臻膳 (已結業)

每逢老婆放假我都同佢去食早餐，今日選擇喺樓下附近的臻膳 Delights，食個豐富早餐先，兩個人幫襯中式早餐第二份仲有8折！真係好抵食！即叫即整，新鮮滾熱辣！一麵三樣配菜，仲有牛角包或窩夫選擇！32蚊真係好抵希望大家支持小店，得閒去幫襯下😜👍

呢邊原來開左間新小店～ 見到早餐有得揀窩夫即刻試下。炸龍利柳，煎雙蛋，火腿，炒菇，茄汁豆，窩夫魚柳唔會好乾，炒菇都幾香，個窩夫多少少牛油應該會更好香😋估唔到有兩件窩夫同埋條魚柳勁大😳 食完飽到lunch 都唔駛點食😂沙爹牛面，餐肉，腸仔，煎蛋，牛角包個牛角包係暖，估唔到都幾鬆化，好食😋腸仔蛋果d就正常野。個沙爹牛唔錯。不過重口味既就覺得可以再濃d😋 不過有3樣配料跟埋牛角包/窩夫/蒜容厚多士，真係好滿足😂早餐既價同其他既差唔多。但分量超足。而且都有唔少選擇。企企理理既小店，可以encore。

新店試試見menu都幾多選擇 又有啲韓式嘢揀下咁叫咗韓式炸雞槌配韓式辣醬湯麵日式拉麵個湯底係自家製特濃蕃茄（配炒滑蛋及金蒜油）玉子豆腐（3件）無糖可樂唔難食但又未到好好食 可接受麵質剛好 份量合理 番茄湯比一般餐廳清 小油 感覺都唔差玉子豆腐普通 無咩特別炸雞幾脆 但粉略厚 只有韓式醬 炸雞本身沒有其他調味 吃落一般整體價錢算是略貴 可能堂食平啲另外用手機點餐 本來諗住可以準時拎到外賣 點知都係要等 鋪外太陽好猛 等到有d唔舒服 出餐時間有待改善

小店前身係達享車仔麵。 達享係本區以平靚正見稱，係疫情期間開張，都可以做到午飯座無虛席，都可算係異數。可惜都逃唔過要慘淡收場跟手接手嘅臻膳。可能吸取到上手經營困難，知道賣得太平都可能得過做字，所以佢地唔係以平取勝。反之就以精美為主。前兩日落去食早餐，一到去，見佢地擺檯同上手有啲唔同。檯只少咗張，但地方鬆動咗好多。早餐設計明顯花咗唔少心思，除咗唔係普通方包外，仲有牛角包，蒜蓉多士同waffle可選。睇到佢地嘅心思。配料選擇多又有彈性，選料算高質。咪道都算中上，最少唔會太重味精。仲要呢排做緊優惠，早餐嘅麵餐第二份半價，但份量絕對無將貨就價，真抵讚希望佢地可以繼續長做長有，令到富榮可以脫離美食沙漠。