店😜

無骨海南雞。包熱飲。$35油飯香噴噴熱辣辣雞肉嫩滑惹味手撕雞腸粉。$25有得揀辣或者唔辣揀左辣，不過無乜味🤔個味道麻麻地，唔惹味喎細細碟，腸粉唔夠滑，肉有點鞋有點失望，個賣相同張相差好遠首爾雞扒湯麵。$28有雞湯或者酸辣湯揀我當然揀酸辣湯啦，辣的清湯，不會好膩雞扒好正，炸得香脆美味，肉質仲幾嫩滑呢度可加飯架

好好好食，值得推介既一間高品質小食店👍🏻👍🏻👍🏻老闆老闆娘好好人好好傾，惹味手撕雞腸粉，麻醬好香好味沙嗲牛肉麵，沙嗲味濃，牛肉香軟海南雞翼，滋味，檸檬味重，鍾意酸辣不防一試馳名紅油口水雞，夠辣夠麻，正！

尋日見新開張又反晏去食左個口水雞飯同炸燒賣，口水雞套餐好味但份量少左D，燒賣$22/8粒都好好味。店員又夠細心講解，因為我都係住附近上手係做炸雞脾同其他小食，同老闆娘都好好傾所以成日落去幫襯。知道轉左做口水雞都好奇想食下😀

試了這小店2 個主打餸菜，口水雞同海南雞！ 皇牌不愧係皇牌「口水雞」，雞肉不單只是嫩滑，而且入口香辣不搶喉，醬汁香料十足！辣度我覺得不太食得辣都食到！ 我一向鐘意食辣，所以真心推介！ 必試海南雞，看表面平平無奇，一試入口同出面的海南雞截然不同。 雞肉入口嫩滑彈牙，之後你就會發現有陣陣特別炮製過的香料餘香係雞肉內，加上個辣辣地既醬汁更美味！ 誠意之作！再睇睇餐牌，價錢非常實惠！真的希望香港多一些這樣既小店又好味又平！