臻味豬扒酸辣米線

營業中

休息中

今日OT 到9點 朋友過黎公司等我收工食飯佢係openrice 到搵左幾間餐廳比我簡係幾間唔同既餐廳 我簡左呢間因為我覺得好得意 呢間將成個餸拎黎做左餐廳名呢到主要食酸辣米線 咁我黎到緊係要食返個秘制豬扒酸辣米線啦！我叫左中辣走青一黎到 我試左一啖湯鍾意酸既我 大愛 因為酸味好重而等左一陣間'麻 ' 開始走出黎覺得唔夠勁既我再加辣！愈食愈'麻' 好正！而豬扒 好入味 如果只食豬扒可能會有小小偏咸但配埋成個湯及米湯既味道，好惹味，好配合食到講唔到野..hahahaaaa!!呢一個米線 有齊 酸 辣 麻既感覺係到真係一個好享受

今日下午去佐觀塘同個朋友食lunch，見到呢間米線店有好多人排隊，所謂事出必有因，人多必好味，緊係要試下啦。等佐10分鐘就有位啦，餐廳都係一般既米線店佈局 - 唔岩音既auntie + 有d迫既座位 + 不算乾淨既地面。望完餐牌我就揀佐佢地既招牌菜 - 酸辣豬扒米線。唔食由自可，一食我都嚇壞佐...首先，豬扒完全浸在湯底裡面，淋哂，同埋食到生粉既味道...米線面質ok但係個湯底...超級的味精，唔係味精咁簡單，係feel到我個嘴邊有「發下發下」既感覺，我唔知呢d係唔係叫一滴香既感覺，總之食完好唔舒服，飲完一大杯凍奶茶d味都介係散唔到可以說得上係我食過最唔舒服既一餐極度失望，亦都唔會再黎幫襯

最近工作非常忙碌，是晚成8點半先放工，好肚餓，都等唔到返屋企果邊先買晚飯啦，所以就去公司附近食個米線先返屋企。位於觀塘既「臻味豬扒酸辣米線」，其實比較近牛頭角地鐵站，呢間米線店我早係幾年前係呢頭返工時已經認識，亦都係呢間店既常客。呢到一碗米線大約30蚊左右，同平時食到既差唔多，但係配菜就比一般食到既特別，有豬扒啦，手撕雞啦，雲吞等等。魚肉雲吞酸辣米線: 呢到既魚肉雲吞好特別，整得好薄，湯底有好香好脆既花生同酸菜吊味，仲有芫茜，配埋彈牙既米線味道變得很香，酸辣又可以揀少酸多辣，酸酸辣辣咁食落幾開胃。

午飯想輕食，到裕民坊食米線！此店出名豬排米線！即叫一碗試試！叫了豬排米線小辣走花生，友人叫了九菜餃豬排米線。 豬排炸得剛好，不太油！叫小辣對於嗜辣的我不夠喉，下次叫中辣，酸菜很好食，大加分！友人那碗的九菜餃份量很多！餃子足料！不錯不錯

星期日晨早上班 真令人氣餒 避無可避記得兩年前新上班同事曾帶我到臻味食豬扒米線 當時覺得非常好味 由於午飯一至二通常大排馬龍 所以一直未有機會再食 可是 今次食完酸辣豬扒米線完全沒有令人讚嘆的意欲 名為酸辣 卻不酸不辣 豬扒過份軟身 沒有口感 大失所望

最近一連幾個星期六，我跟同事下午放工之後，都喜歡去呢間臻味食米線。 我最鍾意他家的豬扒酸辣米線，豬扒味道好香脆口好入味。 湯底有酸菜吊味，很開胃，但其實沒有辣的感覺，我個人覺得，可以再加辣一點。 之後我還試了蠔豬酸辣米線。真的沒想過一次就可以食到最愛的豬扒+蠔仔米線。 他家的蠔仔大大粒，又不小氣，蠔仔是廷多的。 食完真的很有滿足感，很回味！  朋友有試海鮮米線 及羊肉米線： 他們說湯底很鮮，羊肉夠嫩，口感不錯。 

 每次經開牛頭角一達，都會好掛住呢度既酸辣蠔仔豬扒紅薯粉，仲要加上呢期天氣有時涼涼地；     叫一碗暖下胃，味道好惹味；而且可以揀辣度，份量已經都夠我食，唔會話太小或者太多     而且最鍾意食佢裡面既花生，好香脆；嚟緊又開始凍，如果經開又去整番一碗先

見到呢間小店，又中意食米線，就黎試試。本身仲驚唔夠飽，點知豬扒超大塊又好食要叫中辣先夠滋味，價錢適中，夜晚都多人黎食，仲有好多款揀幫襯下小店，好過成日譚仔，值得一試

朋友極度推介這裡的酸辣米線和豬扒，今次便來會一會佢，經常在觀塘覓食，也未有試過這裡的米線這裡選擇多多，有酸辣湯底，也有撈的，同時也有我大愛的番茄湯底！今次選了豬扒蠔仔酸辣米線蠔仔大大粒，沒有沙，很鮮甜，正！另外，豬肉入味又夠淋，有兩大塊，湯底也很濃，加上一大堆酸菜，很滿足。試了友人的番茄湯底，下次來我一定要叫番茄湯，因為很茄味很濃，又多薯仔粒，愛番茄湯的人必勿錯過！

聽說這家店很久,終於走過去吃了。要了小辣豬扒米線，豬扒超大塊，易咬不痴牙，像我這樣大吃的人吃了半碗已覺得飽肚。表面有"嫌西"，令米線味道變得很香。湯底鮮甜，不會太鹹，不像味精湯，不錯。缺點：吃完會有一大陣味道，不過也沒辦法，建議吃完回家，若吃完要行街，恐怕有味道

此店初開已幫襯，當時嘅豬扒好好食，炸得啱啱好，夠鬆軟入味，我唔食辣，通常都叫雜錦小鍋清湯紅薯粉，鐘意佢好多款料，有九菜餃，烟鴨胸，司華力腸，肥牛，豬膶，腩仔，有時會有豬肚同粉腸（仲試過有蠔仔），佢個湯底清得黎夠鮮味，個女就鐘意食佢嘅豬手酸辣紅薯粉，話豬手夠爽口，唔肥膩，唔漿口，酸辣又可以揀少酸多辣，兩個人會另叫一個淨豬扒小食，份量足夠有四塊。但今年開始，我同個女都觉得佢嘅豬扒醃得越黎越咸，有次試過咸到食左一半已經冇食，而啲湯底亦似落多了味精，食完會觉得幾口亁，既然佢嘅招牌食品係豬扒， 希望佢地能夠保持住水準，回復返以前嘅“臻味豬扒"，因為好口碑得來不易，千祈唔好做壞招牌。

個人本身不太喜歡吃湯粉湯米之類的食物, 但經朋友推介, 便抱試試無防的心態與友人在午飯時間去光顧一次臻味豬扒酸辣米線, 我們每人叫了一碗豬扒酸辣米線(小辣), 酸酸辣辣的味道不錯, 只是個人不太喜歡有唐芹菜加在湯中, 每碗足有3件切件豬扒份量, 比起一般茶餐廳的什麼豬扒公仔麵/通粉等豬扒份量明顯多, 豬扒入口鬆軟, 入味但不太咸, 加上那些酸菜及微辣的感覺, 各樣食材味道配搭不錯, 加上價錢經濟實惠, 所以午市時段見到店前有人龍在排隊是正常現象! =]

店舖環境中規中矩👍 員工服務ok 上菜速度亦很快佢個酸菜係佢個重點 好好食喜歡酸辣的一定要來而朋友吃的蕃茄豬膶湯飯豬潤很新鮮 飯亦不會太淋我自己都好中意佢既小食酸菜手撕雞及無骨鳳爪會有點點地麻辣 但恰到好處好味👍👍👍

之前睇到一位人氣YouTube blogger 的post 推介，今日經開觀塘，便走左去食。地點好方便，近地鐵站。入到去發現食客不多，我叫左一碗豬扒米線，等左兩三分鐘度就即刻有得食。賣相都幾好，材料好豐富，豬扒都有三、四塊，花生都有好多。但食落就覺得唔夠熱，好似唔新鮮咁，豬扒亦偏油，由於本人唔太鐘意食太油既食物，所以就扣左分。但整體感覺係一般

豬扒酸辣米線，食左一半已經食唔落，條利麻痹左，因為太咸，咸到係咁飲茶……秘制豬扒ok,唔會乾淨淨，食完個米線，食到個口好乾，唔會再食……好似比味精炸左個口，係咁飲水