興記菜館

營業中

休息中

呢排出街都係食西餐多，朋友都話想轉下口味食返餐煲仔飯。講起煲仔飯梗係要去油麻地食啦，之前食過一間覺得唔錯，今次就想試下其他，就揀左呢間興記，地方唔算好大，不過感覺都幾地道。首先order左一份細蠔餅，份量適合兩個人食，蠔餅炸得幾鬆脆，蠔仔都夠多腐乳椒絲通菜，味道唔錯，不過菜有少少老蒜蓉粉絲蒸聖子，聖子蒸過火左田雞+雞煲仔飯，煲仔飯都唔錯，田雞同雞既份量都幾多，加埋飯焦食都幾香口，飯焦就唔算好多，不過本人就覺得啱啱好

上次嚟食都好多年前，記得以呢度d煲仔飯好好味！今次嚟食真係退步了好多，其實出面大把好食過佢地啦，衛生環境又差首先排隊前面得5-6個都排左半個鍾，有個啊嬸係咁放隊尾的人入去，前面果咋人仲憨居居喺度呆等，入到去等左9個字先有野食！好食都算，但咁嘅質素真係浪費時間、金錢可能係我咁多年冇嚟過唔知掟，因為全場9成係大陸遊客太一般了，記得以前好好食，現在只是緊緊合格，而且主要遊客嚟總結：識食一定唔會嚟食

冬天怎少得食個靚煲仔飯!愛人得知我有條煲仔飯癮，連環一個星期內食了兩次大快活既煲仔飯。他便帶我去食地道馳名，專做煲仔飯出名既飯店!店內十分簡陋，並沒有甚麼裝潢可言，實際得只有摺枱和摺凳，可想而知食客必是慕優質煲仔飯之名而來。枱上備有豉油和辣醬供任意調味。點了臘腸排骨煲仔飯，即叫即煲，需時大約廿分鐘，上枱後即小心翼翼加入特備鼓油， 然後焗上兩分鐘，待鼓油入味後即可慢慢享受。 臘腸香甜野味，排骨不太肥膩，加上香口的飯焦真是回味。加點了蠔仔餅，蠔仔肥大多汁，分量十足，配合香滑蛋底及充足的香蔥，熱騰騰，香脆野味，一食難忘。牛魔王愛人點了滑蛋免治牛肉煲仔飯，他說不是很多地方有這款供應，便成了這裡必試款式也!隔離枱相信是從外國過來香港的交流生，我們幫忙講解食煲仔飯的技巧，希望他們享受這地道飲食文化。

天寒地凍， 剛好約左班friend 去油麻地百老匯戲院睇戲， 咁就梗係去食窩煲仔飯啦！所以我地走左去廟街食煲仔飯， 好彩我地早左6點去到， 諗住食完去睇戲， 不過都要等左約30分鐘， 好不容易攞到位， 又是要打側身才行到入去坐， 因為趕時間及食左西北風很耐，所以立即點菜我地點左滑雞煲仔飯， 鳳爪排骨飯， 煎蠔餅同什菜煲， 當然要三枝cola 啦！滑雞煲仔飯：雞滑，不過骨多， 飯粒分明， 可惜這煲無做到焦黃 鳳爪排骨飯：反而鳳爪排骨， 份量的夠， 排骨多肉， 做到有金黃飯焦， 正👍煎蠔餅:蠔仔份量夠，餅煎得香脆 什菜煲:粉絲同菜量大， 可惜部份菜有沙呀！

上星期和美國回港的姨姨品嚐過高級食府的粵菜，今晚來到廟街品嚐地道平民美食——煲仔飯。原本，我打算去對面街的Four Season，之前吃過感覺不錯，但今次舅父推薦興記是廟街最好的，反正我未去過，一試又何妨。未到七時，食客已有大排長龍，我們大約等了20分鐘方能入座，店子小小而且有點骯髒，蒲入座一表弟便看到身旁的小小強在汽水架路過，於是我們調了另一個座位。蠔餅（細）（$35）粉漿質感和坊間一般的潮州店相若，談不上出色，我比較喜歡Four Season的粉漿，質感酥脆得多，脆度又持久，而蠔亦似乎肥美鮮甜得多。辣酒煮花螺（$75）是表弟至愛，我覺得做得不錯，螺肥，辣度適中，但以$75一份而言，份量似乎少了一點。點了三款煲仔飯，全都有飯焦，米飯口感適中，北菇雞飯（$39）一來，我們趕緊加入興記的煲仔飯豉油，再蓋上蓋稍等再吃，賣相一般，有幾件雞，但冬菇都大件和滑。窩蛋牛肉飯（$43），蛋白變成軟軟的白雲，漂亮的蛋黃像月亮，賣相吸引，牛肉滑，好吃。黃鱔飯是我較為欣賞的，鱔片彈牙鮮味，份量也足。羅漢果茶（$10）是興記自家製，清甜，清熱潤肺。我用自己的方式清了最愛的飯焦（不故作神秘了，其實是用濃茶泡）

食物就唔係話好特別，有個阿姐態度其差，事源我地一行五條友叫左個細蠔餅，叫左半個鐘都末有，正常啦咁多人，我地催單，個阿姐喝狗咁問我地係咪叫細蠔餅呀？講到我地係剛剛落單咁，九成佢漏左單，算，我地一開始坐低隔離果幾個食客都走左啦，坐左幾個新嘅來，佢地叫左個大蠔餅，咁當然係佢地遲過我地叫好多啦，又等左幾個字，佢攞左兩個細蠔餅來啦，一個我地一個隔離，隔離幾個話我地果個大果wor，果阿姐竟然拎我地果個俾埋隔離同隔離講兩個細加埋咪大囉！我個fd即嘈佢我地叫先果wor，果阿姐竟然黑面話我宜家俾隔離先！前後加埋等左成個鐘最後竟然無來仲咁樣，隔離枱照食兩個細，我地好勞氣咁講我地宜家唔要啦！痴線

《冬天必吃煲仔飯》冬天有幾樣野係必食既，蛇羹、臘味飯同埋煲仔飯。夏天熱辣辣就唔黎逼排隊食，冬天見到煲仔飯打開，馬上食指大動❗❗😝興記同另一間都食過，覺得分別不大，而興記既小菜就比較多，有海鮮食。因為朋友唔食牛肉，所以今次叫左既係花菇滑雞加窩蛋煲仔飯。喜歡食鍋巴既等飯上台時候唔好打開蓋住，等佢焗多幾分鐘就可以了👍👍個飯都幾大個，而雞肉算普通質素，呢個價錢咁大個飯都算係咁，而菇菇算幾厚身。仲有必叫既蠔餅，蠔餅炸得香口，外脆內軟，加埋香葱，蠔仔唔算多，不過夠大份但都好滿足。另外仲叫左炸鮮魷，好味! 炸粉算薄。以呢個價位，已經可以食到好多香港特色食物，滿足

今日同相識多年，加拿大返港嘅朋友聚會，就帶竹星妹朋友到最地道嘅油麻地食個煲仔飯。 起初諗住食四季煲仔飯， 但係排隊嘅人實在太多， 目測估計起碼要等一個鐘， 基於咁既原因， 我哋就去咗隔離嘅《興記菜館》。 呢間大排檔舖面較大， 雖然都有人龍， 單排兩三個字就已經有位。呢度嘅煲仔飯價錢相當之抵食， 三四十蚊已經有一個，論價錢簡直冇得輸。叫咗個【排骨臘腸煲仔飯】， 煲仔飯即叫即煮， 等嘅時間大概十分鐘， 邊食邊等其實時間好快過。 上臺之後就淋上煲仔飯豉油， 再焗一焗，食得！ 可能價錢平， 排骨方面淨係得幾舊， 只係蓋過飯面三分一位置， 不過價錢咁平，算！ 排骨算多肉， 但係就比較鞋口， 至於臘腸， 就認真細條， 得兩條脆皮腸咁長， 好可憐。 至於煲仔飯嘅重點： 飯焦， 就簡直唔得啦。 飯焦真係焦黑色， 真係食多啖都怕生cancer， 所以我哋都唯有放棄。唔怪之得隔離間四季咁多人排隊， 呢間興記應該係執死雞， 捉緊著食客唔想排隊嘅心態。要好好記住，排隊唔一定好食，但唔使排就要考慮吓。

叫咗肉餅臘味飯，首先肉餅唔好食，面粉太多，同食魚蛋冇分別，完全冇咬口，第二，臘腸唔好食，好似假腸咁，臘肉亦如是，潤腸有臭油味，飯又冇飯焦，同食鼓油撈白飯冇分別，失望！但係照常有好多人排隊，點解？可能係遊客多掛應該唔會再有下次，寧願排耐啲隊去食四季煲仔飯，見隔離枱有叫蠔餅，聽到話唔錯，下次可以試下。另外，衛生情況真的很差唯一值得讚係服務員態度好好，雖然忙到踢晒腳，但依然語氣好好，唔會粗聲粗氣，要換枱拎野都唔會黑面good

天氣冷，來到廟街當然想起煲仔飯！和同事完成手頭工作，親天還未黑前來到食店吃晚飯。不過可能是平日，而且天氣幾寒，來光臨的食客也不多。兩個人，點了排骨煲仔飯和啫啫雞煲，剛剛好！排骨煲仔飯侍應很細心提我們，如果喜歡吃飯焦，焗多一陣才打開來吃！的確，底部的飯焦又香又容易刮來吃！排骨數量亦算多，肉質亦很嫩，不錯！自己加上豉油，拌勻就可以吃了，四十多元，抵！啫啫雞煲啫啫雞煲色香味俱全，侍應遠遠行來時，我們已經聞到香味！唯獨雞件數量不多，美中不足。

琴晚本身去廟街食煲仔飯，然後吃左一肚氣，排緊隊就黎有位坐期間我地向個女仔落左order啦，然後order紙系入到舖頭就比左一個男仔，我朋友剛比完佢之後佢就問我：啊你地頭先落左order啦？ 我話系呀 張紙比左你，而當時佢好似完全忘記自己手執order紙。我地order左兩個煲仔飯同一個豪餅，而其中一個飯系糯米飯我亦知道需時較耐，直到我地食完個豪餅，望住隔離枱食完走左，亦有好多啱啱入黎既人都坐低，我見到佢地order,到上煲仔飯，果刻我已經等左半個鐘都未有，我催單，個人話幫我跟，之後我過多10分鐘再催，就話我有個糯米所以耐D，但我仲有一個飯系普通飯底，直到我等左足足一個鐘，8點等到9點，我唔 等，走。出去埋單，我話D野咁耐都未黎，D人就解釋話有糯米，我話糯米都系一個啫，另一個唔可以黎左先咩，我等左成個鐘呀！之後有個阿姐就話“有冇一個鐘咁誇張呀”，我聽到火都黎，我好嚴厲同語氣好重咁講“有！絕對有！” 之後冇一個人肯了解到底發生咩事，而當初拎住張單既肥仔都冇行過埋黎了解情況，最後收銀個人好求其咁講句唔好意思之後我地就走左。走左之後我越諗越火滾，我絕對懷疑佢地根本冇跟我張單，黎左個豪餅之後就算

秋風起, 當然是食煲仔飯到油麻地最常光顧的就是興記店舖多, 易搵位細蝦餅油份較多，一張吸油紙完全唔夠吸但炸得鬆軟，蝦餅豐富蛋香味蝦仁細細粒，爽口的。窩蛋牛肉片飯已經變成由店員落好蛋再上枱, 雖然少了趣味但增強了衛生意識牛肉很淋, 米飯粒粒分明, 加入豉油, 不是太咸, 令個飯好易入口煲底有大量飯焦, 好香脆

上星期五天氣凍左，就想食煲仔飯。諗住去四季煲仔飯，7點左右去到，已經好長龍，見到興記有煲仔飯，都見到好多人排隊，諗住應該ok 啩。等左一陣有位，叫左一個煲仔飯，菜，生炒骨和椒鹽魷鬚。煲仔飯有飯焦，但太「焦」，煲仔飯豉油無味，只有顏色，其他小菜無特別，下次都係試四季。

2016第一個入冬, 同友人睇完戲成十點幾, 又唔想打邊壚咁飽, 咁就去冬天先會諗起既廟街煲仔飯. 廟街有2間比較有名氣, 就入你興記啦入到去牆身有大大個餐牌叫左個細煎蝦餅, 都有2件, 即叫即炸, 但係比較油, 蝦size有中有細, 都幾多料, 鬆脆可口, 仲有幾隻蠔仔撈左入去等左一陣熱騰騰煲仔飯送到, 雞蛋已經幫你加左上飯面, 落少少豉油再焗一焗等個飯乾少少同蛋半生熟就可以撈黎食, 加左蛋個飯有蛋香味, 牛肉份量都多, 一d都唔靭, 食到底全部飯蕉燶燶地, 好脆卜卜, 冬天, 點都要黎一次

天氣有點涼，打算到廟街吃頓煲仔飯午餐。由於鄰近的四季煲仔飯大排長龍看似要等最少一小時，故轉向興記煲仔飯。我們叫了滑雞排骨飯，通菜炒牛肉和豉汁炒蜆。首先說說店舖主打「煲仔飯」，坐在我們旁的兩位食客投訴煲仔飯太燶，所謂的飯焦全是焦黑色的，飯有一半是不能吃。而我們的滑雞飯則相反，濕透並無飯焦，而雞有嚴重雪味，這樣的煲仔飯根本不合格。這𥚃的豉汁炒蜆算是我吃過最差的，豉汁味道差而且過份杰。而通菜炒牛肉，牛肉明顯是加入大量梳打粉，而獻汁也是杰杰糊糊的。坦白說，絶對沒下次。（唯一可讚的是菜來得快，而待應也很盡力提供服務。）