良記餐廳(老鳳冰室) (已結業)

今日專程去試這裡的出品，中午時份到咗，因為一個人及早到，所以即時有位，招呼可以接受，由於我是一個人，坐了二人座位，不過跟我後入的是四人幫，伙記便問我可否去四人枱搭枱，以便佢地拍座位給後來的四個人，OK啦我唔會阻人發達，不過對於肥胖的我，四人位有點窄。我沒看餐牌就點咗黑松露醬炒蛋及波波奶茶，而落單阿姐就話你散叫？我唔知道叫套餐係咪經濟啲。無所謂啦，送餐時間可以，不需等太久。試咗一啖炒蛋及加埋松露醬，香滑可接受，亦係我期待嘅味道及質感，理應如此。我亦發現枱面放嘅調味品都係品牌。波波奶茶，味道適中，波波冰係用奶茶結成，所以無損奶茶味道。再看四週，好多人叫套餐，碟頭足料，值得一讚。好想試埋件蝦多士，不過我以經飽咗，下次再去。埋單時，建議咗炒蛋如果可以試用咸鯷魚的話，味道更配合，期待。

今日去重回舊地～深水埗站3年前左右剛新開尼間我都以前來過了今日來探舊同事所以來懷念一下嘆番個下午茶店內門面環境設計夠復古，有以前老一輩的影子餐牌設計成一個信封放在一個寄件箱入面仲有吾同地區名添好有心思叫左個以前食過既招牌《蝦多士》$38蝦多士好大份仲配埋沙拉同沙拉醬。蝦肉好厚身足料但炸得吾夠香脆，似係‘番炸’既感覺無口感似食蝦肉餅多過蝦多士平日既時間下午茶配特飲加$14 揀左個《飛仔華田》設計比以前靚左連個啤牌都食得仲有好多cream同朱古力加星星脆片，厚厚既cream好正華田又吾會太甜溝埋cream同脆脆好好味另外叫左兩個下午茶餐《紅魔鬼雞扒包》$28 仲配埋飲品雞扒包比想像中大個，外皮夠脆係平時豬仔包既外皮用牛油烘過雞扒好大個仲要炸過，而且醬汁好惹味似炸雞多過雞扒$28尼個價錢好抵食比起平日既雞扒包大一個碼同事叫個《厚切餐蛋麵》$30 餐肉超厚身，蛋係太陽蛋，不過就真係好普通既下午茶餐尼餐百幾蚊食到好飽係抵食既食物質素也不錯👍🏻同3年餐價錢差不多仲係咁親民不錯的聚腳點

今晚出深水埗買防潮箱，順便又來到老鳳冰室吃埋晚飯。天氣炎熱都唔想食飯，三人行各自精采：芝士雞扒撈丁、芝士豬頸肉撈丁、安格斯牛腩撈丁。特飲加$14飛女可力、飛仔華田、鮮菠蘿特飲。兩位芝士粉絲看到芝士撈丁就大快朵頤，食完都仲要添食，來多碟芝士豬扒撈丁分享，據兩位芝士粉絲說芝士撈丁口感比湯麵濃郁，雞扒香口、豬頸肉滑，豬扒則比較多油是美中不足！佢哋嘅特飲飛女可力、飛仔華田外型就真係贏哂咯！我的安格斯牛腩撈丁&鮮菠蘿特飲像我，實而不華，夠火喉的牛腩撈丁帶微辣，夠味道而不偏鹹，加埋半件甘香牛油厚多士，我已經夠飽了！吃過牛腩再飲鮮菠蘿特飲，真是有一環扣一環之美！

是日又係4點先有時間食lunch 😣😣今晚dinner 9點先有心情食😥😥去了#老鳳冰室 食個香蔥叉燒花枝炒滑蛋飯，配一杯特飲#波波奶茶 🍸我真係雞蛋fans去度邊都會第一時間想起雞蛋，睇下老鳳冰室將飯放在一個藤籃式的碟上抬，又幾得意喎😁😁味道方面有驚喜，因為豉油汁是微辣的好惹味😉炒蛋好香滑，叉燒合格啦～點解要配花枝呢？新配搭創意嗎？哈哈~加上花枝都算夾嘅👌🏻ok la。飲品我可能對特色奶茶上癮了，今次似波波奶茶，茶味濃奶香滑好夠味，我鍾意😋😊

黑松露炒蛋多士 ($38)同澳牛有啲似，個蛋好大份好滑，加埋黑松露更加無咁單調，重點系啲黑松露多到呢！肉夾饃 ($38)麻麻去，有啲乾。☕️☕️原味波波奶茶 ($24)好似奶茶沙冰咁，夏天飲最啱。我有敏感牙齒，都停唔到食佢個奶茶波。就系呢兩個奶茶波令成杯野飲濃郁好多，奶茶味好重。飛仔華田 ($20)上面有層cream令到成杯野更加甜，不過甜度適中。呢款野飲會定期出不同款，會on top加不同topping，都幾得意。

首先，成間餐廳嘅裝飾好復古，仲好多影相打卡位😍以下呢個係紅豆冰，上面有好cream 同埋有三粒雪米池，廿幾蚊有呢個質素真心唔錯。😋呢個海鮮焗飯真心好推介，啲芝士同飯好夾，唔會太膩👍🏻重點係好足料，好多餸。以下呢個係滑蛋豬扒飯，上面有木魚花同沙律醬，味道雖然有少少重口味，但個味道真係好夾😋😋另外，豬扒外脆內軟，好香口。飯量都多，細食嘅女仔就未必食得曬啦🤤今次食嘅野全部都好值得推薦，完全無伏😍😍

所謂冰室就是老香港對茶餐廳的舊稱呼，而位於九龍深水埗基隆街的超人氣地道新派茶記「老鳳冰室」正正就以傳統冰室為主題的懷舊茶餐廳。深水埗有不少餐廳，而老鳳算是我光顧過比較有特色的一間，其特色之處除了食物之外，室內所有裝飾品都能營造出一種復古感，整個餐廳都充滿玩味，連餐點名稱都非常趣緻。從色彩繽紛的門面、懷舊味道的鐵郵箱、富情懷的八九十年代相片、發光的霓虹招牌，舊式遊樂園，以新派的裝潢襯托出懷舊的色調。令大部份首次光顧的客人坐下之後都會周圍望周圍睇，慢慢欣賞這裡的擺設。唯獨餐廳地方細，空間比較迫，而後欄的衛生環境極差，希望店家注意及改善。 廁所照樣鬼馬，什麼「雕漆里」、最強悍的小便方法、沒收小便工具等都叫人發出內心微笑 放在「郵箱」的兩個信封其實是餐牌 特色招牌菜包括原味波波奶茶、黑松露炒蛋多士和焗芝士海鮮保齡球 餐牌搗食字，令人發笑 ▲芝士焗生炸雞脾保齡球 HK$68 ~ 農夫包焗香焗脆挖空中心放入芝士炒飯，配搭大大件炸得香脆的雞扒，皮脆肉嫩，飽肚又好味 「料理農務」 …. 猜廣東話一句常用粗口！ 後欄的

地道新派茶記 老鳳冰室色彩繽紛的門面、懷舊味道的鐵郵箱、富情懷的八九十年代相片、發光的霓虹招牌，舊時遊樂園般，以新派的裝潢襯托出懷舊的色調。芝士雞扒撈一丁配牛油厚多士撈麵首先用出前一丁無得輸，芝士醬汁不稀不稠，剛則好沾著麵條，熱溶芝士夠香夠濃，雞扒熱辣辣新鮮炸起，薄薄的脆炸粉配上有底味的雞扒，最後配多件牛油厚切多士，正！焗茄茸豬扒保齡球保齡球故名思義是一個球體形狀的菜式，烤焗得非常脆口的「保齡球」麵包，一咬非常香脆鬆化，內裡有濃郁蕃茄味的茄茸焗豬，豬扒表面上更有濃濃的芝士，豬扒肉質嫩滑，再底味是炒飯底，最後還有一碗惹味芝士汁，麵包的香口和飯粒的口感，加上芝士醬汁，一浸、一咬！飛仔華田非一般的凍華田，打卡影相必備，華田上加上忌廉已經是奢華享受，當中再加入朱古力脆片、星星脆片，再有一片啤牌狀的草莓威化餅，飲得又睇得。波波紅豆奶茶香滑奶茶茶記冰室必須有的鎮店飲品，當中加以改良，冰粒換上奶茶波波冰，令奶茶愈飲愈濃烈，紅豆增加口感外，也令人驚喜，像飲奶茶版本的紅豆冰。

星期日去嘉頓山行山，想食啲野先出發但又唔太熟深水埗區。係openrice見到老凰好多人like，就決定試下果然，去到門口，真係好好人排隊！我地都等左10分鐘到先有位坐打開menu就被撈丁同焗飯吸引住。我地叫左老凰雞翼撈丁同芝士焗大蝦球保齡叫主食可以配野飲！我叫左波波紅豆奶茶，真係好濃郁，好好飲。間冰室既設計都好靚，雖然地方細，有啲迫，但佢既裝飾令人坐得好舒服！食得好開心聽到隔離來自台灣的遊客都讚不絕口！

今日要過深水步做義工，於是上網search下有咩好食～而家好少出呢邊啦.難得過嚟梗係試下新野見到呢間食評講到好吸引😂😂😂就嚟試一試佢過到嚟剛剛中午1點～等左10分鐘左右有位喇～因為趕時間所以一早諗到食咩我嗌左佢個 茄湯大蝦通粉，我fd就嗌左牛肉～本身我都想食牛肉 不過見大蝦嗰個配奶油脆豬.而我係好鍾意食呢類野所以即嗌再嗌埋佢個飛仔華田😍😍😍首先講下個通粉.真心個湯夠濃夠味～再mix埋d芝士好正！不過d蝦我食到有少少霉味🤭 不過我都覺得佢呢個通粉可以推介🤗然後奶油脆豬 真係無得頂！我食過好多間，但呢間真係做得好出色！夠脆 全塊包都食到奶油牛油！ 但又唔係話爆醬爆到好甜😝再嚟個飛仔華田！我地都覺得好好味呀！ 佢杯華田mix左d穀類早餐😂然後個華田味唔會淡 又唔係太甜！最衰係我地趕時間要狼吞虎嚥吞落去...無得慢慢品嘗....但真心覺得值得再去！

在網上看到撲克牌造型的威化餅，衝着這杯飲品而來，想不到還有其它美味的食物。如登場舞台般的大招牌，在入夜後漆黑的街道上引人注目。裝潢加入舊時香港元素，如牆上的掛畫、懸掛的裝飾、桌子附近的郵箱和餐牌等，是一間以老香港為主的主題餐廳。這間主題餐廳不僅僅着眼於室內外裝飾，還在餐牌中加入老香港的特色，如飛仔華田和飛女可力等，別具創意。來到冰室當然要點例牌通粉，故選了芝士大蝦球濃茄湯通粉跟奶油豬($58)。這裡所用的是扭紋通心粉，表面的紋可吸收更多湯汁，吃時更入味。不同一般冰室餐廳提供的滑面的通粉，難以吸汁。湯底有茄蓉，蕃茄味濃郁，湯面上的芝士甚多而濃，配上有嚼勁的通粉，不論口感和味道都很出色。大蝦爽口彈牙，一碗有四隻。奶油豬即叫即製，上桌時牛油和麵包的烘味香氣四溢。咬下去又熱又鬆化，中間塗上的牛油為烘後的乾麵包帶來濕潤，令奶油豬脆中帶牛油的軟香。普通的一件麵包也能製作如此出色，實在難得。點一個通粉，可加錢跟飲品。雪糕紅豆冰(+$16)與一般的紅豆冰不同，這裡加了三粒不同顏色的一口糯米滋和一塊撲克牌。留意撲克牌中間的押舖牌，寫的是餐廳的名字，證明是這裡獨有的。想不到與紅豆冰看似不相關的糯米滋、撲克

去得茶記，當然想食茶餐。呢間已經幫襯過3次了。不過第一次寫食評，因為次次有“驚喜”。叫左個飽魚火腿絲湯意粉，本身係通粉，但我比較喜歡意粉。有條菜，最好多一二條啦！餸好正常，都幾好味。最驚喜意粉，佢似天使麵粗度，但又係夠爽身，湯味亦好好食。多士一向都係my favor,所以無話可說。而黑松露炒蛋，個蛋夠滑，黑松露又夠足料。呢到茶餐，係唔包飲品嘅普通飲品+$8，特飲+$14。我見只差6蚊，就叫左飛仔華田，但太多cream，不過加左脆脆，好味。個塊啤派又一驚喜，係威化餅黎，無味，但睇賣相夠晒。整體好味，亦有驚喜，第一次食下午茶，唔記得食乜，但仲之覺得正嘅。對上一次早餐個雪茶肉絲米已經覺得整得好入味，今次個意粉亦比預期好，一般茶記意粉又粗又林左少少，呢個好正。埋單$56。值嘅。

又係黎深水埗搵食，今次上openrice搵下有咩正茶餐廳，因為一心想食沙嗲牛肉麵，最後揀左呢間一入黎，獨特復古裝修的確令人對餐廳加分，無論櫈，餐牌，就連放糖既樽同放餐牌既袋都特別過人，真係要慢慢欣賞講返食物，我當然叫左沙嗲牛肉麵，早餐腸太陽蛋多士同茶走，今次決定先苦後甜那碟腸仔蛋真係，其實簡單一條廚師腸已經好好，呢到條腸仔又咸又細條，真係扣分因為佢到期待既沙嗲牛肉麵，真心正，一來佢個麵好夠份量，同一般茶餐廳差左成半，跟住啲牛肉亦唔係大部分茶餐廳既“碎“牛，呢到係大大片，仲有起碼5片，搭多條菜，真係正，但同行朋友嫌佢唔夠沙嗲味到茶走，夠濃夠香夠滑

今日同太太夜晚去開深水埗逛黃金買game，順道去下呢間同事介紹嘅懷舊冰室試下。夜晚差不多7點半到，都幾旺場，不過都係等左3-4分鐘就有得入。一入門口就有好多懷舊嘅poster(見到可口可樂都眼前一亮！)同霓虹燈，成個架局都顯得好有心思。而餐牌就設計成信咁入落個懷舊信箱到，幾過癮的。食物方面我地就叫左2個餐，沙爹牛公仔面同芝士豬頸肉撈丁沙爹牛公仔面啲沙爹好香濃，公仔麵淥得剛剛好，唔會太腍，唔錯唔錯。至於芝士撈丁個芝士醬非常稠密濃郁，唔係好鹹，熱辣辣食散發出香濃嘅芝士味，豬頸肉就煎得剛好，配埋撈丁的確一流。另外我地仲叫左個老鳳10大必食嘅蝦多士，蝦多士用兩塊麵包中間夾著蝦滑沾上麵包糠炸， 炸到相當乾身，外脆內腍，唔會太油膩， 配上沙律醬，中和油膩嘅感覺。飲品方面就叫左杯雜果賓治同飛女可力，雜果賓治個糖水可能我唔係太喜歡，有點葯水嘅味道，不過又唔會好抗拒，最後都係一滴不漏><，而太太個杯飛女可力，聽個名就過癮，成杯飲品有食芭菲呢感覺，插住張飛女啤牌，店員仲好有心提醒你食左個張啤牌先以免變腍。加左cream嘅可力，飲完都幾飽，哈哈!

願心中那日記隨年變厚... 入到冰室，不停播出懷舊金曲，加上冰室的裝修及佈置，令人好有感覺，就好似有一幕一幕七十年代的電影場景湧現腦海。除冰室環境吸引之外，連餐牌及內裡的食物名稱亦同樣吸引。服務員親切笑容，態度有禮，還告知餐牌上是廚師設計的套餐。我試了"XO醬鮮菠蘿魚餅海皇炒飯" 外觀已很吸引，味道亦相當好，炒飯乾身唔油膩，我最鐘意XO醬內的魚乾仔有鹹香味，鮮菠蘿又甜又多汁，魚餅彈牙有口感，仲有好多海鮮 (鮮蝦、魷魚、魚塊...)，鮮味十足，配埋餐湯及"巨峰梳打"，非常滿意。另外，老公試了"芝士大蝦球濃茄湯通粉" 湯底好惹味，"奶油豬" 香口鬆化，"原味波波冰鎮奶茶" 好欣賞粒波波冰係用奶茶製作出來，好有心思。