影片
更多
2021-01-10
1648 瀏覽
前文一篇「寶福餐廳」嘅食評就提到呢日同友人行西貢嘅「蚺蛇尖」，果然好有挑戰性，行到近尾聲，原本都無打算攤抖，但經過大浪村時，遇到「興記士多」，由於都行近尾聲，原先諗住勇往直前一直行到尾，但有提議不如稍稍休息，並支持吓鄉郊小店。 晌香港不同嘅行山徑中，都有唔少呢一類嘅「士多」，為行山人士提供個中途落腳點，休息吓，補給吓。環境一般少少簡陋，但都好舒服，因為周圍都喺一片綠，而且，大多數都有露天位，可謂清風送爽；此外，基本上喺零招呼，但夠自在，而實際，老闆娘都好落力招呼，非常有禮。 食物方面，近入口位掛咗張「大餐單」，一眼睇晒有乜嘢，輕食嘅，有啲港式小食、本土甜點，想飽肚嘅，就有三文治、丁麵、幾款碟頭飯，當然，飲品就梗喺主力貨品，最犀利喺啤酒都有，相信啲啤酒都喺做附近外藉人士嘅生意。 砵仔糕 $7本來想食茶果，因為依家都好少見，越嚟越少人整，唔喺咁多地方有得買，不過，賣晒，所以，揀咗食砵仔糕。啲砵仔糕色澤比較淡，而糕身亦有少少削，反而喺啲紅豆又腍，又清甜，仲好多添。 山水豆腐花 $13豆腐花就真喺唔錯喎，有豆香，而且，非常滑溜，最貼心嘅喺黃糖、糖水、薑汁整定好晒，成套拎俾你，鍾意點落就點落，想
晌香港不同嘅行山徑中，都有唔少呢一類嘅「士多」，為行山人士提供個中途落腳點，休息吓，補給吓。環境一般少少簡陋，但都好舒服，因為周圍都喺一片綠，而且，大多數都有露天位，可謂清風送爽；此外，基本上喺零招呼，但夠自在，而實際，老闆娘都好落力招呼，非常有禮。
食物方面，近入口位掛咗張「大餐單」，一眼睇晒有乜嘢，輕食嘅，有啲港式小食、本土甜點，想飽肚嘅，就有三文治、丁麵、幾款碟頭飯，當然，飲品就梗喺主力貨品，最犀利喺啤酒都有，相信啲啤酒都喺做附近外藉人士嘅生意。
砵仔糕 $7本來想食茶果，因為依家都好少見，越嚟越少人整，唔喺咁多地方有得買，不過，賣晒，所以，揀咗食砵仔糕。啲砵仔糕色澤比較淡，而糕身亦有少少削，反而喺啲紅豆又腍，又清甜，仲好多添。
山水豆腐花 $13豆腐花就真喺唔錯喎，有豆香，而且，非常滑溜，最貼心嘅喺黃糖、糖水、薑汁整定好晒，成套拎俾你，鍾意點落就點落，想落幾多就落幾多，夠大方，抵讚！
山水豆腐花
$13
8 瀏覽
0 讚好
0 留言
魚蛋、燒賣 $10 / 串少少意猶未盡，再追加一串魚蛋、一串燒賣，每串都有4粒。本身對啲質素都無抱有期望，只喺過過口癮，但食落又唔差喎，至少啲魚蛋幾爽彈，燒賣又唔會一口粉。
今次嘅「蚺蛇尖」之行都真喺幾「甘」吓，但極具挑戰性，好玩，風景又靚，以下少少相片跟大家分享吓。溫馨提示，無番咁上下行山經驗及耐力，真喺唔好人去我又去心態，見唔少人晌落山段都舉步維艱，戥佢哋擔心。
晌「興記」抖抖，又有啲小食落肚，但唔好抖過籠，凍番個身再起錨就好易抽筋，所以，回回氣就好再起動喇！
張貼
