舌丼

營業中

休息中

被在觀塘周邊返工嘅朋友推薦了呢一間藏在工業大廈的牛舌定食，意外唔錯主要分別丼飯系列同埋鐵板系列這次我哋主要叫了鐵板系列，首選日式牛排醬汁，甜甜的同牛舌很搭～牛舌芯拼杏鮑菇拼牛板腱杏鮑菇在鐵板上呆了許久依舊脆爽，牛板腱本身帶著一點點胡椒香味，幾鮮嫩，招牌牛舌芯超厚一塊，幾貼心的切了幾條刀～讓牛舌芯和醬汁更好地融合在一起更加入味！趁熱食幾好味🤤牛舌芯拼鰻魚拼雞扒鰻魚看上幾有食慾，雞扒煎的外表特別酥脆，醃的味道也剛剛好！看的出來每道食物都是有用心在製作！+10元就能換購紫菜🍚，呢間米飯都好食還叫了小食司化力腸～💰12元超大一盤，每一節都切了花，外皮脆脆的，內里很軟糯！性價比超高！吉利蠔同埋芝麻雞翼外表酥脆，內里一咬開，蠔仔嘅汁水就爆了出來～味好鮮！小食隨便叫都好食

朋友最近介紹一間牛舌專門店比我。係觀塘駱駝漆內的「舌丼」。香港比較少見牛舌專門店，所以我同家人就決定試一試。✪ 大虎蝦拼牛舌芯&杏鮑菇套餐包含了主食，麵豉湯，紫菜飯，前菜，沙律。鐵板醬汁揀選了和風鹽蔥汁，增添了一股清爽的味道。牛舌芯的質地嫩滑彈牙，搭配上大虎蝦和杏鮑菇，份量豐富。✪ 杏鮑菇拼牛舌芯&牛板腱揀選了日式牛排汁作為醬汁，帶來了濃郁的牛肉風味。牛舌芯口感軟嫩，牛板腱肉質爽口。 杏鮑菇調味惹味。【 舌丼 】📌 觀塘開源道60號駱駝漆大廈3座1樓R室

鍾意食牛舌嘅朋友千祈唔好錯過❤️估唔到可以用咁優惠嘅價錢食到咁高質素嘅食物👍🏻真係要力推比大家🫡叫左兩個鐵板餐，夠哂鑊氣✌🏻我哋仲升級加錢做套餐，有沙律有嘢食有唔湯！而且牛舌拼嘅款式勁多，又可以揀雞扒，又可以揀鰻魚，又可以揀司華力腸，吞拿魚玉子，大虎蝦等，真係梗有一款啱心水❤️大啡菇拼牛舌芯拼牛舌尖配牛排汁，雙重享受😋牛舌尖彈牙爽脆，牛舌芯香軟林滑😳而且鐵板底有勁多洋蔥絲，真係好抵食☺️牛舌芯拼雞扒&鰻魚配和風鹽蔥汁☺️雞扒又滑又多汁，鰻魚外脆內暖，高質👍🏻我哋再加碼叫埋司華力腸都係加多$12 ，超抵食！下次經過駱駝漆，一定會再嚟食❤️

日式晚餐套餐今天晚上，我和哥哥到位於觀塘開源道的舌丼餐廳吃晚餐。我們點了炸蝦兩隻作為小食開始晚餐。即炸即做，很好味道。接著我們又點了兩個套餐。第一個套餐包括牛舌、雞扒和鰻魚，搭配香噴噴的牛舌飯。牛舌食落味道濃，好正。雞扒和鰻魚也新鮮。第二個套餐則有雞扒、大啡茹和司華力腸，司華力腸特別好味，應該是高級食材與別不同，搭配香氣撲鼻的紫菜飯成碗食曬。最後，我享用了OOHA無糖梳打水，清爽怡人，是白桃烏龍的味道。哥哥就飲了紙包裝的大紅袍烏龍茶。

一向鐘意食牛舌👅，尤其是牛舌芯。 今日見到駱駝漆有間牛舌專門店， 環境好有氣氛，走工業風， 係實而不華的感覺。🍭杏鮑菇拼牛舌芯🐂👅牛板腱鐵板餐送嚟時鑊氣十足， 牛舌芯好奢華，芯身超厚又清爽， 口感豐盈😬，同配嘅牛腱熟度剛好, 完全係香滑無渣。🍭牛舌芯🐂👅拼雞扒🐔鰻魚牛舌無敵之外， 雞扒都好好食喎， 雞皮烤得十分酥脆🌟，雞肉香滑，鰻魚肉呢就油脂豐富，味道甘香，每款都好出色。🍭雞皮餃子🥟，司華力腸，吉列蝦🍤雖然個餐份量好足，但見小食價錢唔貴喎🤗， 所以都忍唔住叫啲小食試下😅。 👍 炸蝦同雞皮餃子十分酥脆唔油膩， 讚！

牛舌專門店觀塘駱駝大廈出名多好野食,今次黎食牛舌,同牛牛黎個親蜜接觸👅👅1️⃣牛舌尖拼鰻魚丼飯配紅酒汁燴牛牛舌好大塊,厚身,咬落條脷好淋!鰻魚冇咩骨,煎得好香,配上紫菜飯,夠哂豐富.仲包埋沙律,酸蘿蔔,洋蔥湯.💰HKD$1032️⃣杏鮑茹拼牛舌芯及牛板腱杏鮑茹好大條,如果再淋d會更好. 牛舌芯好爽口, 牛板腱肉質嫩.底下洋蔥好香.💰HKD$126另外小食叫左炸蝦同芝麻雞翼,即炸非常香脆.💰HKD$56

就在駱駝漆大廈第三座1樓，位置很方便，可以直接行樓梯上來，所以晚上的人氣挺高的！這裡主打就肯定是牛舌，有不同的配搭，性價比不錯！牛舌芯拼雞扒&鰻魚（９８元）全是肉的一個搭配，大大塊煎雞扒，肉嫩多汁，鰻魚焦香帶點入口即化的口感，牛舌芯又爽又嫩又多汁，還有油香！這個配了和風鹽蔥汁，味道有點像平常的蔥油味，但會清淡一點，不會太油膩！杏鮑菇拼牛舌芯＆牛板腱（９８元）杏鮑菇大大片，吃起來脆嫩多汁，帶點黑胡椒香！牛板腱肉質比想像中柔軟，還保留到不少的肉汁，有牛肉味！紫菜飯（＋１０元）迷你紅酒汁燴牛舌根飯（１５元）飯用的是珍珠米，口感彈牙！紫菜飯就簡單一點，只是加了紫菜。後者性價比更高，吃起來紅酒味很濃，牛舌燉煮得很入味和軟爛！炸薯條（２８元）新鮮炸起，外脆內軟！吉列蠔（１８元／２件）蠔味突出，入口爆汁！雞皮餃子（１８元／２件）吃起來不膩，內裡是雞肉餡料。司華力腸（１２元）特別有把腸介花，吃起來特別外脆內軟的！而且１２元性價比高！

觀塘啲工廈不嬲都出名多嘢食，今次我就去咗駱駝漆搵咗間隱世牛舌專門店。 牛舌芯拼雞扒&鰻魚 （$108）單純從外觀上已經冇得輸，本身我係非常鍾意鐵板燒，而呢道菜正正就係用咗好似煎pan咁嘅鐵板裝住啲肉，相當有心思。呢道菜以新鮮的牛舌芯為主打，搭配精心烹調的雞扒和鰻魚，味道豐富多樣。牛舌芯肉質鮮嫩，入口即化。雞扒的外皮煎至金黃酥脆，內部則保持著多汁的口感。鰻魚亦都鮮嫩多汁，入口即化。呢道菜的組合將不同的肉質和口感完美融合在一起，令人垂涎欲滴。 牛舌尖拼牛板腱丼飯 （$98）而呢個丼飯亦都絕對唔輸蝕，雖然佢冇啲色水擺盤但勝在好好食，亦都好足料，絕對冇偷工減料，好少食丼飯係食到咁飽。呢道料理以牛舌尖和牛板腱為主要配料，搭配上丼飯，味道十分豐富。牛舌尖肉質鮮嫩，入口即化，帶有淡淡的牛肉香氣，就連我呢個平時對牛舌麻麻哋嘅人都覺得好好食。牛板腱亦都好有嚼勁，肉質豐潤多汁。丼飯嘅蓬鬆口感和香氣完美襯托牛舌的美味。

最近工作壓力太大，放工之後同朋友去左觀塘食個飯，朋友介紹去食一間主打牛舌既餐廳，平時好少特登食牛舌，最多只係放題店接觸過。呢到位於觀塘，位置交通都非常方便，好彩我地去既時間都尚早，否則都未必有位。呢到有好多唔同既丼飯同鐵板餐可以揀，價錢亦都相當合理，重有得加錢升級套餐或者追加其他食物，岩晒我呢d大胃王！餐廳重要全日免收加一，值得黎喇！牛舌芯拼雞扒&鰻魚朋友點左呢個餐，追加左個紫菜飯，一上菜既時間果然香噴噴，淋上牛肉汁，每樣食物都非常掛汁，第一次試牛舌芯既我無想過原來咁爽口彈牙，雞扒亦都好多汁又有份，我最欣賞係個饅魚燒到外脆內軟，重要唔多骨，岩晒我呢d懶人。牛舌尖拼牛板腱飯呢個已經係一個套餐，包埋沙律、紫菜飯同埋湯，一黎已經大大份，睇見都覺得飽，個牛舌尖咬落就比較淋身d，同埋每一塊都好入味好有咬口，牛板腱食落好爽口，我最中意佢個紫菜飯，份量十足司華力腸基乎每一枱都有叫，好巨型而且好爽口，作為小食或者前菜簡直一流啊。

唔使去日本，都食到令人開心嘅爽口牛舌，仲要咁近我屋企，有啲後悔唔早啲的起心肝嚟食🥺🍄👅 #大啡菇拼牛舌芯拼牛舌尖 $98 + #紫菜飯 $10連鐵板上枱，「咋咋聲」令人食慾大增😆幼得嚟厚身嘅牛舌芯，切開嚟係恰到好處嘅粉紅色，爽口又有油脂香🤤牛舌尖外面脆脆哋，肉質好腍，對鍾意爽口牛舌嘅我嚟講，就冇咁吸引了🙈大啡菇比預期中薄身，但都好juicy 👍🏻墊底嘅洋蔥，煎熟咗再配甜甜哋牛扒汁，好味到我最初嫌碗飯太多，到成碗食晒🧅🍚如果有得成份都揀晒牛舌芯/牛舌增量，肯定更加滿足，shut up and take my money ！🥹

黎到觀塘搵食 當然要去出名既駱駝漆🙈朋友食過呢間小店話唔錯 決定帶我去食😋小食先黎極邪惡炸餐肉條配芥末籽醬每一條炸到好亂 蘸上醬食 少少辣都幾過癮😛第一款系牛舌芯拼牛舌尖拼大啡菇🍄第二款系店家推介必點雙倍牛舌心🐮加$28轉套餐包埋沙律,味噌湯,紫菜飯,漬物同飲品大啡菇燒完後更有菇味 入口好多汁🥰牛舌尖肉質比較韌 口感較有嚼勁 牛舌芯比較爽口兩者都好重牛味揀邊款牛舌部分隨你所選 個人比較喜歡牛舌芯🥰另外有3款自家制醬汁可以配搭我哋揀咗激辣風味酸辣汁 同和風鹽蔥汁酸辣汁食落去好似點泰式生蝦既汁 但辣度多兩至三倍呢種辣系愈辣愈想食😋😋太辣的話可食一口醃蘿蔔解辣🔥和風鹽蔥汁相對地對味蕾平和好多偏向蔥油香味 唔食辣既朋友可以一試❤️小店基本上全場爆滿 牛舌店名不虛傳👍🏻

‼️最好食既牛舌👅️高質隱世牛舌餐廳🐮舌丼（觀塘）觀塘工廈出名多嘢食，今次又嚟到觀塘駝漆大廈，呢度一間專食牛舌既餐廳，佢哋嘅牛舌鐵板定食好吸引，仲好豐富，一於帶埋豬女嚟試吓先🥰餐廳唔算好大間，但基乎全場爆滿，個個都為咗食哩度既牛舌而嚟😋大家一定要嚟試吓，性價比超高，仲要好有特色，份量仲要好多😍🥰餐廳全日免收加一，+$28可以升級套餐，有齊沙律、餐湯、紫菜飯、漬物、飲品😍仲可以另加$5升級迷你紅酒汁燴牛舌根飯😍👍🏻🔥鐵板系列🔥✨牛舌芯拼雞扒&鰻魚我地選了和風鹽蔥汁🎋，醬汁好香，鹽蔥味極香濃，咸咸甜甜，鮮味十足😍 牛舌芯好大條，焦香既外皮配上極彈滑既口感，上面切了一刀刀既紋理，令牛舌更入味🥹絕對係我地食過最好味既牛舌👍🏻👍🏻👍🏻 雞扒嫩滑多汁，大大塊，外皮超香脆😍鰻魚醬汁超香濃，咸咸甜甜極鮮美‼️鰻魚又彈又嫩滑！簡直無得頂👍🏻🥹✨杏鮑菇拼牛舌芯&牛板腱 $98我地選了日式牛排汁，甜甜的，好香😋杏鮑菇超香，鐵板燒能保持水份，一咬落去爆汁‼️ 牛舌芯好大條，焦香既外皮配上極彈滑既口感，上面切了一刀刀既紋理，令牛舌更入味🥹牛板腱好香牛味，肉質軟嫩，好易切開😍🐮兩個鐵板餐我地都跟咗套餐🐮👍🏻紅酒汁燴牛舌根

本身好鍾意食牛舌，見香港有，而又好多人話呢間唔錯，諗住一試無妨。點知食完之後同老婆一致認為無下次。通風比較差，食完之後成身一浸油味，張台係痴立立，枱同凳既高度坐得唔舒服。食物比較油同重口味，完全食唔到牛舌既味道，本來以為98蚊會有碗飯，嚟到之後先發現只有圖入面既一塊鐵板，之後即刻加10蚊叫埋個紫菜飯。服務方面，都唔期望會有咩服務，只係店員講野比較粗魯同少少惡。其實無啲人講到咁好食，整體分數只有5/10 。

觀塘難得一見牛舌專門店，專業到有不同牛舌部位，味道絕對驚艷!!🐂👅 每個餐都用鐵板上菜，醬汁香味一直湧出黎非常香噴噴！！😍- 牛舌芯拼牛板腱&帆立貝 HK$98 👅❤️🐂牛舌芯內裡七成熟，外表焦香，內裡爽滑，厚切口感十足。最正宗日本口味超讚！!帆立貝香脆有鮮味，伴菜都超用心!! - 牛舌芯拼牛舌尖&大虎蝦 HK$108 👅👅🐂🦐 牛舌尖非常嫩滑，牛味更加濃郁，有齊兩種不同享受!!大虎蝦肉質鮮嫩有彈性，超值!!

CP太低都算～重唔好食～服務態度又差！🫠叫咗一份正常牛脷心牛脷配大啡菇鐵板98另一份就加左33做套餐～😔真心個細細塊嘅牛脷芯係好食嘅😅但另外個3塊牛脷係烚到腍晒之後先切片！所以冇口感冇味道🙄⋯⋯另外佢有三個汁俾你揀🥵嗰個酸辣汁難食到一個點！仲點咗一個鹽蔥味😰⋯⋯唔識點形容🫢個套餐入面有一個湯（洋蔥水）一碗紅酒汁牛脷飯🙃有紅酒味但就唔好味! 其實我真係好鍾意食牛舌～但係真心無下次！好失望😮‍💨