興華茶餐廳

營業中

休息中

住柴灣的街坊，絕對冇理由唔識呢間興華茶餐廳！餐廳至今已經有四十幾年歷史。 位於興華邨一期。不過茶餐廳位置有啲隔涉， 唔係住le 區嘅朋友仔真係要用少少時間先搵到門口 餐廳最出名嘅當然係蔥油生炸雞髀🍗 當日光顧基本上每一台都最少有一位食客叫咗雞髀食 ，當然我都唔例外🤭雞髀好大隻，熱辣辣， 皮脆卜卜好正啊！食雞髀點可以唔叫嘢飲呢？我就叫咗凍奶茶。鍾意食雞髀嘅朋友真係可以去試一試！ 下個月要再去食多次先🤣🤣🤣🤣

炸雞髀🍗：10 x ❤️蔥油🍚：9 x 🧡冬瓜湯🥄：8 x 🧡奶茶☕：7 x 💛呢間街坊茶記雖然地點比較偏僻，但係生意認真唔錯，平日中午12點幾1點，都真係有唔少食客嚟幫襯。第一次過嚟，試咗招牌蔥油生炸雞髀飯同奶茶。雞髀應該係即叫即炸，所以新鮮熱辣，外皮酥脆，而且火候控制得好好，啲肉唔會太乾，同埋啲調味都相當好。蔥油嘅味非常之香，撈飯絕對一流。不過杯奶茶就差少少，可能因為客人太多，趕唔切做，做好之後又趕唔切即刻上枱，所以唔夠熱，影響咗口感同味道。

係附近做野 懶得行番去青年廣場附近食飯就叫左個兩餸飯-肉餅配涼瓜燒肉，少飯，走湯 $46（外賣盒加1蚊）涼瓜燒肉正正常常 就係茶記食到既味道肉餅雖然睇落細細塊 但全肉 調味都重手 配飯一流老實講係少貴但如果係附近做野或住 叫個外賣加埋運費都差不多

今天去光顧時，見到店員同街坊的對答：店員：午安！今日想食下午茶？定食晚餐？老婦人：我今日食左早餐，冇食午飯，而家早d 嚟食一個晚餐。店員：好吖！今日有豬手，好淋㗎，你今日想唔想食豬手？老婦人：豬手？好喎！店員：我記得你鍾意食豬手尖，我夾多d豬手尖俾你，好唔好？老婦人：好喎！店員：飯餸分開上，食唔晒可包走吖！老婦人：好喎！店員：飲唔飲湯？今日係木瓜湯，木瓜好“淋”，你咬到㗎，上半碗湯俾你飲住先？飲完想飲再加，好唔好？老婦人：好喎！店員：食住飯飲住湯先，一陣先上餐菜俾你，好唔好？老婦人：好喎！一間係柴灣區舊公屋區內又冇乜特色裝修嘅茶餐廳，d傢俱又殘又舊，但係食物唔單只好味，仲有好濃厚的人情味，呢位年青香港人店員，你今時今日咁嘅服務態度，係101分㗎！#支持小店，下次開小差再去!👍#店員真係好有心，仲好靚仔😍#炸脾好食，奶茶好掂!🤤#人間有愛❤

呢日係柴灣拜完山，餓餓地就諗住係附近食個下午茶。上網search到華興既蔥油生炸雞髀好出名，所以就慕名黎試下。呢到既環境好懷舊，啲坐位比較狹窄，但就十分有風味。蔥油生炸雞髀飯 $40隻雞髀略嫌唔夠脆，食到有少少雪藏味，而啲蔥油汁就正正常常無特別。沙嗲牛肉麵 (下午茶) $32呢個望落就係咁煮左個公仔麵，放啲沙嗲牛肉係面。啲沙嗲汁完全無沙嗲味，我淨係食到蠔油味，連啲牛肉都係靭既。唔建議大家點。。。菠蘿油呢個都係十分失望，個菠蘿包凍冰冰，連翻熱都無。。。味道亦好普通。。。

明明一直係柴灣出沒，但都係第一次黎呢間茶餐廳食飯，一直遠近馳名嘅炸雞髀飯終於有得品嘗了🍗果然！呢碟招牌生油炸雞髀飯真係好大大大塊炸雞髀啊！雞髀外鬆脆乾爽、內柔軟多汁，唔會食到成口油，但真係好juicy，果然名不虛傳，值得經過時再食！

山長水遠專程去試興華。聞名遐邇的葱油雞脾是貨真價實，瑕疪是切開了炸，肉有點乾，也略鹹。乾炒牛河炒了許久，店員還要送錯給早已吃飽在看手機的食客，牛河夠熱，味道錯，$46 是沒話可說的超值。如果沒試$52的 至尊漢堡，這餐飯是滿意的。漢堡扒是凍和慘白色，明顯是從雪櫃直送芝士沒溶，煙肉沒煎。店員說已焗過了，送回廚房，再送出來時祇是漢堡有煎過的痕跡，因為好油，芝士依樣沒溶，煙肉依樣沒煎。是近年令人最難忘的漢堡。

當日精心安排了行程，由鰂魚涌起步，上柏架山道，再轉入去康栢郊遊徑，下柏架山引水道，大約兩個半小時就來到山翠苑，落去興民邨。沿着馬路行落去，15分鐘就到餐廳，終於可以一試柴灣名物之一的炸雞比。從馬路經過，鋪面並不起眼，因為它要行樓梯去上面。最後也找到了，有卡位就坐下。很舊式的小店，看來多年沒有裝修了。都是做街坊生意的，非常親切。叫了炸雞髀及手打漢堡。很快的便上菜。雞髀皮很脆，肉juicy，只係個豉油汁偏鹹，相信用來撈飯就很好，但是我單點就覺得太咸。漢堡包方面，味道不錯。如果塊肉餅可以煎到有焦燶的效果，及烘一烘塊麵包，就更好。服務很快手，年青人相當有善。之後繼續旅程，上去返引水道，過去野豬徑去淺水灣。港島東補給比較少，這段行程可以考慮。

看到網上好評特別開車去試下呢一間茶餐廳。去到個心已經嚇一嚇，店面比相片中更殘舊，行入裏面更加喺一陣酸叔味。一場黎到多諗住點都試下。我地下午2點幾去到，鋪頭坐滿20％左右，入到去無人招呼，自己搵位坐。坐低嘅時候正好有另外一台客人係度發脾氣，話叫左杯野飲，45分鐘都未到，心裡面已經諗伏味濃。之後坐左10分鐘先有人黎幫我地落單。兩個人，叫左常餐同埋佢地話係招牌嫁蔥油炸雞髀飯。等咗20分鐘一直未到。叫個後生仔幫我地催下單，後生仔一臉厭世咁問我欠乜嘢。先生，枱面空空如也乜嘢都冇，好明顯乜嘢都未到啦， 望住我做咩呀，需要我重新落一次單咪直接講囉，當然係冇道歉啦。之後再重新落一次單，再等多15分鐘，之後發覺佢地又再漏左單。叫個常餐同埋炸雞髀飯差唔多40分鐘之後先先後上枱。上先係沙爹牛公仔麵，難食到嘔。話係沙爹汁，事實上喺一pat無味嫁獻汁淋到左喺公仔麵度，沙嗲獻入面凹凸加幾片牛肉，當然喺肉還肉，汁還汁啦。到個蔥油炸雞髀飯上枱，又話係生炸雞髀，實質喺番炸左無數咁多，里里外外又柴又乾又吾新鮮。話蔥油只係係雞髀下面放咗啲劣質豉油，豉油上面灑左一啲唔新鮮嘅蔥，兩樣野根本就唔夾，難食到一個點，根本就係劣食。我

店名: 興華茶餐廳地址: 柴灣興華村二期和興樓203-204室柴灣站E出口，行13分鐘環境: 3/5價錢:4/5味道: 4.5/5最近多左人介紹柴灣嘅美食，今次就黎試呢間舊式茶餐廳，裝修好懷舊，好有以前嘅風味😚不過就唔近地鐵站，比較難搵葱油生炸雞髀❤️❤️❤️❤️❤️$29佢哋最出名就係呢個生炸雞髀🍗，勁大隻，仲大過塊面，上枱仲好熱，皮脆肉嫩，而且配上葱油汁，別有一番風味😍下午茶餐配熱飲 (凍飲+$2)$32西多士❤️❤️❤️❤️❤️上枱牛油🧈半溶，附上糖漿可以自己落入面嘅花生醬唔算好厚，但啱啱好，唔會過甜，好濃花生醬味🤩🥜吉列石斑薯條❤️❤️❤️石斑肉比較結實，薯條🍟就普通茶餐廳水準，但兩者唔夠熱🥲榨菜肉絲米粉❤️❤️❤️❤️$20同其他茶餐廳水準差唔多，但20蚊有好大碗，cp值幾高🙈#stitchfoodie柴灣#foodie #香港美食 #美食推介 #港島美食 #九龍美食 #食好西 #香港吃貨 #打卡美食 #生日好去處 #拍拖好去處 #香港食評 #香港餐廳推介 #香港小食 #香港甜品 #香港西餐 #香港中菜 #香港泰菜 #香港日本菜 #炸雞 #放題 #火鍋 #打邊爐 #香港拉麵 #香港川菜 #香港台灣菜 #珍奶

身為港島人還要住在附近，或多或少都有機會聽過這間茶餐廳。興華茶餐廳 隱藏於舊式屋邨內，是一間街坊茶餐廳。需要搭升降機到屋村的「空中平台」，建議不懂路可以問下街坊。茶餐廳內充滿了懷舊感覺，很有港式的味道喔！我們是早餐時間過來的，所以都是點了精美早餐。🍜沙嗲牛肉麵 + 火腿煎蛋 ($34)沙嗲的味道濃而不鹹，吃落香甜而不辣那種。麵條也煮得剛剛好，喜歡吃有彈性的。牛肉亦很軟腍。另外煎蛋還是反蛋來，火腿有稍微煎過，但不會很燶。🍜炸菜肉絲米 + 火腿煎蛋 ($34)這個應該也算是茶餐廳麵食中很常見的。話說這裡的熱飲都沖到好熱，特別是阿華田 😅熱到完全拿不起杯子來喝耶 .... 我點的則是奶茶，呷第一口就喝到很濃的茶香，卻不澀。其實這間很出名的是蔥油生炸雞髀，下午茶餐也很吸引，有機會再來附近時可以再吃吃看呢 😊

.作為柴灣人，終於去試下柴灣名物啦🤩其實之前都無點留意直到愈來愈多媒體介紹先知柴灣有間茶餐廳咁出名😎所以就約埋男朋友一齊去試下啦好彩去果陣無咩人排緊食完見到都幾多人係門口等緊我地叫左個常餐，因為想填飽肚之後重點黎啦📍蔥油生炸雞脾我地散叫左隻脾，$29 少貴上到枱又唔算好大隻不過！食落好有驚喜炸得好酥脆，執鞭嘅蔥油真係畫龍點睛撈埋又有蔥既香味同豉油嘅鹹味好夾，好食😋📍西多士去茶餐廳必要既食味簡單麵包夾生醬都好考功夫邊位夠脆，成件事食完好滿足放假食呢類邪惡食物好令人愉快🤪..#唯有食是最治癒的

"數數手指🙈快廿年沒和家人來過吃豬扒包了 來之前也要網上找找地址📍自從他們搬新店後也真是第一次來訪🙌🏻😅笨手笨腳的我一上就被我原杯倒瀉...落單姐姐見到主動整過杯新嘅比我 太佛心了❤️‍🔥另外我猜收銀位的一定要老闆 看見我相機食先📷就送我兩杯木糠布甸🍮賺了(笑)分享一個小故事 來自我媽年代的特殊食法 以前落單時可以備注要淨骨位 已經咁樣落單應遲會比阿姨駡(笑)好彩我都喺偏愛啖啖肉多啲 😝📝另外 如果同小編一樣食唔慣傳統豬扒包用比較乾身又相對硬一點的豬仔包🐷其實可換成菠蘿包或牛角包❗️還有撈麵可以轉撈河粉❗️撈河粉應該比較少見吧❓特別一提這裡的咖喱 比我想像中驚喜 又香又辣 值得一試🌶兴华茶餐厅地址：柴湾兴华村二期和兴楼203-204室

#💛⁣⁣🍞流心西多士⁣睇名好吸引 以為係中間夾住朱古力醬之類嘅嘢 原來中間係夾住一片芝士 雖然流心就無啦 但味道唔錯 而且呢間係令人暖心嘅茶餐廳🥹⁣⁣食完諗住埋單嘅時候 突然落大雨 職員見到即刻同我講咁大雨坐多陣先走啦 雨勢慢慢減弱仲專登同我講依家走得啦⁣

同屋企人行開柴灣，見到黃店就試試傳統冰室嘅「香港味」！💬 脆脆奶油豬本身想食西多士~但見到脆豬就心郁郁，見到之後個人認為十分邪惡，平時見到嘅脆豬都係圓碌碌，依款係香脆豬仔包，烘熱後滿滿牛油甘香撲鼻，加上少少煉奶就錦上添花！回頭食: ⓨⓔⓢ💬 味菜牛柳絲炒麵脆脆炸麵底，加上鑊氣豆豉汁，足料牛柳絲，仲有唔會太咸嘅味菜，比想像中更出色！回頭食: ⓨⓔⓢ總括而言，唔太認識興華村，有少少迷路之外😂，其他都係有驚喜嘅~入面嘅waiter 哥哥都好nice！💛興華茶餐廳💛柴灣興華村二期和興樓203-204室💛2557 6129