臻膳私房撈麵 (已結業)

📍🇭🇰 臻膳私房撈麵 (長沙灣) ZHENSHAN.最近好多大型的餐廳都不及這間新開的小店！支持小店！.位於長沙灣-臻膳私房撈麵，兩個人行街行到肚餓，來到呢間食店不知不覺點左唔少美食！.大力推介👍🏻👍🏻👍🏻👍🏻👍🏻佛跳牆撈麵餐配枸杞葉湯 {HK$58}💡- 好足料，有真鮑魚、真花膠，味道十足，麵煙軔而不油膩，十分配合，招牌菜之一！.牛腩撈麵{HK$28}- 牛腩同湯麵一向都夾，但撈麵你又吃過未呢？呢個撈麵好好吃，麵底自家制整得唔錯！.芝士雞排 {HK$15} 💡- 另一招牌菜之一，芝士雞排，唔係炸雞排咁簡單，內有流心芝士夾火腿片夾雞肉，好好吃😋！吃過返尋味！.鹹檸七 {HK$16}- 鹹檸檬大大粒！.蜜桃椰果QQ {HK$16}- 味道十足，果肉豐富！.蘆薈仙草紅豆爽 {HK$26}- 吃飽飽，仲可以係店內吃埋甜品先走，份量十足！第二個甜品胃開！.支持這小店！大家快點去試下啦！仲有得外賣/food delivery，唔駛出街都可以食到啦！…查看更多

住喺長沙灣附近一直都想試吓呢間新開嘅餐廳，尋晚見有d肚餓就去左食。叫咗個手撕雞撈麵，有好多生菜絲，味道都OK嘅，附近都冇同類型嘅餐廳。跟餐送一個湯，可以揀牛肉丸湯、豬肉丸湯、枸杞湯等等，有成五粒丸都幾足料。另外叫咗一杯柑橘蜜，有d甜左d。小食有麻辣豬肚，太淋，無左口感，好大陣滷水味，我唔太鍾意。反而個紫薯雞蛋手抓餅幾好食，熱辣辣送上黎，好脆卜卜。不過餐廳裝修好似一般快餐店，唔太好坐，但算係一個街坊食堂。…查看更多

今晚屋企無煮飯所以收左工就係公司附近搵野食, 見到e間撈麵好似幾抵食咁就入去試下😛 雖然時候尚早, 但都已經有好幾枱食客, 餐牌上都算幾多選擇, 淨係撈麵餐都已經有9款, 最後小妹揀左個撈麵餐同個小食!特色撈麵🍜撈麵份量都幾多, 麵條濕潤度適中, 唔會太過乾, 撈埋椰菜絲同肉燥, 味道唔錯, 口感豐富, 加埋蒜蓉辣椒醬, 非常惹味!枸杞葉湯🥣湯水同湯料嘅份量幾足, 味道亦幾濃郁!紫薯雞蛋手抓餅🍠🥚手抓餅千層百疊, 口感鬆脆, 入口有香濃嘅紫薯味, 唔錯!總結: 食物味道唔錯而且幾足量, 價錢唔貴, 70蚊有找, 非常有良心小店!…查看更多

嗰日接媽咪，放工,經過長沙灣。同佢想搵間價錢公道嘅餐廳食。見到這間餐廳裝修唔錯，而且有冷氣，價錢唔太貴。個位置喺蘇屋村附近。佢哋主打嘅係撈麵而且套餐好多係冇味精嘅靚湯。而且仲係免收加一覺得好公道。媽咪最喜歡嘅係蒸飯小炒同埋撈米粉。我自己反而最喜歡係凍奶茶，同埋小食同埋水餃。而且佢哋有蒸魚我相信爸爸會喜歡。我自己最愛嘅就係韭菜水餃。好有韭菜味,這裏邊服務生照顧唔錯。希望過年嘅時候再食多次。😊😊😊😊…查看更多

成日聽人講，深水埗同長沙灣一帶有唔少平價親民餐廳，今日就同M佬去到臻膳私房撈麵覓食。呢度粉、麵、飯、餅都有，最緊要係食物少鹽、少糖，食得夠晒健康，仲好有家嘅味道。紫薯雞蛋手抓餅手抓餅有4件，以往食手抓餅，都係雞蛋包住餡料，但呢度嘅手抓餅係顛覆一直對手抓餅嘅概念，因為紫薯超多，多到爆晒出嚟，又香又脆。椒鹽小排骨排骨嘅椒鹽味夠香，粉量多，但就略嫌乾咗少少。勝瓜及第湯湯夠晒足料，有勝瓜、瘦肉、粉腸同豬肝，味道清甜！驚喜在於跟餐嘅湯都咁大碗，同M佬share都夠飲。淨粟米水餃配蔥油餅水餃好飽滿，入面包住豬肉同粟米，好juice！而一碗水餃有十粒，份量十足！而跟餐仲送蔥油餅。芝麻醬蟹肉雞斯撈麵芝麻醬真係一個無得輸嘅調味品，配上手撕雞肉、椰菜絲同蟹柳，賣相好吸引！雞肉嫩滑，麻油香味濃！撈埋一齊食，好好味！黑糖珍珠奶茶呢間嘅珍珠黑糖味唔會死甜，飲得更加健康。…查看更多

餐廳：臻膳私房撈麵 (長沙灣)地址：長沙灣李鄭屋長發街28D號安發大廈地舖最近趕住去長沙灣政府合署交grant loan啲資料📑，點知閒日去比我想像中快好多🕥，剩左啲時間又未夠鐘返工所以就係附近食返個brunch先行行下經過長發街嘅街邊攤檔👔，見到呢間臻膳私房撈麵岩岩開門🥢，又唔係咁想食飯🍚，所以就走左入去食返個撈麵手撕雞撈麵 $49手撕雞肉同椰菜絲鋪係麵上就好似一個太極咁🌓，兩隻色嘅對比形成一個好好嘅映襯，雞肉經醃製後香濃入味🤤，雞肉嫩滑帶麻油香，食到一半仲可以試下放入送嘅無味精湯入味，☝🏼個主食✌🏼種食法，我就揀左豬肉丸湯，清甜足料👍🏾，有份量唔少嘅菜心同紫菜紫薯雞蛋手抓餅 $18手抓餅有4️⃣件，一拎上手熱辣辣😻，紫薯同雞蛋香交錯而出🍳，煎得夠香又脆，值得一試最後仲叫左杯黑糖珍珠奶茶($22)🥤，雖然珍珠比較煙韌硬身，但係唔會好甜，奶茶香滑🥛☕️，茶味無被沖淡…查看更多

今日下午同家人食午餐，家姐話想食水餃和面線，我地咁岩經過*臻膳私房撈麵*見到價錢唔貴，咁決定一試。我地睇到餐牌勁多野食，揀左一陣，小雲吞牛腩湯麵 ，小雲吞細細舊，大約有四五粒而牛腩都好入味 淨粟米水餃 大約有七八粒 味道清淡啲 紫薯雞蛋抓餅 好少地方有得食 食到淡淡的紫薯味食落唔會話好油墨魚餅 配麻醬 都幾特別 鹽酥雞粒細細舊，好好味 ，會食唔停口，又唔怕好咸會好口渴咁樣。 水蜜桃QQ 唔算太甜味道剛剛好，紅豆冰 奶味比較重啲，紅豆軟身 …查看更多

朋友介紹嘅小店，令人喜出望外！同朋友一人叫左一個餐，我食川香撈麵加冬瓜咸蛋湯；朋友食牛腩撈麵，牛丸湯。仲叫左個墨魚餅！湯同面都大大碗，係非常夠食，我碗川香撈麵有豬肉碎同梅菜，d梅菜好香！好似客家梅菜咁，非常岩我口味，仲有個湯，無味精，足料！我試左朋友碗牛丸紫菜湯，粒牛丸唔係一般冰鮮丸，係彈牙同有真牛肉味！最後仲飲埋個咸檸7，好少飲汽水，不過依杯個咸檸係自家製咁，好飲總括黎講，d野食係好有住家菜味之餘，味道係好食嘅。價錢都親民，一個餐有面有湯，50蚊都唔洗。…查看更多

今日見仔仔溫書和做功課咁乖，就問佢你想食咩?佢話食麵，又想飲珍珠奶茶， 大佬你咁多要求阿媽都會盡量滿足你嘅，上網周圍睇，就見到呢間店，就座車過來食睇下係咪網上講的咁掂。我地叫左兩碗麵， 佛跳牆撈麵和 芝麻醬蟹肉雞絲撈麵， 咸檸七，黑糖珍珠奶茶， 枸杞葉湯， 鹽酥雞，墨魚餅， 椰果仙草紅豆爽。我推薦 鹽酥雞真係好掂 ，好似飛左去台灣食咁。小小店內竟然有佛跳牆撈麵，真係好抵食。枸杞葉湯，加左好多 豬潤粉腸瘦肉一齊煲好夠味。 椰果仙草紅豆爽入面d 紅豆煮得好正。…查看更多

放工經過長沙灣同男朋友諗住搵間平平哋嘅嘢食見呢間入邊都頗多人就入去試吓🥰🤩原來呢間鋪頭出名食撈麵但係我哋就冇試到佢哋嘅撈麵啦叫咗兩個手撕雞飯每個飯仲會送一個湯👏🏻👏🏻👏🏻湯款都有好多選擇而且仲係冇味精嘅😋呢樣好重要呀因為好想食得健康另外我哋仲嗌咗個鹽酥雞好有台灣風味而且佢唔會炸粉好多見到隔離枱帶咗個紫薯手抓餅好似好吸引咁都忍唔住帶咗個原本諗住就咁食手抓餅都會好飽驚加咗紫薯會更飽但係食落有冇好濟好飽嘅感覺喎🥰🥰如果你係學生咁就有福啦因為我留意到佢哋有專登為學生而設嘅餐牌顧名思義即係學生去食就會有優惠可惜我已經過咗學生嘅年齡但就算正價去食都唔會話特別貴推薦推薦☺️☺️…查看更多

今日同朋友玩輸賭，下位進店的是男是女🤣🤣結果，我輸了，要請吃東西🙈🙈朋友都很老實不客氣，叫了一枱食物🙈🙈點了兩個撈麵，一個是雞絲蟹柳麻醬撈麵，另一個就是牛腩撈麵~麵質爽而彈，牛腩軟滑而不韌,入口剛好~鹽酥雞~完美演繹台式炸雞😍椒鹽炸蝦~脆得連殼也能吃掉，而且還要是海蝦❗❗肉質跟平日吃的完全不同🤩蒸海鱸魚~又是不容易吃到的一樣，淡淡的海水咸味，肉質堅實已不散，不是一般養魚能比😍😍紫薯雞蛋手抓餅~這個是必吃🤣因不是每處也能吃到，這個大愛😈😈咖哩雞~這個薯仔蘿蔔煮得剛剛好，咖哩香濃惹味，配飯配麵一流🙈🙈蘆薈仙草紅豆爽~為一餐完美的結尾，甜品少不了😈😈好味…查看更多

係長沙灣附近做完facial都9點幾，有啲餓就係附近食啲野.見到呢間都幾事正，諗住簡單入去食啲野雖然就黎十點但入面都仲有好幾枱人客店鋪都幾光猛 而且坐位唔會好迫峽餐牌選擇都幾多，唔同配料可以選擇跟飯/撈麵/湯麵🥣仲有小食、餃子、特飲、沙冰、甜品出乎意料地多多選擇😍😍😍.我地叫左椒鹽手撕雞撈麵、淨韮菜餃、一款小食一杯紅豆冰.食物好快就黎到椒鹽手撕雞撈麵餐會跟一碗湯有5-6款揀好台式既貢丸湯，湯底清清地，有肉既咸香加左海帶多左一份鮮味，海帶量多，爽口👍🏻貢丸有成5粒，幾彈牙，食落口幾彈牙而且香菇味道幾重.椒鹽手撕雞撈麵手撕鹽有香濃既椒鹽味，單食偏咸，配撈麵剛好👍🏻雞既份量都好多，調味唔錯，仲有麻油味鐘意佢有加啲椰菜令成個撈麵無論口感同味道麵豐富啲麵條幾香，份量又係偏多，坐部野加埋啲蔥同芝麻撈埋黎食好香口，會一啖接一啖咁食😆.淨餃子會送一個小食我揀左紅糖饅頭 食落無想像中甜，有濃厚既紅糖味，為單調既饅頭增添一啲特別口感厚重，但唔會死實實淨韮菜餃子🥟又係非常足料我無數但睇相都見到大大粒 成碗裝到滿晒餃子湯同貢丸湯應該一樣餃子皮幾厚實，有啲咬口肉餡非常香韮菜味，調味剛好最重要粒餡肉幾大粒下，咬落去滿滿既肉香同韮菜香，足料呢到既熱門芝士炸雞排係必點即叫即炸超新鮮熱辣辣💃🏻💃🏻💃🏻雞排唔厚，咬落好鬆脆香酥炸粉唔會太厚，火喉剛好唔會太燶中間夾住芝士同火腿，非常豐富芝士都幾多，未至卡爆漿但食落口滿滿芝士加埋薄薄既火腿增添咸香😋😋😋侍應姐姐仲俾左塊墨魚餅我😆話新野俾我試下呢啲小店既人情味第二度搵唔到墨魚餅意外地彈牙，而且墨魚🦑味道都幾濃岩岩煎起仲熱辣辣，個人幾欣賞個墨魚餅最後紅豆冰作結，偏奶，紅豆唔算好甜成杯味道唔濃，食完成餐飲番幾啖清新下☺️…查看更多

朋友喺長沙灣返工,所以今日就去咗呢區搵下有咩好嘢食。呢間鋪頭細細間,而我地最近真係唔想幫襯大集團,一於決定入去試下呢間小店。呢度d食物嘅價錢十分親民,麵食一般為$2x-$4x,而各款套餐都只係$4x-5x,真係好平。我同朋友都比佛跳牆撈麵呢個名深深吸引咗,叫咗兩個套餐,套餐仲有湯跟埋,分別揀咗牛肉丸湯同埋勝瓜湯。由於小食都非常非常之平所以就叫咗一客邪惡既芝士雞扒另外,我揀咗一杯熱柚子蜜,朋友就揀咗一杯紅豆冰。當碗撈麵一上檯嘅時候,除咗覺得好大碗,就係覺得好大碗😂佛跳牆撈麵既餸包括有冬菇,鮑魚仔,好多舊花膠。雖然價錢好親民,但係份量一啲都唔hea,齋食呢個面我都已經覺得飽,點知佢跟餐嘅湯,分量都一樣係超級大。本來以為好似平時八方雲集d湯咁細細碗,點知個牛丸湯入面有五粒大大粒嘅手打牛丸好彈牙,啲湯仲係紫菜湯添。至於個芝士雞扒小食,$15係兩塊,每塊一開三,共有6件,好抵。雞扒熱辣辣, 雖然芝士冇話拉絲但係性價比好高,其實我預$15得一塊,點知原來有兩塊咁多。講埋兩杯嘢飲,朋友杯紅豆冰叫咗少冰,又真係好少冰好足料,而我杯柚子蜜,除咗有柚子之外仲有檸檬,好濃,唔係平時茶餐廳好淡味個d呢餐晚餐,我除咗好抵好足料之外,都唔知可以講咩好,每樣食物/飲品都睇到落足料,人均$80,平時去茶餐廳求其食個晚飯都已經係呢個價錢啦。而呢度既侍應聽到我話好飽,仲不斷過黎同我傾偈,叫我慢慢食香港呢幾個月既情況令好多小店生意都受一定程度影響,希望香港人加油,快d回復生氣,食肆小店都能夠渡過難關。…查看更多

黎到長沙灣，附近商場唔多，正好就係係街邊搵下小店試下！行到依間見話食私房撈麵幾得意，望入去環境又好似幾闊落咁，一於就入去試下！一睇menu，價錢好平民，套餐價包埋無味精嘅湯都係五十蚊有找，晚餐食真係平到爆！撈麵方面見有個佛跳牆撈麵（$58）未食過又平平地，一於就試下，估唔到係咁好食！首先好足料，有鮑魚、花膠、海參、翅、冬茹咁，個汁有好濃嘅海味味撈麵一流，有時好怕撈麵個麵太硬難消化，但依個個麵好林，正！跟餐仲有個湯送，依個係冬瓜鹹蛋肉絲湯，個湯真係好有家嘅感覺，好多湯渣！飲得出唔係味精湯，唔會好鹹幾清甜。另外仲叫左清蒸鱸魚飯（$49)，出街好少機會成條魚咁食到，仲要唔貴！條魚蒸得幾好，魚肉夠滑，正依間野食真係不錯，又平又好食！想簡單食餐家常便飯黎依到幾岩…查看更多

49蚊有成條鱸魚、有飯、有足料既湯 (裡面有菜有肉有冬瓜有鹹蛋)、有餐飲。其實基本上飲完個湯已經飽左一半，所以我要少飯先至食得晒條魚。d魚又新鮮又滑。我覺得成個餐嘅水準應該值60至70蚊。真係物超所值！…查看更多