影片
中午, 又一個人去食. 是日準時出門, 所以就決定行遠一點, 找找食友南瓜的所謂旺角盲點, 甘霖街. 一條滿佈五金店, 機械工程店的街, 原來是不少佬店林立的地方. 而其中, 有一家麵店, 更是有點點名氣添. 來到, 中午時段, 此麵店已經坐滿哂人. 心想, 反正日後會有大把時間同機會會係旺角食lunch. 所以都是下次再試吧. 呢一條街, 非常之佬, 看看周遭的幾間食店, 看落最佬的, 就是這一間, 仲有老野係度飲玉冰燒的燒臘店. 最佬的, 莫過於坐在門口的一位老野, 開口一句粗口, 埋口一句粗口不特止, 仲要踎響求食飯同睇報紙.....老港生活, 就是這樣的隨隨便便. 既然是燒臘店, 食既當然係叉燒啦, 而配襯的, 就選擇了燒鴨. 可是味道未覺得是如意. 因為叉燒, 不是腍腍的梅頭肉, "鞋烚烚"的叉燒, 雖然都腍腍地, 但總是覺得有點兒不滿. 燒鴨, 感覺比叉燒要好, 但食落鴨香, 五香味不重. 感覺到, 這兒真的是俾班佬, 飲飲燒酒, 講講粗口的一個聯誼地方, 食飽就一餐, 好不好食, 只是其次.... 尋找隱世的味道, 未必事事如意既, 不過咁隱蔽, 咁陀地的一條街, 值得我, 來多一兩次...
繼續閱讀