臻味豬扒酸辣米線

營業中

休息中

#脆香雞中翼酸辣米線 $34落咗單先知 原來個湯底除咗酸辣之外 仲有少少麻米線同雞翼份量都唔少平時喺其他舖頭食 最多都係比3隻雞翼依到係比4隻 而且唔係細隻🤤🤤雞翼炸得好香口 好正😍啱曬我呢啲咁鐘意食雞翼嘅😌米線仲煮到好彈牙 唔會淋曬 真係唔錯下次一定會再去試其他😆評分:7/10

呢間野食左好多年了，今日心血來潮來幫佢寫返個食評鋪面裝修係比較簡陋，唔算大間。不過食物味道不錯，個人覺得佢個湯底好香，少少麻，佢個豬扒，雞翼同鮮蠔仔都唔錯如果想飽肚啲可以轉上海麵（個人覺得會比較飽）。不過整體上來講呢度食野會比較油，離開店鋪後身上亦會留有油煙味，但係好味

近年觀塘改建，所以都甚少到市內留連，不過久不久都會掛住臻味碗豬扒米線，所以今晚又特意走來晚餐。一個人，搵位無難度啦！食左咁多次酸辣豬扒米線，今日想加埋蠔仔試下先！唔洗等好耐，好快就有得食喇✌🏼酸辣味道不變，依然咁惹味，每次都好有衝動飲晒啲湯 ; 豬扒更係皇牌，薄薄地一塊豬扒，炸到勁香脆，浸完湯仲好食！唔少得嘅緊係蠔仔，size黎講都好大粒又飽滿，仲好鮮味！原來係每日新鮮去街市入貨，唔係雪藏貨色...👍🏼食完我都覺得自己好飽滿🤪

yummy pork and dumplings noodle 🐷🥟 🍜咁近城隍廟，都唔識求返只好簽！作為米線控，今次我地就試酸辣米線🍜豬扒酸辣上海麵$36豬扒既份量確實有點驚訝🙀大大碗鋪滿五、六塊大豬扒，加埋芫荽蔥花生，湯頭酸辣啱啱好，錯在上海麵質地平庸。韭菜餃酸辣米線$36連餐飲🥤有驚喜，餡料同餃子皮對比啱啱好，咬落重好juicy。📍 臻味豬扒酸辣米線 (觀塘)觀塘聯安街9-15號永毅大樓地下C舖#臻味豬扒酸辣米線 #CP值高#foodblogger #gotravelwithandie #食玩焗煮遊世界

米線一直都係我既最愛 不嬲都好鍾意某三哥米線 可惜放lunch既時候想去 但因為太懶 所以見呢間就腳就黎左佢店面都幾大 睇黎去都好乾淨企理 因為都係第一次食 所以叫左佢地個手撕雞米線 先講雞肉 雞肉夠滑 食落唔會太柴 而辣度方面 適中 加埋一齊就好惹味而最令我覺得有驚喜既係湯底 佢個湯底好正 我叫左中辣既酸辣湯底 湯底有d肉碎增加香味 飲落唔會因為味精而口渴 而辣度正常 但個人覺得比某三哥更加香 可能加在肉碎掛我都幾推薦大家去試下食呢間野米線黎講 佢都係好食之流

這家酸辣米線店已經吃過無數遍，那麻辣帶酸的確令人難以忘懷，亦很上癮。加上價錢比起其他米線店完全不貴，而份量亦很足，確是區內平價美味之一！配菜當然不少得主打的豬扒，大大塊，入味又腍。而除了湯米外，還有其他選擇，如泡飯、撈米等。鮮肉韭菜餃酸辣米線：韭菜餃亦是我最喜歡的餸菜之一。米線可以揀選辣度，那少許的麻辣也足以令口腔及嘴唇麻痺了，湯還有其他配菜如酸菜、花生、芹菜、芫茜等，如不喜歡任何一種，記得要預先跟店員講～米線吸盡湯底的酸辣味後，更加入味；鮮肉韭菜餃皮夠薄，餡料豐富，韭菜味出，混上碎豬肉，大大粒。吃完整碗真的很飽了～

每間酸辣米線都有各自風格，獨特既味道。而臻味亦別樹一格，一試難忘。酸度剛剛好，唔會只係得個辣字，而且帶點‘麻’既味道。我通常會揀上海麵，我覺得佢地既湯底配上海麵更加出色。

多年前一個偶然機會，平時極少勇於試新嘢，無端端就食左臻味酸辣豬扒米線，立即被那少許麻辣、適度的酸味及辣味吸引，豬扒又多又大件，一個女仔都食唔晒，而且價錢合理，一食就難忘，成日心郁郁想再食。除豬扒外，亦食過手撕雞、豬手、魚肉雲吞、水餃、豬腸、牛𦟌、豬雜小窩等等，上海麵也很好味，多花生多酸不另外收費，實在更加抵食！不過每次食完，身上總會有陣味，可能冷氣或通風唔多夠。至於套餐就唔係好抵。以傷x跟臻味比較，臻味領先👍🏿👍🏿

叫左個蠔仔撈水晶粉, 少辣, 見佢D 蠔仔又多又大隻, 滿心歡喜, 點知 佢個汁好有問題! 好咸!!! 就算D 水晶粉本身無味,撈埋一齊都仲係好咸!! 麻辣豬耳OK, 夠大條夠多, 但越食越辣, 最尾發現咀唇都麻了。出面好多都係辣, 呢間真係麻, 可惜我勁唔中意麻辣野。

這小店位於牛頭角的不顯眼位置，除非有朋友介紹或啱啱經過，否則就難發現了，這小店主要賣酸辣米線，尤其是豬扒酸辣米線，一場嚟到便叫了這個豬扒酸辣米線，端來的時候，見到有一浸油浮在水面上，似乎是好辣的信息吧！果然，湯頭辛辣的味道令舌頭有少少麻痺感，而米線也吸收了酸辣而也變得辣起來，我已選了小辣程度卻有這震撼效果，所以加配凍飲是常識吧，整體來說，麵線有花生、酸菜、芹菜等配菜，豐富得惹味，一於下次再來挑戰。

呢間臻味大大話話都幫襯左不下二三十次，由牛頭角店食到開多間觀塘分店，皆因公司只係一個街口之差，而主要因為實在中左臻味癮，唔食唔安樂次次黎襯都例牌order呢個雞翼紅薯紛另加蠔仔。非常推介呢度個蠔仔，好新鮮，又好多粒。另外呢度必嗌酸辣湯底。如果唔食酸可以走酸，會送多幾舊蘿蔔。至於唔食得辣嘅，推介一可以叫店員另上辣，咁就可以自己調較喇，因為如果嗌清湯就真係會好淡，無左呢度嘅特色。留意番lunch時段都真係好多人排隊，身為打工仔爭取lunch時間攤抖當然唔會排啦，好在可以提供打電話外賣自取，通常預早十五分鐘打定電話，之後就即刻有得拎架喇

前幾日同事推薦過呢到嘅泡飯都幾好，咁今日就一於膽粗粗試下叫左個雞絲肉碎泡飯，本身想堂食，但lunch time太多人係出面等位， 等左陣都係放棄轉左叫外賣返公司食拎到返公司開始食都隔左差唔多25分鐘左右，但竟然d飯都冇浸到發曬，仲好一粒粒！而且又好足料，好多雞絲同肉碎，d飯嘅份量都好多最重要個湯底好香又唔咸，食完唔太覺有味精，d蔥同芫荽又多，啱曬我如果可以再多d更加正丫我之前食過好多次呢到嘅韭菜餃清湯米缐，又係我至愛，d餃又大隻又足料，鐘意食韭菜餃嘅人都可以試下

原來這家就是「麻辣賢片」的原產地，真有趣；就像有朋友叫阿賢，但有人打錯了，於是一直被譏笑「生性啦腎」。🤣好像很久之前已經來過這間湯飯米線店，但是由於它離開觀塘地鐵站比較遠，因此都不會經常來到這邊。這次看到東廣場裏邊雖然有新食肆，但是不算太吸引，舊的亦都試過下，於是還是再過來吃這一間。友人最喜歡這兒的蠔仔泡飯，我也覺得算是比較出色，因為所謂的蠔仔，比起出邊的更加大隻，至少可以給你咬幾口都未吃完的蠔仔，夠飽滿。而且，蠔仔煮出來的泡飯，湯底味道比較鮮甜。上次試過湯米線，這次就試一試酸辣撈是如何的味道。本來點了一個秘製豬扒酸辣撈薯粉，但是店員指，撈薯粉，紅薯粉就是直條型那種🤔，由於之前一周已經吃過直的紅薯粉，感覺口感不太好（紅薯粉總是覺得曲曲有波浪的比較好）。於是就點了米線，的確，這種酸辣，底下也有一些花椒油提供麻辣味，還有酸菜花生等等。地點在較偏僻處，才避免收樓殺街等噩夢，行多兩步來，總比隨便在地鐵商場找吃更好😪。

星期五的晚上🌙，與老公🍋兩人想不到要吃甚麼的時候🤔，就決定在車站附近覓食吧📍，但最後還是回去吃我們最愛的水晶麵😅。餐牌上的選擇雖多📜，但我倆一向都是比較長情的🤭，不用多想就可以點餐了📝。酸辣手撕雞水晶粉🐣：人妻🐷點了一個相對上較清淡的😌，嫩滑的手撕雞肉🐥配上了爽口彈牙的海蜇🌊，還有煙靭的水晶粉❄️，層次感豐富😋，比較可惜的是水份太多💦，醬汁被弄稀掉😰。秘製豬扒水晶粉🐽：老公🍋則點了他常點的，豬扒肉質細嫩😋，加上酥脆的外層🤩，難怪成為了老公🍋的至愛💖。可惜同樣地水份太多了💦，不然醬汁必定可以更香濃😢。總結：雖然每次的水準都有下滑的感覺📉，但情意結這點事💝，真的不是這麼容易解開的😌。

韮菜餃酸辣米線($38連餐飲)雖然招牌係豬排米線，但臻味既韮菜餃米線先係我至愛！一碗六隻大大隻脹卜卜，皮薄餡料豐富，而米線煮得剛好唔會太淋太硬。酸麻湯底少辣都食到個咀唇麻痺🤣，配以大量香口既花生同酸菜，係會食上癮嫁！