舢舨海鮮火鍋料理 (已結業)

果晚有班親戚朋友都有開車，但係開車係尖沙咀市中心根本食唔到飯，人又多車又多，就聽其中一個親戚講去佢朋友介紹的餐廳到食飯。我們一去到，條走廊裝潢好古色古香的感覺，上到去又變左另一個現代的世界，我地上去的時間算係早，都未開始有客人，所以就佔左睇電視的好位，我之前的文都有說，我係電視精黎，有電視睇係好開心，一邊打邊爐一邊睇電視，好似係屋企既感覺。唔知邊個親戚朋友好識做，知道我們喜歡吃海鮮就叫左海鮮，好似鹽燒蝦咁，隻隻都有成隻手咁長，好多粗粗的鹽包住蝦身，蝦頭仍然有保留蝦膏，蝦肉咬落彈牙，一D都唔梅，好新鮮爽口。食完之後海鮮咁味仍然留係口腔內充滿蝦味。我地呢班咸精，食完蝦點夠喉，好快就上左咸焗立魚兩條，見到就流哂口水！侍應會上前幫我們打開條魚，好熟手咁將皮和肉分開，我表哥一時貪吃，吃肉夾埋皮來吃，咸到喊哂口，所以只能吃肉就可以了。說到魚肉，肉質細嫩幼滑，魚身、魚尾都味道都一樣鮮嫩，一口接一口都停不下來，只能估唔到一點都食唔到咸味，只能吃到魚的鮮味。食完鹽烤蝦、鹽烤魚之後，個口充滿咸咸的味道，有一點口渴，幸好點了柚子水，平時見到果D好淡色會無味，呢杯深色同好濃味，甜甜的也很解渴，一點也不酸。之後

又一次進行團購試食~!!買團購經驗得知，團購的餐多數都不會有好結果所以盡量會買現金卷團購，同埋買之前到 OPENRICE 查看 RATING呢間真係好新，新到連 OPENRICE 都未有食評今次因時間好趕同埋可以即日訂枱，所以決定一試天文台道真係比較難搵，同埋要上一個長斜坡，有老人家同行既最好坐車直接去吧入到餐廳人流非常少，可能新開的關係吧我們點了薑母鴨湯底，呢個真係值得一贊初頭上了一鍋鴨，心諗即係好似雞煲咁食左鴨先加水打，原來搞錯了，係分開食既鴨件味道不會太濃又不太咸，比雞煲好味得多但跟住又上了一鍋湯底，此湯真係太好味了，大家飲了大半鍋才開始打邊爐是次叫了牛肉、響鈴、餃、凍豆腐、蚌、帶子、芋頭牛肉鮮但份量少一點同貴左少少響鈴新鮮炸出來的味道真係好味好多凍豆腐又係值得贊的，非常錦，吸晒湯人面既精華整體黎講，食物新鮮，味道好，服務都好好但份量較少，相對價錢較貴飲品都較貴呢~~~~用團購平均一人大約 2XX，如無團購的話大約要 3XX 了

在大家偶然把酒之地區，近日開了一家台式火鍋店，大伙兒柴娃娃在初夏廿七八度吃鍋物去。鎮店薑母鴨，幸好大家心情好，喝後無人心火旺燥！其實都幾特別，鴨及湯分別上。先吃炆鴨，原來醬油好濃郁，鴨肉不太厚更入味，明白為何分開吃了，加湯浪費醬汁。店用電爐，火喉又幾足，湯滾燙快。欣賞這處自家炸魚皮，非常香脆，嗦嗦聲嚮亮，無需下鍋吃得更爽，如果要灼下熱湯，秒煞已經足夠，否則失香脆效果！炸嚮鈴同樣香脆，淨吃更好，灼一秒就多啲水份，口感不同，各有各好。載食品個碗有個手挽位，好用又好看！怕熱唔下鍋啲食物都可以食！其他火鍋食品就間間差不多，勝在夠新鮮。

早上一杯熱薑茶，晚上一盆泡腳水，是我近年學會了的養生之道，可惜，實踐不多！不是缺恆心，而是無時間，尤其後者，但薑茶易辦得多，尤其台灣出品不少薑母茶包，方便夠薑。兩年前到台北旅遊，見夜市流行薑母雞，女生恩物，補氣益血，台灣人真懂養生！食友引路，把我帶到尖沙咀旺區邊緣外的天文台道來，去吃香港少有供應的薑母雞煲，原來此店才啟業三個月。踏入店子，裝潢特別，火鍋店位於二樓，走的樓梯木做，佈置有漁夫帽子及用具等。座椅木製，有卡位，亦有私人房間。光顧就為了此道台灣薑母雞，據說大廚亦改良了些，並非完全依台，建立其特色。吃之有序，建議客人先吃炆鴨，後品嚐鴨湯，最後加稀湯作火鍋湯頭，續吃其他火鍋食品。不知道從何而來的鴨子，身軀不肥，件頭不大，主理人告知自有供應商，肉嫩入味，醬料亦是祕方，濃郁滋味，我亦喜歡吃鴨，雖然肉不厚，但就是欣賞近骨的肉有嚼勁，只要不韌，就是成功，加進青蔥蒜子，吸盡精華，可吃好吃。褐黃色湯頭，散發出陣陣藥材味，材料有大量薑、不少黨蔘、雞腳及豬骨丶亦有見不到的當歸。大啖喝下，薑味甚足，濃稠味足，當歸之味不及在台灣喝到的，也許更易受大部分人接受。不膩無味精，味道不鹹，一口喝下三碗，心內滿足