興華茶餐廳 (已結業)

茶餐廳位於舊式屋苑興華邨入面，需要同街坊們一齊搭𨋢上16樓轉𨋢層，再穿過平台位置先去到，陳舊既屋邨建築，令人有一種回到舊香港既感覺🙃除左外面既環境好懷舊，茶餐廳入面既裝修亦都保留住以前舊式卡位，而老闆娘同侍應都好親切好有人情味～上網睇其他Foodies既食評，呢度最出名炸雞脾，所以坐低二話不說就叫左隻黎試試。雞脾整得好出色，味道係經典茶餐廳既炸雞脾味，雞皮炸得香脆，肉質嫩滑得黎又夠juice，非常驚喜❤配上既椒鹽薯條亦都好好味😋西多士整得都唔錯，食落有濃蛋香，中間夾花生醬夠足料，好味👍去得舊式茶餐廳當然唔少得既就梗係叫茶走啦～呢度既茶走茶底香濃，練奶比例亦都落得啱啱好，唔會過甜，好飲～聽聞呢度既炒飯同炒烏冬都好有鑊氣好好食，下次黎開柴灣一定會再黎幫襯🙂

柴灣朝早除左連鎖店之外真係乜都無得食, 走到上去興華邨竟然有間開 6:00AM呢個鐘數食乜都好啦, 就去食左份早餐超懷舊 (無裝修) , 食既野都超懷舊唔會搵到啲浮誇 3.6牛乳, all day breakfast, latte 呀取而代之係港式扒餐加多士沒有期待沒有失望, 成功醫飽左個肚, 出發行山埋單先見到仲有銀針粉同米線叫, 咩料 XD同場都係啲上左年紀既 uncle aunt, 氣氛同間野夾到一個點

東區尋找同路人食店第一間一定要去就當然係興華茶餐廳，呢間食店都真係幾釣腳，第一次去喺興華一邨商場蕩失路，搵嚟搵去都搵唔到，卒之要問商場實Q 引路，轉轉折折又要坐電梯終於俾我搵到。又唔肚餓搵到肚餓，坐低都未諗食乜好就已經二話不說叫咗隻招牌葱油炸雞髀先，連炸薯條套餐😋睇完個餐牌都已經花多眼亂，好多野好食😋卒之我揀多三樣嘢食，首先一定要試吓佢哋新推出嘅三重芝士手打安格斯漢堡包，再叫公司燴意粉，最後係一定要試吓佢哋嘅炒麵—菜遠斑腩炒麵😋呢一餐真係十分豐富，每碟份量都好大份，味道又好好👍🏻，特別好味係招牌炸雞脾，外皮炸得好脆卜卜好香，但又不失豐富肉汁，葱油又夠香，真係無得輸💪🏻佢哋炒嘅炒麵係比其他茶餐廳特別脆，都係好好食😋雖然搵路咗好耐但係下次都值得再去

📍 #興華茶餐廳#MFJ柴灣 #MFJ港式人均消費: HKD42每次來食都是食炸雞髀，今日發現竟然有手打牛肉漢堡，忍不住試試！🤤⭐️招牌至尊安格斯牛肉手打漢堡🍔$63上枱依然是茶餐廳裏的舊式碟，沒有西式風味，沒有美麗擺盤，但有一番港式舊有風味牛肉的確幾香，加手芝士蕃茄加醬，跟得卜麥當勞的安格斯牛肉漢堡😂 不過將漢堡包烘底，感覺好懷舊！加$15有薯條和飲品，不過薯條份量就🙊⭐️西多士🍞$18等了很久的西多士，炸到金黃色，加上開始溶化的牛油，在塗滿糖漿，邪惡咁爆燈！西多士外脆內暖，裏面口感軟熟，好好味#burger #hamburger #frenchtoast #mfoodjournal #instagfood #foodstagram #foodie #hkfoodie #fooddiary #foodblog #hkfoodblog #tastyfood #foodphotography #相機食先 #食好西 #吃貨 #香港美食指南 #香港美食 #柴灣美食

同朋友兩個行完山，特登搭車去柴灣食呢間黃店茶餐廳，餐廳位置有少少難搵，因為係喺個屋村入邊，餐廳門口見到有好多告示板，係一啲領養動物嘅資訊，好有愛心嘅餐廳估唔到門口會擺一啲待領養動物嘅資訊俾人睇。行完山好肚餓，見到生炸雞髀四個字就即刻好想食，我同朋友兩個人叫咗兩碟蔥油生炸雞髀飯加紅豆冰，因為我哋兩個女仔食唔到好多飯，所以叫哥哥仔比少啲飯我地，個蔥油加埋啲飯真係無敵，好好食，同埋這生炸雞髀入邊仲好嫩好Juicy。唯一可惜嘅係紅豆冰啲紅豆煲得唔夠林，如果啲紅豆再煲耐啲再煲爛啲就完美！

柴灣興華茶餐廳一間屋村人情味餐廳，
要坐大型升降機到十六樓，
一入門所有的裝備沒有很花巧一間懷舊風味旳餐廳
枱椅應該已用上好幾年了

光顧過好幾次都食炸雞髀
它熱辣辣的外脆內軟，而且蔥油又香又入味
 紅豆冰
要一試 超多的紅豆！足料！

干炒豬扒烏冬（$47）
碎炒黑椒牛肉意（$40）炒粉類都很有鑊氣，還未除口罩就已經聞到
食物一上枱對女生來說是好大的一碟
香口美味，多塊而且不老的牛肉，厚厚的豬扒
雖然是炒但不會好油
食物質素不會馬虎　　　


🤺🏊🏻‍♀️港隊得獎🥇🥈令全香港人都好震奮🤩太興奮 都要等我post吓啲香港獨有嘅地道美食🇭🇰😋💛💛💛💛💛💛💛💛💛💛💛💛💛💛有時好想食菠蘿油 嗌咗幾日好想食 見我男朋友帶咗我嚟依間喺屋村入面嘅茶餐廳 我以為呢啲好多都係藍店 點知 #黃到金 💛嗰日冇食嘢就專登出咗嚟食呢間嘢🥯菠蘿油🧈好似有好幾年時間冇食。一食返 有點失望 佢做唔到我想要嘅質感😢因為個菠蘿包過熱 佢冇攤番凍俾我 令到個包連個皮都係淋嘅 個皮完全唔脆 失去左菠蘿包嘅精髓🥺另外 唔知係咪個個對菠蘿油嘅食法唔同啦 但係我就係鍾意成磚牛油咁咬嘅😅😅因為佢個包太熱 所以將嗰磚牛油一放入去🧈啲牛油就溶哂我諗我係鍾意凍包凍油嘅菠蘿油😅🍞西多士好 好 好 好 好 食！脆脆地嘅外層 加上牛油蜜糖🧈🍯仲有入面嘅花生醬餡🥜係邪惡架喇！但佢個texture做得好好 唔會過淋😍😍☕️熱奶茶港式熱奶茶呢樣嘢我可能有5年冇飲過😅因為多數都係叫檸茶檸啡😅但係我覺得突然間食菠蘿油啊西多士呢啲嘢 真係飲杯港式奶茶係襯啲㗎🤩一杯好嘅港式奶茶係唔需要落糖都會覺得正！佢做到啊😍😍😍澀澀地嘅茶味加上香滑嘅奶 勁香勁smooth😋雖然個菠蘿油係有少少失望 但係我係會返轉頭

蒜香班塊炒飯，$49，無野飲炒飯算粒粒分明，少油，茶記黎講算係咁。魚塊黎講唔少，份量係正常一人量，食完碟無一pat 油，作為減油之友，間中食下都唔會太有罪惡感。之後會再試下其他炒野

店舖好大，容納好多枱，裝修就舊式茶餐廳咁啦。絕對抵食！食落都係經典嘅味道，老闆娘好友善。好有愛心，門口貼咗好多領養🐱🐶嘅告示。我一星期去兩次左右，呢個頻率，都唔會伏架喇。✨味道67分，服務72分，環境70分。.🔸蔥油生炸雞髀($29)⭐️佢嘅炸脾好出名㗎，就算午市啲人都專登叫，炸到脆卜卜，熱辣辣，特別既係底下有好香口既蔥油。不過我比較鍾意點少少汁既炸雞髀。.🔸西多士($18)⭐️推介⭐️西多整得好好，朋友一齊黎食親都讚！外脆內軟，火候啱啱好，側邊仲有少少蛋脆邊，中間夾份量剛好既花生醬，上面嘅牛油借助餘溫溶化，牛油切比你既份量都啱啱好，唔會太多要liu走，唔會太少唔香口。.🔸常餐C($36)牛油方包，火腿奄列，雪菜肉絲米，送咖啡/茶。唔係話有咩特別出色，但份量好足，好抵食。.🔸臘腸蒸雞飯($38)蒸飯系列送例湯，臘腸蒸雞香口， 雞唔會蒸得鞋。.🔸梅菜肉餅飯($38)呢個相對有點失色，間唔中食到有幾粒小碎骨。梅菜肉餅本身已經好夠味，再落埋豉油就有點太鹹。.🔸粟米肉粒飯($38)咪就係正正常常粟米肉粒飯咁，送湯送嘢飲。

每條屋村總會有一兩間充滿人情味的舊式茶記，但大部分都是藍店，柴灣這一間老茶記，是少有充滿舊式情懷的黃店！▲ 蔥油生炸雞脾($29) / 飯($40)炸髀超大隻，外脆內軟，好juicy！就算攤凍後，依然很脆！面頭淋上特製葱蒜油，超夾🍗⭐️▲ 紅豆冰 (跟餐加$12)炸髀必配紅豆冰！紅豆大大粒又起沙，牛奶同煉奶滲出紅豆的甜香，配搭炸雞髀一流👍🏻這裏的老花地磚、皮椅40年來也沒有更換過，充滿懷舊風味～這種氣氛也是這裏的特色之一💛

早排要去到柴灣果邊做野，我就梗係唔放過搵食既機會啦😂點知果個位附近，加上時間又早，基本上都唔係好搵到🤦🏼‍♀️不過唔緊要，再行遠啲就有㗎啦，行下囉...搵到間茶記，係啲屋村既舊式茶記😍💛興華茶餐廳 💛啲早餐唔錯，我見到餐牌上有蔥油炸脾，好想食，於是問下伙記有無啦，點知又真係有得叫喎🤤晨咁早食蔥油炸脾做早餐，好痴線🤣員工勁有禮貌，服務好好，之後比錢時，有位女士陰聲細氣，又係好好人好有禮貌，相信係老闆娘，茶記都有呢啲咁既服務態度，真係一讚👍🏻見到門口位有啲寄賣品，買咗粒cake pop同埋興華出品既蝴蝶酥，個蝴蝶酥應該係超好味😋雖然我無食到一塊😒但點解我會話好食呢？因為我女返到屋企，唔洗十分鐘已經食哂成樽🤦🏼‍♀️#柴灣 #興華 #茶餐廳#蔥油炸脾 #蝴蝶酥

位於柴灣興華村嘅「興華茶餐廳」原本只係一間主打街坊生意嘅小店 🏡 但後黎因為有唔少食客推介同喺網上社交平台分享，所以就連區外食客都慕名而至，好利害 👍🏻呢碟蔥油生炸雞脾 ($27) 可算係「興華茶餐廳」嘅招牌作，幾乎每個人黎都食，就連位於紅磡嘅姊妹店「興華美食」都係日日清貨，賣完即止 🤭 雞脾炸得金黃酥脆，切開見到滿滿肉汁咇出黎，勁邪惡 🤤 肥美嘅雞肉油潤鬆化，外脆內軟 😋 沾滿蔥油嘅雞脾肉好香好多汁，叫人忍唔住一口接一口食曬 😍

位於柴灣興華邨二期內的興華冰室，位置較為偏僻需要在地下報紙檔旁邊搭電梯到15樓平台，再行到盡頭最角落才到。外表是舊式茶餐廳，一進去伙計就好熱情的招待，仲特別讓左張枱俾我地坐。因為仲未到午餐時間店內人流不算多只有部分枱有人坐，卡位不大只是剛好坐到4個人，點餐後伙計要另外加張摺枱俾我地食物。沙嗲牛肉公仔麵配火腿奄列牛油方包：沙嗲牛肉不是一般的罐頭牛肉，而是用新鮮牛肉做。肉質較鮮嫩，但多筋較難咬開。火腿奄列煎得剛好，蛋較嫩。牛油方包普通沒有特別。蔥油生炸雞脾隻超大炸雞脾上面散發淡淡的蔥油味，咬落外皮香脆有肉汁，而肉質不會很乾很柴。一手拿起雞脾，一口咬落去，完全滿足食肉獸啖啖肉的慾望。另外，炸雞脾是可以單點的，不用特別配飯。整體來說常餐就是常餐沒有很好或是很差。蔥油生炸雞脾食落有驚喜，加上份量大物超所值。伙計姐姐熱情招待不時幫忙跟餐及主動幫忙加枱，值得一讚。

🇭🇰香港柴灣興華二邨和興樓203-204室🇭🇰Room 203-204, Woo Hing House, Hing Wah (II) Estate, Chai Wan, HK🌐柴灣 味道: 👅👅👅👅賣相: 👀👀👀👀價格: 💰💰💰💰服務: 👨🏻👨🏻👨🏻環境: 🌹🌹性價比: ⭐️⭐️⭐️⭐️回頭率: 🔆🔆🔆🔆🔆人均消費：HKD34又回到我最喜愛的茶餐廳，都真係一個情意結🥰⭐️蔥油生炸雞脾🍗$27免外賣，我今個星期已經食第二次他的蔥油生炸雞髀了！🤤雞髀生炸，燶燶脆脆的，味道入味，加上蔥油真的絕配！🆗沙嗲牛肉麵🍜$34去舊式茶餐廳，好自然就會點沙嗲牛肉麵🤣常餐$34 ，再加奄列，牛油麵包，在加飲品一杯，已經很平！以前是用比較扁新的碗，湯少，令沙嗲牛肉比較濃味一點！現在的換了高身碗，比以前有點失色，就算撈勻都不夠濃味不過奄列煎得挺不錯，火腿味夠突出⭐️肉絲炒麵🍝$40他的肉絲炒麵真的不錯！年底炸得非常的脆！咬下去卡卡聲！今次雖然炸燶了少少，但不實風範！整體味道清淡，感覺上平衡一點，不會覺得太熱氣三個人食，平均$34，十分抵食！

第一次認識興華茶餐廳，應該係太子爺同撐警楊明合照事件，無聲無息過佢一戙，真係笑死 me😆。興華二邨喺柴灣半山，非常隔涉，我相信除咗邨入面嘅街坊，應該唔會有咩街外人。茶餐廳身處於一個咁隱世嘅傳統老區，居然仲咁高調表態，成間店貼滿文宣，門口仲有寄賣，真係少啲勇氣同堅持都好難做到。早前行完山後專登走上去幫襯，成五點先去到，諗住趁病毒六點鐘瞓醒出嚟之前食個 early dinner，叫咗個沙嗲牛麵常餐，再加個炸薯條。常餐味道正正常常，無咩特別，反而想講下個炸薯條，十四蚊碟可謂價廉物美，薯條炸得剛好，熱辣辣脆卜卜，阿叔仲喺面頭沈咗啲避風塘炸蒜粒，香辣惹味，超正👍。