臻.茶 (海天晉滙)

營業中

休息中

因為是給bb喝，要求少糖少冰。因為有第二個客戶也叫了同一種飲品，飲品製作就省事合著一起做了。而且服務態度也不是很好。喝得特別甜，也加了很多冰非常不用心的製作 不算便宜的價格我不知道我為什麼要關照只是因為恰好經過我想我永遠不會再照顧生意真心不覺得這個奶茶店可以長久，如果不改變的話。這家奶茶店標榜自己2012 年就創始，面對店面管理如此不上心，我從來不會在別的奶茶店叫少甜喝到一杯這麼甜的飲品。最基本的要求都做不到 開什麼奶茶店 質量和服務都不好

今日去臻茶試咗佢哋嘅桃子芝芝，整體感覺幾好。首先，入口嘅時候，桃子味道非常清新，唔會過份甜膩，係一種啱啱好嘅甜度。芝士奶蓋就帶出咗一陣輕盈嘅鹹香，配合得唔錯。兩者嘅融合令到呢杯飲品層次感豐富，入口有驚喜。飲品嘅質感都幾順滑，唔會覺得太稠或者太水。飲落去有一種清爽嘅感覺，特別適合炎熱嘅天氣。杯身設計得簡潔大方，手感都幾舒服，方便攜帶。服務方面，店員態度友善，製作過程都幾快，唔需要等太耐。整體而言，呢杯桃子芝芝係一個值得一試嘅選擇，尤其適合鐘意果香同芝士味嘅朋友。下次有機會，我會再試下其他口味，希望都會有同樣嘅驚喜。

平時都飲過唔少香芋珍珠奶茶，見到臻茶做緊特價，就買左杯香芋珍珠奶茶，本身都預咗唔會太好飲，難飲極應該都有個譜，但冇諗過香芋珍珠奶茶竟然可以難飲到咁，係咪一殼粉溝左一杯水？個味道又淡，個香芋味又勁假，勁似以前一排一蚊嗰個香芋糖嘅假味，完全冇試過一杯嘢飲係可以飲一啖就唔想再飲，勁差！！！

天氣凍，最岩就係飲番杯暖笠笠既飲品，臻茶好飲好多地方都有分店，但今次真係第一次試。🐒芋頭鮮奶綠💰$30第一個感覺係杯野真係夠晒熱😂差少少辣親，嗌左無糖但佢啲芋頭都夠哂甜，所以唔飲得甜既都可以嗌無糖，芋頭係蓉，但份量就偏少，茶味都正常，下次既話會想試葡萄柚綠茶，感覺都會幾refreshing

喺將軍澳附近行吓，天氣凍行行下想飲杯熱野，咁岩又有間飲品店所以就去試吓。叫咗個暖暖芋頭，其實係芋頭奶，佢嘅芋頭係一粒粒既，咁都好過啲開粉嘅芋頭飲品。但係佢啲芋頭應該係搵糖浸過，食落去好甜，所以建議杯嘢飲應該叫無糖，咁就可以平衡番成杯野冇咁甜。另外，值得一讚係呢杯嘢飲真係好熱，我第一下飲落去有少少熱親條舌頭，係咁凍嘅環境下飲杯咁熱嘅嘢真係好舒服，值得加分，但味道冇乜特別，不配咁既價錢所以唔會有下次。

第一次幫襯，叫咗杯大紅袍奶茶🧋。落單俾錢後我問收銀我可唔可以要少奶濃茶，點知佢答我做唔到，原因係佢哋既奶茶係預先沖定既。聽到呢句，我都心知不妙，覺得自己今次賴嘢。隨即後面負責沖茶既小姐，嚮雪櫃攞左壺奶茶出黎就咁倒入杯就完成😓味道確實麻麻，不過就未至於好難飲。飲完杯嘢隔咗一陣其實個肚已經覺得有少少唔舒服，點知返到屋企即刻肚瀉，結果果晚足足瀉咗三次😮‍💨😮‍💨我接受到茶可以沖定，但係加埋奶就真係危險囉。經過今次經驗👎🏻都唔敢再返去幫襯勒！

和男友行街，經過TKO新商場，大熱天時又口渴。於是乎便試試這家新開張的茶飲小店。我叫了一杯花樣石榴。飲落去好Fresh，有新鮮生石榴的味道，又唔係太甜，啱晒我口味