臺味冰點餐廳

營業中

休息中

雖然每次去新北江都會經過這店 但是次卻是第一次嘗試因為是下午茶時段 踏入食堂看見約七成滿座待應各有各忙 未有招呼我這位客人 我便自己找個位置坐下我點了芝士焗蟹柳意粉 加珍珠奶荼餐牌上已指明要焗十至十五分鐘 餓著肚子的我也只好等待十五分鐘後 待應端上的是芝士焗龍利柳意粉 而不是我所點的芝士焗蟹柳意粉於是我向待應問個清楚 她說可能是落單人寫得不好 及後就把搞錯的龍利柳意粉端走最令我意外的是 待應竟然半點歉意 弄得好像是客人錯了第二個十五分鐘後 我要的蟹柳意粉終於端來 我期望至少會有一句「唔好意思」 可惜 待應默不作聲 我和她對望了一眼 她依然沒半點反應 說回這道讓我苦等半小時的芝士焗蟹柳意粉 賣相吸引 可是意粉像幼烏冬 芝士雖足料 味道卻過淡 蟹柳味道亦屬一般貨色 珍珠奶荼非常一般 沒有台灣風味 珍珠缺乏甜味 杯身還有點黏提醒大家 若然點需焗的食物 除了考慮等待的時間也要注意別碰到碟上的碗 因為那真是非一般的燙手 看到碗上也褪色不少 相信已經是「老臣子」了 服務態度確實欠佳 要客人多等十五分鐘竟然沒半句道歉 埋單時連簡單的多謝也懶得說 劣質待客之道 太失望

好耐無係天水圍食飯,琴晚入天水圍搵個朋友傾計,大家食開呢間,於是黎報告一下呢間野愈來愈貴,最平既飯類由2010年既28蚊加到34蚊,搵鬼食咩。不過都有可取之處,就是肉燥飯的做法比較特別,跟一般台灣餐廳有很大分別。但等位等左成三十分鐘先有位,坐又唔舒服,不過呢個場幾乎全部餐廳都好難坐,推介就是這裡的豬頸肉飯,肉汁鮮美,又做得幾快,琴日十分鐘左右就有飯食, 加上珍珠奶茶係呢間既招牌飲品, 要求不高的朋友可以一試,在餐廳來說算頗不錯,珍珠奶茶沒有可挑剔的地方。最後食左34蚊,包一杯珍珠奶茶。但略嫌價錢偏貴且豬頸肉味道單調，材料食材不夠新鮮,用作拌碟的汁好像有些發臭,好似同之前好大分別;0我朋友食一個焗豬扒飯,但我忘了問他好吃與否,單肉眼看就頗不錯,但價錢按近40蚊如果回到以前的價錢,也算不錯的選擇

一心為左食豉油汁飯既我特地叫了台式三式拚盤飯少飯+豉油汁 $36+熱飲一杯點知佢完全無理會咩叩少飯d飯多到丫d餸就ok台式三式拚盤: 金沙骨,雞翼,秘製豬扒金沙骨: 紅色果D, 無軟骨,但味道OK雞翼: 甜甜地幾好食秘製豬扒: 夠淋, 唔炸既為左佢忽視我個少飯和太太太太少豉油我決定比個喊樣佢

難得到天水圍吃午飯，當然在開飯喇！做足功課~ 發現這裡是全天水圍第二高好評的食店，當然要來這裡一試~由於第一次到這個商場，花了不少時間才找到這裡，其中一個原因是因為沿途實在太多人... =.="終於到達這小店，發現原來是開放式的，佔了兩個舖位，無論是門口位或是裡面的位置均是很狹小，座位實在不太舒服~由於很多人，故等了一會才有位置，幸好是兩人，否則可能要等更長的時間~坐下來沒花太多時間便點了食物，主要是看到食評多讚的便試一試~百香果綠茶 - 較甜，百香果的味道不夠香，綠茶味道也淡淡的~草莓奶凍 - 酸酸味味的，很像益力多的味道~豬頸肉魯肉飯 - 看上去很像叉燒，入口肉質較鬆軟，唯味道實在很像燒臘舖的味道，有點甜，白飯份量實在很多，魯肉只夠吃半碗飯而已，魯肉沒有應有的香味，反而有點像梅菜肉碎飯~ 伴菜的豆角反而有驚喜，熱熱軟軟的~芝士焗雞皇飯 - 這個等了差不多20mins才到，賣相不怎吸引，反而芝士焗完後混合白飯一起吃的味道很香口，而雞肉份量也很多，想不到連西蘭花也夠林，不會焗至石頭般硬，這個芝士焗飯不錯，可以一試~唯這裡的服務實在不能有任何的期望，由於工作人員少客人多，她們都已忙得不可

嚟天水圍原因都係因為要探朋友丫約咗三點鐘,咁當然要醫下肚先LA~上次嚟天水圍都想係呢度試架~但因為有大肚婆丫,不方便坐咁逼既地方今次同HONEY 嚟就可以試下嚟到都成3點鐘,可以食下午茶餐呀豬扒炒金仔面 25元連飲品吐司 15元連飲品豬扒炒公仔雖然好抵食,但豬扒好淋呀~ 淋到似食油落去咁~ 但值得一讚就係夠鑊氣丫 吐司就一般LA, 都OK 脆既~至於飲品方品,港式珍珠奶茶,真係無講錯丫, 港式奶茶加入珍珠, 珍珠超淋無口感丫我既芝蔴奶茶似苿香奶茶,有花香味~整体來說就是將貨就價

上OPEN RICE見到天水圍第一食肆，住天水圍１０年的我，當然襯機來試試！Ｄ野食都算唔錯，又唔係太貴，只係好多人，地方好窄好迫．．．男朋友食左豬頸肉肉燥飯，叫左杯香芋珍珠奶茶，好香好正！我叫左芝士焗飯，有魚柳同煙肉！Ｄ芝士同煙肉好香好味，魚柳又滑！叫左杯鴛鴦，落左少少蜜糖，好正啊！！！

呢間野多數會爆位味道係唔錯不過D珍珠奶茶'就真係珍珠+奶茶囉 ..我每次都係去食肉燥飯呢排D肉燥愈黎愈少唉...服務係勁差囉又勁貪錢....唉順帶一提間野勁........試過有隻小強係地下...

同幾位朋友來吃晚飯，來到都有9成滿坐，不過好彩我地都有位坐不用等，約等了二十分鐘左右，食物來到...朋友A：芝士焗雞皇飯+椰香珍珠朋友B：芝士焗龍利柳飯+蘋果綠茶(朋友B話d 芝士好漏)朋友C：煎雞扒肉燥飯+珍珠奶茶 (朋友話肉燥飯唔錯，但珍珠奶茶太甜)朋友D：芝士焗煙肉腸仔飯+香芋珍珠 (其實佢比錯左，本身唔係想食呢個=,=")我：芝士焗龍利柳意粉+柚子蜜 (太多薯仔，份量同龍利柳相約)本人覺得呢道D 焗芝士好香好正，但嫌芝士少左D

一直都有睇開OPEN-RICE,不過懶寫食評,而且本人文筆唔好,無謂獻醜,不過今次真係唔寫唔得一直都覺得呢間餐廳算係呢區最好,而且就腳,所以成日幫襯,而今次比劣評O既原因,係在於服務曾經有1次,見到有客人倒瀉飲品,問侍應可唔可以比番一杯新O既,侍應回應1句,"得,不過要比錢",雖然態度惡劣,不過由於係係客人O既唔小心,都唔可以怪餐廳不過,今日,我去到餐廳,叫左個焗飯半個鐘,身旁O既男朋友都差唔多食完,我地催佢,點知廚房焗窿左,佢問我等多15分鐘可唔可以,但因為我要趕住番學,所以要求取消個餐,然後佢就同我講"唔叫餐,野飲照計12蚊",照理,呢個係餐廳O既錯失,如果客人因此要求取消,佢亦唔應該收費,而且杯野,我咩都未食,所以杯野完全無郁過,仲要收我12蚊,我同佢講,佢仲話"無架,一係你叫餐啦,唔係就收番野飲錢".由於餐廳錯失,令客人白等,客人無義務要再等佢一次,但係佢居然仲話,你唔等又唔換餐O既就計剩飲錢,食完真係一肚氣,以後都唔會再去過學劉華一句,今時今日O既服務態度,係唔夠架

第一位依然係第一位。咁多年嚟質素無變過，係價錢開始偏貴，同埋唔做外賣生意。如果同外面嘅餐廳比，都未必一定會比下去。雖然不是正宗的肉燥飯，但也別出心裁，甚至比起正宗的肉燥飯更為好吃。不得不試試這裡的焗飯，芝士雞皇焗飯(36元)或者是下午茶的芝士雞皇意粉(下午茶會比較便直，22元就可)。珍珠奶茶是以港式奶茶再加珍珠，格外香滑。雞扒飯、豬扒飯及豬頸肉飯的配料頗多，如果女仔到這家餐廳叫一個飯一定會吃不完，建議可以等到下午茶時間(下午二時半開始)，叫芝士雞皇焗意粉試試。也頗便宜，每人只需三十至四十元。惟一可挑剔的是，這裡很不好坐，也經常爆滿，想跟朋友閒聊的話，這裡不是一個好地方，而且上菜頗慢，尤以焗飯為甚。

一直都想知自己住既地方有咩好野食.因為真係唔多覺見到呢間係第一位 而且一直都無去過 咁就想試下今次去就叫左個"燒汁雞翼薯仔焗意粉"評語係 我食唔出係燒汁.而且D汁好"傑" 一PAT 一PAT 令到人好易吃膩雞翼好普通. 薯仔太甜 (我是薯仔超級發燒友)配菜係西蘭花 呢樣野好煩既就係 一做得唔好係會有一浸"臭青"味而佢就係係有食左一半已經係太膩唔想食 但唔肥比較拿手既珍珠奶茶呢 !?奶茶味道唔錯 唔會太甜 珍珠都算正宗 但我唔鐘意太"煙軔"總體來說 下次再去既話 我會揀佢地既肉燥野 可能會有返D希望但今次!? 完全失望了

去濕地公園...所以揀左去天水圍食~~都係第一次去,所以揀左第一位黎食叫左一個豬頸肉肉燥飯,珍珠奶茶,另一個雞扒火腿米,凍蜂蜜綠茶豬頸肉,螢光橙色,d 味道一般...只係pass...但個外貌真係...想死d 肉燥叫ok...只算pass雞扒叫做最好...都幾香口...d 野味都叫ok,又係pass~不過叫左少甜都係好甜呢間所謂既第一位...我諗去到其他地方應該都只係PASS!

其實呢間餐廳幾好食,特別推介佢下午茶有個焗芝士西蘭花煙肉,好好味～但衛生情況差啲，地下唔太乾淨，同埋都幾迫吓。

今日小弟去濕地公園, 到天水圍當然要試試當地的特色食店. 上open rice 見到最多的 good tick 就係這一間, 就去試試吧!肉燥豬頸肉飯 $33 + 焗芝士西蘭花飯 $30 + 碗仔翅 $8 + 百香果紅茶 (椰果底) $5 (連餐加$3有得飲, 加椰果 or 珍珠就加多$2)肉燥豬頸肉飯好足料, 唔會好似有d 台灣店咁得3-4片薄切的豬頸肉, 係8大片厚切豬頸肉!! 加上肉燥味道剛剛好, 不會太鹹, 好快就送左碗飯!而焗芝士西蘭花飯唔記得拍攝, 不錯. 店舖大廚有heart, 唔係白飯底, 而係炒飯底! 上面有10個大小相約的西蘭花, 食肉獸的我也唔會因為係素食而覺得唔好食!! $8 而有咁大碗的碗仔翅, 真係少見. 味道不錯, 但也不是頂級. 木耳絲都幾多, 肉絲就少左d~ 百香果紅茶 (椰果底) 係全餐最差的地方, 開頭好甜 . 但當d 冰融曬之後都可以接受環境就真係好迫, 因為好多人食. 我12:30pm左右到, 今日係公眾假期都要等左10mins 才有位!以後去天水圍, 有人問小弟邊間最好食, 就一定係臺味冰點! 再唔使食連鎖餐廳了!!

今日同屋企人出街食飯，行下行下行左黎呢度食飯。真係幾多人架，可能係假期既緣故啦。我地叫左個雞翼、鹹魚雞粒炒飯，芝士白汁雞皇意粉。雞翼有五隻咁多而且新鮮炸起，皮脆肉嫩。唔算太鹹，雖然係好普通既小食，但普通中總有驚喜既。鹹魚雞粒炒飯另一出色之作，份量好夠。最重要既係好夠穫氣，好耐都未食過咁好味既炒飯。雞粒好大舊之餘又夠味。芝士白汁雞皇意粉等左差唔多三個字，面頭好多芝士呀，而且雞肉既數量都好多。我覺得白汁味好重，而雞肉係一早醃過既。味道同焗飯好夾。而飯就唔錯既，唔會焗到好乾，煙煙韌韌好正呀！凍珍珠奶茶唔使加錢既餐飲，珍珠係用糖水浸過既。而奶茶味唔算太濃，但勝在夠滑，呢樣係台式奶茶既特點啦。呢間野開左咁耐都咁多人，因為食物質素同價錢成正比，真係好難天水圍找到咁好既餐廳。