影片
以上資料只供參考, 請與餐廳確認詳情
無華麗嘅裝潢、高級嘅食材,只有張鐵檯幾張膠櫈,但原來已經係土瓜灣多年,深受街坊們歡迎,串燒價錢每串都只係10幾蚊(最貴都只係原條燒茄子$2x/30左右)相當親民..每樣都係即叫即燒,雞全翼/雞中翼係必點之物,透過膠窗口位全程睇住老闆燒非常有feel.蔬菜類必點: 韮菜、翠肉瓜、冬菇, 燒到非常惹味之餘仲保持到水份,翠肉瓜咬口依然非常爽脆,配合辣粉調味非常香口🤤👍🏻更加唔使講,每逢食港式串燒必點,蒜蓉辣粉調得剛剛好👍🏻驚豔到我有個扮abc聲稱未食過燒茄子嘅朋友🤭🤣.🔥10幾蚊有勁多!嗜辣朋友唔好錯過！每條都辣到噴火…食唔到辣嘅朋友奉勸不要勉強🤭.($10兩條)如此平凡嘅廚師腸係老闆手下係如此滋味,做到好似去bbq燒嘅一樣,塗上了蜜糖另再加辣粉👍🏻.話明街坊小店,除左串燒外仲有多款小食如燒賣,茶葉蛋,蛋炒腸粉(只係$15 一碟),仲有糖水都只係$15碗😲👍🏻.正所謂雅俗共賞, 食串燒唔需要次次都去啲高級備長炭端爐燒廚師發辦,有時偶爾係小區甚至街邊啲串燒檔,都可以帶俾你不同嘅體驗,獨有嘅港式情懷👍🏻
繼續閱讀
呢間串燒店由細食到大，係由兩公婆開既人情味小店呢間野選擇唔少，豬牛雞腸仔同唔同嘅蔬菜咩都齊，最緊要係價錢比其他串燒店平d，味道很不錯，食多幾串都唔會肉赤更重要係即叫即燒，仲可以打電話落單先，唔使企喺度等！
繼續閱讀
本來真的不想公開這間隱世美食小店，因為一直也是我們的宵夜心頭好。每次到訪土瓜環，良記必然是晚餐宵夜之選。燒烤菜品大部分也嘗過，推介燒茄子、韮菜、雞軟骨、台灣腸、魚皮餃、豬腩肉，另外雞全翼更是一絕，配上椒鹽辣粉甚是美味。除了燒烤以外，推薦大家試試茶葉蛋，濃濃的花椒八角香氣樸鼻。由於燒烤需時，如不想等候太久，可先致電給老闆或老闆娘下單，然後半小時左右自取即可。外賣當晚發生小插曲，有位男士買了一盒生雞蛋並要求老闆贈送茶葉蛋作試食，本人與友人非常不䎵此等行為，其實兩位老人家經營小店也以良心價售賣實屬不易，請不要再有意無意套取這種劣等小便宜，為老人家製造不必要的壓力！
繼續閱讀
翠玉瓜、腐皮角、黑椒台灣腸、雞中翼、雞脾菇、虎皮尖椒、凍綠豆沙、可樂一罐成為$89😍老闆、老闆娘好人佢話做街坊生意所以咁平🥰‼️要多D來幫襯呢間小店😍🥰‼️呢間小店比起紅磡嗰間X味街還好,食物新鮮,而且仲係即叫即燒🥰‼️假若只看這小店的招牌、門面及看似沒什麼人幫襯（因疫情關係）🤦‼️那麼就錯過了這檔好味串燒了‼️6串串燒+綠豆沙+1罐可樂比一百蚊找返$11蚊真係好抵😍‼️會再來試試今次冇吃的
繼續閱讀
自從有次試過燒雞翼之後就成日過去幫襯，大件夾抵食😝，12蚊就食到超香口，juicy 嘅燒雞翼。上星期約埋個frd一齊去食，叫咗翠玉瓜，牛油粟米，四季豆，雞軟骨，腩肉，等 埋單100蚊有找¥，每串份量都唔少嘅。味道方面都相當唔錯🤩腩肉燒到油脂啱啱好，原來翠玉瓜同四季豆燒起嚟都幾好味。仲賣咗枝自家製嘅夏枯草羅漢果茶，飲落去甘甘甜甜，睇嚟老細落足料煲。我哋去嗰日都多人排隊，同埋又係即叫即燒，所以都等咗十幾分鐘左右⋯
繼續閱讀